المساعد الشخصي الرقمي

مشاهدة النسخة كاملة : &**يوم في حياة تفاحه وسفرجل**&


&*غروب*&
20-03-06, 06:25 AM
تفاحه وزوجها سفرجل على الفطور...

تفاحه : سفرجل
سفرجل: هاه وش تبين
تفاحه: وش هاه قول سمي...آمري...تدللي....
سفرجل: صاحيه انتي فيكي شي
تفاحه: يوء ياصفصف مااستاهل شوية دلال؟!!
سفرجل يحط ايده على جبهة زوجته:
توجسين شي تبين أذبك بالمستشفى أو أوديك
للمقروده خالتي <<< يقصد حماته
تفاحه: يوه ياسفرجل مابي شي بعدين
امي موب مقروده انتبه للسانك لا والله ببيالة الشاهي
سفرجل: اشوى رجعتي وش ذي الحاله اللي ركبتك قبل شوي.
تفاحه: أبد كنت أبي اجرب هالرومانسيه اللي اسمع عنه
من رفيقاتي واشوفه بهالمسلسلات...
سفرجل: أركدي بس وش لك بوجع الراس ذا كله كلام فاضي كبري دميجتك.
تفاحه: من قال انه كلام فاضي ولا تبي يصبني عقدة نقص وفراغ عاطفي وأروح أدور على الحب برا!!!!!!
سفرجل يحلت زوجته بيضه طراااااااااااااااخ الا هي
ساكة جبهته: شوفي هالمره بيضه المره الثانيه ترى بالنعله.
تفاحه بعد مانكسحت حطيت حيله بالبيضه تقشرها.
سفرجل: هاتي البيضه موب حلال فيك
تفاحه: باكلها رضيت ولا نرضيت.

********************

تفاحه بالمدرسه في غرفة المعلمات مع صديقته موزه....

تفاحه: موزه مانفع شغل الرومانسيه مع هالتعيس رجلي
موزه: ياقلبوا انتي
تفاحه: موزه انت عسل وش رايك نحب بعض
موزه تدف تفاحه : اقول انقلعي بس
تفاحه: وش فيك بس شوفي نص المدرسه شغالين اعجاب معلمات على طالبات
موزه: ايه بس انتي متزوجه وذولي لسى على باب الله
يتلهون على بال مايجي تعيس الحظ
تفاحه: طيب انتي موب متزوجه شلون مشيه امورك؟!!
موزه: بصراحه في كم بنت حاطه عيني عليهم واشوفهم
كل مامريت دنقوا روسهم وتضيحكوا بكره بجيب معي
حزمة ورد واوزعه عليهم عربون محبه
تفاحه: اوريك اللحين موب المقربون اولى بالمعروف
موزه: اقلبي وجهك من زينك بعذره رجلك لو ماعطاك وجه.

********************

سفرجل في العمل مع اخوايه شغالين شرب قهوه واكل
حلى <<<<< غطوا على طالبات الكليه

سفرجل: زوجتي بها بلى طالعة بموال جديد
خويه كراث: اتزوج عليها وفك عمرك
خويه دارسين: خير ان شاء الله
سفرجل: تقول تبي تجرب الرومانسيه والله اني خايف
على اللي باقي من عقلها
خويه كراث: هو باقي به شي تزوج عليها وفك عمرك
خويه دارسين: أكيد من مطالعه لهالفاضائيات اللي خربت عقول الحريم.
سفرجل: وش الحل برايكم
خويه كراث: قلت لك تزوج عليها وفك عمرك
سفرجل ودارسين : كراث
كراث: نعم
دارسين: انطم
سفرجل: وعض على شحمه
دارسين: تبي الحل وانا اخوك
سفرجل يهز راسه
دارسين: خذها بالشده وانا اخوك ولا تعطيها وجه
ترى اذا عطيته وجه انت الخسران
سفرجل يهز راسه ياكد كلام خويه دارسين

********************

تفاحه وسفرجل بعد ماتغدوا جالسين على السفره
وتفاحه حاطه حيله بقشر البرتقال تقطعه....

سفرجل: ورى ماتتركين عنك البربصه وتقومين
تضفين السفره وتجبين الشاهي!!!!!
تفاحه: بالاول ابي اسالك سؤال وابيك تجاوبني بصراحه
سفرجل: اسالي هو انا عمري جاملتك
تفاحه: انا شينه ولا حلوه
سفرجل: انا خبري بك وانتي حلوه يوم زواجنا وبعدها
مادري وش فيك قلبتي صرتي ماتهتمين بنفسك وضاع جمالك.
تفاحه: طيب لو بديت اهتم بنفسي بتلتفت لمي وتهتم فيني
سفرجل: الظاهر انه صايبك مس اقول خلي عنك هالسوالف وقومي جيبي الشاهي بساع ابي ارقد
تفاحه قامت ضفت السفره وجابت الشاهي وحطته
عند رجله المصون وقامت تبي تنام
سفرجل: تعالي يامره صبي الشاهي
تفاحه: صبه لنفسك ولا لا يكون تحسب اهلي زوجوني لك شغاله.

انتهت.

بقلم

&*غروب*&

ملاحظه كبر اللي تبون :

لا حد يذب علي مااحب الذبات

عندكم الموضوع ذبوه عليه وعلى شخصايته على راحتكم حلالكم :o

وصباحكم عسل

دلوووعه
20-03-06, 09:32 AM
يالله صباح خير

مشكووره على السالفه

المُهرة
20-03-06, 11:36 AM
هههههههههههههههههههههههههه

ما شاء الله عليهم ذابحتهم الرومانصية الخرطي :o

يا مااااااااال الثانكيووووو خيتوووووو غروووووب

ابو شدق
20-03-06, 01:37 PM
بسوق الخضره

كراث ودارسين وغايبين

وشغلات

بس عندهم رومنصيه مزبوطه

عافاتس يامغربه

علوووش
20-03-06, 04:16 PM
فك الله الماضوع توني معبي الكرشه


وإلا تسان بلقمه وحده أنهي مستقبل سفرجل وعيالينه


يامال العافيه وياجعلتس تشرقين

&*غروب*&
21-03-06, 12:40 AM
دلووووووووووعه

يالله صباح خير وش قصدك فيها

عموما العفو

*****************

المهره

ههههههههههههههههههه

وراه عاد خرطي ماتحلى الحياة الزوجيه الا لازم شوية رومانسيه

يسلمو مهره على الرد والتواجد

&*غروب*&
21-03-06, 12:53 AM
أبو شدق

بسوق الخضره

كراث ودارسين وغايبين

وشغلات

هالشغلات مسويه اضافات على القصه لا دقق :o

بس عندهم رومنصيه مزبوطه

ايه قول للمهره شكله ماتعترف بها

والرومانسيه عند تفاحه اما سفرجل يفتح الله

عافاتس يامغربه

يعافيك ربي

********************

علووووووووووش

فك الله الماضوع توني معبي الكرشه

ههههههههههههههههههههههه اويه ولو ما كنت متعشي


وإلا تسان بلقمه وحده أنهي مستقبل سفرجل وعيالينه

عاد تعالي ياغروب فتشي على موضوعك :o

يامال العافيه وياجعلتس تشرقين

أشرق بوشو بموضوعي

<<<<<<<<<< تستهبل

علوووش
21-03-06, 01:24 AM
لا مهوب بموضوعتس


تشرقين يعني تطلعين عقب صلاة الفجر << هدر جداً

&*غروب*&
21-03-06, 01:37 AM
علووووووووووش

وصلت الفكره من اول مره قلتها لي

بس حبيت استهبل هالمره خصوصا انك جبت طاري الاكل

أم أديم
26-03-06, 05:49 AM
هههههههههههههههههههههههههههههههههههههههه حلوووووووووووووووووووه

العاذريه
26-03-06, 07:12 AM
بصراحة غروب
حسافة ينحط بالترفيهي لان فيه فكرة روعة
بس لفت انتباهي انه تأليفك ماشاءالله
الله يعطيك العافيه على هالاسلوب

&*غروب*&
27-03-06, 01:36 AM
أم أديم

الله يحلي أيامك ويسعدك

&*غروب*&
27-03-06, 01:42 AM
بصراحة غروب
حسافة ينحط بالترفيهي لان فيه فكرة روعة
بس لفت انتباهي انه تأليفك ماشاءالله
الله يعطيك العافيه على هالاسلوب

أهلين العاذريه

فكرته خطيره بس ماعندك أحد (qq6)

أحس كل اللي ردوا ردو مجامله

من جد جان احباط

وكان كل خوفي يجي حسن خليل يشوفه

وتجيه صدمه (qq152)

يعافيك ربي منوره

المتحد
27-03-06, 01:54 AM
غروب
وش السالفه >> سوق خضره
صراحه نقد إجتماعي بطريقه ساخره
ومتعوب عليها
جزء كبير منه واقع للأسف
الفراغ يولد البدائل
وأنتبهوا تماشون نوعيات زي موزه ودارسين وكراث
ياحبي للأنناس
الموضوع ماأخذ حقه والمفروض في العام
.

&*غروب*&
27-03-06, 02:29 AM
المتحد

هلا بك منور

غروب
وش السالفه >> سوق خضره

كنت مشتهيه سلطه وقتها :o

صراحه نقد إجتماعي بطريقه ساخره
ومتعوب عليها

كلماتك رفعة من معنوياتي شكرا لك

جزء كبير منه واقع للأسف
الفراغ يولد البدائل

معاك حق بس وين اللي يتبصر

وأنتبهوا تماشون نوعيات زي موزه ودارسين وكراث
ياحبي للأنناس

ههههههههههههههههههههه الشر برى وبعيد

الخوخ أسهل وأطعم وألذ خصوصا اذا كان بارد وبالصيف<<<<<< اشتهيته

الموضوع ماأخذ حقه والمفروض في العام

انا بعد اشوف نفس الشي بس ماخطر بالي العام

وتشكرات كثيرات على قولة سيف العداله