شاكر المولى
04-05-06, 11:56 PM
الحيا من اللي خلق هالعالم و مغنيها = السما هذا سماه القاع هذي قاعه
و جعل نفس ٍ تستمر في معصية باريها = تبطي وهي بين ضلعين الحنك نزّاعه
لا جفتك الديره و ضاقت بك و باهليها = و جاك من جيش الهموم ثعالته وسباعه
و فسقت العالم و ناقم خبلها صاحيها = و تجروا البدوان وانبطروا الزّرّاعه
غط خشمك في التراب وقول يا مفنيها = أفنني وانا مسبح ٍ لك بسمع و طاعه
راكب اللي ضمّر من سهابها جنبيها = أولف من الجد و من ظلالها جزّاعه
لا أوقفت رزّت قواصيها على دانيها = و لا مشت يطري عليك الهوش و الفرّاعه
لون مقدمها "صباح الخير " يا راعيها = ولون موخرها مثل ما تشعل الولاّعه
في نحرها المجد و الخير الرضي قافيها = و في وسطها غاروا الشيخان و الفزّاعه
يعقب سوّامها قبل يخسى شاريها = ما تجمع عندها الدلاّل و البيّاعه
من مرابط عز و راعيها مهوب مصخيها = ما يودعها المودع عند أخوه وداعه
مخشوشه لين يأتي في السبق طاريها = ولا اظهرت لفت رقاب العالم الطّمّاعه
كنها في موكب السواس و مباريها = بنت أمير ٍ من كثر طيبه تحشم أتباعه
و كن الأرض تقول فيها الله يحييها = جعله أبرك يوم جيتي فيه وأبرك ساعه
ولا أبتدأ المركاض و جتك الخيل من تاليها = جاتك أولها تقول في ذيلها درّاعه !!
ضرب يديها على البيدا قبل رجليها = ضرب أصابع فارع ٍ تطبع على طبّاعه
تنحر اللي يعرف القصة قبل لا أحكيها = بس أبحكيها عليه و بارفع السمّاعه
الرجال أشكال و عاليها على واطيها = فيهم الأدنى و الأدنى و الدني بانواعه
وفيهم اللي لا بغى له حاجة يسويها = ما يرده عقل و لا تحتميه أطباعه
و فيهم اللي لا رمى الطولات ما يخطيها = كل ما هبت هبوب الطيب فل شراعه
وفيهم اللي يأخذ الحسنه و لا يجزيها = و هذا أبشع شيء و أردى نوع و أكبر راعه
و فيهم اللي جاته الدنيا و هو هاويها = حظه يكسّب له اللي ما كسبه ذراعه
و فيهم اللي علته في جوشنه كانيها = ما تسولفها زوايا خافقه لأضلاعه
و فيهم اللي شل هم الناس و محاتيها = و ما فلح في أوضاعهم و لا التفت لأوضاعه
و فيهم اللي لا حكى كلمة مهويثنيها = و فيهم الزيزوم و وجه الخير و الطرقاعه
و الحياه أشياء تتراكم على بعضيها = ما يفرق بعضها إلا من يحسب أوجاعه
و الله إني صرت لا أبغضها و لا أدانيها = معتبر نفسي متاجر و الصلاة بضاعه
لان قلبي من عرف وش في الصلاة و فيها = غادي كنه وهي البزر والرضاعه!
والله ياشخص يجنبها و لا يدّيها = إن ماله خانه و ما في عمره أطماعه
و أنت لو زليت عندي زلتك ناسيها = و جعل كبد اللي مهوب يغليك سم اللاّعه
صاحبي ما تعرف الانفس و لا خافيها = النفوس من النفوس الخافيه ملتاعه
صاحبي مرّ الليالي من سبب حاليها = صاحبي انزع من القلب النبيل قناعه
ما انت بمكوش على الدنيا و لا محصيها = أنشد اللي لا عب الدنيا براس اصباعه
ستة وعشرين عام عام أفلّها و أطويها = صبحها رغّابه و لي ليلها منّاعه
صاحبي جنب حراميها قبل حاميها = صاحبي ..صاحبك من صدقه يهل ادماعه
بانصحك نصيحة ما عادني بثانيها = دام عمرك ساعه اجعلها لربي طاعه
________________________________________
و جعل نفس ٍ تستمر في معصية باريها = تبطي وهي بين ضلعين الحنك نزّاعه
لا جفتك الديره و ضاقت بك و باهليها = و جاك من جيش الهموم ثعالته وسباعه
و فسقت العالم و ناقم خبلها صاحيها = و تجروا البدوان وانبطروا الزّرّاعه
غط خشمك في التراب وقول يا مفنيها = أفنني وانا مسبح ٍ لك بسمع و طاعه
راكب اللي ضمّر من سهابها جنبيها = أولف من الجد و من ظلالها جزّاعه
لا أوقفت رزّت قواصيها على دانيها = و لا مشت يطري عليك الهوش و الفرّاعه
لون مقدمها "صباح الخير " يا راعيها = ولون موخرها مثل ما تشعل الولاّعه
في نحرها المجد و الخير الرضي قافيها = و في وسطها غاروا الشيخان و الفزّاعه
يعقب سوّامها قبل يخسى شاريها = ما تجمع عندها الدلاّل و البيّاعه
من مرابط عز و راعيها مهوب مصخيها = ما يودعها المودع عند أخوه وداعه
مخشوشه لين يأتي في السبق طاريها = ولا اظهرت لفت رقاب العالم الطّمّاعه
كنها في موكب السواس و مباريها = بنت أمير ٍ من كثر طيبه تحشم أتباعه
و كن الأرض تقول فيها الله يحييها = جعله أبرك يوم جيتي فيه وأبرك ساعه
ولا أبتدأ المركاض و جتك الخيل من تاليها = جاتك أولها تقول في ذيلها درّاعه !!
ضرب يديها على البيدا قبل رجليها = ضرب أصابع فارع ٍ تطبع على طبّاعه
تنحر اللي يعرف القصة قبل لا أحكيها = بس أبحكيها عليه و بارفع السمّاعه
الرجال أشكال و عاليها على واطيها = فيهم الأدنى و الأدنى و الدني بانواعه
وفيهم اللي لا بغى له حاجة يسويها = ما يرده عقل و لا تحتميه أطباعه
و فيهم اللي لا رمى الطولات ما يخطيها = كل ما هبت هبوب الطيب فل شراعه
وفيهم اللي يأخذ الحسنه و لا يجزيها = و هذا أبشع شيء و أردى نوع و أكبر راعه
و فيهم اللي جاته الدنيا و هو هاويها = حظه يكسّب له اللي ما كسبه ذراعه
و فيهم اللي علته في جوشنه كانيها = ما تسولفها زوايا خافقه لأضلاعه
و فيهم اللي شل هم الناس و محاتيها = و ما فلح في أوضاعهم و لا التفت لأوضاعه
و فيهم اللي لا حكى كلمة مهويثنيها = و فيهم الزيزوم و وجه الخير و الطرقاعه
و الحياه أشياء تتراكم على بعضيها = ما يفرق بعضها إلا من يحسب أوجاعه
و الله إني صرت لا أبغضها و لا أدانيها = معتبر نفسي متاجر و الصلاة بضاعه
لان قلبي من عرف وش في الصلاة و فيها = غادي كنه وهي البزر والرضاعه!
والله ياشخص يجنبها و لا يدّيها = إن ماله خانه و ما في عمره أطماعه
و أنت لو زليت عندي زلتك ناسيها = و جعل كبد اللي مهوب يغليك سم اللاّعه
صاحبي ما تعرف الانفس و لا خافيها = النفوس من النفوس الخافيه ملتاعه
صاحبي مرّ الليالي من سبب حاليها = صاحبي انزع من القلب النبيل قناعه
ما انت بمكوش على الدنيا و لا محصيها = أنشد اللي لا عب الدنيا براس اصباعه
ستة وعشرين عام عام أفلّها و أطويها = صبحها رغّابه و لي ليلها منّاعه
صاحبي جنب حراميها قبل حاميها = صاحبي ..صاحبك من صدقه يهل ادماعه
بانصحك نصيحة ما عادني بثانيها = دام عمرك ساعه اجعلها لربي طاعه
________________________________________