المساعد الشخصي الرقمي

مشاهدة النسخة كاملة : *_* تعالو نحيي تـــراث الابــاء والاجــداد *_*


النجديه
29-05-06, 03:28 AM
(qq165) تعالو نعيش أيام زمان ولو دقائق

:t006hgf:

كيف الحال يا أعضاء ويا عضوات (a21)

اليوم جبنا لكم موضوع جديد وأتمنى انه يحوز على رضاكم وإعجابكم وحبينا نختبر

ثقافتكم ومعلوماتكم في التراث الشعبي اللي هو تراث أبائنا وأجدادنا ..

المسابقة أو المشاركة في الموضوع هو عبارة عن كلمات راح اطرحها لكم هالكلمات

عبارة عن أشياء وأغراض كانو يستخدمونها في قديم الزمان مثل مسميات الأواني أو

الآلات الزراعية أو أي شي كانو يستخدمونه سواء من كلمات أو أماكن يعني ( راح

ننبش (qq168) الماضي ونطلع كلام أبائنا وأجدادنا ) بس بالامانه اللي يشارك في الموضوع لا

يسأل أمه ولا جدته عن المسميات يعني نبغا نشوف مدى أصالتكم ومدى تمسككم

بعبق الماضي ( يمديكم على عبق الماضي <<<< عندها مواهب بس محد اكتشفها (vv) )

يلا عاد خلونا نشوف طشارتكم ومدى تمسككم بتراث الآباء ولو شفت منكم تفاعل

راح انزل كل أسبوع كلمات جديدة وانتم تكتشفون وش هالكلمات وش تعني , عاد

الفائز اللي يجاوب على جميع المسميات له جائزة . (qq39)

الجائزة الأولى والكبرى / حلاو بقر (dhdddgds)

الجائزة الثانية / قريض

الجائزة الثالثة / أقط ( مضير )

كذلك بما انو فيه جوائز للفائز فيه عقاب لخاسر (qq149) الدجه اللي ما يعرف شي عن تراث ابائه واجداده ..

العقاب الأول / يروي من القليب ويسقي جميع الأعضاء والعضوات ( حطو في بالكم انكم بتروون في القايله (qq152) )

العقاب الثاني / يلقح ويحش في نخل أبوه ( حطو في بالكم انه في القايله بعد (qq166) )

العقاب الثالث / يسرح بالغنم ( كذلك في القايله )

<<<<<<<< ما عندها يمه ارحميني (q12) في سبيل المحافظة على الموروث الشعبي في ظل التطور والعولمة .

الكلمات طول الله عماركم :

الجابيه / .................................................. ......

المجبب / .................................................. .....

منسفه / .................................................. .....

القفــه / .................................................. ......

الحجول / ..................................................

الميقعه / .................................................. .

المعصاد / .................................................

عاد انتم وشطارتكم توقع وش هالمسميات له , عاد انا اتوقع أي واحد من أهل نجد راح يعرف اغلب المسميات .

أتمنى لكم قضاء أجمل وأمتع الأوقات في ظل إحياء الموروث الشعبي . :D

كاتم الونة
29-05-06, 12:41 PM
هههههههههههههههههههههه

الله يستر :D

بالقوايل بعد؟ (g)

//

الله يعين عليك يالنجدية..أم شىء لا تستعملين المعصاد في العقاب :D
/
/


الجابيه / البركة..(البرتسة) او مجمع الماء..( الله من الشبا) :D

المجبب / هو الممر..او السيب..// والبعض يسمي المجلس مجبب

منسفه / لنسف العيش..(البر..القمح) وتصفيته لتخرج الشوائب

القفــه / سله مدوره ولها غطا..والبعض يضع قرعة مجوفه (كـ سلة )

الحجول / هي الخلاخل..التى تلبس في القدم..( ونهى الشرع عن اظهار صوتها بين الرجال للمرأه )

الميقعه / ماعون خشبي..

المعصاد / عصا غليظة لتحريك الجريش وما شابه ( ويصلح للمضاربة بين الازواج) :D
/
/
/

هااه... اصلح تراثي.؟ :D

تحية وتقدير على هالافكار الاكثر من رائعة

اخوك:)

بونواف
29-05-06, 12:55 PM
هههههههههههه

موضوع راااااائع ومشوق وجميل

لكن المفروض انا وانت ياكاتم مانشارك


تعرف للسن احكام ، :)

ونخلي المواهب الصاعده تاخذ وقتها في التفكير والقوقله

المهم انا وكاتم نبي حلاو بقر ، واهم شي مايصير يابس ..(a14)



ايه نسيت اقول لكم

هذه احدى استخدامات المعصاد للي مايعرفه من الأحداث

(q43)

وهذه ايضاً

(as15j)

عاشق نجد
29-05-06, 01:09 PM
هلا وغلا ببنت الباديه

الصراحه ماعرفت من هاذي الاشياء الا ثلاث اشياء وممكن فيه اختلاف في الكلمات من منطقه الى منطقه
مثلا يعني يعني مثلا
المعصاد عندنا اسمه المصواط وهو يستخدم لحرك العصيده وعساه ما يوقع في راس صديق
الحجول كانت تصنع من الفضه مثل الغوايش ولكن يكون الحجل مفتوح من جهه ويلبس في المعصم وكانت قديماً هي المهر يعني لازم يكون يقدم الزوج حجول لزوجته ولا ننسى الزوليه
المجبب وهو مدخل البيت مثل الصاله يعني تكون بين غرفتين ومفتوح من جهتين ويكون الجلسه فيه اكثر الوقت في القايله

وكما ذكرت فيه اختلاف في مسميات الاشياء من منطقه الى منطقه وارجوا السموحه اذا كان كلامي ما هو بصحيح لاني صراحه ما اتحمل الشمس في القايله وخصوصا هاذي الايام

كاتم الونة
29-05-06, 05:39 PM
هههههههههههه

موضوع راااااائع ومشوق وجميل

انت اجمل ياحلووووو

لكن المفروض انا وانت ياكاتم مانشارك

تعرف للسن احكام ، :)

للسن احكام؟؟ الله يعينك اجل يدق لك الماء (gfp)

ونخلي المواهب الصاعده تاخذ وقتها في التفكير والقوقله

قوقله بها القوايل ههههههههه (gfp)

المهم انا وكاتم نبي حلاو بقر ، واهم شي مايصير يابس ..(a14)

حلاو البقر امممممممم لكن مايصلح بهالقيض يصلح في المربعانية وعلى خط الصمان (asj)

انا ابي بسكوت ابوميزان (gfp)

ايه نسيت اقول لكم

هذه احدى استخدامات المعصاد للي مايعرفه من الأحداث

(q43)

وهذه ايضاً

(as15j)

ههههههههههههههههههههه

الله يرجك يالغالي (gfp)

ميت من الضحك ./ اجل المعصاد شغال عندك (q33)

هههههههههههههههههه

محبتي (q47)

النجديه
29-05-06, 06:11 PM
كاتم عيني في عينك اكيد ما سألت امك ولا جدتك (a26)

بس شكلك خبره في التراث مثلي يا كاتم :)

المعصاد / عصا غليظة لتحريك الجريش وما شابه ( ويصلح للمضاربة بين الازواج

ههههههههههههههههههههههههههههههههههه الله يقطع بليسك اي مضاربه انت ناوي تذبحهم

هااه... اصلح تراثي.؟

ما نيب مجاوبه عليك لحد ما اشوف ثقافة الاعضاء (asl)

تسلم على هالمشاركه والمداخله معنا

يعطيك العافيه يارب

النجديه
29-05-06, 06:15 PM
المهم انا وكاتم نبي حلاو بقر ، واهم شي مايصير يابس ..

ليش مالكم سنون يا ابو نواف ههههههههههههههههههههههههه

ابشر بالخير ياخوي سواء انت الفائز والا كاتم تقاسمو حلاو البقر (a24)

تسلم على المرور المشاركه الرائعه (qq172)

النجديه
29-05-06, 06:19 PM
وكما ذكرت فيه اختلاف في مسميات الاشياء من منطقه الى منطقه وارجوا السموحه اذا كان كلامي ما هو بصحيح لاني صراحه ما اتحمل الشمس في القايله وخصوصا هاذي الايام

الشمس فيك فيك الله لا يعوق بشر :hgfyhg14k

بس يمكن نسامحك عشانك جاوبت على بعض المسميات (zm)

يعطيك العافيه يا عاشق نجد على هالمشاركه والمداخله الرائعه

ما قصرت ياخوي

المُهرة
29-05-06, 06:36 PM
وش هالزين خيتووووو
مشاركة مشاركة الله لا يعوقني بشرووون
يا حبي لتس يا النجدية ياللي دليتني على هالموضوع التراثي الحلوووو

بروح افطر وارجع بإذن الله

:)

بونواف
29-05-06, 06:43 PM
وش هالزين خالوووو
مشاركة مشاركة الله لا يعوقني بشرووون
ويا حبي لتس يا النجدية ياللي دليتني على هالموضوع التراثي الحلوووو

بروح افطر وارجع بإذن الله

:)

ماشاء الله تبارك الله

لاتنسينا من دعوتن سنعه



وعلى طاري الفطور .....

نذكركم ببعض الاشياء القديمه

التوت ، شراب سائل احمر اللون ، يشربه الناس فإرمضان فقط .
والبعض يسوي منه عسكريم في باغات ، ويبيعون الباغه بربع (qq166)

والسنوبسه ، معوفه طبعاً ذيك المثلثه ..

والتطلي ... .. هذا الخطير

وله استخدمات اخرى غير الاكل .. كاتم فاهمني يالغالي.. صح (zm) !! ،
واللقيمات ، والشوربه ، الخ الخ الخ ...

هذي مداخله على الطاير ,,

والا برجع بعلق على ردود الربع اللي فوووووووق (qq166)

النجديه
29-05-06, 06:50 PM
يا حيا الله المهرة

بروح افطر وارجع بإذن الله

فطور العافيه ان شاء الله

احنا في انتظارك

النجديه
29-05-06, 06:55 PM
والبعض يسوي منه عسكريم في باغات ،

يااااااااااااااااااااااااااطعمه (q69)

والله له ذكرى هالتوت خاصه اذا طلعت كيس هالتوت من الفريزر يتدحرج وطاع على رجلك وصفريت (q69)

عاد له طعم خاص وانت تاكله في الحوش (qq168) هههههههههههههههه

بونواف
29-05-06, 07:06 PM
يااااااااااااااااااااااااااطعمه (q69)

والله له ذكرى هالتوت خاصه اذا طلعت كيس هالتوت من الفريزر يتدحرج وطاع على رجلك وصفريت (q69)

عاد له طعم خاص وانت تاكله في الحوش (qq168) هههههههههههههههه

ههههههههههه

بس في عذروووووب شرعي !!!


يفضحك انت وبراطمك الحملاااااااااااا!!(qq122)

على بالك جاي صااااااايم !! ومسوي فيها عطشان وتعبان :(


ومن يشوووفون خشيشتك يدروون إنك مسوووويها (qq166)



(zm) راجعين باذن الله مع شوربة المهره واللومي الاسود

المُهرة
29-05-06, 07:29 PM
ماشاء الله تبارك الله

لاتنسينا من دعوتن سنعه

المرة الجايه إن شاء الله
افطرت وقضيت
هههههههههههههههههه



وعلى طاري الفطور .....

نذكركم ببعض الاشياء القديمه

التوت ، شراب سائل احمر اللون ، يشربه الناس فإرمضان فقط .
والبعض يسوي منه عسكريم في باغات ، ويبيعون الباغه بربع (qq166)

ترا هالعسكريم عندنا بقسمنا
نبيعه سيروا علينا فيذاك
نبيع اربع بريال والخامسة مجاناً :gg4mpup:

والسنوبسه ، معوفه طبعاً ذيك المثلثه ..

والتطلي ... .. هذا الخطير

الله يا زينه زيناه
بروح اصلح تطلي واجيب لكم فيذا (qq172)

وله استخدمات اخرى غير الاكل .. كاتم فاهمني يالغالي.. صح (zm) !! ،

هاه
وشوووو (qq50)

واللقيمات ، والشوربه ، الخ الخ الخ ...

هذي مداخله على الطاير ,,

والا برجع بعلق على ردود الربع اللي فوووووووق (qq166)

رح وعلقهم هم مع اذانهم (ghqv)

النجديه
29-05-06, 07:45 PM
ترا هالعسكريم عندنا بقسمنا
نبيعه سيروا علينا فيذاك
نبيع اربع بريال والخامسة مجاناً

والله العرض مغري يالمهرة ههههههههههههههههههه

المُهرة
29-05-06, 07:47 PM
(qq165) الكلمات طول الله عماركم :

الجابيه / البركة

المجبب / مدخل البيت

منسفه / هي اللي ينحط فيها القرصان <<< تقوله أمي

القفــه / تتكون من خوص وهي اللي يحطون الناس فيها اشياءهم ويعلقونها في النخلة ولا في أي مكان

الحجول / نوع من الحلي يا من الفضة ولا الذهب توضع في العضد ولا الذراع وبعض الناس في الأرجل

الميقعه / تصنع من الخشب ويوضع فيها الأكل

المعصاد / يصنع من الخشب وهو عامود يحرك فيه الجريش والهريس والسليق << اشتهيت سليق

:D

يا حوبي لتس يا نجووده
وسعتي صدورنا اللي يوسع صدرك بالعافية والعمل الصالح :)

المُهرة
29-05-06, 07:51 PM
والله العرض مغري يالمهرة ههههههههههههههههههه
شفتي يا وخيتي
زورونا تجدووون ما يسركم ويشبع بطوونكم :)
ههههههههههههههههه

المهاجر
30-05-06, 11:44 AM
ما تركتوا لنا شي :)

ام أيمن
30-05-06, 12:40 PM
صباح الخير النجدية انا جيت

:D

اليك الاجوبه وخلي بالك انا شاطرة بمعرفة نوادر الثقافه الشعبيه لجميع الدول

خاصة دولة نجد

(a14)

الجابيه / البركة..(البرتسة) او مجمع الماء..( الله من الشبا) :D

المجبب / هو الممر..او السيب..// والبعض يسمي المجلس مجبب

منسفه / لنسف العيش..(البر..القمح) وتصفيته لتخرج الشوائب

القفــه / سله مدوره ولها غطا..والبعض يضع قرعة مجوفه (كـ سلة )

الحجول / هي الخلاخل..التى تلبس في القدم..( ونهى الشرع عن اظهار صوتها بين الرجال للمرأه )

الميقعه / ماعون خشبي..

المعصاد / عصا غليظة لتحريك الجريش وما شابه ( ويصلح للمضاربة بين الازواج) :D


هذه اجوبتي على الاسئله كان ناقلها مني كويتم

(a21)

خلي البال
31-05-06, 06:39 PM
السلام عليكم ورحمة الله وبركاته ..
مساء الخير ياخاله انشاالله تكونين بخير .. طبعا فكرة المسابقة فكره ذكيه وخطيره علشانها جديده من نوعها .. بس فيه مشكله زغنونه وهي ان أغلب الكلمات تقريبا معروفه أو متداوله في منطقة نجد يعني اللي في الشمال أو الجنوب يمكن يعرفون بعض الكلمات لوجود شبه بسيط في بعض الكلمات ... واللي في الغربيه اغسل يدًك يعني مافي أمل يعرفون معنى أي كلمه .. وهذا هو الظلم بعينه وعلمه .. علشان كذا احنا زعلنا لانه ما في لا حلاو بقر ولا يحزنون .. ترضين كذا ..

ورغم هذا أنا بحاول أجاوب اللي أعرفه والترجمه راح تكون شماليه وخلاص مابي هديه .. لا تحلفين..
الجابيه: مفرد جوابي وهي أحواض يملأ بعضها بالماء وبعضها بالعلف وتستخدم للبهم..
منسفه: وهي ما يعرف حاليا بالسفره(سفرة الأكل) وهي عبارة عن مفرش من جلد أو حصير أو بلاستك.
القفه: ويطلق على كبير السن لما ينحني ظهره .. وأحيانا على الهزيل من الغنم..
الحجول: الخلاخل ..
الميقعه: وتسمى الان المطرقه..وهي المدقه وكانت تصنع من الخشب وتستخدم لدق الأوتاد ..
وباقي الكلمات سلميلي عليها والله ما اعرفها (ترى كل الترجمه السابقه هي بلهجة أهل الشمال من جهة الحفر ورفحا وعرعر وطريف والقريات وتبوك ..).

النجديه
01-06-06, 03:25 AM
علشان كذا احنا زعلنا لانه ما في لا حلاو بقر ولا يحزنون .. ترضين كذا ..

انت جاوب اللي تقدر عليه ومالك الا طيبة الخاطر ياخوي

اقول ياخوي الجابيه هي اللي حول الاجابه والا الباقي سلملي عليهم على قولك (qq168) هههههههههههههههههههه

(ترى كل الترجمه السابقه هي بلهجة أهل الشمال من جهة الحفر ورفحا وعرعر وطريف والقريات وتبوك ..).

يالله حي اهل الشمال ولهجتهم بس يا خوي تعرف فيه عندنا وعندكم بعض المسميات نفس بعض بس الاستخدام مهوب حول بعض (qq18)

هههههههههههههههههههه

اقول ابوشق استعد للعقاب بس (qq166)

الله يعينك على القوايل (qq152)

النجديه
01-06-06, 03:39 AM
منسفه / هي اللي ينحط فيها القرصان <<< تقوله أمي

يعني سألتي امك يا المهرة وانا وش اقول اقول لا تسألون احد ههههههههههههه

الله يعينك على القايله يالمهرة (ghqv)

يا حوبي لتس يا نجووده
وسعتي صدورنا اللي يوسع صدرك بالعافية والعمل الصالح

امين الله يوسع صدورنا جميعاَ

تسلمين يالغاليه على هالمشاركه الرائعه والتفاعل معنا

النجديه
01-06-06, 03:46 AM
ما تركتوا لنا شي :)

حيالك اخوي معنا

شارك خلينا نشوف مدى ثقافتكم ومدى تمسككم بتراث :d

النجديه
01-06-06, 03:52 AM
اليك الاجوبه وخلي بالك انا شاطرة بمعرفة نوادر الثقافه الشعبيه لجميع الدول

خاصة دولة نجد

ايه هين بس يا سفيرة صدقت انا هههههههههههههههه باين انك ما غشيتي ابد من كاتم (qq10) هههههههههههه



هذه اجوبتي على الاسئله كان ناقلها مني كويتم

الله يهديه كاتم ما يعترف بحقوق الطبع محفوظه ابد (hjh) ههههههههه

تسلمين يالغاليه على هالمشاركه الرائعه معنا

يعطيك العافيه يارب

المُهرة
01-06-06, 04:23 AM
يعني سألتي امك يا المهرة وانا وش اقول اقول لا تسألون احد ههههههههههههه

الله يعينك على القايله يالمهرة (ghqv)

تسلم عليتس أخت كاتم الونة
واللي هي أمي
وتقول مشيها لبنتي الله يمشيتس على السراط المستقيم وأنتي ثابته يوم الدين (q47)

القايلة ولا حمار القايلة
ههههههههههههههههههههههه

(q62)

المُهرة
01-06-06, 04:25 AM
صباح الخير النجدية انا جيت

:D

اليك الاجوبه وخلي بالك انا شاطرة بمعرفة نوادر الثقافه الشعبيه لجميع الدول

خاصة دولة نجد

(a14)

الجابيه / البركة..(البرتسة) او مجمع الماء..( الله من الشبا) :D

المجبب / هو الممر..او السيب..// والبعض يسمي المجلس مجبب

منسفه / لنسف العيش..(البر..القمح) وتصفيته لتخرج الشوائب

القفــه / سله مدوره ولها غطا..والبعض يضع قرعة مجوفه (كـ سلة )

الحجول / هي الخلاخل..التى تلبس في القدم..( ونهى الشرع عن اظهار صوتها بين الرجال للمرأه )

الميقعه / ماعون خشبي..

المعصاد / عصا غليظة لتحريك الجريش وما شابه ( ويصلح للمضاربة بين الازواج) :D


هذه اجوبتي على الاسئله كان ناقلها مني كويتم

(a21)
8
8

يا ناس أحب هالمخلووووقه
الله يسعدها دنيا وآخرة

سف سف
لا تغشين من خالي
ولا ترا بالاب توب بكبرة (asj)

المُهرة
01-06-06, 04:28 AM
يا حيا الله المهرة



فطور العافيه ان شاء الله

احنا في انتظارك
الله يحييس يا وخيتي
والله يعافيتس يا الغلا
<<< توها تنتبه لردتس عقب يومين (wtg)

كاتم الونة
01-06-06, 04:50 AM
8
8

هههههههههههههه

مفهيه هههههههههههههههه

سف سف ... غشاشة ههههههههههههه

تعالي يالمهرة شوفي قسم الالغااز الجديد

وانتِ ماهر ومبدعة فيها:)

كاتم الونة
01-06-06, 04:56 AM
كاتم عيني في عينك اكيد ما سألت امك ولا جدتك (a26)

بس شكلك خبره في التراث مثلي يا كاتم :)


هاااه شوفي عيوني (qq60) <<< حشى مصطوع بمعصاد هههههههههه

سألت امي وقالت .. شو بدك هههههههه (q83) ههههههههه (q83)

وعرفت ان مافي الحمض احد ههههههههههههههههههههه

وسألت جدتي وقالت... ابي شمس ابي مطر هههههههههه (q83) هههههههههه (q83)

وعرفت انها خارج التغطية ههههههههه (q83) ههههههههههه (q83)


ههههههههههههههههههههههههههههههههههه الله يقطع بليسك اي مضاربه انت ناوي تذبحهم

انا قلت بين الازواج ومن سبق فلق ههههههههههه (q83)

ما نيب مجاوبه عليك لحد ما اشوف ثقافة الاعضاء (asl)

تسلم على هالمشاركه والمداخله معنا

يعطيك العافيه يارب


طيب طيب ../ ترى مابي حلاو بقر.... (a27)

ابي برنيت ولا بسكوت السعادة او مينو بموز (q83) (q83)

وكانتس بتحجين هالسنة جيبي لي سيارة ونان ههههههههههههه

//

الله يسلم عمرك يالنشمية

المُهرة
01-06-06, 04:58 AM
8
8
خالووووو
تسنك داري أني بسير عليه
أنت تامر وأنا اطامر يا أخو أمي
وما تجي تنكتي شي عند تنكتك
هههههههههههههه
<< يقالها بتمدحك

كاتم الونة
01-06-06, 05:01 AM
8
8

لاحوووووووووووول تنك هالحزة هههههههههههه

لاتكفيت لاتطامرين ترى سيراميك القسم جديد واخاف يهضم ههههههههههههه

حيااااااااااااااااااااااااااك مهرتناااااااااااااااا:)

النجديه
01-06-06, 05:29 AM
تسلم عليتس أخت كاتم الونة
واللي هي أمي

الله يسلمك واياها من كل شر

تكفين حبي لي راسها

المُهرة
01-06-06, 05:33 AM
8
8

لاحوووووووووووول تنك هالحزة هههههههههههه

لاتكفيت لاتطامرين ترى سيراميك القسم جديد واخاف يهضم ههههههههههههه

حيااااااااااااااااااااااااااك مهرتناااااااااااااااا:)
عاد وش اسوي
التنك فينا فينا
بنت وخالها
ههههههههههههههههه

ولا تخاف منيب اطامر على السراميك
بس ادربق
تركت تركت ولا دربق دربق

والله يحييييييييييييييييييييييييييييييييييك شاعرناااااااااااااااااااااااا

:)

المُهرة
01-06-06, 05:36 AM
الله يسلمك واياها من كل شر

تكفين حبي لي راسها
وياتس يا وخيتي
وابشري من يمطخ راسها مطختن سنعه
يا حبي لتس يا النجدية :)

النجديه
01-06-06, 05:40 AM
طيب طيب ../ ترى مابي حلاو بقر....

ابي برنيت ولا بسكوت السعادة او مينو بموز

هههههههههههههههههههههههههههههههههههههههههههههههههه هههههه

طيب يا كاتم بعطيك بسكوت ابو ميزان مع حلاو البقر بس بشرط تربص البسكوت بمويه تحت البراده قبل ما تاكله (q83)

<<<<<<<<<<<< تذكر ايام الطفوله (qq166) هههههههههههههههههههههههههههه

كاتم الونة
01-06-06, 05:46 AM
88
ههههههههههههههههههههههه

لا بربصه تحت الزير هههههههههههههه

المُهرة
01-06-06, 05:51 AM
طيب أنا أبي بسكوت السعادة
بغطه على الشاهي

النجديه
01-06-06, 06:13 AM
طيب أنا أبي بسكوت السعادة
بغطه على الشاهي

المهرة بتربصينه معنا في الماء والا ما راح نعطيك هههههههههههههههههههههههه (q83)

إبن دواس
01-06-06, 06:13 AM
الله يعطيك العافيه يالنجديه

فكره حلوه لكن تعرفين راحوا الأولين وراح التراث معهم هذا بالنسبه لي

وأنا ماعرف غير المجبب :اللي هو المجلس اللي تكون جهه منه مفتوحه على الحوش

والله يستر من التعليق !!!!

المُهرة
01-06-06, 06:49 AM
المهرة بتربصينه معنا في الماء والا ما راح نعطيك هههههههههههههههههههههههه (q83)
امري لله
اربصه في فنتو أن بغيتوا
بس عطوني اياه
هههههههههههههه

كاتم الونة
01-06-06, 06:53 AM
8
8
وشو عقبه هونا

تبين نربصه في قاز ؟ ولا اقعدي

ههههههههههههههه

المُهرة
01-06-06, 07:16 AM
8
8

لا
القاز يشب بتسبدي
<<< تسبدها فتيله
بنزين يمكن
ههههههههههههههه

عاشق نجد
01-06-06, 06:43 PM
الأخت النجديه
ممكن تقولينا انتي وش هالكلمات تعني وضحي اكثر عشان تكون الفكره كامله للي ما يعرفها وخصوصاً الحجول هل هي تلبس في اليد او في الرجل
شاكر لك مجهودك الفعال والمتميز
اخووووووووك/ عاااااااااشق نجــــــــــــد

النجديه
02-06-06, 03:36 AM
الله يعطيك العافيه يالنجديه

فكره حلوه لكن تعرفين راحوا الأولين وراح التراث معهم هذا بالنسبه لي

وأنا ماعرف غير المجبب :اللي هو المجلس اللي تكون جهه منه مفتوحه على الحوش

والله يستر من التعليق !!!!

احنا عارفين انهم راحو الله يرحمهم والباقي منهم الله يذكره بالخير بس احنا نبغا نجدد التراث ونعيش فيه يا ابن دواس (q33)

ما اقول الا الله يعينك على القوايل ابن دواس (qq168)

لا وبعد ابشرك انت بذات راح يطبق عليك كل انوع العقاب يعني الله يرحمك في هالقوايل ههههههههههههههه

يعطيك العافيه ياخوي على هالمرور الرائع والمشاركه معنا

النجديه
02-06-06, 03:59 AM
الأخت النجديه
ممكن تقولينا انتي وش هالكلمات تعني وضحي اكثر عشان تكون الفكره كامله للي ما يعرفها وخصوصاً الحجول هل هي تلبس في اليد او في الرجل
شاكر لك مجهودك الفعال والمتميز
اخووووووووك/ عاااااااااشق نجــــــــــــد

ياخوي عاشق لا تستعجل على رزقك انا راح اشرح لكم كل شي بس لحد ما اشوف اجابات الاعضاء وثقافتهم

اذا قلت الاجابه وشرحت لكم راح اعلم باقي الاعضاء ايش هالمسميات تستخدم فيه (qq136)

النجديه
04-06-06, 06:17 AM
الف الف الف مبرووووووووووووووووووووووك :501hhhg9:

:t110fd:

للفائز كاتـــــم الـــونــــــــــــــــه

كانت الاجابه على المسميات اجابه نموذجيه يستاهل عليها الدرجه الكامله (q62)

الجابيه / البركة..(البرتسة) او مجمع الماء..( الله من الشبا)

المجبب / هو الممر..او السيب..// والبعض يسمي المجلس مجبب

منسفه / لنسف العيش..(البر..القمح) وتصفيته لتخرج الشوائب

القفــه / سله مدوره ولها غطا..والبعض يضع قرعة مجوفه (كـ سلة )

الحجول / هي الخلاخل..التى تلبس في القدم..( ونهى الشرع عن اظهار صوتها بين الرجال للمرأه )

الميقعه / ماعون خشبي..

المعصاد / عصا غليظة لتحريك الجريش وما شابه ( ويصلح للمضاربة بين الازواج)

بس ابغا اوضح ان القفه تصنع من الخوص وهي مخروطية الشكل ويستعملونها غطاء للقدر او الصحن

وتستاهل ياخوي حلاو البقر مع القريض مع الاقط مع بسكوت ابو ميزان زياده ( بس بشرط تاكله مثل ما اتفقنا (qq168) )

عاد لاتنسى تعطي ابو نواف من حلاو البقر ترى انا واعدته انك تقاسم انت وياه الحلاو بس الله يهديه ابو نواف راح وخلانا (q78)

اتمنى من الاخوه والاخوات اللي ما حالفهم الحظ هالمره وما حصدو الجوائز نتمنى انه يحالفهم مره اخرى واللي يبغا

يعرف ايش منعى المسميات بالضبط يطالع جابة كاتم النموذجيه الله يحرسه من العين (q41)

انتظرونا وترقبو المسميات الجديدة [/COLOR]

جهام
04-06-06, 12:49 PM
النجديه ارجو ان تكون بصحة جيدة وانني اشك في ذلك لانه في يوم 29/5/2006م وقت كتابة موضوعك كانت الحرارة شديدة في نجد واعتقد اثناء خروجك او نزولك من المجبب تعرضت لاشعة الشمس وبالتالي دخلت في غيبوبة ومن واقع ملاحظتي للذين يدخلون بالغيبوبه يقومون بالتفكر في الماضي الذي عايشوه .
كل الاسماء اعرفها الا
نستمع لكاتم يشرح القفه فيقول
القفــه / سله مدوره ولها غطا..والبعض يضع قرعة مجوفه (كـ سلة )

اللهم لك الحمد ويش يبي هذا مزعجنا بالالغاز وبالشعر حتى ذولي يعرفهن ام سالفة القرعة كبيره ياكويتم ان كانت صحيحة فانني اجزم ان انشتاين جذوره نجدية لا تزعلين ماهو بانتي لا تحسبين انه يقربلتس اخاف تحلمين انتس ام لانشتاين تراي اقصد نجد

اسمعوا التعقيب النجدية الظاهر انتم لا هالحين في عام 1346هـ الله من زين التوضيح وشلون تجتمع خوص ومخروطية
(بس ابغا اوضح ان القفه تصنع من الخوص وهي مخروطية الشكل ويستعملونها غطاء للقدر او الصحن )
اذا ممكن فضلا لا امرا ( اقرب صحية على قولتكم) تورحين انتي وكاتم ياخذون من انسجتكم ونحفظها حتى بعد عمر طويل نستنسخكم
لانكم فلتة زمان .
ماباليد حيلة لو اقدر اطربل الشمس طربلته هذا وتونا الصيف مادخل وهذي سواياتس يالنجدية .
اللي موسع الصدر ان ربعكم ماهم بواجد والا ضعنا .
هالصحيح يبي يصدق هالشكر والتقدير ويبي يحل جميع الاسماء اقول اركدوا.
اقتراح لادارة المنتدى الموقرة يجب التدخل الفوري و يجب (qq20) مثل هذه المواضيع والا سوف نكون مثل هذاو سنتصرف لا اراديا وسنكون قريبا مثل هذا (qq84) (qq84)
نعم بكل تأكيد طرح مميز وجدير بالا ستمرار ياراويتنا المميزه . اقدم شكري وتقديري للفكرة وصاحبتها لا اقول الا بارك الله فيك ايتها الاخت العزيزة (thumbs_up (thumbs_up
ادامك الله ووفقك الله الى كل خير
اخوك
جهام

كاتم الونة
04-06-06, 02:11 PM
8
8
88888888888888888888888888

ههههههههههههههههههههههههههههه

بسيطة يالمنتهي..بسيطة..دواك عندي وانا كاتم

كل هذا لانك ماتعرف علوم اهل نجد

خلك في .. الزعترات..زهورات ..خواريف...يؤبرني . هيك,, شو..

ماعليك شرهة وانت ودمجتك اللى كنها قفة ههههههههههههههههه

الحين ..مولع فينا ضو والاخير تقول موضوع ممتاز ههههههههه

ياخي خف الله فينا واركد ووضح الموضوع واجابتنا حلوات

ولا لا هههههههههه قلب راسي الله يقلب رويسك ههههههههههههه

واللي قاهرني تغيب وتغيب وتغيب ثم تعود وتحوس افكارنا وتششت انسجامنا

جهيّم...الظاهر انت اللى متعرض للشمس مش النجدية

والمشكلة حتى لو تتعرض للبرد برضوه غثيث وفاقد الذاكرة هههههههههه

وين النجدية..تشوف الهجوم من الجناح الايسر بقندرة وحدة هههههههههههه

دواك عندي يابوصعرور هههههههههههههه

النجديه
04-06-06, 07:13 PM
وين النجدية..تشوف الهجوم من الجناح الايسر بقندرة وحدة هههههههههههه

لا تخاف يا كاتم انا جيت وبسويها مرتده في راس جهام على طول (a14) ههههههههههههههههه

النجديه
04-06-06, 07:33 PM
النجديه ارجو ان تكون بصحة جيدة وانني اشك في ذلك لانه في يوم 29/5/2006م وقت كتابة موضوعك كانت الحرارة شديدة في نجد

بالعكس كان الجو في نجد رائع كانت السماء ملبده بالغيوم والثلوج تتساقط واكبر دليل على ذالك اني انا وكاتم نتزلج على الثلوج

من عند الجابيه (a14) خخخخخخخخخخخخخخخ

الله من زين التوضيح وشلون تجتمع خوص ومخروطية

انت تلومني ياجهام يوم اقول مخروطيه محد عرف هالمسميات الا كاتم كل هاللي داخلين الموضوع من جيل النيدو الله يخلف بس وين

يعرفون هالمسميات معه والا مهوب من جيل النيدو صار للاسف مهوب من نجد وما يعرف المسميات (ask) هههههههههههههه

اذا ممكن فضلا لا امرا ( اقرب صحية على قولتكم) تورحين انتي وكاتم ياخذون من انسجتكم ونحفظها حتى بعد عمر طويل نستنسخكم
لانكم فلتة زمان .

هههههههههههههههههههههههههههههههههههههههههههههههههه هههههههههههههههههههههههههههههههه

الله يحرسنا من العين والله وبصراحه لكم الفخر انكم تعتزون فيني انا وكاتم لو ادارة حفظ التراث تدري عنا كان خذتنا تحطنا في المتحف عندها (a14)

نعم بكل تأكيد طرح مميز وجدير بالا ستمرار ياراويتنا المميزه . اقدم شكري وتقديري للفكرة وصاحبتها لا اقول الا بارك الله فيك ايتها الاخت العزيزة

وشو عقبه تمدحنا عقب ما تسبنا ههههههههههههههههههههههههههههههههههههههه

تسلم ياخوي جهام على هالمرور الرائع والتعليق الجميل

يعطيك العافيه يارب

واقول ياجهام الوعد المسميات الثانيه (q41) اتمنى تشاركنا فيها يلا ورينا شطارتك ( الميدان يا حميدان )

إبن دواس
05-06-06, 03:50 AM
الف الف الف مبرووووووووووووووووووووووك :501hhhg9:

:t110fd:

للفائز كاتـــــم الـــونــــــــــــــــه

كانت الاجابه على المسميات اجابه نموذجيه يستاهل عليها الدرجه الكامله (q62)

[/COLOR]

الف مبرووووووووووك :cfd20y:

وتستاهل ياكاتم الونه(qq19)

الفارس910
06-06-06, 02:44 AM
من اروع المواضيع في الحقيقه وتسلمين على هالطرح الله يعافيكي

النجديه
06-06-06, 03:48 AM
الله يعافيك يا خوي الفارس

واتمنى تشاركنا في المسميات القادمه

يعطيك العافيه على هالمرور الرائع

النجديه
06-06-06, 04:11 AM
المسميات الثانيه (d)

اتمنى من الاخوه والاخوات اللي ما حالفهم الحظ المره اللي فاتت يحالفهم هالمره وياخذون الحلاو من كاتم (ask)

اليكم المسميات ..

المحاله / .................................................. ..................

الرشا / .................................................. ...................

المدخله , الربعيه / .................................................. .

الصفه / .................................................. .................

الغروب / .................................................. .............

المخراز / .................................................. ...........

اتمنى لكم قضاء اجمل الاوقات في احياء هالموروث الشعبي الجميل (qq171) .

جهام
06-06-06, 11:27 AM
السلام عليكم ورحمة الله وبركاته الاخت النجدية تشكرين على الجهد المتميز
اقتراح ان عمل به فهو المطلوب وان لم يعمل به لااقول الا سمعا وطاعة والشيوخ ابخص
الاقتراح( ان تكون كل مسميات جديدة تحت عنوان جديد مثل الاول مسميات رقم واحد الجديدة مسميات 2 ليتمكن الجميع من القراءة لانها لو ادرجت تحت مسمى واحد المتصفحين يضنون ان لاجديد تحت الموضوع الاول
نرجع للمسميات

( المحالة هي دائرية الشكل من الخشب توضع على خشبة لنزع الدلاء من البئر)
(الرشا الحبال التي تربط بها الدلاء او الغروب لنزع الماء)
( الربعية هي امرأة تتقدم المتزوج وتدخله على عروسه وتقوم على خدمتهما) حتى لا يصاب بالجنون ماقدرت اصبر واصير جاد اعذريني 0
(الصفة هي الغرفة وقديما القبه تفتح عليه مجموعة صفف الله من زين اللغة العربية)
( الغروب دلو كبير مصنوع من الجلد لنزع الماء من البئر)
( المخراز هي قطعة من احديد حادة ومدببه لخرز الجلود والنعال )
ارجو ان اكون صاحب الحظ السعيد للفوز بالمسابقة التي سوف اعنون لها ( بقايا الامس)
تسليمين ايتها الاخت الكريمة على جهودك في انجاح هذه الصفحة التي تعنى بموروثنا الذي فيه عبق الاجداد انني اشم من رائحة كلماتك عنهم رائحة عرقهم اللهم اجعل جنان الخلد منازلهم نعم اعطوا بسخاء عاشوا متوشحين بثوب العزة والكرامة اختي اقسم بالله انني اكتب هذه الكلمات النابعة من قلبي فلا املك رد دمعتي التي اغرقت عيناي حين اتذكر معيشتهم الضنكة وجلدهم وصبرهم ولم يكن لهم معين الا الله فرحهمهم الله رحمة واسعة ولا املك الا ان اقول بارك الله فيك ايتها الاصيلة
اخوك
جهام

كاتم الونة
06-06-06, 06:16 PM
88
الله يرجك ياجهام

متهيض ..على النسبة ههههههههه

هيضتني..معك..ورفع عندي المؤشر

الله يطامنك بسمه..
/
/
/
الى الجمييع

لاتورطكم النجدية ..ترى حلاو البقر باااح..خلص,, عطيت بنت اختي المهرة منه لتربيصه بالحليب

لانه يابس...واكلت الباقي ولكن بعد ادخاله في المكرويف عشان يلين ههههههههههه

//

النجدية أنا اتحج

يجب وضع المسابقة الثانية في موضوع مستقل مثل ماتفضل..ذا اللي يذرف الدموع

على الماااضي. الشآمخ...

فضلا لا امرا.... يامشرفتنا الكبيييرة

تحيتي وتقديري:)

المُهرة
07-06-06, 04:04 AM
الف الف الف مبرووووووووووووووووووووووك :501hhhg9:

:t110fd:

للفائز كاتـــــم الـــونــــــــــــــــه

كانت الاجابه على المسميات اجابه نموذجيه يستاهل عليها الدرجه الكامله (q62)

[/COLOR]
خالي وخابرته ذكي مثلي
الف مبرووووك خالي
ويالله عطني من حلاو البقر اللي معك (q62)

النجديه
07-06-06, 04:04 AM
يجب وضع المسابقة الثانية في موضوع مستقل مثل ماتفضل..ذا اللي يذرف الدموع

على الماااضي. الشآمخ...

ابشروووووووووووو يا اخوان

انت وش محرق رزك ياكاتم خليه يبكي على الاطلال

المُهرة
07-06-06, 04:05 AM
جهام
يا ولد الضيعة
علمني أنت بالع(ن) رادووووو

النجديه
07-06-06, 04:13 AM
جهام
يا ولد الضيعة
علمني أنت بالع(ن) رادووووو

المهرة عطو سداح فرصه خلوه يعبر هههههههههههه

جهام
07-06-06, 03:08 PM
افا افا افا يالنجدية ترى راعين البرابر ماهم نافعينك وبعدين ماانتي ملاحظة شيء غريب اني لحالي واجابه ثلاثة لا ومن الملح مشرفين هذا ان دل يدل على قوة وثقة بالنفس طبعا عندي طموح شكلي ناوي ستار وناصر الفهيد بعد ماانتهي منكم اقول ترى كويتم ومهره ماينشد بهم الظهر ماهم بعيد عن نجيب النعيمي وخليل الدليمي محاموا صدومي ماش علم 0
انت شوفي كتاباتهم تنم عن شخصيتهم شوفي لغزه الجديد واحكمي وانا على الرغم من كونك خصم لي راضي تكونين مثل عبدالرؤف رشيد قاضي صدام الله من زين النزاهه.
وبعدين شوفي لغة الخطاب من كويتم يبي يربص حلاوة البقر ويعطي راعية البرابر اقول لازم تدخل الادارة اذا يهمه سمعة المنتدى
احيانا استحي اذا سألون بالضيعة وينك على اي منتدى استحي اقول بالخيمة الشعبية بقصيمي نت تصوري يجون ويشفون كاتم والمهره ويشفون مواضيعهم ولاتهونين بيقولن اخس عالرجال ياحيف جهام بتراسل هونيك لكن اقول صبرا جميل والله المستعان
الناس تطور وانتم الى الحين وهم تستخدمون الرحى ويشبون بخوص وكرب وجلة
جزاك الله خير على الفته الكريمة وعطيتين فرصة لااعبر عن مابخاطري تجاه ثلاثة من المشرفين وهذا ينم عن حريةغير مصطنعة ولا معلبة من امريكا كم تزعم بانها سوف تلبسنا حرية تناسبنا لا ازيدك من الشعر بيت سوالف امريكا ماهي بعيدة عن حلاوة البقر والتربيص يعني كويتم ومهرة وبوش دارسين مع بعض بالايحاء عن بعد وتأثروا بعضهم لازم عمو كوفي انان ان يتدخل .
الظاهر ان الحر بدأ يجيب مفعوله لا ومن الزين الغدا مطازيز وجح يالله رقعي يالنجدية الا يالنجدية مامر عليك بحكم انك راوية ودارسة ومطلعةانه في دورات تعقد للامهات والزوجات لتعليم الذوق والاختيار في تنوع الاكلات ولو بساحل العاج لازم هالصيفية نسوي شيء الحالة متأزمة حر ومطازيز وجح .
جههههههام

النجديه
10-06-06, 04:49 AM
الحالة متأزمة حر ومطازيز وجح .

الله يعينك على المرررررررر هههههههههههههههههههه بتشب تسبدك ياجهام :D

الا يالنجدية مامر عليك بحكم انك راوية ودارسة ومطلعةانه في دورات تعقد للامهات والزوجات لتعليم الذوق والاختيار في تنوع الاكلات

8
8
بصراحه الموضوع خرج من ايدي (qq171) هههههههههههههه

بعد الجح والمطازيز ما عاد فيه شي اسمه فن الذوق والاختيار ولا حتى التنسيق في الاكل (d)