عنيزاوي 2005
13-03-06, 10:50 AM
السلام عليكم ورحمة الله وبركاته وبعد
اللفظ الأليم من ماجاء فى كلام اهل القصيم
رساله بالقصمنجي ....اتحداكم تفهمون شى
بس الصراحة مزودين واجد عليها وفي بعض الكلام مو بهرج القصمان
إلى أم سليمان وعياله.
رسالتس اللي كزيتي وصلتن وفرحت به ...وكثر الله خيركم على المقطع والغدفه الي كزيتي لي,وابشرتس ان اخبارنا تسرتس. البقرة اضنت ، والبيض فقش ، والدجاجه الرقطا راجنة ،وإن دحيم العلي أعرس ، ونوّير مخطوبة ، ورنو فطمناه ، وسويرة رفعناه من السقاط ، وصويلح شراله دنانة ، وسليم غيب القران ، وعزيز الصالح طاب من الطنان ، وسند ولد مضيوي بدا يحبي ، والحمد لله طاب الصفار الي بعينه ، وأنتي صاتزه حطينا عليه تبنه ، وحصيصه طابت إقطوفه الي براسه ، ومنيره مشطناه بورده وصويلح غسلنا راسه بزيت خروع وأبو فاس وصابون أبو عنز وياله إنه خف القمل
والصيبان اللي بدميجته.
وأم سويلم طلعت من الماجب ، وتممنا لسويلم ، والنعال الزنوبا اللي تخبرين عندناهاك السنه رقعناه ، ومقطع الروز خبناه ، والدوشق غيرنا قطاعته ، و السفرة الكبيرة علقناه بالقبة ، وحطينا بيت للرادو ، والمصحف حق عمي غيرنا ثوبه ، والسراج زينا فتيلته .والزبيل مليناه حتات من إنخلتنا ، وشرينا سحارة ولقيناه مكسورة .وبقولس إني مع هالحمولة غاديتن حوسة ، الطاية تخر ، والمثعب منشق ، والزوتاله منقلعة ، و باب الروشن منكسر، والتسوله مسنيّه ، وبريز الغرش الصغير منقشع ، والله يهديتس يأم سليمان.البزار الي كزيتيه شوي الكركم به ، والمسمنه تقل رماد مابه ليمون ، والفتيت مسري ، والكليجا تقل عظامة . وذا بغيتوا تكزون شي:كزوا شي يبل الريق ويواجه عند الحمولة . معكم علم إن حمولتنا ناس نقادة . وخالتي شرّاهة ، وعمتنا حقنة مايجوز لهاشي مثل رقاص الساعة،.وحريم عمومتنا صرت إثمنلهن ، وجذعانهم فرقا عين جدي شيبان كبر قريح يترددون علي هالجصة قضوا على النعمة تقل دبا ، ونا ماودي أطول عليك الحتسي عسا مايخليني منتس ، ولامن جناين قلبتس ، لاخلا ولا عدم وسلميلي على نفستس ومن يعز عليتس .و أخص بالسلام مضيوي وفطوم وقوليلهم والله ماخلان أقصر عنوتي عنكم وأشوفكم إلا إني عويجزة ولاصقة علي ظهيري وضليعاتي ومارخة كتوفي ورجيلاتي بالفقس .. ومعتس علم هالارياح يعودن بين حين وحين ومع هالبراد صايلات علي يالله حسن الخاتمة والعمل الصالح وسلمي وأنتي سالمة.
الغالية : أم دحيم وعياله .
م ل ط و ش
بعضكم أو كثير منكم مافهم لكن لو ماجاه إلا إنه كسب لغة وإن شاء الله ترقبوا النسخة العربية وسلامتكم .
اللفظ الأليم من ماجاء فى كلام اهل القصيم
رساله بالقصمنجي ....اتحداكم تفهمون شى
بس الصراحة مزودين واجد عليها وفي بعض الكلام مو بهرج القصمان
إلى أم سليمان وعياله.
رسالتس اللي كزيتي وصلتن وفرحت به ...وكثر الله خيركم على المقطع والغدفه الي كزيتي لي,وابشرتس ان اخبارنا تسرتس. البقرة اضنت ، والبيض فقش ، والدجاجه الرقطا راجنة ،وإن دحيم العلي أعرس ، ونوّير مخطوبة ، ورنو فطمناه ، وسويرة رفعناه من السقاط ، وصويلح شراله دنانة ، وسليم غيب القران ، وعزيز الصالح طاب من الطنان ، وسند ولد مضيوي بدا يحبي ، والحمد لله طاب الصفار الي بعينه ، وأنتي صاتزه حطينا عليه تبنه ، وحصيصه طابت إقطوفه الي براسه ، ومنيره مشطناه بورده وصويلح غسلنا راسه بزيت خروع وأبو فاس وصابون أبو عنز وياله إنه خف القمل
والصيبان اللي بدميجته.
وأم سويلم طلعت من الماجب ، وتممنا لسويلم ، والنعال الزنوبا اللي تخبرين عندناهاك السنه رقعناه ، ومقطع الروز خبناه ، والدوشق غيرنا قطاعته ، و السفرة الكبيرة علقناه بالقبة ، وحطينا بيت للرادو ، والمصحف حق عمي غيرنا ثوبه ، والسراج زينا فتيلته .والزبيل مليناه حتات من إنخلتنا ، وشرينا سحارة ولقيناه مكسورة .وبقولس إني مع هالحمولة غاديتن حوسة ، الطاية تخر ، والمثعب منشق ، والزوتاله منقلعة ، و باب الروشن منكسر، والتسوله مسنيّه ، وبريز الغرش الصغير منقشع ، والله يهديتس يأم سليمان.البزار الي كزيتيه شوي الكركم به ، والمسمنه تقل رماد مابه ليمون ، والفتيت مسري ، والكليجا تقل عظامة . وذا بغيتوا تكزون شي:كزوا شي يبل الريق ويواجه عند الحمولة . معكم علم إن حمولتنا ناس نقادة . وخالتي شرّاهة ، وعمتنا حقنة مايجوز لهاشي مثل رقاص الساعة،.وحريم عمومتنا صرت إثمنلهن ، وجذعانهم فرقا عين جدي شيبان كبر قريح يترددون علي هالجصة قضوا على النعمة تقل دبا ، ونا ماودي أطول عليك الحتسي عسا مايخليني منتس ، ولامن جناين قلبتس ، لاخلا ولا عدم وسلميلي على نفستس ومن يعز عليتس .و أخص بالسلام مضيوي وفطوم وقوليلهم والله ماخلان أقصر عنوتي عنكم وأشوفكم إلا إني عويجزة ولاصقة علي ظهيري وضليعاتي ومارخة كتوفي ورجيلاتي بالفقس .. ومعتس علم هالارياح يعودن بين حين وحين ومع هالبراد صايلات علي يالله حسن الخاتمة والعمل الصالح وسلمي وأنتي سالمة.
الغالية : أم دحيم وعياله .
م ل ط و ش
بعضكم أو كثير منكم مافهم لكن لو ماجاه إلا إنه كسب لغة وإن شاء الله ترقبوا النسخة العربية وسلامتكم .