الا ياعيون اللي كشف برقعه راعيه

[عاشق نجد]

ياتـلّ قلبـي تـلّ غـربٍ ربـع سانيـه =ماعيّن منه غير العراقي بـراس أرشـاه

على أبو دليقٍ فوق دمث النحـر كاسيـه =حمار وبياضٍ يشبـه النـوّ مـن منشـاه

أتشعشع أخلـوم البـدر لافرقّـه بيديـه =يشادي الضباب اليا تعدى القمـر غطّـاه

على عود موزٍ جاريّ الما مـع ساقيـه =وزدٍ علـى زمّـة نباتـه قـراحٍ مــاه

الا ياعيون الليّ كشـف برقـه راعيـه =يتلّ السبـوق وقـام راع الولـع يشعـاه

الا يارسولـي بلغّـه ماقـدرت أجـيـه =سلملي عليـه وخـذّ سلامـه وعطنيـاه

لاقالـو تحبّـه قلـت ماعادنـي بأبـيـه =وأنا أشفق له أشفا من سقيم المرض لدواه

أقويّ عزومي كـنّ معـاد عنـدي فيـه =وأنـا والله انّـي مونـسٍ البـلا وأكنـاه

عروق الحشى ماتنبت الاّ علـى طاريـه =تنامى على قربه وتهجـر علـى فرقـاه

فترى من يعذل مولعٍ من هـوى غاليـه =مثل من يحاول يعدل السيل مـن منحـاه

فأنا شفت ناسٍ صلحوّ فالهـوى تشويـه =لا عيّن وليفه مخلـصٍ كـلّ يـومٍ جـاه

لوّ انّ الهوى ذالنوع محـدٍ تعـذّب فيـه =الكل أهتنى فالحبّ حتى الطلـي والشـاه


سعد بن جدلان

[فيصل الشريف]

الله الله


سعد بن جدلان الأكلبي




شاعر جعل الساحة تعيد ترتيب أوراقها


فعلاً إنه ظاهرة

[المحافظ]

الله اكبر يا عاشق نجد عز الله انك احسنت الاختيار ، صح لسانك ولسان بن جدلان الشاعر العذب والمدرسة الشعرية كما يلقب نعم ، ما يصح الا الصحيح
فيصل الشريف (((سلمت ايمينك))) نعم هكذا تقدير الرجال للرجال نعم ، ابن جدلان لا يختلف على شاعريته احد اتركم مع بيت من ابداعاته:
أشابه يتيمٍ حسّته نطرة الناطر *** ماخلّت براسه من دموعه ولا قطْره
ودمتم بخير

[عاشق نجد]

يسعدني ويشرفني مرورك اخوي فيصل الشريف ولاعدمتك

[عاشق نجد]

الله اكبر يا عاشق نجد عز الله انك احسنت الاختيار ، صح لسانك ولسان بن جدلان الشاعر العذب والمدرسة الشعرية كما يلقب نعم ، ما يصح الا الصحيح
فيصل الشريف (((سلمت ايمينك))) نعم هكذا تقدير الرجال للرجال نعم ، ابن جدلان لا يختلف على شاعريته احد اتركم مع بيت من ابداعاته:
أشابه يتيمٍ حسّته نطرة الناطر *** ماخلّت براسه من دموعه ولا قطْره
ودمتم بخير

اخوي فهد تسلم يمينك ولاعدمتك يابن العم الله يسمح دروبك وانا ماني بشي من غيركم واقبل فائق التحايا والاحترام