ساعدوني كيف اكون زوج رومانسي ومثير

[قصيمي مهجن]

اخواني اعضاء منتديات قصيمي نت
انا شاب مقبل على الزواج يعني اهلي قاعدين يفرفرون في كل بيت وعزيمة يدورون وحدة تناسب مزاجي ومزاجهم في نفس الوقت لكن عند اسئلة كثيرة لكل المتزوجين
لأني ودي اصير مثل ابطال الافلام والمسلسلات فتى الاحلام او فارس الحصان
او على الاقل مثل اخوانا العرب اللي نشوفهم في الاسواق في قمة الانسجام والتفاهم الله لايغير عليهم ويبارك لهم

كيف اخلي البنت اول ما تشوفني في النظرة الشرعية طبعا ترتاح لي وتوافق على الزواج
كيف اخليها تتعلق فيني بعد الخطبة او عقد القران
كيف اخليها تموت فيني وتوافق على اي شي اطلبه منها من غير حتى ما اقول
كيف اتحكم فيها واسيطر على تفكيرها واحرمها من (اهلها واخواتها واقاربها وصديقاتها ) وهي راضية وتقول جزاك الله كل خير بعد
كيف اخليها تخدم اهلي وتزورهم يوميا وتتقبل تعليقهم وتنسى اهلها
كيف اكرفها بالنهار والليل بعد طبخ ونفخ وتنظيف وبنفس الوقت تتزين لي وتجذبني وتكون رومانسية جدا معي
ولا ابي اسمع منها إلا كلمات احبك ، اموت فيك ...............الخ كلمة هات وجب ما ابيها
واهم نقطة في الرمانسية كيف اخليها تعطيني بطاقة الصراف وهي مبتسمة وفي قمة السعادة لا وتقول بعد كثر الله خيرك ما قصرت علينا بشي اساساً انا ما اعرف كيف استعملها ويكفي انك ضافني في بيتك
انا اعرف ان الموضوع صعب ان الزوج يكون رومانسي (qq152)

[جمرة غضى]

تبطي عظم

[قصيمي مهجن]

لهذي الدرجة صعب يكون الزوج السعودي رومانسي
18 زائر وما فيه ولا نصيحة واحدة
ولا رجال الجزيرة العربية والصحراء القاحلة تربوا على الجلافة والشدة ما يعرفوا الحب والحنان والعطاء
بعذر اللي تربوا في الغابات الخضراء والطبيعة والانهار والشلالاات والفواكه الطازجة اذا صاروا يعيشون بالحب لين يموتون اذا صاروا (تأبرني ، يا حبيب ئلبي..، شو حلو هاللون عليكي ، ..................الخ )

[أنوثتي..طاغية]

!!!!!!!!!!!!!!!
وشلون تبي تصير رومنسي وانت اصلا افكارك كلها غلط وهذي الدلائل عليها>>>>

كيف اتحكم فيها واسيطر على تفكيرها واحرمها من (اهلها واخواتها واقاربها وصديقاتها ) وهي راضية وتقول جزاك الله كل خير بعد
كيف اخليها تخدم اهلي وتزورهم يوميا وتتقبل تعليقهم وتنسى اهلها
كيف اكرفها بالنهار والليل بعد طبخ ونفخ وتنظيف وبنفس الوقت تتزين لي وتجذبني وتكون رومانسية جدا معي

احسن النيه اولا.... احترمها ثانيا.....اعرف ان لها خصوصيتها مثلها مثلك ثالثا......اعرف ان لها اهل ومعارف ومجتمع نشأت فيه وماراح تنسلخ منه علشان خاطر عيونك رابعا...... واعرف انها مو مكلوفه بهلك هي مكلوفه فيك انت شرعا فقط واذا عطت اهلك وجه يعتبر هذا حسن اخلاق وطيابه خامسا.......

اذا عرفت كل هذولي يمكن يمكن يكون فيك ذره امل في الرومنسيه
وهذا رأيي

[سلطان المغيرى]

عندى ونا ابو هندى اخوى والله انك خفيف دم ورمنسية بسيطة الكلمة الحلوة والمعاملة الحسنة هى قمة الرومنسية
والباقى من التمرس فى الحياة الزوجية وترك الكلام الى يقول سوى وفعل لنة كلام ناس يتعلمون من الافلام ويحطونة لنا فى هذا المنتدى اما عند النظرة الشرعية الصراحة ياخوى هى من سوف ينجيك من اى مشاكل بعدين قل الصراحة ولا تقل غير الصراحة وصدق وتمنى من الله ان يرزقك بمن تخاف الله ولك تحياتى

[اللطيفة]

بصراحة افكارك كلها غلط ْفي غلطواذا كان هذا كلامك عز الله تبي تهج من اول ليلة لانك تبي ملاك حتى فرضا لو تحبك وتدور على رضاك ماتحتكرها 0تبغاها تنسى اهلها وتب اهلك يكفي انت حبهم لحالك وصر هين لين ولاتفكر بحبها لهلك وكرهها لهم لان هذا ليست مطالبة به شرعا

[قصيمي مهجن]

شكر لجميع الاخوة والاخوات اللذين شاركوا سواء كانوا معي اوضدي
لكن محتاج خطوات عملية ابي اعيش مرتاح ما ابي مشاكل واهلي واهلك وهات وجب وقيل وقال
ابي اعيش في حب وسلام طول حياتي اعرف انه مستحيل بس اكيد 90% ممكن
وابي رأي الشباب المتزوجين تكفون لأن الحريم قاموا ضدي

[الشهم]

شكلك طماااااااااااااااااااع صرااااااااااااااااحة
كل هالشغل والحنفقه والمطرسة وتبيها اول ماتشوفك تقول جزاك الله خير
اشوني رجال والا كان علوم يعني عزفت عن الزواج من هالموضوع الجميل

[صبح,,]

اخي قصيمي مهجن ,,

التمس في افكارك نوعاً من الانانيه اذا سمحت لي ..
اذا كنت تريدها ان تحبك حد الجنون فعليك ان تعاملها كما تحب ان تعاملك ,,فالمرأه تشعر وتحتاج وتفرح وتغضب وتحزن وتتالم ,,
مخلوق رقيق جداً بغض النظر عن جنسيتها تحب ان تداعبها بنظراتك وكلماتك وهمساتك وان تشعرها بحبك بكل تصرفاتك وان وبختها وبخها بلطف وبين لها انه من حرصك وحبك لها ,, اما ان طلبت منها امرا فاطلبه بحب ستعطيك ماتريد وتزيد ...

المرأه احساس قبل ان تكون زوجه مطالبه بحقوق وواجبات ,,
هي مثلك تماماً اعطها تعطيك احترمها تحترمك وتحبك ,,

ولك خالص تحياتي وتمنياتي لك بالتوفيق وتغيير افكارك القـــــــــــاســيه

[^^نجديه^^]

كيف اتحكم فيها واسيطر على تفكيرها واحرمها من (اهلها واخواتها واقاربها وصديقاتها ) وهي راضية وتقول جزاك الله كل خير بعد
كيف اخليها تخدم اهلي وتزورهم يوميا وتتقبل تعليقهم وتنسى اهلها
الله يعين حرمه بتورط بك

لا ويبي يصير رومانسي

[أخت القمر]

اخواني اعضاء منتديات قصيمي نت

انا شاب مقبل على الزواج يعني اهلي قاعدين يفرفرون في كل بيت وعزيمة يدورون وحدة تناسب مزاجي ومزاجهم في نفس الوقت لكن عند اسئلة كثيرة لكل المتزوجين
لأني ودي اصير مثل ابطال الافلام والمسلسلات فتى الاحلام او فارس الحصان



او على الاقل مثل اخوانا العرب اللي نشوفهم في الاسواق في قمة الانسجام والتفاهم الله لايغير عليهم ويبارك لهم

كيف اخلي البنت اول ما تشوفني في النظرة الشرعية طبعا ترتاح لي وتوافق على الزواج
هذي من الله ولا خطط العالم تخلي البنت ترتاحلك هي سبحان الله عند القلب لما تشوفه وتشوفك وتحسون بالراحة لبعض خلاص توافق عليك


كيف اخليها تتعلق فيني بعد الخطبة او عقد القران
باسلوبك الحلوصدقن اذا كان اسلوبك حلو راح تنسى الدنيا واللي فيها


كيف اخليها تموت فيني وتوافق على اي شي اطلبه منها من غير حتى ما اقول
تقوله انا احب كذا وكذا واحب اللي تفهمن بدون مااتكلم وهي وشطارته واذا تبيه تحبك موت عامله مثل امك واختك واحترمه ولا تجرحها ولا تهينه


كيف اتحكم فيها واسيطر على تفكيرها واحرمها من (اهلها واخواتها واقاربها وصديقاتها ) وهي راضية وتقول جزاك الله كل خير بعد
لما تكون معه حليل وحبوب راح تنسى الدنيا كله وماتبي الا انت
بس مايجوز تحرمه مثل مالك حقوق هي له حقوق بعدين هذا قطع صلة الرحم واذا حرمته من هذولي اول 6شهور وهي منحاشه
كش رجاجيل (qq115)

كيف اخليها تخدم اهلي وتزورهم يوميا وتتقبل تعليقهم وتنسى اهلها
انت وش فيك ؟اذا تبيه تنسى اهله خذ وحده يتيمه ومقطوعة من شجرة احسن لك
تخدم اهلك اذا كانت بنت اجواد وتعرف الاصول تلقاها حاطتهم على راسه وانت فهمها

كيف اكرفها بالنهار والليل بعد طبخ ونفخ وتنظيف وبنفس الوقت تتزين لي وتجذبني وتكون رومانسية جدا معي
لاحول ولاقوة الا بالله لو انت اخوي كان سطرتك لما تقول بس(q84)

ليش تكرفه انت تبي تتزوج والا تشتغل معذب بنات خلق الله هذي اتركه عليها هي تدري انت مالك دخل انت قله انا مااحب اشم الا الريحة الحلوه وبعض الحريم لما يطبخون مايتنظفون على طول للغرفه وانا مااحب كذا وهي راح تفهم>>الله يعين اللي يبي تاخذك

ولا ابي اسمع منها إلا كلمات احبك ، اموت فيك ...............الخ كلمة هات وجب ما ابيها
يااربي هالادمي رفع ظغطي شلون ماتبيه تقول جب وهات اجل من اللي يجيب ولد جيرانكم المراه له مطلبات لازم تجيبه له او تبي اهلها يجبون وانت بس تاكل وتنام هي بذمتك وش فيك انت وصدقن اذا كنت جاد وتبي تسوي اللي انت تقوله ماعمرك راح تسمع قولت احبك الا تبي تقول اكرهك وياملا فرق وجه


واهم نقطة في الرمانسية كيف اخليها تعطيني بطاقة الصراف وهي مبتسمة وفي قمة السعادة لا وتقول بعد كثر الله خيرك ما قصرت علينا بشي اساساً انا ما اعرف كيف استعملها ويكفي انك ضافني في بيتك
وش دخل هذي بالرومانسية وان شاء الله اذا خذيته ورحت تستعمله تشفطك الصرافة(q84)



انا اعرف ان الموضوع صعب ان الزوج يكون رومانسي (qq152)
اخوي نصيحة من وحده مجربه اول شي اذا انت تتكلم جد ترى كلامك غلط في غلط والله ثم والله ثم والله بكلمه حلوة ومعاملة زينه راح تنسى اهلها وناسها وماتبي بهالدنيا الا راحتك وانت خل ببالك ان المراه تستحي فششوي عليها وسمعها الكلام الحلو وشف طلباته واذا شفته مضايقه خفف عليها وعاملها مثل الطفل خذها بحنية وهي راح تعاملك بنفس الشي واياني واياك تسمع كلام اصحابك او الناس سو كذا واعمل كذا انت عندك عقل زن الامور بعقلك وراح تعرف هم صح والا بس يبون يخربون عليك وتر اغلب اللي يقولون سو كذا بس يبون يخربون حياة الناس حتى ولو كان صديق عمرك

وبصراحة الرومانسية بوادي وانت بوادي واذ دريوا البنات بكلامك هذا مراح تلقى اللي ترضى فيك(qq115)

[ابونواف السفري]

الله يعين الي بتاخذهاشكلك اناني ماتحب الا نفسك

[srst]

الأخ الفاضل
أويد ما جاء في كلام أخت القمر ، ولو كانت لي مشاركة في هذا الموضوع لن تصل إلى مستواها
الزوجة تريد الزوج المحب الذي يحفظها ويستر عليها ويقدرها وهي بالتالي ستكون الزوجة المطيعةالتي تفعل أكثر مايمكنها لكي ترضيك ، إسمع الكلام من مجرب المعاملة الحسنة والعشرة الطيبة وإحترام وتقدير كل منكم للآخر وعائلته سيجعل من زواجكما سعيدا لدرجة أنك الذي ستسعد أكثر منها في بقاءكما مع بعض
أخوك
أبو ماجد

[ريح المسك]

المفروض يكون العنوان : انا بخيل اناني استغلالي وما عندي احساس ..وين القى البنت اللي ترضى فيني؟؟!!
الله يستر.. عسى ما يقربون اهلك من بناتنا..:(

[ice-creamaa]

بل بل بل (qq50) !!!

كل هذي أنانيه الله يهـداك !!

شدعـــــوه ،،
خادمه مو زوجه هذي (qq136) ..

على هالأفكار والله ،،
ابشّر انت من اول شهر مطلق :) ..

الله المستعان (asl) ..

[غدووو]

جد جد لا تعليق....معقولة وصل تفكير الرجل الشرقي والسعودي بالاخص في العلاقة الزوجية بهذي العبودية.....(ekaj)

من ناحية النظرة الشرعية اذا اخلصت النيه وكنت قد بنت الناس الي عمرها ماشافت الا كل الطيب من اهلها ومحتاجة الرجل الي يوقف معها ويكون سند لاهلها ويحترمهم ويوجبهم قبل ماهي تطلب منه لانه احترامه لها من احترامه لأهلها...فهذي سكينه ينزلها الله عليها وعليك(مودة ورحمة)....(a21) ماتحتاج شطارة منك..واتمنى من كل قلبي اذا انت ناوي تستعبدها ان الله ماينزل عليها هذي السكينه...

اما ناحية الامور الاخرى...فنصحك تتزوج شغالة من هذول العمالة الاجنبية واتمنى بعد انها ماتعرف لغة عربيه اكيد بتخدمك زين وهي(a14) ولا عمرها بتقول(qq171).....

ولا تأمل بالحورية في الجنة...ودعو الله ان لا يحرمك منها في الدنيا وفي الآخرة.....لانه شكله هذا الي بيحصل....
حسبي الله ونعم الوكيل.....

[gamy]

اذا بتريد هذة اتزوج وحدة ما تكون سعودية ..............