يومن تفتح عندنا القناة الثانية هكالسنة

[شباط]

بسم الله الرحمن الرحيم
مسيكم بالخير
أول شي وش مناسبة هالمشاركة
أنا أقول لكم
أول شي إن الهلال قاعد يقدم مباراة دمااااااااااااار فضاق صدري منه
ثاني شي عشان المسابقة .... عندي أمل كبير أني أبفوز
على فكرة ما عندي جيه معبرة وراه ياكافي
المهم ابخش بالسالفة على كفرين
في يوم 20/3/1404 هـ تم بث القناة الثانية للتلفزيون السعودي في منطقة القصيم
وكان البث من العصر لمين منتصف الليل <<< مدري من اللي جايبن متر وقاعدن يقيس منتصف الليل
المهم ياجماعة
قبل تبدأ القناة بالبث ...
أذكر إننا رحنا لم الرياض ....
عاد ترانا إذا رحنا لم الرياض نتروش قبل نمشي ...همن نطق الأزرة كلهن ..حتى الياقة ... هالحاجتين ما يصيرن إلا إما بالعيد ... أو بالعروس
المهم كانت زيارتنا لعائلة من أقاربنا .... وكنت قد سمعت إن القناة الثانية فاتحة عندهم ... قلت فرصة أروح أشوف
المهم ...وصلنا الظهر ...ماسلمت على أحد ....على طول زبنت لم المجلس ...وأفتح التلفزيون ... عاد هالحين تحسبونه تلفزيون lcd فلاف وأربعين بوصة
لا كان 14 بوصة من القديمات اللي تغيير القناة بالضغط بكل قوة على الزرار الخاص بها
تلفزيونات منول مأساة ....وتلاقيهم ملصقين على السماعة حقته صورة خخخخخخخخ
بس كانن أصليات ...مهوب شغل هالوقت
المهم وأنا اللي اشغل التلفزيون ... واثره على القناة الأولى
قلت والله ناس فاضين ...ورافسين والنعمة ... رافسين أو رافشين خخخ
وأنا اللي اقوم واحط القناة الثانية <<< قبل يجي شي اسه ريموت
على طاري الريموت ... أذكر أور ريموت طلع كان لفديو سوني ...وكان بسلك ....ومن بعيد .... تقل ماسكن لك قير بلاي ستشين ههههههههههههههههههههههه
عاد هكالسنة سوني دايخين على هالاختراع .... ومنزلين عنه شريط فديو خاص ...
بس كانت منتجات عليه القمية
نرجع لسالفتنا
المهم وأقوم وأحط على القناة الثانية ...وأثره صاكه ... يعني خارج البث ...بس حاطين هذيك الألوان اللي على شكل كورة وبعضهن ملون وبعضهن عادي بدون ألوان
تحسبونن خليته أو صكيته .؟
لا قعدت أناظره ههههههههههههههه
تقل خبل .... التلفزيون مغير طوووووووووووووووووووووووط
وأنا متشقق ولانيب ولا حتى أرمش من الوناسة
قروي ماشاف شي هههههههههههه
عاد أنا فكرت أشري منهم تلفزيونهم ... على بالي يبي يكون يجيب القناة الثانية بالقصيم ههههههههههه
وأذكر إننا كنا حاطين بالأنتل (الأريل) جهاز يخليه يدور بزاوية 360 درجة
وفي بعض فترات الشتاء والرطوبة يبدأ يجيب قنوات خليجية
طبعا لا هيب ملونة ولا هيب حتى واضحة ... ومشوشة ولا تدري وش يقولون
بس عاد وش تقولون
ناس ما يعرفون إلا سليمان العيسى وعبداللطيف العيوني خخخخخخخ
وأنا كنت أفكر الفرق بين هكالوقت ووقتنا هذا سبحان الله
هالحين مئات القنوات ...
مير عندكم النيل سات كل شي حاطين له قناة
المدراس الصباحية له قنوات
محو الأمية لهم قناة
الكليات الطبية لهم قنوات
الثانوية العامة لهم قنوات
الثانوية العامة اللي أيتام وميتين أهلهم لهم قناة
المهنيين لهم قناة
المهنيين اللي يشتغلون بيديهم اليسرى لهم قناة
المهنيين اللي يشتغلون بيدينهم اليمنى لهم قناة
محو الأمية اللي مطلقات لهن قناة
ومحو الأمية اللي أرامال لهن قناة
وهكذا
كل شي له قناة لحاله
فسبحان الله الفرق عن قبل وعن هالحين

كان عندنا تلفزيون إذا خرب مجهزين له عصا ... نضربه من فوق ويزين ههههههههههه
ويوم جا التلفزيون الملون أبو دولاب ... كان ضبط القناة يتم عن لون أخضر يظهر بالشاشة ... كل ماكان اللون أضيق كالما كان الضبط صحيح وتظهر الصورة
أذكر جايبين مهندس مصري يبرمجه ههههههههههه والله لو أنه جهاز رنين مغناطيسي ههههههههه
أذكر أول ماطلع الدش ... كنا نجتمع مجموعة كبيرة من الشباب عن واحد صديقنا <<< ماصار صديقنا إلا يوم ركب الدش
المهم كان عندهم فقط قناة ام بي سي ... ومصر الفضائية .... وكلف عليهم الدش 14 ألف ريال
إيه يالدنيا
وهذي السالفة كله
ومشكورين

[مستغرب]

الله يا شباط ذكرتن بالقناة الثانيه

انا اشغله من وهي تقول وشششششششششش وانتظر ويجي اللي تقول الكوره المدورة همن يجي السلام الملكي همن القرآن الكريم عبد الله خياط همن مدري وش يجي همن اذا فتحت القناة اجيب الفطور واجلس الفطر نطحه

يقالي ولد مصاريا

[شباط]

هلابك مستغرب
إيه منول يمنون علينا
ما يدرون إنه هالحين وبـ 300 ريال تشوف حول 1000 قناة خخخخخخخخخخ
بس لو أنا منك كان أفطر زعتر عشان أكون مثل الشوام ..
أو أفطر قرص ...عشان أكون مثل عيال البادية ...
مشكور

[وحي القلم]

اخوي شباط ...
الله يمسيك بالخير ...
على طاري التلفزيون منول ...
الظاهر اني انا وانت من موديل واحد << يعني شيبان يالله حسن الخاتمة ..
اول ما طلع التلفزيون كان ابيض واسود ..
وكنت انا واخوي اللي اصغر مني مقرد وفينا لقافة زايدة ..
المهم ان واخوك من يوم هو صغير فيه نزعة عقلانية ...
فقعدت افكر وشلون يطلع رجال بالتلفزيون ويتكلم ...
تناقشت مع اخوي اكثر من مرة وقلت له اكيد ان الناس اللي نشوفهم يطلعون بالتلفزيون ساكنين داخل جهاز التلفزيون ...
مستحيل يقدرون يجون من براء ...
وبعد مشاورات قررت انه بعد ماينام الوالد نخطف التلفزيون وفي اقرب برحة نفككه ونطلع الجماعة اللي ساكنين فيه وخصوصا ابطال الافلام كرتون ..
المهم يوم امسى الليل قمنا بعمليتنا الشنيعة والعياذ بالله ...
وسرقنا التفزيون وعلى اقرب براحة وطق وطقيق وياليل ما اطولك ..
وفي الاخير طلع مافيه احد ...
وطبعاً عينك ماتشوف الا النور لان الوالد الله يطول في عمره جلدنا جلد ...

[oaj]

اترك عنك تلفزيون ابو دولاب كوم والتفلزيونات الثانيه بكوم

شوفو التقنيه وشلون اذا فتحت الدولاب اشتغل التلفزيون واذا سكرت الدولاب طفى .. ياعيني على البرمجه والهارد وير << ماله دخل

غير كذا مخشب تقل فل كامل هههههههههههههههههه

ومثبت بقاعده وحركات ياعيني على الدلع

الي يشتريه هاك الوقت افضل واحد بالعالم لمدة عشر سنوات

مير ذكرتن ابشوف هو بالمخزن ولالا

[أخت الصقور]

يبدو ان الموضوع مافيه نسوان الا انا خخخخخخخخخ
ماعليش
بس حلووووووووووووووووووووووووووووووووة
<<<<<<<<<<<<<<<<<<<<<<<هي وشهي اللي حلوة
خخخخخخخخخخخخخخ

[المُهرة]

ختير ياشباط
هههههههههههههههههه

الحين صار اسمها غصب اثنين عقب الدش :ro258es:

يا مااااااال الثانكيووووو خيوووووو شبااااط
وتعال دايم لا تقاطعنا :)

[علوووش]

الحين يحطون لك فلم حق قبل عشرين سنه


ولو تدور اللي مزينين الفلم تلقاهم ميتين كلهم


علينا قنوات نحسد عليهن من زينهن


لابو وزير الاعلام لابو من لبسوه شماغ هالبخاري << حج وقعد


انا ما أعجبن إلا حق الحياة الفطريه هالشرقاوي ببرنامج مستشارك


بزع وقعد ينافخ على الامير سلمان اياقالك يمون



امار منباتسر ينقفونه للحاير خخخخخخخخخخخخخ

[ابو شدق]

كله كوم والتلفزيون الاول كوم

لاجينا نطلعه بالدكه بالاستراحه

ثلاثه يشيلونه

تقل بوسطه رمل

والقناة الثانيه مهب صافيه ونضطر لحسن كراني

حياك الله شباط

[زعبور]

للأسف ما لحقت على فتحتوه

مالحقت الا على افتتاح الأي ار تي

[النجديه]

ناس ما يعرفون إلا سليمان العيسى وعبداللطيف العيوني خخخخخخخ

ولا يهون حسن كراني هههههههه (q83)

اقول اخوي شباط لا تنسى التلفزيون الخشبي اللي لونه بني على اربع رجلين الله من مره طامرنا عليها وكان مستحملنا مسكين (qq166)

هههههههههههههههههههههههههههه

يعطيك العافيه ياخوي على هالموضوع

[دنـــــ من الوله ــيـــا]

لكل داءٍ دواءٍ يستطب به الاالحماقة أعية من يداويها ....؟!

[قصيميه.COM]

أخوي شباط

أول شي اقولك هارد لك

موضوعك رائع

الله يوسع صدرك بالعافيه

ذكرتن أيام ما كنا نقوم الصبح وحنا بزارين ونصف كراعيننا على دولاب التلفزيون وأناظر موجات البث قبل يفتح..
طن طرن طن ططن.. لا ونضحك من الوناسة.. وسارعي.. والقرآن.. وكلوه ولا تقديم البرامج.. نسمعهم تسميع..
هههههههههههههههههههههههههههههه
بإنتظارمشاركاتك

تحياتي..

[الوافي3]

الله يذكرك بالشهادة أخوي شباط
أذكر يوم أنه جانا التليفزيون جماعتنا شافوا ظلهم على الشاشة
وهاااات ياعرضة اثنين أثنين (qq165)

[شباط]

اخوي شباط ...
الله يمسيك بالخير ...
على طاري التلفزيون منول ...
الظاهر اني انا وانت من موديل واحد << يعني شيبان يالله حسن الخاتمة ..
اول ما طلع التلفزيون كان ابيض واسود ..
وكنت انا واخوي اللي اصغر مني مقرد وفينا لقافة زايدة ..
المهم ان واخوك من يوم هو صغير فيه نزعة عقلانية ...
فقعدت افكر وشلون يطلع رجال بالتلفزيون ويتكلم ...
تناقشت مع اخوي اكثر من مرة وقلت له اكيد ان الناس اللي نشوفهم يطلعون بالتلفزيون ساكنين داخل جهاز التلفزيون ...
مستحيل يقدرون يجون من براء ...
وبعد مشاورات قررت انه بعد ماينام الوالد نخطف التلفزيون وفي اقرب برحة نفككه ونطلع الجماعة اللي ساكنين فيه وخصوصا ابطال الافلام كرتون ..
المهم يوم امسى الليل قمنا بعمليتنا الشنيعة والعياذ بالله ...
وسرقنا التفزيون وعلى اقرب براحة وطق وطقيق وياليل ما اطولك ..
وفي الاخير طلع مافيه احد ...
وطبعاً عينك ماتشوف الا النور لان الوالد الله يطول في عمره جلدنا جلد ...





ههههههههههههههههههههه
وحي القلم هلابك ... مرجوووجة هالسالفة ههههههههههههههه
أجل تبون تطلعون الرجال من التلفزيون ... خخخخخ
تسلم وماقصرت

[شباط]

اترك عنك تلفزيون ابو دولاب كوم والتفلزيونات الثانيه بكوم

شوفو التقنيه وشلون اذا فتحت الدولاب اشتغل التلفزيون واذا سكرت الدولاب طفى .. ياعيني على البرمجه والهارد وير << ماله دخل

غير كذا مخشب تقل فل كامل هههههههههههههههههه

ومثبت بقاعده وحركات ياعيني على الدلع

الي يشتريه هاك الوقت افضل واحد بالعالم لمدة عشر سنوات

مير ذكرتن ابشوف هو بالمخزن ولالا

قطيم ...إيه هذا هو التلفزيون يااااااااااااااااااااه .... هو تراه اللي اقصد يوم أقول إن البرمجة كان عن طريق لون أخضر يظهر بوسط الشاشة
كان من ماركة ناشيونال .. اللي بعدين صارت باناسونيك
حركات منول تفتح الباب يشتغل ...تصكه ينطفي ... كان على وقته مثل البلازما هالحين
شكرا لك

[أمـــ(الورد)ــيـرة]

مسيك بالالوان الرومنسيه اخوي شباط ...

تصدق ان التلفزيون ابو دولاب للحين عند عمتى ....ويشتغل صح ..

واللي فقدناه من زمن الصبا والصبابه ...<< وش دخل الصبابه ..المهم ما علينا ..

الي فقدناه السلام الملكي ... ساااااااااااااااااااااارعي للمجد والعليا ..

اذكر كنت اصحى علشان نغنيها معهم .. اقصد ننشدها ..

ترى انا توي صغيره مو من اعماركم ...

بس السلام الملكي من ايام الطفوله .. وما ادري للحين والا لا ...

[شباط]

يبدو ان الموضوع مافيه نسوان الا انا خخخخخخخخخ
ماعليش
بس حلووووووووووووووووووووووووووووووووة
<<<<<<<<<<<<<<<<<<<<<<<هي وشهي اللي حلوة
خخخخخخخخخخخخخخ

حي الله عقلة الصقور
قصدي أخت الصقور
ربي محييتس ... ويامرررررررررحبا

[شباط]

ختير ياشباط
هههههههههههههههههه

الحين صار اسمها غصب اثنين عقب الدش :ro258es:

يا مااااااال الثانكيووووو خيوووووو شبااااط
وتعال دايم لا تقاطعنا :)

حي الله المهرة ....
إيه صار إسمهن غصب أثنين فعلا ... ومنول مانفارقهن ...الله يالدنيا ...
مشكورة وماقصرتي
إيه نسيت
مبرووووووك الجائزة ....
وياهلابتس

[شباط]

الحين يحطون لك فلم حق قبل عشرين سنه


ولو تدور اللي مزينين الفلم تلقاهم ميتين كلهم


علينا قنوات نحسد عليهن من زينهن


لابو وزير الاعلام لابو من لبسوه شماغ هالبخاري << حج وقعد


انا ما أعجبن إلا حق الحياة الفطريه هالشرقاوي ببرنامج مستشارك


بزع وقعد ينافخ على الامير سلمان اياقالك يمون



امار منباتسر ينقفونه للحاير خخخخخخخخخخخخخ

هههههههههههههههههههه
أجل يقال له يمون أبو الشباب ... يحسبه يهرج مع وزير خخخخخ
مشكور علوش على المشاركة

[مضيع الديره]

اذكر اول ماجا التلفزيون عندنا .. الحريم كل وحده جايه بعباتها وتتفرج عشان مايشوفهن اللي بالتلفزيون واخزيااااااااااه << مسوي قديم

بس احسن شي يوم كانوا يجيبون القناه الثانيه اول مايفتحون مناضر طبيعيه والدقه هذيك حقت العود طن طن ططن طن :gg4mpup:

[شباط]

ولا يهون حسن كراني هههههههه (q83)

اقول اخوي شباط لا تنسى التلفزيون الخشبي اللي لونه بني على اربع رجلين الله من مره طامرنا عليها وكان مستحملنا مسكين (qq166)

هههههههههههههههههههههههههههه

يعطيك العافيه ياخوي على هالموضوع

النجدية ..التلفزيون اللي تقولين عليه ...هو اللي نتكلم عنه ... وماركته ناشيونال ...حركات منول خخخخ
وكله ديكور خشب فعلا ...تقولون كاديلاك مهوب تلفزيون
حياتس الله

[شباط]

لكل داءٍ دواءٍ يستطب به الاالحماقة أعية من يداويها ....؟!


دنـــــ من الوله ــيـــا هلابك
أول شي ودي أصحح لك إملائيا ...هاللي تحته خط تكتب أعيت وليست أعية
ثاني شي وين الحماقة وأنا أخوك ... ؟
إذا في مشاركتي شي يزعلك أو فيها حماقة علمن ..
وتسلم لمرورك

[شباط]

أخوي شباط

أول شي اقولك هارد لك

موضوعك رائع

الله يوسع صدرك بالعافيه

ذكرتن أيام ما كنا نقوم الصبح وحنا بزارين ونصف كراعيننا على دولاب التلفزيون وأناظر موجات البث قبل يفتح..
طن طرن طن ططن.. لا ونضحك من الوناسة.. وسارعي.. والقرآن.. وكلوه ولا تقديم البرامج.. نسمعهم تسميع..
هههههههههههههههههههههههههههههه
بإنتظارمشاركاتك

تحياتي..

حياك الله قصيمية دوت كوم
والله يسلمك ... أنت شفت وش لون الزعيم :(
الله يعين بس
بالنسبة للتلفزيونات منول
صدقت ... كنا مغير غازين أرقابنا نشوف خخخخخخخخ
تحس إننا حتى الكبار مننا ماوراهم شغل إلا هالتلفزيون
مشكور وماقصرت
مشكور وماقصرت يالغالي

[شباط]

الله يذكرك بالشهادة أخوي شباط
أذكر يوم أنه جانا التليفزيون جماعتنا شافوا ظلهم على الشاشة
وهاااات ياعرضة اثنين أثنين (qq165)
هههههههههههههههههههههههههههه
أجل على الظل اشتغلت العرض
تسسسسسسلم وماقصرت على مرورك الجميل

[شباط]

مسيك بالالوان الرومنسيه اخوي شباط ...

تصدق ان التلفزيون ابو دولاب للحين عند عمتى ....ويشتغل صح ..

واللي فقدناه من زمن الصبا والصبابه ...<< وش دخل الصبابه ..المهم ما علينا ..

الي فقدناه السلام الملكي ... ساااااااااااااااااااااارعي للمجد والعليا ..

اذكر كنت اصحى علشان نغنيها معهم .. اقصد ننشدها ..

ترى انا توي صغيره مو من اعماركم ...

بس السلام الملكي من ايام الطفوله .. وما ادري للحين والا لا ...

أمـــ(الورد)ــيـرة
أهلا وسهلا بك ..
أول شي أعتذر لك على الطمرة الغير مقصودة :(
ثاني شي ...قولي لعمتك لاتبيع التلفزيون هذا أبد .... لأنه ثروة وطنية خخخخخخخخ
بس ليش تقولين منب بأعماركم ... ليش البنات كذا
عادي طيب :)
<< يمزح
مشكورة مرة ثانية

[شباط]

اذكر اول ماجا التلفزيون عندنا .. الحريم كل وحده جايه بعباتها وتتفرج عشان مايشوفهن اللي بالتلفزيون واخزيااااااااااه << مسوي قديم

بس احسن شي يوم كانوا يجيبون القناه الثانيه اول مايفتحون مناضر طبيعيه والدقه هذيك حقت العود طن طن ططن طن :gg4mpup:

مضيع الديرة .... هلابك
إيه منول يقولون يوم جت أول سيارة للقصيم وهي سيارة الملك عبدالعزيز
يوم قاموا الصبح ومير يحطون له علف وماء ههههههههههههههههههه
مشكور وماقصرت

[أمـــ(الورد)ــيـرة]

مضيع الديرة .... هلابك
إيه منول يقولون يوم جت أول سيارة للقصيم وهي سيارة الملك عبدالعزيز
يوم قاموا الصبح ومير يحطون له علف وماء ههههههههههههههههههه
مشكور وماقصرت



^^^^^^^^^^^^^^^^^^^^^^^^^^^
ههههههههههههههههههههههههههاي ...

معقوله ... اوصلو هالمواصيل ..القصمان ..

صدق انهم كرمااااااااااااااء .. لا عدمناهم ...

**********************************************.

وابشرك عمتى ما راح تبع التلفزيون الا على شركته ..اللي منتجته ..

وهم جالسين يساومونها على كم مليون ..بس رافضه ... تقول انه هو صباحتها ... من زوجها ..

وغالي عليها .. وما تبيعه الا بمية مليون ..

[ابوهتون]

هههههههههههههههههههههههههههه

جدتي ضحكت علي موضوعك تقول سلمني عليه >>>>>>عيب ياجده استحي علي وجهك
انا اذكر اول ماركبنا الدش كنا نوصل سلك للجيران يشوفون اللي انشوفه

عاد كان ابوهم يدق علي ابوي فالليل مدري وش يبي بس يوم كبرت فهمت عاد اشوفه الحين عقب ماكبرنا واضحك عليه


ولا عيالهم كان يحبون الي ار تي قبل ماتشفر حقت الاطفال

والله ياجماعه كنا حاطين جدول الصبح للحريم والعصر للبزور والليل للرجال خخخخخخخخخخخخخخخخخخ

بس الحمدالله يوم كثرو اخواني في البيت والدش صار خرابيط طلعه ابوي من البيت وركب المجد عاد تخبرون الشيبان لاغناه لهم عن الجزيره رجعه وشفر القنوات ماخلي الا الرياضيات والاخبار

[شباط]

^^^^^^^^^^^^^^^^^^^^^^^^^^^
ههههههههههههههههههههههههههاي ...

معقوله ... اوصلو هالمواصيل ..القصمان ..

صدق انهم كرمااااااااااااااء .. لا عدمناهم ...

**********************************************.

وابشرك عمتى ما راح تبع التلفزيون الا على شركته ..اللي منتجته ..

وهم جالسين يساومونها على كم مليون ..بس رافضه ... تقول انه هو صباحتها ... من زوجها ..

وغالي عليها .. وما تبيعه الا بمية مليون ..



إيه معقولة ... ويقولون صدز صايرة هالسالفة ....
حتى يقولون أنه جاهم بالليل وكانوايحسبونه جنيه هههههههههههههه
بالنسبة لتلفزيون عمتس لا تبيعه ...هي صادزة
لسبب بسيط .... فقط بعد 10 سنوات ...بإمكانه أنه تفرك التلفزيون ويطلع له مارد على شكل صالح كامل ههههههههههههههههههههههه
عاد تتبطح وتختار من هالقنوات المشفرة ..وإذا هي راعية مباريات ...تبشر بالقنوات الرياضية
عاد أتخيل مارد على شكل صالح كامل عضلات وأخضر لونه ومن تحت ضيق خصره لحد ما يدون قد التلفزيون ..ومن فوق عقال مفتوح ونظارات مثل صالح كامل ههههههههه
مشكورة أخيتي

[شباط]

هههههههههههههههههههههههههههه

جدتي ضحكت علي موضوعك تقول سلمني عليه >>>>>>عيب ياجده استحي علي وجهك
انا اذكر اول ماركبنا الدش كنا نوصل سلك للجيران يشوفون اللي انشوفه

عاد كان ابوهم يدق علي ابوي فالليل مدري وش يبي بس يوم كبرت فهمت عاد اشوفه الحين عقب ماكبرنا واضحك عليه


ولا عيالهم كان يحبون الي ار تي قبل ماتشفر حقت الاطفال

والله ياجماعه كنا حاطين جدول الصبح للحريم والعصر للبزور والليل للرجال خخخخخخخخخخخخخخخخخخ

بس الحمدالله يوم كثرو اخواني في البيت والدش صار خرابيط طلعه ابوي من البيت وركب المجد عاد تخبرون الشيبان لاغناه لهم عن الجزيره رجعه وشفر القنوات ماخلي الا الرياضيات والاخبار




أبو فتون ههههههههههههههههههههه أجل يوم كبرت عرفت وش كان أبو جيرانكم يطلب من أبوك خخخخخخخ
لا يروح بالك بعيد ...ممكن أفلام عنف ولا يبيكم تتأثرون ...ليش أنتم بس يروح بالكم لأشياء مو كويسة ( وجه يضحك وهو يغمز وبضرسه حشوة)
أجل مسوين جدول زمني ههههههههه
هنا نقطة إيجابية .. إلا وهي تعاون الجيران << لا تخلينا بس
عاد شوف التقسيم وش لون ...الليل للرجال ... ياخي ما يركدون هالشيبان ... ينتظرون بس +18
ما يرضيهم ولا حتى +16 هههههههههههههههههه
أجل ما خلى إلا الرياضيات .. شكلك مثلي متعقد منها يابوهتون :(
:)
مشكور وماقصرت