من تظن نفسك ياهيه!!

[نادم]

السلام عليكم ورحمة الله وبركاته...
تشرفت بالانظمام لمنتديات قصيمي نت الرائعه
وأحببت أن أشارككم ببعض محاولاتي الشعريه المتواضعه بأسلوب جديد
أتمنى ان يحوز على رضاكم واستحسانكم..
راجياً ان تقبلوني صديقاً بينكم..
أخوكم/ نادم.

سألتها البارح!!
ليه الكلام اجحاف
ليه الاسلوب جارح..
¤
جاوبتني بكل الأنا
انت من علمني أنا
انك مهان وكلك عنا
¤
من تظن نفسك ياهيه.!!
تبي توصل للهنا
لوتموت ماتحصل عليه
¤
انا بنت الشيوخ
انا كلي شموخ
انت بنظر شوفي
انسان تافه!!
انت بس تبكي علي..
قالتها بنبره فيها غرور
ماراعت لاحساسي شعور
¤
ماعندك غير الدموع
تبيني اصدقك وانت تلعب علي
¤
ياخي ابعد عن عالمي
وانت عارف
لوتبي ذنب بقول لك مامعي
¤
شف لك وحده على مستواك
فقيره غنيه مايهمني
انا ابعد عليك من نجمه في سماك
انابنت عز و باسي قوي
¤
ابي تطلع من حياتي
(أحبك) كذبه قلتهالك وانتهت
ممكن أعرف وش تبي؟
ليه ساكت ياغبي!!
رديت مذهول...
ماني مصدق اللي تقول
وسألتها...؟؟
معقوله ماعندك ضمير
وكل هذا منك يصير..
انتي لعبتي بحسبتي
عارفه ياعمري ليه أبكي عليك
انا بعلمك ياحلوتي
الطيب مابين معاك..
حاولت ابين كل شي
عطيتك اجمل مامعاي
أهديتك القلب الوفي
ودموع لجلك ياغلاي
تذرف وهي صعبه علي
¤¤¤
ليه ساكته ياأسماء
أرجوك ردي علي
ندمانه ياحلوتي
هااااه وشو... وش قلت ياعلي؟؟
أصلا كلامك مايهمني..
كنت أحاكي الخادمه
أبيها تلبسني عبايتي
طالعه وأبي أشوفك الحين
وياويلك لوتتأخر علي!!
¤¤¤
قلت بطيبة نيتي..
يعني رضيتي ياهناي
أخيرآ حنيتي علي
وين أشوفك فيه؟؟
(سؤال نادرمايجي)!!
¤¤¤
علمتني المكان ورحت له
أنتظروأحتريها تجي
أسأل نفسي ليه تأخرت؟؟
يارب لايكون صار فيها شي!!
لا لا
يمكن ماره محل بتشتري هديه حلوه لي..
أكيد بتراضيني عشان قسوتها علي..
(بعد التفكير البريء)
وقفت سياره فارهه
تمنيت انها لي
لايكون سواق أسومتي!!
إلا والله هذي هي ~-~
جالسه بالسياره وتأشر بيدها تعال..
الله أكيد بتتأسف
وبتعطيني ورده والا اي شي..
نزلت وجيت عندها
ونظراتها تشفق علي
عطتني كيس لونه أسود
وبكل برود قالتها لي
خذ هذي هداياك ولاعمرك تدق علي
لازم أنظف غرفتي...
انصدمت وتميت ساكت...!!!
ماقدرت أحبس دمعتي
بصوت محبوس ومختنق
هذي هدايا ليه تردينها لي؟؟
قاطعتني...
وفر دموعك ولاتكثرها علي
ودك أكثر تحترق
أناماأحبك ياعلي
أناحبيت واحد من مستواي
وانت عنده مو شي
شف هداياك انت ماتستحي!!
دبدوب واباجوره وعطورات وشموع وحاجات ماتسوى علي..
شف ولد العز وش جاب لي
تصدق هذي الساعه قيمتها ١٠٠٠٠٠ ريال شاريها لي..
¤¤¤
يووووه لازم أمشي أناتأخرت على أهلي
قلت لحظه ياأسماء
قالت أخلص وش تبي؟؟
سألتها ياأسماء
ريحتك بالهدايا والا حارمتني وباخله علي.!!
بكت وقالت:
خلاص روح ولا تطولها معي
راحت..
بكل قسوتها وتركتني
واقف على ذاك الرصيف.
أضم الهدايا وأشمها
فيها ريحة أقسى وليف.
وكان السؤال معقوله بكت!!
طيب الدمعه اللي ذرفتها
عشان تحبني والا شفقانه علي!!

[سكري]

علمتني المكان ورحت له
أنتظروأحتريها تجي
أسأل نفسي ليه تأخرت؟؟
يارب لايكون صار فيها شي!!
لا لا
يمكن ماره محل بتشتري هديه حلوه لي..
أكيد بتراضيني عشان قسوتها علي..
(بعد التفكير البريء)
وقفت سياره فارهه
تمنيت انها لي
لايكون سواق أسومتي!!
إلا والله هذي هي ~-~
جالسه بالسياره وتأشر بيدها تعال..
الله أكيد بتتأسف
وبتعطيني ورده والا اي شي..


نادم
مبدع
والله مبدع تدرج غير طبيعي
نادم حلووووووه مرررررره
والله روعه
عن جد مبدع ويتسحق المتابعه والاشاده
تذكرني بكباريه لعبدالرحمن بن مساعد
نادم مرحباً بك من جديد
تسجيل اعجاب
اخوك سكري


تثبيت

[نادم]

سكري
سجلت اعجابك
وانا سأسجل ماخطته أناملك في مذكراتي
وقبل ذلك سأحفظه في قلبي
أشكر حظورك
تشرفت بمرورك
أخوك/ نــــادم

[خالد المطيري]

صح لسانكـ


أبدعت وأتحفتنا برائعه ولا أروع ..

تسجيل أعجاب وسلمت يمينكـ:)

[نادم]

أخوي/ خالد المطيري
الروعه تكمن في حظوركم الذي أتشرف فيه
لك مني كل الشكر والإمتنان
أخوك/ نــــادم

[تفـــاصيل]

سألتها ياأسماء
ريحتك بالهدايا والا حارمتني وباخله علي.!!
بكت وقالت:
خلاص روح ولا تطولها معي
راحت..
بكل قسوتها وتركتني
واقف على ذاك الرصيف.
أضم الهدايا وأشمها
فيها ريحة أقسى وليف.
وكان السؤال معقوله بكت!!
طيب الدمعه اللي ذرفتها
عشان تحبني والا شفقانه علي!!

رائع

احساس صادق ..شفاف

يعكس كل مافيه من حس بوضوح ملفت

تمنياتي لك بمزيد من الشفافية

في الكلمة والمعنى

تحياتي

اختك

مون

[شبيـه الريـح]

أتزنت القوافي بشعرك

ونضجت المعاني بوصفك تسلم أخوي

[نادم]

مون
أهلن بوجودك
الذي تشرفت به
سعادتي لاتصفها الكلمات
لكِ مني أجمل تحيه مع باقة ورد
أخوك/ نــــادم

[نادم]

شبيه الريح
شكراً لمرورك العاطر يابطل
لك مني اجزل التحايا
أخوك/ نــــادم