المساعد الشخصي الرقمي

مشاهدة النسخة كاملة : قناعات سخيفة عند بعض نسائنا


فتاة غير
30-10-14, 12:26 AM
عقول بعض الحريم

عقول اطفال بجد

بخش بالموضوع
كثيير من نسائنا مترسخة عندهم قناعات اولها

1_ الحمولة ناس من المريخ لازم ارز عمرر عمري قدامهم وطبعا عدو من اعدائي هم
وربي تراهم ناس مثلك بس تزوجتي ولدهم وانتي قدام حريم اخوانك حمولة ياغنمة

2_ بالطلعات والحفلات والتزين لازم انافس الجميع وادفع اللي ينشف ريقي عشان اسوي اضخم زواج لبنتي او حفلة لتخرج ولدي او او .. الخ
عقول اشبه بالتنك للاسف
عيشي بساطتك واستمتعي بحيااتك
كل هاللي ضربتي لهم فلوسك وكشختي قدامهم بينسونها من بكرى

3_ البيوت صاروا يركزون بأدق التفاصيل عشان الفخامة والمنافسة لدرجة المرحاض اللي يكرمكم صار له شكل ولون معين
اوكك اكشخوا ماقلنا شي بس المبالغة بهالشكل ليش؟

4_ حريم اخوان ازواجي هم اكبر منافس لي بالحياة واخطر شي لو كانت وحدة منهم ملكة جمال او محبوبة او او
تخيلوا مرا كنت اسولف مع وحدة وكانت شوي وتبكي تقول ان اخو زوجي يفكرون يخطبوا له فلانة وهي مشهورة بجمالها وزعلانة لانها جميلة
عقول مدري شلون سراحة

5_ الزوج هو كل حياااتي يضيع عمري وانا افكر وين راح ووين جاء ولايتزوج وليه مايعطيني وجه
يابنت الحلال قومي بحقوقه واللي كاتبه ربي بيصير اثقلن
اهم شي صحتك وسعادتك

6_ اهم شي يكون لبسي ساتر واحافظ ع الصلاة حتى لو كنت العن وحدة بلساني وسوء اخلاقي
لابو هالاخلاق اللي تكرهنا بالارض اللي انتي فيها
ياختي اتمصلخيي بس فكي الناس من شرك

7_ ولدي الكبير لااازم اقدسه واميزه عن بقية جميع ابنائي ، حتى قدام الناس لازم امدح وارفع فيه
الله يذكر وحدة بالخير كانت لازم تمدح ولده الكبير وهو هرجته بالمجالس اففف ودي اصرخ بوجهه واقول ترى نعرف انه يدخن وسربوت بالدراسة ماكمل
غصب اثبت لكم انه عمر بن الخطااب او علي بن ابي طالب



وانتم وش عندكم قناعات تشوفونها وودكم تتغير ؟

زيــــــــــن
30-10-14, 12:35 AM
سخيفة لكن مميزة

فيها من الجمال ما لا استطيع تبريره (asj)

أسد من ورق
30-10-14, 06:21 AM
ههههههههه كلامك واقعي ومشاهد بمجتمعنا مع الأسف يافتاة نادره .
الطيبات راحن اللي يخافن من ربهن وقريبات منه ويؤدين حق الزوج والحموله بما يرضي الله (asj) ومابقي حاليا غير الماديات واللي عقولهن فشفاشيه وكل وحده تحرض الثانيه على زوجها وحمولتها .
التخبيب شغال بمجتمعنا وهو التحريض ,, والمصيبه إن بعض أمهات البنات المتزوجات حديثا يحرضن بناتهن على أزواجهن وحمولتهن .... فيه تفكير وعقليه أوقح من هالتفكير وهالعقليه . (qq136)
عموما ماتشاهدينه هو بسبب ضعف الوازع الديني وعدم الخوف من الله .

آسيه
30-10-14, 07:05 AM
فتاة غير كنت شاكه زمان انك تعانين كثير

لانك مختلفه بالتفكير وهالشيء تعبك

لين صرتي متذمره باستمرار


وعرفتي بعدين انك اصبحتي نتذمره وبقوه. ~~~~~~~~قولي قسم:876564:


المهم

كلامك وموضوعك في الصميم
انت اذا تزوجتي
عيشي وحيده بمملكتك الجميله لاتنافسينهم ولا ينافسونك سلمي وقومي بالواجب فقط

لايجرونك معهم من غير ماتحسين

ربي عيالك على الأخلاق لايهمونك المتنافسين بكرا عيالك يطلعون دكاتره ومهندسين عليهم القيمه

وتحسين انك قدمتي شيء وماراح تعبك هباء مثل هالسخيفات


الأبناء أفضل استثمار

الإنسان اللي عنده نقص يعوضه بالاشياءا لخارجيه


وكله ركض على لاشيء

بدوي بكرتونه
30-10-14, 07:06 AM
قرأت الموضوع مرتين ..
سأقرأه الثالثة .. موضوع ممتع وجميل ..

ومازلتِ يافتاة غير تقولين لنا كل يوم أنا غير
بمواضيع جميلة وأسلوب جذاب ..

لي عودة للتعليق على مضمون الموضوع ..

فقط أردت أنا أقول لك :

مررت من هنا ..

بدوي بكرتونه

آسيه
30-10-14, 07:12 AM
قرأت الموضوع مرتين ..
سأقرأه الثالثة .. موضوع ممتع وجميل ..

ومازلتِ يافتاة غير تقولين لنا كل يوم أنا غير
بمواضيع جميلة وأسلوب جذاب ..

لي عودة للتعليق على مضمون الموضوع ..

فقط أردت أنا أقول لك :

مررت من هنا ..

بدوي بكرتونه


ترا كلنا مرينا ولا سوينا ضجه(vv)

فتاة غير الله يعينها اللي غير مايرتاح(asj)

آسيه
30-10-14, 07:16 AM
ماعليش فتاة غير ودي احوس في موضوعك الدميل


تصدقين حتى انا ملاحظة سالفة الحموله

يعني نحطهم براسه زي اللي يطق براسه مسمار

ويجي يشتكي


عندهن اعتقاد حمولتي لازم أكرههم واحاربهم

ماكأنهم أهل الغالي(asj)


موضو ع. يحاكي الواقع (q78)

بدوي بكرتونه
30-10-14, 07:26 AM
ترا كلنا مرينا ولا سوينا ضجه(vv)

فتاة غير الله يعينها اللي غير مايرتاح(asj)

هي ليست صجة يا آسية بقدر ما أخبر الكاتبة الرائعة بإنها راقت لنا حروفها ..
وأن اسلوبها جذاب .. وهذا تعليق على طريقة الطرح ..
إذا صجتك بتصير مثل هيك ..
صجي دايم يا آسية (qq115)

بدوي بكرتونه

آسيه
30-10-14, 07:33 AM
هي ليست صجة يا آسية بقدر ما أخبر الكاتبة الرائعة بإنها راقت لنا حروفها ..
وأن اسلوبها جذاب .. وهذا تعليق على طريقة الطرح ..
إذا صجتك بتصير مثل هيك ..
صجي دايم يا آسية (qq115)

بدوي بكرتونه

أدري مايخفان قصدك

كنت امزح انت صاير جدي بزياده

هذا وانت مابعد صرت مشرف(asj)

فتاة غير
30-10-14, 07:38 AM
سخيفة لكن مميزة

فيها من الجمال ما لا استطيع تبريره (asj)

ويحك
اي جمال ؟

ههههههههه كلامك واقعي ومشاهد بمجتمعنا مع الأسف يافتاة نادره .
الطيبات راحن اللي يخافن من ربهن وقريبات منه ويؤدين حق الزوج والحموله بما يرضي الله (asj) ومابقي حاليا غير الماديات واللي عقولهن فشفاشيه وكل وحده تحرض الثانيه على زوجها وحمولتها .
التخبيب شغال بمجتمعنا وهو التحريض ,, والمصيبه إن بعض أمهات البنات المتزوجات حديثا يحرضن بناتهن على أزواجهن وحمولتهن .... فيه تفكير وعقليه أوقح من هالتفكير وهالعقليه . (qq136)
عموما ماتشاهدينه هو بسبب ضعف الوازع الديني وعدم الخوف من الله .

والله وصدقت يااسد
اسال الله لهن الشفاء العاجل

فتاة غير
30-10-14, 07:44 AM
فتاة غير كنت شاكه زمان انك تعانين كثير

لانك مختلفه بالتفكير وهالشيء تعبك

لين صرتي متذمره باستمرار


وعرفتي بعدين انك اصبحتي نتذمره وبقوه. ~~~~~~~~قولي قسم:876564:


المهم

كلامك وموضوعك في الصميم
انت اذا تزوجتي
عيشي وحيده بمملكتك الجميله لاتنافسينهم ولا ينافسونك سلمي وقومي بالواجب فقط

لايجرونك معهم من غير ماتحسين

ربي عيالك على الأخلاق لايهمونك المتنافسين بكرا عيالك يطلعون دكاتره ومهندسين عليهم القيمه

وتحسين انك قدمتي شيء وماراح تعبك هباء مثل هالسخيفات


الأبناء أفضل استثمار

الإنسان اللي عنده نقص يعوضه بالاشياءا لخارجيه


وكله ركض على لاشيء

ههههههههه صدقتي انا اتعبني اني اخالف المجتمع بكثير اشياء
لدرجة بعضهم تاثر تاثر وبعضعم يقولون معقدة وتستفز هههه😹

وان شاءالله مانجرف وراء السخافات مادمت واثقة بنفسي وتوجهي وقناعاتي

ربي يسعدك 💗

فتاة غير
30-10-14, 08:03 AM
قرأت الموضوع مرتين ..
سأقرأه الثالثة .. موضوع ممتع وجميل ..

ومازلتِ يافتاة غير تقولين لنا كل يوم أنا غير
بمواضيع جميلة وأسلوب جذاب ..

لي عودة للتعليق على مضمون الموضوع ..

فقط أردت أنا أقول لك :

مررت من هنا ..

بدوي بكرتونه

كلك ذوق
مرورك اسعدني

واطرائك وسام شرف لي ❤

عاازف الناي
30-10-14, 08:42 AM
المرأه بطبيعتها ذكيه

وهي تعرف كويس ان زوجها عايش مع اهله ومتطبع باخلاقهم
وارتباطه بهم كبير بحكم العشره .


وبما ان اكثر اهتماماته في بداية الزواج بأهله اكيد هذا يثير في زوجته
الغيره .
ويخليها في لحظات ترقب وانتظار ان ترجح كفة الزوج لصالحها .

في الغالب ولان اغلب الحريم مرتبطات عاطفيا بأهلهم واخوانهم نجد ان اهتمامها باحتواء الزوج
هامشي ولا تلقي له بال .

ولكن مع الوقت واذا رأت بعض الحريم محتويات ازواجهم وعايشين حياه جيده
تبدأ حركتها في البحث عن زوجها .

فتجده مشغل نفسه بأهله او اخوانه وله اهتمامات خارجه عن محيطها .

لذلك تبدأ عندها الغيره السالبه .

وتبدأ تتحسس من اهله
ومن اخوانه
وزوجات اخوانه
ومن كل شيء يخص اهله .

طبعا هذا الشيء مش كويس ولا يخدم حياتها لانها
بطريقتها ذي زادت الطين بله .

ودقت مسامير نعش اضافيه في حياتها الزوجيه .

فالرجل يعي تماما ماتقوم به زوجته من تحركات عدائيه
ضد اهله .

ولكنه غالبا يتجاهل مثل هذه الاوضاع لعل وعسى تتعدل
الاحوال ويقوم المعوج وتمشي الحياه على طبيعتها بدون توجيه قسري
ومقصود .




(r50yty)

آسيه
30-10-14, 08:56 AM
عازف احس الزوج اللي كذا موقفه سلبي مع احترامي

وش يسكت هي بتتمادى على اساس انها اذهن مخلوق فضائي

وهالشيء بيأثر على علاقة اهله فيه مستقبلا

من تصرفات زوجة ولدهم

فيه طرق تكتيكيه تنهي المشاكل والصراعات

بس ماتبي واحد سلبي

لعل وعسى

خل لعل وعسى وانتبه لخياتك بدل مانت مكتف يديك ومؤدب

أسد من ورق
30-10-14, 08:56 AM
هذا وانت مابعد صرت مشرف(asj)
انا رشحته يكون مشرف لقسم السواليف والشات . (vv)
بس لو يترك عنه أسلوب الشحط كان أموره تكون تمام . (a21)

آسيه
30-10-14, 08:58 AM
على فكره الخطاب مو موجه لك شخصيا يالعازف

موجه للمؤدب اللي ينتظر لعل وعسى تمطر عليه


اكره السلبيه اكرهها

... بنت الجنوب ...
30-10-14, 09:02 AM
4_ حريم اخوان ازواجي هم اكبر منافس لي بالحياة واخطر شي لو كانت وحدة منهم ملكة جمال او محبوبة او او
تخيلوا مرا كنت اسولف مع وحدة وكانت شوي وتبكي تقول ان اخو زوجي يفكرون يخطبوا له فلانة وهي مشهورة بجمالها وزعلانة لانها جميلة
عقول مدري شلون سراحة





ههههههههههههههههههههه يعني إيش بتغآر حتى ع أخ زوجهآ وإلآ وش السآلفه
ي كرهي للحريم الغيورآت ع غير سنع




6_ اهم شي يكون لبسي ساتر واحافظ ع الصلاة حتى لو كنت العن وحدة بلساني وسوء اخلاقي
لابو هالاخلاق اللي تكرهنا بالارض اللي انتي فيها
ياختي اتمصلخيي بس فكي الناس من شرك





من جد أمر مضحك
ودك من يقطع لسآنهآ

ويرميه للكلآب تآكله(qq168)



7_ ولدي الكبير لااازم اقدسه واميزه عن بقية جميع ابنائي ، حتى قدام الناس لازم امدح وارفع فيه
الله يذكر وحدة بالخير كانت لازم تمدح ولده الكبير وهو هرجته بالمجالس اففف ودي اصرخ بوجهه واقول ترى نعرف انه يدخن وسربوت بالدراسة ماكمل
غصب اثبت لكم انه عمر بن الخطااب او علي بن ابي طالب






:rofl951:


الله يسعد قلبك



وانتم وش عندكم قناعات تشوفونها وودكم تتغير




إذآ تذكرت لي عوده لطرحك الجميل

آسيه
30-10-14, 09:08 AM
انا رشحته يكون مشرف لقسم السواليف والشات . (vv)
بس لو يترك عنه أسلوب الشحط كان أموره تكون تمام . (a21)


اذا على الترشيح مافي افضل مني لاتحاااااول:ro258es:


ماعلينا اذا صار مشرف الله يوفقه

واذا ماصار مشرف بعد الله يوفقه


ويوفقنا لكل خير

عاازف الناي
30-10-14, 09:37 AM
عازف احس الزوج اللي كذا موقفه سلبي مع احترامي

وش يسكت هي بتتمادى على اساس انها اذهن مخلوق فضائي

وهالشيء بيأثر على علاقة اهله فيه مستقبلا

من تصرفات زوجة ولدهم

فيه طرق تكتيكيه تنهي المشاكل والصراعات

بس ماتبي واحد سلبي

لعل وعسى

خل لعل وعسى وانتبه لخياتك بدل مانت مكتف يديك ومؤدب

المواقف السالبه
لاتقوم الا بافعال مضاده

فالاحتواء الزوجي والاستحواذ في بداية الزواج مسئولية الزوجين

فحتى يندمج الزوجان في بيت مستقل يحتاجون لشوية شغل وشويه اكثر تضحيات
وينسون اي بيوت ثانيه مؤقتا ويحاولون ان يكون لبيتهم استقلاليه واهتمام اكبر
حتى ينجح وينجح من فيه وينجح زواجهم .

عزف منفرد ...


الزواج شركه بين اثنين لايمكن ان تقوم له قائمه بدون عمل جاد ومخلص
من الطرفين .

moneeeb
30-10-14, 10:13 AM
1_ الحمولة ناس من المريخ لازم ارز عمرر عمري قدامهم وطبعا عدو من اعدائي هم
وربي تراهم ناس مثلك بس تزوجتي ولدهم وانتي قدام حريم اخوانك حمولة ياغنمة



وانتم وش عندكم قناعات تشوفونها وودكم تتغير ؟

ما فهمت النقطة الاولى


ممكن احد يترجم او يشرح

النساء كائن معقد, و بالمملكه كثير منهم و ليس البعض نفسيات

الاسباب كثيرة و مختلفه


بس ابغا اعرف اش النقطه الاولى

اي دون سبيك نجدي كويس (vv)

اطلق بنت
30-10-14, 10:35 AM
ما فهمت النقطة الاولى


ممكن احد يترجم او يشرح

النساء كائن معقد, و بالمملكه كثير منهم و ليس البعض نفسيات

الاسباب كثيرة و مختلفه


بس ابغا اعرف اش النقطه الاولى

اي دون سبيك نجدي كويس (vv)



:rofl951: يعني من يوم تتزوج البنت تحط نقرها من نقر اهل زوجها واخواته وترز نفسها قدامهم

ما كأنها مثلهم ..(qq168)

moneeeb
30-10-14, 10:48 AM
:rofl951: يعني من يوم تتزوج البنت تحط نقرها من نقر اهل زوجها واخواته وترز نفسها قدامهم

ما كأنها مثلهم ..(qq168)

اهلين أطلق بنت

عودا حميدا, مسويه بات ومن....مختفيه و تطلعي فجأة وقت الصعاب


شكرا على الترجمه فهمت 99%

باقي شرح كلمة ( ترز) (qq136)

ثانكيو


بالمناسبة وين الشنب راح


هذا هو شهره

انت تعرفي الشنب هذا معناته تضامن مع سرطان البروستات للرجل

حسبتك حقوقيه (vv)

همممم يبغالي اسوي موضوع عنه


فكره (qq18)

كلمااات
30-10-14, 10:57 AM
احسهم ماتو الي يفكرون بالطريقه ذي
المهم لا يأثرون فيك ولا تصريين نسخه مستقبليه مثلهم
عيشي حياتك مثل ماتحبين وخلي كلام الناس اخر همك
عجبتني من الفضاء ههههههههههه

اطلق بنت
30-10-14, 10:57 AM
اهلين أطلق بنت

عودا حميدا, مسويه بات ومن....مختفيه و تطلعي فجأة وقت الصعاب


شكرا على الترجمه فهمت 99%

باقي شرح كلمة ( ترز) (qq136)

ثانكيو


بالمناسبة وين الشنب راح


هذا هو شهره

انت تعرفي الشنب هذا معناته تضامن مع سرطان البروستات للرجل

حسبتك حقوقيه (vv)

همممم يبغالي اسوي موضوع عنه


فكره (qq18)



الشنب هزأوني هنا عليه مع اني كان قصدي منه اني اطلق واقوى واحده(qq168)






بالنسبه لأرز يعني اترزز يعني اسوي يعنني ))فهمت :rofl951:

بالنسبه للاختفاء شسوي مشغوله

كلمااات
30-10-14, 11:13 AM
من السخافات الي تمغص
اذا وحده شرت شي لو خلاط او اي شي حتى توافه الاشياء
الكل يدري عنه ولازم وضروري الكل يشتري منه حتى لو مهي في حاجته
اهم شي يكون عندها
بعد كم يوم تلقين الغرض في كل بيت ومن نفس المحل
والشاطره الي تجيبه بسعر ارخص
اذا تزوجتي بتشوفين عجب العجاب ههههههههه

فتاة غير
30-10-14, 04:12 PM
المرأه بطبيعتها ذكيه

وهي تعرف كويس ان زوجها عايش مع اهله ومتطبع باخلاقهم
وارتباطه بهم كبير بحكم العشره .


وبما ان اكثر اهتماماته في بداية الزواج بأهله اكيد هذا يثير في زوجته
الغيره .
ويخليها في لحظات ترقب وانتظار ان ترجح كفة الزوج لصالحها .

في الغالب ولان اغلب الحريم مرتبطات عاطفيا بأهلهم واخوانهم نجد ان اهتمامها باحتواء الزوج
هامشي ولا تلقي له بال .

ولكن مع الوقت واذا رأت بعض الحريم محتويات ازواجهم وعايشين حياه جيده
تبدأ حركتها في البحث عن زوجها .

فتجده مشغل نفسه بأهله او اخوانه وله اهتمامات خارجه عن محيطها .

لذلك تبدأ عندها الغيره السالبه .

وتبدأ تتحسس من اهله
ومن اخوانه
وزوجات اخوانه
ومن كل شيء يخص اهله .

طبعا هذا الشيء مش كويس ولا يخدم حياتها لانها
بطريقتها ذي زادت الطين بله .

ودقت مسامير نعش اضافيه في حياتها الزوجيه .

فالرجل يعي تماما ماتقوم به زوجته من تحركات عدائيه
ضد اهله .

ولكنه غالبا يتجاهل مثل هذه الاوضاع لعل وعسى تتعدل
الاحوال ويقوم المعوج وتمشي الحياه على طبيعتها بدون توجيه قسري
ومقصود .




(r50yty)

مااعتقد فيه مبرر اذا هو محترمها وماقصر معها
ليش احط دوبي دوب اهله واعذب المسكين
واللم المسكينة بدل مااخاف الله فيها واحسن معاملتها اصير سبب لعقوق ابنها فيها

فتاة غير
30-10-14, 04:13 PM
ههههههههههههههههههههه يعني إيش بتغآر حتى ع أخ زوجهآ وإلآ وش السآلفه
ي كرهي للحريم الغيورآت ع غير سنع







من جد أمر مضحك
ودك من يقطع لسآنهآ

ويرميه للكلآب تآكله(qq168)







:rofl951:


الله يسعد قلبك






إذآ تذكرت لي عوده لطرحك الجميل

هلا وغلا


نورتي

فتاة غير
30-10-14, 04:16 PM
ما فهمت النقطة الاولى


ممكن احد يترجم او يشرح

النساء كائن معقد, و بالمملكه كثير منهم و ليس البعض نفسيات

الاسباب كثيرة و مختلفه


بس ابغا اعرف اش النقطه الاولى

اي دون سبيك نجدي كويس (vv)
هههههههه

اممممم يعني التي تضع اهل زوجها فوق حجمهم وتبالغ بالتصنع لهم وربما تعاديهم ويكونوا الد اعدائها
😹😹😹

ملك الهـدوء..
30-10-14, 04:20 PM
أسد من ورق;
[size=4]الطيبات راحن اللي يخافن من ربهن وقريبات منه ويؤدين حق الزوج والحموله بما يرضي الله (asj) ومابقي حاليا غير الماديات واللي عقولهن فشفاشيه وكل وحده تحرض الثانيه على زوجها وحمولتها .



ماصدقت وربي مازال بمجتمعي الكثير ممن يخافون الله ويؤدون حقوقه..

فتاة غير
30-10-14, 04:21 PM
احسهم ماتو الي يفكرون بالطريقه ذي
المهم لا يأثرون فيك ولا تصريين نسخه مستقبليه مثلهم
عيشي حياتك مثل ماتحبين وخلي كلام الناس اخر همك
عجبتني من الفضاء ههههههههههه
من السخافات الي تمغص
اذا وحده شرت شي لو خلاط او اي شي حتى توافه الاشياء
الكل يدري عنه ولازم وضروري الكل يشتري منه حتى لو مهي في حاجته
اهم شي يكون عندها
بعد كم يوم تلقين الغرض في كل بيت ومن نفس المحل
والشاطره الي تجيبه بسعر ارخص
اذا تزوجتي بتشوفين عجب العجاب ههههههههه

لسى احياء يرزقون ههههه
ههههههه بتعلم امة محمد انها اشترت هالحاجة الفلانبية 😜
لا مايهمني احد طبعا ولا احد يأثر علي بشي سخيف و سلبي ان شاءالله

توليب2
30-10-14, 04:32 PM
الانسانه الي عقلها مسطح وشخصيتها تقليديه


وماعندها اهتمامات تخصها


وعايشه مع الناس ومثل الناس


بتعكس ثقافة بيئتها وتغرد مع السرب سواء صح او غلط



والرجل كذلك


الي ما يطور نفسه بيصير نسخه من جده وخاله وعمه وولد جيرانهم ..... لاجديد

بدوي بكرتونه
30-10-14, 04:58 PM
البيوت صاروا يركزون بأدق التفاصيل عشان الفخامة والمنافسة لدرجة المرحاض اللي يكرمكم صار له شكل ولون معين
اوكك اكشخوا ماقلنا شي بس المبالغة بهالشكل ليش؟


مشكلة الآن صار التفاخر في السكنى وهم لا يعلمون بإن النهاية لبنات من طين في مساحة : [ 1×2 ]


حريم اخوان ازواجي هم اكبر منافس لي بالحياة واخطر شي لو كانت وحدة منهم ملكة جمال او محبوبة او او
تخيلوا مرا كنت اسولف مع وحدة وكانت شوي وتبكي تقول ان اخو زوجي يفكرون يخطبوا له فلانة وهي مشهورة بجمالها وزعلانة لانها جميلة
عقول مدري شلون سراحة



ههههههههههههه
بسراحة بسراحة مت ضحك على هالنقطة
وهي واقع صحيح لإن الزوجة لو تزوج أخو زوجها بوحدة جميلة ثم وصل إلى زوجها جمال زوجة أخيه لبدأ في التنافس مع أخيه بالبحث عن زوجة جميلة .. يحق لها تخاااف ههههههههه



اهم شي يكون لبسي ساتر واحافظ ع الصلاة حتى لو كنت العن وحدة بلساني وسوء اخلاقي
لابو هالاخلاق اللي تكرهنا بالارض اللي انتي فيها
ياختي اتمصلخيي بس فكي الناس من شرك


ياليت لا هيك ولا هيك ..
ياليت يكون لباسها ساتر ولسانها جميل ..
ذكرتني هذه النقطة بواحد يسوي نفسه مطوووع وهو لسانه وسخ .. ما أدرى تشبيهك أليم ..
ياليت كان خليق وأخلاقه زينه ..
هكذا البعض يستتر بثياب الستر والدين وأخلاقه أخلاق نتنة قذرة .. وهه ناس ما تستحي (qq136)


موضوعك يافتاة غير في الصميم ..
وسعدت جداً بقراءته والاستمتاع به ..

بدوي بكرتونه

... بنت الجنوب ...
30-10-14, 08:45 PM
النساء كائن معقد, و بالمملكه كثير منهم و ليس البعض نفسيات

الاسباب كثيرة و مختلفه







.
يقولك الجنوبي لآزم عنده الزوجه
تحبه
وتحب أمه وخوآته
وجدآته
وعمآته وخآلآته
وكل قرآيبه من بعيد وقريب
وتستقبل وتودع وهي مبتسمه
ويآويلهآ لو تعبت وشكت له
ويآويلهآ لو أحد ضآيقهآ من أهله وشكت له
وقتهآ تتصنف عدوه
مع إننآ حشيمآت خلقه ..مآنرضى ع الكبير الغلط
ونحترم لكن برضه ذي قوآنيين عند الجنوبي
إن الزوجه مآتحبه وحده لآزم تحب كل إلعآئله معه
حتى لو هم مآيتعآشرون وسيئين فيهآ
تبقى هي تتحمل كل شيء عشآن سوآد عيونه
وفوقهآ مآتبي نفسيآت أخ منيب هههههه:rofl951:
هذآ ب الجنوب
عآد مآندري في بقية الجهىت البآقيه
وش عند رجآلهم من قوآنيين :ro258es:

النابغة الأزدي
30-10-14, 08:50 PM
عالم النساء عالم خفي .. ودهاليز مظلمة .. مثلها مثل التجمعات الماسونية .. لها بروتوكولات ومراسم خاصة جداً وذات طابع مجهول .. في إطار مفاجئ .. عموماً من يقتحم هذا العالم فعليه أن يتحمل خسائر الدهر وأن يتوشح سيفه .. فالحرب ضروس .. والثكالى على المقربة .. وأنا كلما ظننت أنني فهمت النساء .. تفأجات بأني على بحر مهول .. لاساحل له .. ولانجاة منه .. ولاحول ولاقوة الا بالله .. (qq115)

النابغة الأزدي
30-10-14, 08:52 PM
.
يقولك الجنوبي لآزم عنده الزوجه
تحبه
وتحب أمه وخوآته
وجدآته
وعمآته وخآلآته
وكل قرآيبه من بعيد وقريب
وتستقبل وتودع وهي مبتسمه
ويآويلهآ لو تعبت وشكت له
ويآويلهآ لو أحد ضآيقهآ من أهله وشكت له
وقتهآ تتصنف عدوه
مع إننآ حشيمآت خلقه ..مآنرضى ع الكبير الغلط
ونحترم لكن برضه ذي قوآنيين عند الجنوبي
إن الزوجه مآتحبه وحده لآزم تحب كل إلعآئله معه
حتى لو هم مآيتعآشرون وسيئين فيهآ
تبقى هي تتحمل كل شيء عشآن سوآد عيونه
وفوقهآ مآتبي نفسيآت أخ منيب هههههه:rofl951:
هذآ ب الجنوب
عآد مآندري في بقية الجهىت البآقيه
وش عند رجآلهم من قوآنيين :ro258es:


اتوقع هذا نظام تشغيل الجنوبي عام 1980م .. أما عام 2014 م فما ’’ عندك أحد ’’ وعلى العموم يحتاج الجنوبي الذي بين يديك الى تحديث أنظمة لعل وعسى .. هذا إذا ماصار يعلق و ’’ يهنق ’’ عليك .. (qq115)

... بنت الجنوب ...
30-10-14, 08:57 PM
اتوقع هذا نظام تشغيل الجنوبي عام 1980م .. أما عام 2014 م فما ’’ عندك أحد ’’ وعلى العموم يحتاج الجنوبي الذي بين يديك الى تحديث أنظمة لعل وعسى .. هذا إذا ماصار يعلق و ’’ يهنق ’’ عليك .. (qq115)


هههههههههههههههههههه

:rofl951:

هذآ معروف عنكم ي رجآل الجنوب
والكل يقول مو بس أنآ
(qq168)

فتاة غير
30-10-14, 09:24 PM
الانسانه الي عقلها مسطح وشخصيتها تقليديه


وماعندها اهتمامات تخصها


وعايشه مع الناس ومثل الناس


بتعكس ثقافة بيئتها وتغرد مع السرب سواء صح او غلط



والرجل كذلك


الي ما يطور نفسه بيصير نسخه من جده وخاله وعمه وولد جيرانهم ..... لاجديد

هذولا اشخاص تقليديين وبدون اي هدف

والاسوأ من ذلك اللي بدون مبادئ فتجدينه يمتص الحسن والسيئ

فتاة غير
30-10-14, 09:30 PM
مشكلة الآن صار التفاخر في السكنى وهم لا يعلمون بإن النهاية لبنات من طين في مساحة : [ 1×2 ]



ههههههههههههه
بسراحة بسراحة مت ضحك على هالنقطة
وهي واقع صحيح لإن الزوجة لو تزوج أخو زوجها بوحدة جميلة ثم وصل إلى زوجها جمال زوجة أخيه لبدأ في التنافس مع أخيه بالبحث عن زوجة جميلة .. يحق لها تخاااف ههههههههه




ياليت لا هيك ولا هيك ..
ياليت يكون لباسها ساتر ولسانها جميل ..
ذكرتني هذه النقطة بواحد يسوي نفسه مطوووع وهو لسانه وسخ .. ما أدرى تشبيهك أليم ..
ياليت كان خليق وأخلاقه زينه ..
هكذا البعض يستتر بثياب الستر والدين وأخلاقه أخلاق نتنة قذرة .. وهه ناس ما تستحي (qq136)


موضوعك يافتاة غير في الصميم ..
وسعدت جداً بقراءته والاستمتاع به ..

بدوي بكرتونه

ايي والله صار الدين مضاهر بس
مع ان الله لم يبعث رسوله الا ليتمم مكارم الاخلاق


اهلا بك مرة اخرى بدوي بكرتونه
❤💘😊

نجمة المنتدى
31-10-14, 12:07 PM
بصراحه سخيفات ..

اولهن انتي الي تدققين بهالسخافات ..