المساعد الشخصي الرقمي

مشاهدة النسخة كاملة : ***سالفه من زمن الطيش***


خماش
18-04-06, 08:22 PM
سلام عليكم كلكم
ضيوف واعضاء ومشرفين،كل شيء ولا المشرفين لهم سلام خاص،عطوني
خشومكم......الرجال بس.
ماني بمطول عليكم ،خذوا اللي عندي،

مرحلة الشباب(المراهقه)مرحلة طيش وغيره،انا(اعوذ بالله من العنا)وواحد من الربع
صديق العمر تخرجنا من الثانويه معا وتعينا في العمل معا،وكان فيه واحدمن الاصدقاء
متعين قبلنا بكمن شهر،وحن تعرفون روحتنا معا وجيتنا معا ودربنا واحد،ويقوم ذا الصديق
وينشب بنا،يبغي يروح معنا ويجي معنا،وفي الحقيقه هو طريقه غير،حنا كانا من المدخنين
وهو لا ،هو ملتزم وحنا...ان شاءالله ملتزمين.
في بداية الوقت كنا مستحين منه،وكان معنا(يا صبر أيوب على بلواه)والله يقسم ويجي

يوم من الايام،ويصير عندنا شغل مهم ولا نبغيه يروح معنا وعلمناه ان يدبر نفسه في
ذلك اليوم للعوده،وعند انتهاء الدوام ما شفناه الا هو مسنتر عند السياره ولا يقول انا
معكم،قلنا له يا ابن الحلال حن عندنا شغل ولا حن برايحين للبيوت،ويعاند الاخ واول
ما فتحنا السياره وهو يقمز في الغماره،واغمز لرفيقي واشغل ونحرك ذالحين رفيقي
على باب وانا على باب وهاا الصديق بينا،وهات يا تدخين ونبخ عليه والدرايش مسكره
كل واحد ثلاث سيجاير في مسافه ما تعدى ال خمستعشر كيلو،ونحطه عند البيت وهو
يحول زعلان ويتوعد،وحنا نروح لشغلنا ونقضيه ونعود،ويوم جا عقب المغرب ورفيقي
عندي بالمجلس(الديوانيه) الا بدقة الهرن (البوري) ويوم طلعت الا ذا جيب الشرطه،
انت فلان وانت فلان،مطلوبين في المركز،عسى ماا شر،قال الشرطي تعالوا وانتوا
تعرفون،واحنا نروح للمركز.
يوم جينا الا ذا الصديق جالس عند الضابط حتى ماا قام يسلم علينا.واثره تمرض شوي
واشتكى علينا،وهو يقول للضابط،ارجو انكم تتاخذون اجراءاتكم،تعال يابو فلان وش
السالفه انت ذا الحين من صدقك.وهو اللي يطلع ويروح،قال لنا الضابط يا جماعه
اسمحوا لي والله ماا اقدر اسوي شيء كود يتنازل،ذا الحين وش السواه،والله يلهمنا
ونتصل على صديق لصدقينا هذا ويعز عليه كوده يقنعه،والله ونأخذ لنا حوالي الثلاث
ساعات،ولا بوجه الفهره داخل(ن) علينا هو وصديقه ويتنازل بشرط ان نتعاهد ان ما
عاد نعارضه،والله ونوقع على التعهد ونطلع والله قد حن آخر الليل.
الغريبه انه بعد كم من يوم جاي يبغيها تعود الآمور طبيعيه،يعيني يروح ويجي
معنا ههههههههه.
صدقوني اني كل ماا تذكرت السالفه اني احزن الى ذا الحين.
اسمحوا لي على الإطاله،وترى السالفه صدق.

شباصة قصيمية
18-04-06, 08:26 PM
يالله الخط صغير والكلام كله تحت بعض

راحت عيوني

زعبور
18-04-06, 08:27 PM
هههههههههههههه

اي والله البجيح

لو انا متسانكم والله لا اخذ فيه تأبيده

بالمركز لا اطحنوه

اهب وش نذله

المُهرة
18-04-06, 08:36 PM
عسى ما تصالحتوا مع ذا النذل <<< معصبه
يا حللات من يشوفه ويدبغه دبغا مبرحاً لين يقول ربي الله

يا مااااااااااال الثانكيوووووو خماشوووووووه
وترا بغيت ارز خشمي ههههههههههههههههه

المُهرة
18-04-06, 08:38 PM
يالله الخط صغير والكلام كله تحت بعض

راحت عيوني
البسي درابيلتس (a24)

شباصة قصيمية
18-04-06, 08:40 PM
البسي درابيلتس (a24)

ما عندي

مير انتي شكلتس عندتس

سيري علينا منه اشوفتس ومنه آخذ درابيل (asj)

abod
18-04-06, 08:53 PM
عادي شباب يما انكبونا ناس


تعود تعيش وأتخذ غيرها يابعد سلوتي


والصراحه بعذره معكم غماره وتبيه مايشتكي ولا بعد تدخين والعياذ بلله -------> خخخ


وشكرا

عبود

خماش
18-04-06, 08:59 PM
يالله الخط صغير والكلام كله تحت بعض

راحت عيوني يمكن عجزتي،ولا يمكن من كثر المواضيع>>>اللهم زد وبارك.
انصحك بعصير البصل،يقولون زين كل يوم قطره على الريق وتطلع عيونك زينون(a14)

خماش
18-04-06, 09:02 PM
هههههههههههههه

اي والله البجيح

لو انا متسانكم والله لا اخذ فيه تأبيده

بالمركز لا اطحنوه

اهب وش نذله عقب مارجعت الامور عاديه زنطته شوي كنها مزحه ياخوي
من اللي في قلبي(vv)

خماش
18-04-06, 09:08 PM
عسى ما تصالحتوا مع ذا النذل <<< معصبه
يا حللات من يشوفه ويدبغه دبغا مبرحاً لين يقول ربي الله

يا مااااااااااال الثانكيوووووو خماشوووووووه
وترا بغيت ارز خشمي ههههههههههههههههه لا والله الا
تصلحنا،بس مشى على اللى انا ابغي>>>قام يدخن.
وش تدبغين فيه،بيشتكي عليك.
عادي رزي الخشم>>>ما كن حد شافhttp://72.232.90.238/vb/images/nasser2/icon1611.gif
نورتي الماضوع مهورررة اهلها.

خماش
18-04-06, 09:16 PM
عادي شباب يما انكبونا ناس


تعود تعيش وأتخذ غيرها يابعد سلوتي


والصراحه بعذره معكم غماره وتبيه مايشتكي ولا بعد تدخين والعياذ بلله -------> خخخ


وشكرا

عبود عادي طنش تعش،تسلوتك اليمنى ولا اليسرى فيه فرق
والحين يوم جا طأري التدخين قلت العياذ بالله....والله،قول قول مافيه شيء
منا ولا منا.:) حيّاك اخوي عبود.

abod
18-04-06, 09:38 PM
يابعد قلبي ياحياتي ياجميع..؟؟. جميع كلمات الحب والغلا لك


التدخين مهب عيب ولا حررررام ------------ > > بدأ يرقع

وخل شعار في الحياة طنش تعش تنتعش

وشكرا
عبود

ابو شدق
18-04-06, 10:04 PM
منقاش

تسان بخشبه مع راسه

ولا جاء يرتسب تقفه بليور

او الله البجيح ياذا

الله يعنينكم على هالكشابير كخخخخخخخ

خماش
18-04-06, 10:17 PM
منقاش

تسان بخشبه مع راسه

ولا جاء يرتسب تقفه بليور

او الله البجيح ياذا

الله يعنينكم على هالكشابير كخخخخخخخ
ابو شدق،يقول لك الاول:

لـ بلاك الله بعاقه،من مقاريد الرفاقه،لا ترويه الحماقه،لين ربي يقلعه.

شاكر مرورك يا رئيس.

صدى الذكرى
18-04-06, 10:27 PM
شكرا على الموضوع

ابوهتون
18-04-06, 11:24 PM
انت تقول انه ملتزم وانتم تدخنون؟؟؟؟>>>اعجبتني كلمتك انكم ملتزمين ان شاء الله صح علبيك الاصل انكم كذا

طيب ماحاول انه ينصحكم ابد؟؟؟

ياخي مشكله ان ذا محسوب من الناس الطيبين يعني المفروض مثل ذولا يصيرون قدوه للناس

والله نذاله منه بس انتم يمكن تجاملونه وهو بجييييييييييح بقوه او صحيح عقله

خماش
19-04-06, 01:05 AM
شكرا على الموضوع



عفواً حبيب ألبي.

خماش
19-04-06, 01:16 AM
انت تقول انه ملتزم وانتم تدخنون؟؟؟؟>>>اعجبتني كلمتك انكم ملتزمين ان شاء الله صح علبيك الاصل انكم كذا
افااا عليك ابو الهتن وهل فينا شك؟بس.. تدخين
وماا شابهhttp://72.232.90.238/vb/images/smilies/teeth_smile.gif

طيب ماحاول انه ينصحكم ابد؟؟؟
ينصح مين يا عم،على موقفه اللي سوا فينا،هو اللي يبغي النصيحه.

ياخي مشكله ان ذا محسوب من الناس الطيبين يعني المفروض مثل ذولا يصيرون قدوه للناس
الله يهديه وقتها،لانه بعد كذا الله هداه وصار من الشله.

والله نذاله منه بس انتم يمكن تجاملونه وهو بجييييييييييح بقوه او صحيح عقله لا، هالحين
صار طيب عقب ماا مشى معنا ههههههههه>>>حنا طيبين.
شاكر مرورك حبيب الكل.

المُهرة
19-04-06, 03:12 AM
لا والله الا
تصلحنا،بس مشى على اللى انا ابغي>>>قام يدخن.

امحق مشيه :(
ههههههههههههههه

وش تدبغين فيه،بيشتكي عليك.

لا اشتكى علي نطحته بقروني
<<< حشى عنز :gg4mpup:

عادي رزي الخشم>>>ما كن حد شافhttp://72.232.90.238/vb/images/nasser2/icon1611.gif

تهقى (qq136)

نورتي الماضوع مهورررة اهلها.

منور بوجودك خماش ابوه (qq172)
(ghqv)

دلوووعه
19-04-06, 09:31 AM
شف وش لووون
احسن حل لبسووه قضيه وارتاحوا منه
مرره ثانيه اجدعوا بمخباه كيس سكر مطحون وهقوه بلغوا عنه مير خل يختض دمه علشان مايعووده ويدري ان البلاغ على غير سنع مب زيين وذي تكون مصعة اذن ماراح ينساه

<<<< تراي حمقت اكره ماعندي ***** اعوذ بالله من الشيطان الرجيم
لاتخلونا نستاثم

ابوهتون
19-04-06, 11:33 PM
لا، هالحين
صار طيب عقب ماا مشى معنا ههههههههه>>>حنا طيبين.
شاكر مرورك حبيب الكل.



ههههههههههههههههههه

صار طيب يوم صار يمشي معكم؟؟؟؟؟؟؟؟؟

والله الرجال دفع ثمن غالي شكله

خماش
20-04-06, 12:23 AM
شف وش لووون
احسن حل لبسووه قضيه وارتاحوا منه
مرره ثانيه اجدعوا بمخباه كيس سكر مطحون وهقوه بلغوا عنه مير خل يختض دمه علشان مايعووده ويدري ان البلاغ على غير سنع مب زيين وذي تكون مصعة اذن ماراح ينساه

<<<< تراي حمقت اكره ماعندي ***** اعوذ بالله من الشيطان الرجيم
لاتخلونا نستاثم لا هاا الحين ماا نقدر، صار يمون.
دلوووعه شرفتينا.(qq115)

خماش
20-04-06, 12:28 AM
ههههههههههههههههههه

صار طيب يوم صار يمشي معكم؟؟؟؟؟؟؟؟؟

والله الرجال دفع ثمن غالي شكله أصلح النيه الله يرضى عليك.(q41)

مستغرب
20-04-06, 12:35 AM
لا وملتزم ولا يبي ريحة الدخان

لا حول ولا قوة الا بالله

خماش وشولو ادخن

ابوهتون
21-04-06, 03:11 PM
أصلح النيه الله يرضى عليك.(q41)



خماش الله يهديك اذا ابشك فيك من اللي ابي اثق فيه
مش خشمك ياسنايدي http://www.postsmile.com/img/emotions/236.gif

سارة هالزمن
21-04-06, 03:29 PM
وعليكم السلام والرحمه


اجل مدخنين بنحطك بالقائمة السوداء

لا عاد اشوفك بمواضعي وبيدك زقاارة http://www.missxjeddah.com/dede/de16.gif


والله ونوقع على التعهد ونطلع والله قد حن آخر الليل.
.


كل الموضووع كووم وهالمقطع كووووم

خخخخخخخخخخخخ

اجل بلدياتناااا يااوولد


قد حن ههههههههههههههههههههههههههههه



يسعدك ياشيخ http://kolobok.wrg.ru/smiles/standart/ok.gif

خماش
21-04-06, 10:18 PM
لا وملتزم ولا يبي ريحة الدخان

لا حول ولا قوة الا بالله

خماش وشولو ادخن

مستغرب،الدنيا تبلى،ولا تعتقد ان حن السبب في تدخينه.
وشولو ادخن؟والله سؤال صعب،سمعت اللي يقول
"اولها طرب وتاليها نشب".
شرفتنااا ياا الحبيب،دعواتك.

خماش
21-04-06, 10:22 PM
خماش الله يهديك اذا ابشك فيك من اللي ابي اثق فيه
مش خشمك ياسنايدي http://www.postsmile.com/img/emotions/236.gif
آي واناا ابوك،هذا الظن فيك.
وخشمي ماا فيه شيء.(a14)

خماش
21-04-06, 10:27 PM
وعليكم السلام والرحمه


اجل مدخنين بنحطك بالقائمة السوداء

لا عاد اشوفك بمواضعي وبيدك زقاارة http://www.missxjeddah.com/dede/de16.gif
حاضرين،بس...تعلميني فوتوشوب.http://72.232.90.238/vb/images/nasser/0q1s40.gif














كل الموضووع كووم وهالمقطع كووووم

خخخخخخخخخخخخ

اجل بلدياتناااا يااوولد


قد حن ههههههههههههههههههههههههههههه
يسعدني،ان قد حن منهم هههههههههههههههه.



يسعدك ياشيخ http://kolobok.wrg.ru/smiles/standart/ok.gif

الله يسعد ايامك ياا ساره.

دلوووعه
22-04-06, 11:48 AM
عطنا سالفتن ثانيه

نبي سالفه فيها جلد

خماش
22-04-06, 12:02 PM
عطنا سالفتن ثانيه

نبي سالفه فيها جلد
فيها جلد؟الله لايقوله،آححححح.http://72.232.90.238/vb/images/nasser2/icon18.gif
ابشري،كل شيء في وقته احلى.http://72.232.90.238/vb/images/smilies/teeth_smile.gif

أمـــ(الورد)ــيـرة
22-04-06, 01:12 PM
الله يعينكم ...

هذا ابتلاء ... وعليكم بالصبر ...

ههههههههههههههههههههههههههاي..

علوووش
24-04-06, 08:53 PM
خخخخخخخخخخخخخخخخخخخخخ

مصدقينك يامنقاش يا أحلى منقار

وهالعله ذا وش عنده لازقن بكم يالتتانين

خماش
25-04-06, 12:01 AM
الله يعينكم ...

هذا ابتلاء ... وعليكم بالصبر ...

ههههههههههههههههههههههههههاي..
لا ابشرك،خذينا منه الحق ونصف الباطل.(qq22)
حياك الله امـــــيره.

خماش
25-04-06, 12:06 AM
خخخخخخخخخخخخخخخخخخخخخ

مصدقينك يامنقاش يا أحلى منقار

وهالعله ذا وش عنده لازقن بكم يالتتانينتهيء،تهيء،تهيء،
انت جيت ياا رمضان،حافظ ياا عقايل الله.
شرهتنا على اللي شرواك لو مخاوينا،كان يتتن من أول زنطه.ههههههههههه.

علوووش
25-04-06, 01:03 AM
لاتجيب لي سيرة رمضان ترى الاخلاق تفسد

بعدين ماعزمتن تسان تشوفن جايك على رجل

منب ارد العزايم تراي (qq172)

خماش
25-04-06, 01:22 AM
لاتجيب لي سيرة رمضان ترى الاخلاق تفسد

بعدين ماعزمتن تسان تشوفن جايك على رجل

منب ارد العزايم تراي http://72.232.90.238/vb/images/nasser2/yes.gifهههههههههه>>>تعلمتها،كله احطها في ردودي.
ماا عقلت عقب ذا الرحله،لكن ادري بك كله تجي شاحن،ماشاءالله.
وانت ماا تصدق ان حد (يصفر)لك الا صافط.http://72.232.90.238/vb/images/nasser2/icon1611.gif

علوووش
25-04-06, 01:41 AM
وجع يامنقاش

اشوفكم طايحين بالتصفير انت وزعتره

تراه مهيب زينه هالتسلمه جعلك البهاق اللي يملى خشك

والرحله كانت سعيده جداً (qq6)

خماش
25-04-06, 01:50 AM
جعلك البهاق اللي يملى خشك


قل استغفر الله،والله لا يجيني شيء لا اجيك في الرياض.(vv)

اكليل
25-04-06, 01:56 AM
ههههههههههههههههههه


يالله تعيش وتاكل غيرها قصدي تكبر وتنسى (gfp)

بس ودك بصراحه هالنوعيه من هالبشر اللي وجيهها مغسوله بمرقه أنك ماتستحي منها وتعطيها بالوجه (hjh)


تحياتي

اكليل

علوووش
25-04-06, 02:34 AM
قل استغفر الله،والله لا يجيني شيء لا اجيك في الرياض.(vv)


ابد مهوب جايك شيء

انت قطو لك سبعة ارواح

خماش
25-04-06, 03:24 PM
ههههههههههههههههههه


يالله تعيش وتاكل غيرها قصدي تكبر وتنسى (gfp)

بس ودك بصراحه هالنوعيه من هالبشر اللي وجيهها مغسوله بمرقه أنك ماتستحي منها وتعطيها بالوجه (hjh)


تحياتي

اكليل آي والله وانتي صادقه،شكراً على مرورك.

موج العراق
07-03-07, 01:10 PM
يلا يامعود اخذه على كد عقله وخليك انت الكبير
ومشكور

موج العراق

وليد 1
07-03-07, 04:03 PM
هذا قبل لا أدخل المنتدى


لكن وش الشكوى اللي قدمه عليكم

والله ياهو ....... وأنتم بكرمة

سيف عبدالله
07-03-07, 07:23 PM
اقول خماش اسمحلى انك ماعندك سالفه 00

لعن ابو ابليسك آه يانى عصبت 00 ياشيخ مامسكته مع خشته

وأقر ب حفريه وزرفلته داخله 0

ياويلى عليك000

رومانيا
08-03-07, 01:26 AM
هههههههههههه والله قوي وجه بعد يبي ترجعون زي اول

علوووش
08-03-07, 01:50 AM
منقاش عقب الجيب ماعاد لك عره يالقاطع

والله انك فقيده يالاشهب

دندوشهـ
08-03-07, 11:30 PM
من قال إن التدخين ماهوب عيب ولا حرام؟؟؟؟
ما قريتوا فتوى عن التدخين؟؟؟؟؟؟

حرااام والادلة موجودة..و عيييب...و مجاهرة بالمعصية...و ضار...
كلمات أبريء فيها ذمتي امام الله..

سارة هالزمن
09-03-07, 01:12 AM
خماااااااااااااااااااااااااااااااااااااااش

(qq79)

شيطووووونه
09-03-07, 02:24 AM
هههههههههههههههههههههههههههههههههههه
تسلم

يتيم الحظ
09-03-07, 02:34 AM
بعد خربتوه بس قوية يروح يبلغ مالها داعي حركات الشميسي يبلغ عليكم

العنـــود
09-03-07, 02:51 AM
خمااااااااااااش

لن ننساك..