المساعد الشخصي الرقمي

مشاهدة النسخة كاملة : الى سكري


شريف الشمال
29-05-06, 07:05 PM
لا00 لاتسويها عسى ماعرفناك= ياشين فرقا امثالكم ول مقساه
ينزل على قلب المحبين باشواك= حتى يبين داخل القلب مخفاه
باسمي وعن غيري وهذا وشرواك= كل القصيمي من اوله لاخر اعضاه
نقول لك ياسكري خير وش جاك= ابشر بحقك كاملا مد يمناه
الا الفراق ومدخلينك على ذاك= اللي الانه وده الامر سواه
الواحد اللي شرب الناس واسقاك= حب البشر ماهي صناعه مواراه
لا00 ماتجينا منك يوم الله اعطاك= بعدك رغيف الخبز ان رحت مبغاه

خالد المطيري
29-05-06, 07:16 PM
الله عليك يا شريف الشمال صح لسانك


وأن شاء الله سحابة صيف

المهاجر
29-05-06, 07:16 PM
لو انا من سكري واشوف كاتم الونه وشريف الشمال كاتبين فيني قصايد كان اطق اطنابي هنا ولا اتعدى هالخيمة اللي فيها هالوجيه الطيبه

صح لسانك اخوي شريف

شيهانة
29-05-06, 11:12 PM
شريف الشمال
سطرت فأبدعت
وتبقى الكلمات قليلة بحق سكري
اتمنى ان لا يردنا خائبين
لك مني عاطر التحايا

كاتم الونة
29-05-06, 11:34 PM
صح لسانك يالغالي

شريف الشمال

كفووو../ يالقرم

وافي كما عهدناك

وسكري الشبكة يستاهل اكثر واكثر

لاهنت ولاهان غاليك

وافر التحايا واعذبها

المحب دائما

لمحة خفوق
30-05-06, 07:49 AM
صح السانك

وسكري يستاهل أكثر

تحياتي