عبدالله بن سليم الرظمه
09-05-06, 04:49 AM
هذه مرثيه للشاعر/ عبدالله سليم العطوي في الشيخ/سالم بن سعيد الرضمه رحمه الله بواسع رحمته
الذي توفي يوم الجمعه ليلة السبت الموافق 8/4/1427هـ
واعيني اللي دمعها يافهد فات=من علم جاني ليلة السبت بإحضار
حاولت اداري مير للصبر ساعات=تقضي دقايقها ولو كنت صبار
هلت مدامع دمعتي بظرف لحظات=من شفت ابوسالم على الزل منهار
في مسجد المشفى ينادي بعبرات=يالله الا يالله والدمع مدرار
على الذي محْياه بالمرجله صات=طيب وكرم مافيه شكن ولا انكار
سالم سعيد الرضمه بقص واثبات=كريم سبلى من رفيعين الاذكار
يوم العشا غالي وللزاد لذات=صيته تعدا من ورى الحد مشوار
عز الرفاقه يوم للعز وقفات=عون اليتيم وريف من جوه زوار
ياما وقف بالمال واعطاه باسكات=يرجي ثنا الله مارجى العبد دينار
وياما رفا ربعه ليالي مديات=ماابدى عريب الساس ضيقه ولا اعذار
قلته وانا عندي على القيل وقعات=واستكفي بقصه بها صار ماصار
قصة هذاك الضيف وللطيب جسرات=جاه ونهض بالقرى القرم مااحتار
تشهد معاميلن على صلو جمرات=وتاجر رهنهن والوفا طبع الاحرار
حرن تسلسل من سلايل اصيلات=ذيك الحرار اللي على الموت جسار
ارضام في هداتهم باللقا اثقات=دور المعارك والمغازي ورى الثار
واليوم ننعم بامن فضل الصلوات=في ظل حكام الجزيره هلا الكار
اخوان نوره كاسبين الجمالات=برن وبحر وجون ايمين وايسار
يستاهلون العز والمدح مرات=مره باثر مره تحيات واشهار
اللي إلبيوت الله والكعبه احمات=يرزقهم الله يافهد طول الاعمار
واختامها طالبه يغفر لمن مات=وبجنة الفردوس الاعلى عن النار
الذي توفي يوم الجمعه ليلة السبت الموافق 8/4/1427هـ
واعيني اللي دمعها يافهد فات=من علم جاني ليلة السبت بإحضار
حاولت اداري مير للصبر ساعات=تقضي دقايقها ولو كنت صبار
هلت مدامع دمعتي بظرف لحظات=من شفت ابوسالم على الزل منهار
في مسجد المشفى ينادي بعبرات=يالله الا يالله والدمع مدرار
على الذي محْياه بالمرجله صات=طيب وكرم مافيه شكن ولا انكار
سالم سعيد الرضمه بقص واثبات=كريم سبلى من رفيعين الاذكار
يوم العشا غالي وللزاد لذات=صيته تعدا من ورى الحد مشوار
عز الرفاقه يوم للعز وقفات=عون اليتيم وريف من جوه زوار
ياما وقف بالمال واعطاه باسكات=يرجي ثنا الله مارجى العبد دينار
وياما رفا ربعه ليالي مديات=ماابدى عريب الساس ضيقه ولا اعذار
قلته وانا عندي على القيل وقعات=واستكفي بقصه بها صار ماصار
قصة هذاك الضيف وللطيب جسرات=جاه ونهض بالقرى القرم مااحتار
تشهد معاميلن على صلو جمرات=وتاجر رهنهن والوفا طبع الاحرار
حرن تسلسل من سلايل اصيلات=ذيك الحرار اللي على الموت جسار
ارضام في هداتهم باللقا اثقات=دور المعارك والمغازي ورى الثار
واليوم ننعم بامن فضل الصلوات=في ظل حكام الجزيره هلا الكار
اخوان نوره كاسبين الجمالات=برن وبحر وجون ايمين وايسار
يستاهلون العز والمدح مرات=مره باثر مره تحيات واشهار
اللي إلبيوت الله والكعبه احمات=يرزقهم الله يافهد طول الاعمار
واختامها طالبه يغفر لمن مات=وبجنة الفردوس الاعلى عن النار