عاجل جدا [الأرشيف] - منتديات قصيمي نت

المُهرة

07-06-06, 12:10 AM

أشتاق لك يابهجة الروح وأغليك
وارجي وصالك وانتظر واتحراك
حُبي لك أكبر من تصوّر معانيك
ولولاك مالي بالهوى شفّ لولاك
باب الأمل يابلسم الجرح يدعيك
ولو طالت الأيام مادله ولا أنساك
كل الأماني في حروفي تناجيك
أهواك من راسك الى حد ماطاك
ياسلوتي ياعشقي أنا مغرم فيك
وأحلى الليالي باللقاء ساعة ارضاك
أحلى التواصل يوم كفي باياديك
وانظر لعيونك واتحلا محيّاك
سهمك رماني بالهوى دون تشكيك
واضن سهمي يامنى الروح مااخطاك
لك الوفاء والشوق من قلب هاويك
واعداك ياحُبي فدا بسمة اشفاك
وصلك هواي وغايتي في تغليك
ياعشقي طبع الوفا ساس مبداك
انت الغرام ونبض الأشواق يرضيك
وكل الجوارح ياهوى البال تهواك

*.*.*.*.*.*.*.*.*.*.*.*.*.*

يـــــا من خلق ربي إحســاسي على شـــانه
لي في تجـــاهــلك قـــوام الملا معنـــا
و من خــــوفي على حبنــــا قررت كتمــــــــــانه
لـــــــين الله يسير الايــــــام00 وتجمعنــا
*.*.*.*.*.*.*.*.*.*.*.*.*.*
يــا من سكنت أجمل زوايا كيــــاني
يامــــا على نفســـي عشانك تحملت
مـــــرات أحس إنك معـــي شخص ثـــاني
ومــــرات أحس إنك حبيبي ولازلت
عــشــان مـــاضيـــك الجميل وعشـــــاني
حـــــاول تشـــيل من الوفــــا ربع مــا شلت

*.*.*.*.*.*.*.*.*.*.*.*.*.*
انا احبك مابهــــا زيف وخداع
رغم اللي نخفيه واللي نخـــافه
أودعك ليت الالم لحظه وداع
والى مضت ننسى الالم والحسـافه
وافارقك كان السفر يم واشراع
وبعـد الفـــراق اللي نحبه نعــافه
أي و اللذى خلالي عيونك وساع
بدونك تصــــير الارض ضيق وكســافه

*.*.*.*.*.*.*.*.*.*.*.*.*.*
نعم مشتـــاق اظن انت تعرف اكثر اناشفيني
تعرف اني بلا صوتك اعيش بدنيتي مرتــاب
حبيبي صارت ايامي علي موتي تعزيني
وقف نبضي رحل صوتي وعمري في شبابه شاب

.*.*.*.*.*.*.*.*.*.*.*.*.*.*.*

تعبت ادور بين الحب وجروحي وقلب ذاب
مـــــواجع كل ماهـــــــانت الاقي همها يكثـــــر
تعبت اعزي جروحك بقربك والامل كــذاب
تعبت اكرهك من قلبي واحبك اكـــثر واكــثر
احبك رغم جرحي فيك وقلبي ماسلا اوتاب
تزيد جروحك بقلبي وحبك للأسف يكبـــر
*.*.*.*.*.*.*.*.*.*.*.*.*.*
بغيت انساك واتحداك واعيش العمر لحالي
اقول اللي مضى يكفي أبلحق باقي سنينـي
رحلت ادور النسيان مثل غـالي يبي غـــالي
بغيت اكذب على نفسي واقــول انك كرهتينـي
أروح بعيد وارجع لك خيالك كل مــا اومالي
أجيك اركض واخلي الناس مـا اسمــع مـــن ينادينـــــي
أنا وحدي مشيت الدرب بديت احقق امالي
ولقيت اغلى امل انتي من الدنيا يكفينــي

.*.*.*.*.*.*.*.*.*.*.*.*.*.*.*