المساعد الشخصي الرقمي

مشاهدة النسخة كاملة : وش الفرق بينا وبين الجن يمكن بناتنا ازين من بناتهم!!


فهدالسعودية
20-03-06, 12:10 PM
(a24) مقــــــــــــــــــدمة:-


قبل ما ابدابالسالفه لازم تعرفون وشو الربع الخالي اتوقع أن الكثير من الاعضاء قاعدين يقولون وش ذا الي جايب لنا جماعتهم علشان يسولف عنهمواحب اقولهم هذا ماهوب خالي يعني اخو ابوي(على باله فاهم(a24) ) لا .. هذيمنطقة كلها رمل واطعوس وضبان وجرابيع وماجنبها الا عمان واليمن ونجران (وعليكم الباقي)



تحذيـــــــــــــــــر:-

الموضوع يمكن يصير طويل اشوي (انا وقريحتي)<<< الله من زين القريحة (يحسب القريحة هي القلم)

لذا ننصح بالتالي:

1- جب ترمز الشاهي

-2رح للي انت خابر لان الدعوة فيها جن وافلام رعب

3- جب فيشار وسفن اب<<<<< الاخ بيدخل سينما (a24)


4 - استمتع كما لم تستمتع من قبل


البدايـــــــــــــــــــة:-

الله يسلمكم شريت لي جيب ورحت للغرابي حطيته عند ذاك المحل وقلت جهزه لي لرحلة لمدة شهر للربع الخالي
رجعت بعد اسبوع لقيته الله يسلمكم ماسوى أي شيء وماغير حاط خرقة بيضاء بالغمارة (قفلت معي)

انا : خير ان شاء الله ماشوفك جهزت الجيب
راعي المحل : بالعكس جهزته لك ووفرت لك اقروشك
انا : ورني اشوف وش سويت ؟
راعي المحل : شف يالغالي وجهك ماهوب وجه بر(q104) ….. اطعوس الثمامة وتخب عليك لا ولاتروح لها الا مع محرم يومين يالغالي بالربع الخالي ثم لف روحك بهالخرقة البيضاء(كفن) اللي انا حطيت لك وادفن روحك باقرب جفرة وترى موتك ماهوب احسافة لانك بعد مليون سنة بتصير بترول(q32) .

صراحة اخذتني العزة بالاثم وقلت افاااااا وانا اخو ميّادة <<< ويقول راعي بر(a24) …. والله لاثبت لهالجنط اني طير بر واطلق من كل زباينة والله لايعوق بشر رايح رايح للربع الخالي(qq11)

الاستعداد للرحـــــــلة:-



اعتمدت على نفسي (احلى يالطير) وجهزت السيارة ورحت للاحوال وغيرت اسمي من فهد الى شدّاد(a24) وحطيت عشر توانك بنزين وخمس توانك ماء وماخذت غيرهن شيء لانه مابقي محل واخذت سكين قوية مثل حقة رامبو (نعنبوا الخكاريا اذا تمرجلوا) واخذت معي كريمات حقت الشمس وسروال سنة <<مادري وشو له يمكن عشان ادعم احساسي اني رجل(a24) …. وكتب عن البر وصورة عقرب وداب وضب ونعامة (وسائل ايضاح )

توكلت على الله ورحت للبسامي حقين النقل وشالوني انا وسيارتي وحطونا على حدود الربع الخالي (شكل راعي المحل مزدي فيك(a24) )الزول نزل سيارتي من سيارة الشحن واذكر اخر كلمة قالها (الله لايحلله) اذا عندك استراحة عطني مفتاحها علشان انتبه لاغراضك - مادري وش يقصد(q32)


انطلقت الرحلة وقررت اني اقطع الربع الخالي من شرورة الى البحر العربي في قرية ابو مزيد اليمنية
مشيت بالجيب وجاء الليل وانا امشي وخبر جدتي تقول لي ان كل اللي بالربع الخالي متجنسين <<< يعني بهم جن ،،، الجرابيع والضبان حتى الجن بهم جن<<ابوك يالدلاخه (a24)
كان معي كتاب التعايش في الصحراء وقررت اني اوقف وآكل اجعولة وخنافس (معه اكل بس مسوي نفسة بطران(zm)) المهم اني لبقت الجيب ونزلت واول شيء ابسوية ابشب ضو (نار للخكارية (a24))وشلووووووون؟؟ خبري بهم بالافلام يجيبون قطعة خشب ويفركونها الين اتولع وادور لي ذيك الخشبة وابدا ابرم وابرم وابرم الين احولت اعيون والله لانار شبت ولاحرارة ولعت والله ماغير اشتبت ايديني من الفرك وارميها على جنب وجيب كبريت واشب الضو واريح بالي ….
وانا جالس كان فيه جربوع ماسك(ن) ايد ضب وقاد ينغزة مع كتفة ويشر علي ويضحكون !!! مادري ليه



في اعماق الارض:-

جلست اتامل واترقب وانتفض وماغير جالس احتري جني ينط بي
يوم بدا النوم يداعب خشتي والله واحس الارض تتحرك تحتي … وجع وش ذا؟؟؟؟؟اجي ابقوم عجزت اتحرك لان رجليني غاص(ن) بالارض والجيب وعدتي كلها تغيص معي !!!
وابدا اتشهد وانتظر مصيري المحتوم ومادري ليش جاء في بالي اللي في المحل راعي الخرقة البيضاء وانا اقول بيني وبين نفسي ايه اشوى على الاقل مامت بالطريقة اللي قال لي <<< خكري مابه فايده(a24)
المهم اغمي علي ودخت (اول مرة واحد يغمى عليه وايدوخ(a24) ) مادري كم راح من الوقت وانتبه
المس روحي واقبصني هو صحيح انا حي !!! بس وين انا فيه؟؟ الدنيا هنا غير شكل
اشوي وادخلت علي وحدة (بسم الله الرحمن الرحيم) لها عين وحده في جبهتها وجسمها كله شعر ولها سبع ايدين وثلاث رجلين انا انهبلت فقلت لها من انتي ؟؟؟؟؟ قالت لي: انا جنية حياك يابني بيتك ومطرحك (قلت بيني وبين نفسي لاومصرية بعد ماسدك انك جنية (a24)) قلت لها : وين انا وش السالفة ؟؟ قالت: لاتخاف انت في جن استان على طول جاء في بالي علوش(احس انه من الجن(a24)) قلت زيييين الحين جاء وقتك يا علوش مو غاثني طول عمرك في قصيمي نت اغديك تنفعنا اليوم … قلت لها : تراني اعرف علوش زميلي في قصيمي نت قامت وحطت يدها على فمي وقالت: اصصصصص لا احد يسمعك هذا ولد داشر وحنا طاردينه عند جن الثقبة لايدرون انك تعرفة ترى يسوون لك مشكلة … قلت لها ابد ماعرفه حتى ما ارد على مواضيعه <<<<نعنبوا النذالة (a24)


قالت لي الجنية ماعليك ولاتخاف وانت في حمايتي انا من اكبار الجن وابوي سفير في شيطان ستان (حتى هم عندهم الواسطات(qq111)) طلعت انا واياها قالت اول شيء اكيد انت جوعان خلينا نوديك تاكل شيء في المطعم

دخلنا المطعم واشوي وجاينا ذاك الجني اللي لابس وزرة وريحته قات قال : هيّا اطلبوا ايش تشتهون تاكلون (ضحكت انا قلت ياحليلة جني ويماني(zm))

قلت له وش عندك؟

قال عندنا مندي ضبان مندي ، جرابيع مشوية جراد مقلي صقنقور على الطريقة الصينية ومندي اقطاوة وامفطح اتسلابة (كلب) وعقارب محشية وديبان اسباغيتي قلت له ابي جراد مقلي ..قال مايخالف بس تراه غالي لانه هو ربياننا (z)
تغدينا وطلعنا انكمل جولتنا قلت لها ودي اشوف معارض سياراتكم يالجن قالت مايخالف المهم رحنا ولبقنا واول ماوقفنا جانا جني راسة كله زيت ورجلينه سود واثيابه وصخة وقف عندي وقال غسيل سيارة صديق (جني هندي(a24)) دخلنا للمعارض الاّ والله جيبي يحرجون عليه !!! ياولد هذا جيبي !!! وقفوا لاتحرجون …طالعني اللي يحرج وقال : ابك انت وش علامك ؟؟ روح وراك لا انط فيك هذا ابك حقنا جايبينه من اعمان ….. اعمان وانط فيك قلت يالله السلامة وبستين داهيه الجيب بكرا بابا يشتري لي موستنج تفاحي
وقالت لي اللي معي اذا اتعرف احد بالمرور والا ايخلف الله عليك
يوم طلعنا عورني بطني قلت لها تكفين ابي مستشفى قالت مايخالف
دخلنا المستشفى قال لي راعي المستشفى يابني مافيش سراير للجن نؤوم نحطك انت يالانسي يابني روحالعب بعيد(q32) … القهر وهو يقول لي دخل جني سوداني وجني هندي وجني مصري وجني باكستاني وكلهم ادخلوا ولقوا لهم سراير …التفتت على الجنية اللي معي ….. قالت ماعليش حنا يالجن السعوديين مضطهدين في مستشفياتنا والله يعين مخباتك والا دور واسطة علشان تدخل(q3)

قلت امحق جن حتى انتم مثلنا اقول رجعوني للربع الخالي اصرف لي ترى الضبان والجرابيع احسن منكمقالت لي هو ادخول الجن زي اخروجة !!!! اذا تبي تطلع لازم تحل اللغز اللي باقول لكقلت عطينا اشوف …
ودتني عند جني علشان يسألني انا يوم شفته قلت بس بيصكني بسؤال ذكي وانا قاعد على اعصابي قام الجني يناظرني بنظرات قوية وانا متصفط وارتجف من الخوف ثمن عطاني السؤال وش هو الشي الي يطلع ويختفي(طلع جني دلخ(a24)) قلت الجن قال وشلون عرفت انت من الاذكياء النوادر قلت الله يسلمك قلت اقدر اطلع الحين قال ايه رح قلت يالله تامر على شي قال سلامتك قلت شكرا<<مدري وش تبي بس من الخوف قلت شكرا(a24)

خلاص انتهت القصة اكيد مايستفاد من الموضوع:-
الجن هم اناس مثلنا ولكن نحن على سطح الارض وهم يقبعون(حلوه يقبعون) في باطن الارض.

تقبلوا تحياتي....

المُهرة
20-03-06, 12:29 PM
يؤ
وش ذا فوهيدان
موضوعك يبي راسن صاحي
وأنا النووووم دابغني دبغاً مبرحاً

سوف ارجع له ثاني لا صحصحت (asj)

ابو شدق
20-03-06, 02:07 PM
قال عندنا مندي ضبان مندي ، جرابيع مشوية جراد مقلي صقنقور على الطريقة الصينية ومندي اقطاوة وامفطح اتسلابة (كلب) وعقارب محشية وديبان اسباغيتي قلت له ابي جراد مقلي ..قال مايخالف بس تراه غالي لانه هو ربياننا


او الله المطعم ذا

بعذره لو صار بالربع الخالي

كلهم طنوج

عافاك فهيدان

عبْث
20-03-06, 02:37 PM
وعقارب محشية وديبان اسباغيتي قلت له ابي جراد مقلي


هههههههههههههههههههههههههههههههههههه


عزالله انـــــــــــــــك اكلت هــــــــــــــــوا


فهيدان

اشهد بالله انك لااااااااااااااذع


ايه ماعليك شرهه من يوم خاويت

المنسم ابو شدووووووووق .......... (مدري ليه اتذكر جملنا لاشفت اسمك)


واستااذت التنسيم المهيييييييرة ..... صاير اخلاق هههههههههههههههههه


شنكيووووو فهد

كيرم
20-03-06, 03:17 PM
اشوي وادخلت علي وحدة (بسم الله الرحمن الرحيم) لها عين وحده في جبهتها وجسمها كله شعر ولها سبع ايدين وثلاث رجلين

ماشالله مو جنيه اخطبوط ذي

اهم شي رجعت بالسلامه

كيرمووووووووه

علوووش
20-03-06, 04:18 PM
كود الله إنك مدبل يافهيدان


أغدين ارجع لك الليله

فهدالسعودية
20-03-06, 06:10 PM
يؤ
وش ذا فوهيدان
موضوعك يبي راسن صاحي
وأنا النووووم دابغني دبغاً مبرحاً

سوف ارجع له ثاني لا صحصحت (asj)

يالله نومي نومت اهل الكهف ان شاء الله (asj)

ساكون في انتضارك...

فهدالسعودية
20-03-06, 06:14 PM
او الله المطعم ذا

بعذره لو صار بالربع الخالي

كلهم طنوج

عافاك فهيدان
لا فيه بعد اكلات مشفره<<حلوه مشفره (asj)

الله يعافيك اخوي ابوشدق تعزم تروح معي المره الجاية (asj)

فهدالسعودية
20-03-06, 06:18 PM
وعقارب محشية وديبان اسباغيتي قلت له ابي جراد مقلي


هههههههههههههههههههههههههههههههههههه


عزالله انـــــــــــــــك اكلت هــــــــــــــــوا


فهيدان

اشهد بالله انك لااااااااااااااذع


ايه ماعليك شرهه من يوم خاويت

المنسم ابو شدووووووووق .......... (مدري ليه اتذكر جملنا لاشفت اسمك)


واستااذت التنسيم المهيييييييرة ..... صاير اخلاق هههههههههههههههههه


شنكيووووو فهد
مشكور اخوي الراسي على ردك لكن ما صادقت ابوشدق والمهرة<<جحدهم (asj)

فهدالسعودية
20-03-06, 06:20 PM
اشوي وادخلت علي وحدة (بسم الله الرحمن الرحيم) لها عين وحده في جبهتها وجسمها كله شعر ولها سبع ايدين وثلاث رجلين

ماشالله مو جنيه اخطبوط ذي

اهم شي رجعت بالسلامه

كيرمووووووووه
مشكور اخوي كيرم وشكلك داخل جو بالقصة :D على العموم الله يسلمك :gg4mpup:

فهدالسعودية
20-03-06, 06:22 PM
كود الله إنك مدبل يافهيدان


أغدين ارجع لك الليله
انا في انتظارك ياذيب (qq115)

علوووش
21-03-06, 01:07 AM
وادخلت علي وحدة (بسم الله الرحمن الرحيم) لها عين وحده في جبهتها وجسمها كله شعر ولها سبع ايدين وثلاث رجلين انا انهبلت فقلت لها من انتي ؟؟؟؟؟ قالت لي: انا جنية حياك يابني بيتك ومطرحك (قلت بيني وبين نفسي لاومصرية بعد ماسدك انك جنية (a24)) قلت لها : وين انا وش السالفة ؟؟ قالت: لاتخاف انت في جن استان على طول جاء في بالي علوش(احس انه من الجن(a24)) قلت زيييين الحين جاء وقتك يا علوش مو غاثني طول عمرك في قصيمي نت اغديك تنفعنا اليوم … قلت لها : تراني اعرف علوش زميلي في قصيمي نت قامت وحطت يدها على فمي وقالت: اصصصصص لا احد يسمعك هذا ولد داشر وحنا طاردينه عند جن الثقبة لايدرون انك تعرفة ترى يسوون لك مشكلة … قلت لها ابد ماعرفه حتى ما ارد على مواضيعه <<<<نعنبوا النذالة (a24)



خخخخخخخخخخخخخخخخخخخخخخخخخ

وجعتن توجعك جن وعفاريت وخثاريب وحدر الارض << استاحش

وجعلك ماتصلح انت وهالجنيه يالسلوقي

مير السمعه منعدمه حتى عند فيدين الارض

مسترجل رايحن يم هاك الخليان

انثبر واغد رجل ولامنك جيت تكشت اكشت دزدام مسجدكم

ووش صار عليك يوم طلعت وين هملت (vv)

<<<<< راح ينام لعنبو بليسك بالعن رادو انت

فهدالسعودية
21-03-06, 11:29 AM
خخخخخخخخخخخخخخخخخخخخخخخخخ

وجعتن توجعك جن وعفاريت وخثاريب وحدر الارض << استاحش
وما خفي كان اعظم عرفت الحين معنى هذا المثل(qq6)

وجعلك ماتصلح انت وهالجنيه يالسلوقي

مير السمعه منعدمه حتى عند فيدين الارض
انت سمعة في كل مكان شينه مدري وشلون عايش<<تحطيم

مسترجل رايحن يم هاك الخليان

انثبر واغد رجل ولامنك جيت تكشت اكشت دزدام مسجدكم
والله كنت اسوي كذا(asj) وبعدين على الاقل رحت انا هيناك مو زيك تاخذ لك خيمة وتروح

للبراحة الي عند بيتكم على بالك مخيم هناك انت وجهك (asj)

ووش صار عليك يوم طلعت وين هملت (vv)

<<<<< راح ينام لعنبو بليسك بالعن رادو انت
ياخوي اذكر الله نعنبوا بليسك تبي تعدم موهبتي الوحيدة<<ايه هذا الي جيدا فيه (asj)

ابيك المره الجاية تروح معي وذي المره نبي نروح للصحراء الكبرى<<اسمع عنها بس مدري وينهي فيه(asj)

دودي الزعلان
21-03-06, 12:24 PM
موضوع حلو<<كل قسم
اشكرك على الموضوع الشيق ولا يخلو من الدعابه << لا تفلفس
ننتظر من الاكثر يافهد

فهدالسعودية
26-03-06, 03:15 PM
موضوع حلو<<كل قسم

اشكرك على الموضوع الشيق ولا يخلو من الدعابه << لا تفلفس
ننتظر من الاكثر يافهد

مشكور اخوي دودي الزعلان<<وش دعوه زعلان

يعطيك العافية على المرور