Pizza
13-03-06, 12:53 PM
يالله حيهم يالله حيهم<--تحيا يا طويل العمر
بعد أن انسدحت باستقامة على فراشي في ليلة شتوية مثلجة، لقيت جنبي دجاجتين "دو" طالعين من الفريزر يشمون هوا، يوم إني تواسيت، وإلى وحدة منهن تصرخ "هووووو " رجااال؟؟ قلت لا طاووس متنكر ، أكيد رجال ولا مهوب مالي عينك الشنب ؟؟
يوم شفتها تروعت، قلت لا تخافين أنا آدمي منب ديك ، قالت:أشوى، ويوم قعدنا شوي وتوي بنام، إلا وتفز وحدة منهن، قالت
http://applejuice.jeeran.com/chicken.gif
أزريت يا حال تشوق لعرف..عرف اللذي زينه خصاله وروحه
الصبح كرف وتالي الليل كرف..مره أبيض أو على بيض مسدوحه
فريخ قايم وواحد طايح بجرف..والشين داخلني عقب زين وملوحه
طبعا الأبيات بالفرنسي لأن اللي قالتهن دجاجة دو، بس استعنا بوحدة المراقبة في دجاج الوطنية وترجموها لنا.
والله ويوم سمعته تقول هالأبيات، ضاق صدري، وقلت لازم من الصبح آخذ صحن كبدة نص استوا وبريق شاهي حليب، وكاس كورن فليكس<--أبي أشخص ولا عرفت وأروح أدور حبيبها الديك الضايع. بديت رحلتي في مزارع البطحي للدواجن والزعتر، وأخذت معي واحد من أعز أصدقائي وهو حوت مهاجر<--طردوه من البحر والتصريفة "مهاجر"، وطبعا خليت حريم "دو" بالبيت لأنه ما عندنا بنات يطلعن
دخلنا المزرعة، وقعدنا 3 ساعات ندور ولا لقيناه، بعدها مسكت حوت ولزخته، أقوله:حمار أنت؟؟ قال: ياليت، كان على الأقل بين أهلي وجماعتي ولا انحديت عليك، قلت له:يا فاهي أثرك مدخلنا قسم الحريم، وبالماريه فيه ثنتين مغاتير مدري وشلون دخلوهم (رقم 1 في الصورة)، ووحدة طقاقة(رقم 2 في الصورة
http://applejuice.jeeran.com/chicken2.jpg
طلعنا من قسم الحريم، ودخلنا الرجال، وإلى هاك الديك اللي على ددسن، ومسسسرع ، يوم مر من عندنا، قال: الله بالخير، قلنا:الله بالخير، قلت له: ما عندكم ديك فرنسي؟؟ قال:إلا بس إننا مغبينه عن الأنظار، قلت:ليييش؟ قال:ما يطلع إلا بالمهمات الصعبة، قلت:منت عاقلين يا الكوماندوز ، قال:لا المهمات الصعبة، يعني الدجاجة اللي يطلعون عيالها مقااااشع كنهم غربان، نزوجها إياه تحسين نسل. قلت:خل عنك هالخرابيط، الرجال أهله فاقدينه ويدورونه لهم سنين، خله يلحق عليهم قبل لا يجي عزوبي توه نازل راتبه وياخذها من السوبرماركت ويسويها مضغوط لربعه. قال الديك:أنا أبوها، قلت:خل عنك المهايط وخلنا نقابل الرجال بسرعة.
ركبنا مع الديك المطيور عساه للانفلونزا ، أنا جنبه بالغمارة والحوت بالحوض، وبدا يلفلف ويفحط وكل شوي يوقف، قلت: وش بلاك كل شوي واقف؟؟قال:هذي متلازمة خط البلدة -الله يجيرك-، قلت ما تشوف شر يا "ذيبان"، قال: حسن ألفاظك لا تقول ذيبان، قلت:اخلص ويصير خير. دخلنا بدعاسيق وشوارع ضيقة، ووصلنا شبك كبييير يسمونه القلعة، قلت:وشو ذا؟؟ قال:هذا مخبأ الفرنسي، حتى كونان ما يقدر يجيبه ، وعند بوابة القلعة، ونلقى أسد حراسة منسدح، سلم عليه راعي الددسن وقال:الامير يسلم عليك ويقول خلهم يدخلون، ومير يفتح لنا وندخل. دخلنا وجلسنا باحديقة، وشوي ويدخل علينا الفرنسي المزيون، لا وكاشخ بالشماغ
http://applejuice.jeeran.com/rooster2.jpg
يوم تقهوينا وقدعنا، وقلنا له السالفة والقصيدة، قال:مشينا، قلنا: وين؟؟ قال:للحبايب.
مشينا، وحنا في الطريق، سويت اتصالاتي عشان أقولها تقوم من الفراش عشان ما يدري إني نايم معها وأروح فيها.
يوم وصلنا وشافوا بعض.. حضنها، وعاشوا حياة سعيدة وجابوا عيال وبنات
http://applejuice.jeeran.com/chicken-rooster1.jpg
ومن ذاك اليوم وأنا أحاول أساعد كل اثنين يحبون بعض
There's nothing in this world that u can't be if u want it enough..
بعد أن انسدحت باستقامة على فراشي في ليلة شتوية مثلجة، لقيت جنبي دجاجتين "دو" طالعين من الفريزر يشمون هوا، يوم إني تواسيت، وإلى وحدة منهن تصرخ "هووووو " رجااال؟؟ قلت لا طاووس متنكر ، أكيد رجال ولا مهوب مالي عينك الشنب ؟؟
يوم شفتها تروعت، قلت لا تخافين أنا آدمي منب ديك ، قالت:أشوى، ويوم قعدنا شوي وتوي بنام، إلا وتفز وحدة منهن، قالت
http://applejuice.jeeran.com/chicken.gif
أزريت يا حال تشوق لعرف..عرف اللذي زينه خصاله وروحه
الصبح كرف وتالي الليل كرف..مره أبيض أو على بيض مسدوحه
فريخ قايم وواحد طايح بجرف..والشين داخلني عقب زين وملوحه
طبعا الأبيات بالفرنسي لأن اللي قالتهن دجاجة دو، بس استعنا بوحدة المراقبة في دجاج الوطنية وترجموها لنا.
والله ويوم سمعته تقول هالأبيات، ضاق صدري، وقلت لازم من الصبح آخذ صحن كبدة نص استوا وبريق شاهي حليب، وكاس كورن فليكس<--أبي أشخص ولا عرفت وأروح أدور حبيبها الديك الضايع. بديت رحلتي في مزارع البطحي للدواجن والزعتر، وأخذت معي واحد من أعز أصدقائي وهو حوت مهاجر<--طردوه من البحر والتصريفة "مهاجر"، وطبعا خليت حريم "دو" بالبيت لأنه ما عندنا بنات يطلعن
دخلنا المزرعة، وقعدنا 3 ساعات ندور ولا لقيناه، بعدها مسكت حوت ولزخته، أقوله:حمار أنت؟؟ قال: ياليت، كان على الأقل بين أهلي وجماعتي ولا انحديت عليك، قلت له:يا فاهي أثرك مدخلنا قسم الحريم، وبالماريه فيه ثنتين مغاتير مدري وشلون دخلوهم (رقم 1 في الصورة)، ووحدة طقاقة(رقم 2 في الصورة
http://applejuice.jeeran.com/chicken2.jpg
طلعنا من قسم الحريم، ودخلنا الرجال، وإلى هاك الديك اللي على ددسن، ومسسسرع ، يوم مر من عندنا، قال: الله بالخير، قلنا:الله بالخير، قلت له: ما عندكم ديك فرنسي؟؟ قال:إلا بس إننا مغبينه عن الأنظار، قلت:ليييش؟ قال:ما يطلع إلا بالمهمات الصعبة، قلت:منت عاقلين يا الكوماندوز ، قال:لا المهمات الصعبة، يعني الدجاجة اللي يطلعون عيالها مقااااشع كنهم غربان، نزوجها إياه تحسين نسل. قلت:خل عنك هالخرابيط، الرجال أهله فاقدينه ويدورونه لهم سنين، خله يلحق عليهم قبل لا يجي عزوبي توه نازل راتبه وياخذها من السوبرماركت ويسويها مضغوط لربعه. قال الديك:أنا أبوها، قلت:خل عنك المهايط وخلنا نقابل الرجال بسرعة.
ركبنا مع الديك المطيور عساه للانفلونزا ، أنا جنبه بالغمارة والحوت بالحوض، وبدا يلفلف ويفحط وكل شوي يوقف، قلت: وش بلاك كل شوي واقف؟؟قال:هذي متلازمة خط البلدة -الله يجيرك-، قلت ما تشوف شر يا "ذيبان"، قال: حسن ألفاظك لا تقول ذيبان، قلت:اخلص ويصير خير. دخلنا بدعاسيق وشوارع ضيقة، ووصلنا شبك كبييير يسمونه القلعة، قلت:وشو ذا؟؟ قال:هذا مخبأ الفرنسي، حتى كونان ما يقدر يجيبه ، وعند بوابة القلعة، ونلقى أسد حراسة منسدح، سلم عليه راعي الددسن وقال:الامير يسلم عليك ويقول خلهم يدخلون، ومير يفتح لنا وندخل. دخلنا وجلسنا باحديقة، وشوي ويدخل علينا الفرنسي المزيون، لا وكاشخ بالشماغ
http://applejuice.jeeran.com/rooster2.jpg
يوم تقهوينا وقدعنا، وقلنا له السالفة والقصيدة، قال:مشينا، قلنا: وين؟؟ قال:للحبايب.
مشينا، وحنا في الطريق، سويت اتصالاتي عشان أقولها تقوم من الفراش عشان ما يدري إني نايم معها وأروح فيها.
يوم وصلنا وشافوا بعض.. حضنها، وعاشوا حياة سعيدة وجابوا عيال وبنات
http://applejuice.jeeran.com/chicken-rooster1.jpg
ومن ذاك اليوم وأنا أحاول أساعد كل اثنين يحبون بعض
There's nothing in this world that u can't be if u want it enough..