المساعد الشخصي الرقمي

مشاهدة النسخة كاملة : قصة مثل(هذا بلا ابوك يا عقاب).......


خلي البال
01-04-06, 01:41 AM
هذا بلا أبوك ياعقاب



مثل من الأمثال المعروفة والمشهورة طبعا تعرفون إن قابله هو الشاعر نمر بن عدوان وتعالوا نعرف وش قصته .







القصه تبدأ عندما : تزوج نمـر بـ وضحى أبنة عمه .. وكانت إمرأة جميله .. وقـد أحبها حب كبير .. وتوج هذا الحب بـ أبن أسموه ( عقــاب ) .. كانت زوجة نمـر بالاضافه إلى جمالها .. كانت ذات جسم رشيق وتميـزت بخصرها الدقيق . . حتى أن إبنها عقـاب في أحد الايام .. كان يلعب بـتفاحه ، وكانت أمه نايمه على جنبها .. فكـان يرمـي التفاحـه .. ويدحرجها وتمر من تحت خصر امـه وتخـرج من الجهه المقابله من خلفها رغم انها نايمه لتناسق جسمها ودقة خصرها .. وكان عند نمر فـرس عزيزه عليه وكانت مميزه عن جميع خيول القبيله .. وكان اذا رجع لبيته .. تقوم إمراءته بـ ربط الحصان ويدخل هو للبيت .. للعشاء ثم ينام .. وجرت العاده على ذلك ..وفي أحد الايام .. رجع نمر لبيته .. ودخل وجلس إلى إمرأته.. وقبل أن يدخل لينام .. سألها .. إن كانت قـد ربطت الفرس .. وكانت لم تفعل ..لكنهااا خافت أن يغضب منها لعدم اهتمامها .. فقالت انها ربطته .. بعد أن خطر على بالهـا أنه بعد نوم زوجها .. ستقوم لتربط الفرس وكأن شي لم يكـن .. وفعلا نام نمـر وذهبت زوجته لربط الفرس .. لكن بعد خروجها بقليل صحى نمـر من نومه على صوت الفرس نهض بسرعه بسلاحه .. وذهب بقرب المكان الموجود فيه الفرس ظناً منه ان هناك من يحاول سرقت الفرس ..سأل نمـر بصوت عالي : من هناك؟ ... كانت زوجته تحاول ربط الفرس لكنها رغم سماعها لنداء زوجها لم ترد الرد إلا بعد انتهائها من ربط الفرس .. كي تقول أنها صحت من النوم لقضاء أمر .. لكن نمـر غلب على ظنه أن من هناك يحاول سرقت الفرس وكرر سؤاله بـ : من هناك ؟ ولكنه لم يسمع رد .. فأيقن بوجود سارق وعندما لمح ظل يتحرك بسرعه ويقوم إليه .. قام بأطلاق النار على هذا الظـل .. واكتشـف أنه قتـل زوجـته بنفسـه !! بعد ذالك ساد الحزن على القبيله وعظم على نمـر .. حتى انه حرّم الزواج من أخرى بعدها .. ومع مرور السنين .. أشاروا ابناء عمومته عليه بالزواج .. على الاقل لتربيت عقــاب .. فقد كان يضعه عند أحد نساء القبيله عندما كان يذهب هو لصيـد أو غـزو .. وفعلا تزوج إمرأه .. كانت هذه أقل جمال من زوجته المتوفيه .. حاولت بشتى الطرق أن تحببه فيها .. لكنه لم يستطع نسيان إمرأته الاولى .. واكتفى بزوجته الجديده لتربية أبنه عقــاب !







وفي أحد الايام ..



رأى عقـاب إمرأة أباه الجديده نايمه على جنبهـا .. فقـام وأتى بـتفاحه .. وحاول أن يدحرجها .. من تحت خصرها .. مثلما كان يفعل مع أمه .. لكن الفاكهه كانت تصطدم بجسم زوجة أبوه ولا تمر من تحت خصرها . . لان جسمها لم يكن برشاقة وتناسق جسم أمه ..عندهـا .. ذهب عقـاب إلى أبـاه وأخبره أن الفاكهه لاتمـر من تحت جسمها وهي مستلقيه كلما رماها .. عندها قال أبـوه...هـذا بلاء أبـوك ياعقـاب ... ..فراحت مثل..





و هذي قصيدته في وضحى في أم عقاب





البارحـه يــوم الخـلايـق نيـامـا**بيّحت مـن كثـر البكـى كـل مكنـون



قمت أتوجّـد وأنثـر المـا علـى مـا**من فوق عيني دمعهـا كـان مخـزون



ولي ونـة ٍ مـن سمعَهـا مـا ينامـا**كني صويب ٍ بيـن الأضـلاع مطعـون



و إلا كمـا ونـة كسـيـر السْـلامـا**خلّـوه ربـعـه للمعـاديـن مـديـون



فـي ساعـة ٍ قـل الرجـا والمحامـا**فيمـا يطالـع يومهـم عنـه يقفـون



و إلا فـونـة راعـبـيّ الحـمـامـا**غـاد ٍ ذكرهـا والقوانيـص يرمـون



تسمـع لهـا بيـن الجرايـد حطـامـا**من نوحها تـدع ِ المواليـف يبكـون



و إلا خـلـوج ٍ سـابـة ٍ للهيـامــا**على حوار ٍ ضايع ٍ في ضحـى الكـون



و إلا حـوار ٍ مشْيِقـوا لـه شمـامـا**وهـي تطالـع يـوم جـرّوه بعـيـون



يـردون مثلـه والضوامـي صيـامـا**ترزّمـوا معهـا وقـامـوا يحـنّـون



و إلا رضـيـع ٍ جـرّعـوه الفطـامـا**أمـه غـدت قبـل أربعينـه يتـمّـون



عليك ياللـي شربـت كـاس المحامـا**صـرف ٍ بتقديـر ٍ مـن الله مــاذون



جاه القضا مـن بعـد شهـر الصيامـا**صافي الجبيـن بثانـي العيـد مدفـون



كسوه من عرض الخرق ثـوب خامـا**و قاموا عليـه مـن الترايـب يهلّـون



راحـوا بهـا حـروة صـلاة اليِمامـا**عند الدفـن قامـوا لهـا الله يدعـون



برضـاه والجنـه وحسـن الختـامـا**ودموع عينـي فـوق خـدي يهلّـون



حطّـوه فـي قبـر ٍ عسـاه الهيـامـا**في مهمة ٍ من عد الأمـوات مسكـون



يـا حفـرة ٍ يسقـي ثـراك الغمـامـا**مزن ٍ مـن الرحمـه عليهـا يصبّـون



جعـل البخَتـري والنفـل والخـزامـا**ينبت علـى قبـر ٍ هـو فيـه مدفـون



مرحـوم ياللـي مـا مشـى بالملامـا**جيران بيتـه راح مـا منـه يشكـون



وا وسع عذري وان هجـرت المنامـا**ورافقت من عقب العقل كـل مجنـون



أخـذت انـا ويّـاه سبـعـة عـوامـا**مع مثلهن في كيفـة ٍ مـا لهـا لـون



والله كنها يـا عـرب صـرف عامـا**يا عونة الله صـرف الأيـام وشلـون؟



و أكبر همومـي مـن بـزور ٍ يتامـا**و إن شفتهـم قـدام وجهـي يبكّـون



و ان قلـت لا تبكـون قالـوا علامـا**نبكـي ويبكـي مثلنـا كـل مـحـزون



قلـت السبـب تبكـون؟ قالـوا يتامـا**قلـت اليتيـم أيـاي وانتـم تسجّـون



مـع البـزور وكـل جـرح ٍ يـلامـا**إلا جـروح بخاطـري مـا يطيـبـون



جرحي عميـق ٍ مثـل كسـر السلامـا**الـى مكَـن.. عنـه الأطبّـا يعجـزون



قمـت اتشكّـى عنـد ربـع ٍ عـذامـا**جونـي علـى فرقـا خليلـي يعـزّون



قالـوا تجـوّز وانـس لامـه بـلامـا**بعض العذارى عن بعضهـن يسلّـون



قلـت انهـا لـي وفّـقـت بالـولامـا**ولو جمعتـوا نصفهـن مـا يسـدّون



مـا ظنّتـي تلقـون مثـلـه حـرامـا**أيضا ولا فيهن علـى السـر مامـون



و أخـاف انـا مـن غاديـات الذمامـا**اللي على ضيـم الدهـر مـا يتاقـون



أو خبلـة ٍ مــا عقلـهـا بالتمـامـا**تضحك وهي تلدغ على الكبـد بالهـون



تـوذي عيالـي بالنـهـر والكـلامـا**و أنا تجرّعنـي مـن المـر بصحـون



والله يـا لـولا هالصـغـار اليتـامـا**و أخشى من السكّه عليهـم يضيعـون



لا أقـول كـل البيـض عقبـه حرامـا**و أصبر كما يصبر على الحبس مسجون



عليـه منـي كــل يــوم ٍ سـلامـا**عدّت حجيج البيـت واللـي يطوفـون



وصـل علـى سيّـد جميـع الأنـامـا**على النبي ياللـي حضرتـوا تصلـون









وإن شاء الله تحوز على رضاكم

النجديه
02-04-06, 01:03 AM
تسلم يديك ياخوي على هالمشاركه

والله يعطيك العافيه

بس عندي ملاحظه ياخوي على القصيده

القصيده هذي الكثير من الشعراء والرواة قالو انها لمحمد بن مسلم من شعراء الاحساء وليست لي نمر بن عدوان

ومرثية نمر تختلف عن هالقصيده

بس حبيت اوضح اللي سمعته من الشعراء والرواة وتسلم يديك ياخوي على هالمثل الرائع

واحنا في انتظار جديدك القادم

خلي البال
02-04-06, 02:12 AM
والله يمكن.. هذا حسب معلوماتي , وأشكركي على هذا التوضيح يا النشميه..
وياليت اذا عندك مرثية نمر ترسلينها..
نسلم عليكم.........

النجديه
03-04-06, 01:54 AM
http://www.qassimy.com/vb/showthread.php?t=13173

الرابط هذا يا خوي فيه قصة نمر بن عدوان كانت مشاركة اخوي مستغرب الله يعافيه

اتمنى انك تطلع عليها

SKYCRUISER
03-04-06, 02:18 AM
الله يعطيك العافيه اخوي خلي البال..

ملاحظه صغيره ويمكن بايخه هههههه : اللي كان يلعب بها عقاب ماكانت تفاحه كانت (شريه):)

والسلاح اللي قتل به زوجته كان رمح:)

هذا والله اعلم:)

ونمربن عدوان له قصيده مشهوره لكن والله مااعرف منها الا بيت واحد:( يقول:

اناوحبيبي فرقتنا المقاديـــــر+++ من قد خبر بيديه يطرف عيونـــــه

تحياتي لك ومشكورعلى هذه القصه الرائعه:)

خلي البال
04-04-06, 08:03 PM
مشكور يا SKY CRUISER على مرورك وافادتك الجميله.. ترى أسمك صعب ياخي.
أختي النجديه.. 5000 شكرا على ارسالك للرابط ..أبشرك شفته وصححت معلوماتي..يامال الجنه.

الطرررررقي
08-04-06, 10:41 PM
بيض الله وجهك أخوي

ويكثر ما نقول هالمثل هالأيام

لأن ما عاد فيه خصور حتى الهواء مايقدر يمر قفله

ويعطيك العافيه أخوي

خلي البال
09-04-06, 07:09 PM
مشكور أخوي الطرررررقي.. مضبوط عدد الرراءات.. ايه صح خمسه..
تسلم على مرورك يالغالي..

سالم بن عبيد
10-04-06, 12:47 PM
مشكوووور اخوي بس في تعديل حسب ماسمعتها من بغض الروااااه يقول بان مناسبة المثل هو لا ابو عقاب وحجاب العواجي حين تزوج سوريه قبل ام عقاب وانجب منها ثلاثة اولاد وبعد مرور السنين استولى ابنا عم ابو حجاب وعقاب على الحكم والاماره من ابن عمهم وقتلوا اولاده واصبح بدون اماره ومر عليه نمر بن عدوان وراها بحاله سيئه فقرر ان يزوجه امراه شمريه وبالفعل تزوج وانجب منها حجاب وعقاب وبعد مررورسنين اعادوووا الحكم لوادهم
وكان عقاب يسال ابيه عن سبب سقوطه وحكمه فقال له ابوه بانه غره جمال السوريه وان السوريه ما انجبت عيال يتكل عليهم وانهم كانوو اخوانه رخوووم
يعني ياشباب الله الله بخوال عيالكم نقوهم نقوه
ومشكورين

خلي البال
10-04-06, 08:33 PM
يا هلا بك ياخوي .. سالم بن عبيد..
والله فعلا كثرت الروايات بها الموضوع .. واللي عاجبني مداخلاتكم اللي أستفيد منها أنا وغيري..
وبالنسبه للقصه اللي ذكرت يا ليت اذا انها كامله عندك تنزله المنتدى.. لا هنت ..
وعز الله صدقت يابن عبيد بسالفة خوال العيال.. اللي توهق وراحت عليه يدور له مره ثانيه..
ونصيحتي تكون ..قصيميه.. ترى والله ماني قصيمي..هههههههههههههههه..
ما أطول عليك يالغالي.. ومشكور على مرورك ومداخلتك..

سالم بن عبيد
12-04-06, 12:20 PM
لا والله ماهي عندي بس سمعتها من بغض الشيبان ياخلي البال وليتها عندي كان نزلتها لك

الغيم المظلم
12-04-06, 03:04 PM
علي العموم القصيده كما ذكرت راويه انها لمحمد بن مسلم من شعراء الاحساء
والله اعلم

الدنيا مبدء ياتبدء ياابدء
20-04-06, 11:18 PM
صح لسااااااااااااااااااااااااااااانك