المساعد الشخصي الرقمي

مشاهدة النسخة كاملة : أقوووول : ( قم .. بس .. قم )


بدوي بكرتونه
01-10-14, 04:56 PM
البارحة كنت معزوم(ن) عند واحد(ن) من الشباب .. وفي لحظة ضعف من نفسي وقفت أمام المرآة في غرفة نومي ( مايشوف نفسه يخاف ينفتن مثل هالبشرية اللي من يوم يشوفونه يمشي في الشارع وهم مكسرين رقابهم يناظروني :ro258es:) أبي أشخص عشان أروح للشباب اللي عازمينن وأوسع صديري معهم ( شباب(ن) يحبهم قلبك .. حبحب على السكين(q39) ) يعني ودك تمنظر في عويناتهم ولا تذوق العيشة (q39) .. وقفت قدام المراية لين وجهي هو وجهي وخشمي هو أياه أياه ماتغيّر مع أني في كل صلاة كنت أدعي ربي وأقول : ياربي يصير خشمي سلة سيف لو كان تقليد ... راجعت حساباتي وقلت ياولد خلن أكشخ الليلة ( اللي عازمنا ولد نعمه من حقين الرياض الطحاطيح ) ومير أزرق للدولاب وألبس ثوبي الكبك والقلاب وزرته مخفيه ويسحب ( طويل يعني ) ( حركات عيال النعمة ) وهالثوب منيب ألبسه إلا في المناسبات ( من يوم أعرس مناحي من أقصى الحارة على عمة ولد جيرانا ) في هاك السنة يوم أني في المتوسط ( هالحين موظف له عشر سنين ) ( ثوب أصيل تلقاه في الفزعات (q39) ) ..

شخصت وأنتعلت نعالي بعد أن لبست شرابات قطنية بنية اللون وفانيلة علاقي وسروالاً قصيراً لأن الثوب كان شفاف ( بالعادة إذا لبس ثوب صوف مايلبس سروال يقول وشو له كثر الهدوم (q39) ) نصيت وفي رواية [ قصدت ] إستراحة الشباب وتبون الصززز يوم وصلت الإستراحة لين الأبواب مسكره طلعت تقويم من تحت المرتبة ( يحافظ على المواعيد ودقيق في حساباته ) أشوف هو الموعد صح والا أنا مخطي في ترتيب أيام الاسبوع لأننا متواعدين يوم الربوع وقلت يمكن إني مسبق(ن) للربع وألا أن الخميس طلع أمر ملكي وقدموووه شوي وقالوا ودوا الربوع مكان الخميس عشان لاغابوا الموظفين لينا لاعبين عليهم ( شطحت عن الموضوع بس برجع ) (q39)

طلعت التقويم وقسم بالله لين اليوم هو اليوم اللي كنّا متواعدين فيه ( التقويم اللي أتابع فيه وارثة من جدي يعني لاتقولون تقليد (q39) ) أنتظرت عند الباب ساعة لين ذا المعزب جاي(ن) على سيارته الددسن وكاتبن عليها بدل نيسان لكزس ( أثارية خاف(ن) بالشباب يقول أن أبوي خيرني وش أشتري لك.. وقال : لكزس وأنه شرا له لكزس ) مع أن نفس موتره معي بس مكتوبن عليه نيسان .. يالله مشوها .. فتح الباب وقلت أبو عامر ( أسم خوينا ) وراكا ياحول الله مالبست ثوب جاين من العجلة بسروال السنة والفنيلة ياخوي ترى ( ماعجل(ن) قضاه ابوه ) التفت علي وهو يضحك وقال أنت بدوي وش عرفك بحركات الإتيكيت ( وش فنيلته وسروال السنة .. هذا الله يسلمك جينز وقميص ) ثمن التفت عليّ وقال : يابدوي والله أنك متعصب نصر أجل من حب النصر لابسن السروال المقوصر أصفر ( أجل لو يدري كحيلان كان عطاك اللي تبي ) قلت بس أنا هلالي ... ثمن رجعت أرقعّها يوم انتبهت وقلت بس أني حولت نصر عشان خوياي كلهم نصراويين ... (q39)


إلا على طاري الإتيكيت وشو ياثامر ( دايم عيال النعمة اسماهم كذا (q39)) قال وهو يبتسم ابتسامة صفراء ( كنها سروالي القصير ) اهتزت لها أركان جسدي : هذا نوع من الكيك .. قلت وشو له وحنا بنتعشى مفطح .. رد وقال : ياخوي وأنت صدقت (q39)

الإتيكيت هو الموضه يعني لما تمشي على الموضه يسمونك إتيكيت .. قلت أها... رفعت رجلي اليمنى فإذا بي أنتعل زبيرية وأنتم بكرامه وقد لبست شراباً بني اللون فصحّت به قائلاً : شفت أني اتيكيت ... قال إيه بس أن جدي هو اللي مطلع هالموضه .. إلا صزز متى وصلتكم (q39) .. بققت عويناتي فيه لإني الصراحة أنا اللي مخترعها بس يمكن توارد خواطر بيني وبين جده ( مع أني أشك أن جده سارق هالحركة مني (q39) )

قال : الموضه يابدوي هي إنك تطلع شئ مابعد أحد سواه وينتشر بين الشباب .. شف مثلاً اللي يلبسون القبّوع على الثوب .. ثمن موضه الجينز .. ثمن موضه القصات .. ثمن موضه الثياب المحقطة .. ثمن موضه .. وموضه .. وقعد يعدد علي لين شاب راسي شاب (q39)

التفت عليه وقلت : سهله ... ثمن قلت له : قل والله .. قال : والله .. قلت حبك ماجد عبدالله (q39) .. قال قديمه هذي كل الناس عارفتها لا تقول إنك اللي مخترعها .. قلت طيب طيب .. قل النعيمة .. قال : حبك صالح النعيمة .. قلت وش دراك والله إني مخترعها .. قال بس مالــ أمها داعي لأن شنب صالح النعيمة كثيف وبيمخشنا ( ماقلت لكم عيال نعمة ) ..

شف حبيبي .. دايم الشئ الغريب يهتوونه الشباب ودايم هالشئ أما مستقى من الدش أو من الغرب وبعد كذا ينتشر كموضه بين الشباب أنت وين تفهم معه ؟ .. قلت : صوح عليك !! ..
ثمن قلت : على كل حال أنا أستأذنك بروح البيت وبجيكم بعد شوي الين يجتمعون الشباب ...

رحت لأقرب محل ومير أطق لي طقم من الحمالات الصدرية ( ستينات ) وشيئاً من الكلسات السفلية بلون الأحمر الفاقع المثير للغرائز .. وألبسها وأجيك مدرعم للشباب ..
وفي حين غره وهم متجمعين ويسولفون ومادروا إلا الزين كله داخل(ن) مع الباب أنا وأنا أقتني حمالات صدرية وكلساً أحمر فاقع ( ذوق جيزاني ) ومير يكعونها ضحكة وش قصتك ياولد قلّت الثياب وألا قلّت الجنوز ..
قلت : يعني وأنا ناقص
أنا أصلاً قاعد(ن) أمشي على الموضه ...
التفت علي واحد(ن) منهم
وقال ومتى طلعت هالموضه
قلت من اليوم
قال : يا الله ( قم .. بس .. قم )
ومنذ ذلك اليوم وأنا مضحكة للشباب وكل مابغوا يضحكون ذكروا سالفتي وأنا مدرعم خشتي يمّ الارض وخدودي تقل طماط لبناني من الخجل لإني كشفت عورتي امامهم ( من زين هالعورة (q39) )
تمنيت أن معي خنجر وإني القى هاللي قاعد(ن) يطلع موضات عشان أذبحه وأريح الناس منه ( يارجال روقنا إلا قل ودك تحل محله (q39) )
.
.
وفي ذات يوم .. وحينما كنت طالع(ن) أبروح الدوام ويوم طلعت في الشارع إلين كل الشباب وأغلب البزارين لابسين كلسونات حمر وحمالات حمر فاقعة اللون .. لأنهم شافو الممثل الأمريكي ( بووزغووود ) لابسها في فلمه المسمى ( خلني أبوسك وألا زعلت ) ذلك الفلم الفاسخ اللي يعرض على قناة تلبسي والا ما تلبسي الفلم فاسخ فاسخ ..
وآسفااااه على شبابنا اللي خلو الموضه تروح من الصناعات المحلية إلى الصناعات الأجنبية وحسبنا الله ونعم الوكيل .. عقول شبابنا أصبحت مثل قواطي السفن آب الفاضية أي شئ تحقنه فيها يحسبونه الناس ماء ( <-- لا عاد تمثل ياخوي (q39) )

مايستفاد من القصة :

على أي أساس تبنى الموضه ومن اللي يخترعها .. وليش مانخترع موضه زينه لا تفشّل ولا تخّجل .

<--- كل ماجاء يلبس الجنز ضايقته الخلفيات عنده .. والا على الأقل يطلعون موضه الجنز الوسيع (q39)

بدوي بكرتونه

عِــبْدَأِلُعِــزِيَزَ
01-10-14, 05:16 PM
ههههههههههههههههههههههه
فيه جنز مطاط للظروف الطارئة :rofl951:
انا مثلك كنت احسب الاكتيت نوع من انواع الحلا او الكيك بس طلعت فاهم وبحثت عنها بقوقل حتى لا اقع في المحضور(q31)
الا حنا اول ما نعرف الا الكبك والقفزه ويقالنا عيال نعمة رغم ان البسام ناخذه بالتبعيه وحجز (qq6)
اهم شي انك على هالتملح والجخه امام المراية لحقت على العشاء اولا :secret25:

أسد من ورق
01-10-14, 06:31 PM
ههههههههههههههههههههههه
فيه جنز مطاط للظروف الطارئة :rofl951:
انا مثلك كنت احسب الاكتيت نوع من انواع الحلا او الكيك بس طلعت فاهم وبحثت عنها بقوقل حتى لا اقع في المحضور(q31)
الا حنا اول ما نعرف الا الكبك والقفزه ويقالنا عيال نعمة رغم ان البسام ناخذه بالتبعيه وحجز (qq6)
اهم شي انك على هالتملح والجخه امام المراية لحقت على العشاء اولا :secret25:
(a14)

السهل 1
01-10-14, 08:42 PM
الظاهر هذا الموضوع علامة من علامات مرض الزهايمر ... الذاكرة ضاربة يالله عسى خير (q69)

توليب2
02-10-14, 03:06 AM
ههههههههههههه

بدوي ياطول سالفتك احيان امشي تمام واحيان ينقطع الخيط

لكن شكلي فهمت المضمون عامة


الأتيكيت. هو الذوق العام او فن التعامل مع الغير


او السلوك بالغ التهذيب


وأكيد الستايل المرتب جزء منه


اذكر مره شفت شاب مع عائلته بمكان عام مزدحم كان طله ماشاء الله عليه


بس صراحه لما تكلم يطيح من العين ألفاظ سوقيه ولهجة ماادري كيف اصنفها


والضحكه لوحدها شئ غير قابل للوصف


الشاهد من هذا كله

المظهر الخارجي قد يسبق صاحبه بمراحل من ناحية الذوق والتهذيب



ممممممم بالنسبه للبس الرجال عموما

ماادري ليش انا مو حابه الأبيض عليهم نهائيا

أولا الجو والبيئة ماتساعد. احيان من يطلع من البيت خمس دقايق للجو المغبر تارك بصمه


ثانيا التفصيل نفسه مايسمح للشخص ينتبه لسمو الكرشه. فتبدأ بالانتفاخ بدون مايحس

ثالثا. اللون الأبيض جميل على البشره الي لونها موحد

يعني صافيه ونضره

غير كذا يبرز عيوبها بشكل واضح

رابعا .. بنظري مايعكس شخصية الرجل السعودي ولا يعبر عنه. البياض والوضوح له شعب غيرهم

مدري من مخترعه صراحه وعلى أي أساس. وأتمنى من كل قلبي يتغير


حاول يابدوي. تبتكر. موضه تناسب الجو والقلوب الجميله

الخاشعة لله
02-10-14, 07:39 AM
المظهر الخارجي جزء من شخصية الانسان

جزء من احترام الشخص..هو من خلال لبسه وترتيبه ..

والموضه نتبعها لكن بما يناسب عاداتنا وتقاليدنا ..يعني مووو نلبس زي هندي واحنه عرب

بدوي بكرتونه
02-10-14, 08:02 AM
ههههههههههههههههههههههه
فيه جنز مطاط للظروف الطارئة :rofl951:
انا مثلك كنت احسب الاكتيت نوع من انواع الحلا او الكيك بس طلعت فاهم وبحثت عنها بقوقل حتى لا اقع في المحضور(q31)
الا حنا اول ما نعرف الا الكبك والقفزه ويقالنا عيال نعمة رغم ان البسام ناخذه بالتبعيه وحجز (qq6)
اهم شي انك على هالتملح والجخه امام المراية لحقت على العشاء اولا :secret25:

يارجال خلها على الله ..
أبشرك أنسدت نفسي من العشاء (qq15)

بعدين .. الإتيكيت والموضة ..

الإتيكيت عرفناه .. وهو شئ ثابت لا يتغير ..


بس الموضوة .. وهي محور نقاشنا .. من الذي يبتكرها وعلى أي أساس ..
وليش دايم الموضة من الغرب ..
ولا عمرنا شفنا موضة عربية .. أو إسلامية ..

تحياتي لك يا عبدالعزيز ..

بدوي بكرتونه

بدوي بكرتونه
02-10-14, 08:04 AM
الظاهر هذا الموضوع علامة من علامات مرض الزهايمر ... الذاكرة ضاربة يالله عسى خير (q69)



https://encrypted-tbn3.gstatic.com/images?q=tbn:ANd9GcTM43j3bXSXOixiOZFdtLurFZ-H-zB4e2FAj4109zuKqyYYHlr4Bs1ZJw

مابغيت أتجاهل ردك لإنه لا علاقة له بالموضوع .. لكن .. مافهمت قصدك يالسهل .. ياليت توضح (a24)

بدوي بكرتونه

متابعة بصمت
02-10-14, 02:47 PM
هههه
تذكرت يوم نقول قل والله .. حبك ماجد عبدالله ههه
.. اما الموضة اكره الرجال اللي يتشبه بالنسوان اكسسوارات وحلق وسلسال حتى الشعر استغفر الله بعضهم كانه حرمه
الله يهدي شباب المسلمين وانت يا بدوي لاتعودها بلبس الكلوت الاحمر وحاجات الحريم خلك على الثوب بس قصر منه شوي
الطول للحريم والقصير حد الكعب للرجال .. الان اصبح العكس الرجال يطولونه والحريم قصير الله المستعان
خلك ثابت على المبادئ والقيم الاسلامية
ولاعليك من علان وفلان اهم شيء رضا الله
اللهم ردنا اليك ردا جميلا
حلو سردك للقصص تشد القاري ماشاء الله عليك بدوي
شكرا جزيلا

بدوي بكرتونه
02-10-14, 03:39 PM
ههههههههههههه


بدوي ياطول سالفتك احيان امشي تمام واحيان ينقطع الخيط

لكن شكلي فهمت المضمون عامة


الأتيكيت. هو الذوق العام او فن التعامل مع الغير


او السلوك بالغ التهذيب


وأكيد الستايل المرتب جزء منه


اذكر مره شفت شاب مع عائلته بمكان عام مزدحم كان طله ماشاء الله عليه


بس صراحه لما تكلم يطيح من العين ألفاظ سوقيه ولهجة ماادري كيف اصنفها


والضحكه لوحدها شئ غير قابل للوصف


الشاهد من هذا كله

المظهر الخارجي قد يسبق صاحبه بمراحل من ناحية الذوق والتهذيب



ممممممم بالنسبه للبس الرجال عموما

ماادري ليش انا مو حابه الأبيض عليهم نهائيا

أولا الجو والبيئة ماتساعد. احيان من يطلع من البيت خمس دقايق للجو المغبر تارك بصمه


ثانيا التفصيل نفسه مايسمح للشخص ينتبه لسمو الكرشه. فتبدأ بالانتفاخ بدون مايحس

ثالثا. اللون الأبيض جميل على البشره الي لونها موحد

يعني صافيه ونضره

غير كذا يبرز عيوبها بشكل واضح

رابعا .. بنظري مايعكس شخصية الرجل السعودي ولا يعبر عنه. البياض والوضوح له شعب غيرهم

مدري من مخترعه صراحه وعلى أي أساس. وأتمنى من كل قلبي يتغير



حاول يابدوي. تبتكر. موضه تناسب الجو والقلوب الجميله


هههههههههههههههههه
يا أختي ردك موضوع .. موتيني ضحك في تحليلاتك ..
بس حرام عليك .. والله ظلمتينا ياتوليب .. الرجل السعودي كل يوم بموضة ..
أنا أشجع الثوب حقيقة أقل شئ الأخوان السمر ماتفرقهم عندنا في الرياض من الأفارقة ..

بس ولو :
من الذي يبتكر الموضة .. وعلى اي أساس نبتكرها ..
ناس يقولون أنهم يأخذونها من المجلات .. وناس يقولون أنها تبتكرها الشركات لتسويق منتجاتها ..


والله إبدعتي في الرد ياتوليت .. وقسم بالله موتيني ضحك ..
دايم تعالي لنا ..

بدوي بكرتونه

بدوي بكرتونه
02-10-14, 03:42 PM
المظهر الخارجي جزء من شخصية الانسان

جزء من احترام الشخص..هو من خلال لبسه وترتيبه ..

والموضه نتبعها لكن بما يناسب عاداتنا وتقاليدنا ..يعني مووو نلبس زي هندي واحنه عرب




الكلام هذا جلو
بس اللي على أرض الواقع غير
والدليل يالخاشعة شوفي لبس الشباب
وتلقين الجينز نازل ومطلع البوكسر ..
والبنات الحين أدهى وأمر ..
كلهم ماعاد يلبسون جينز لا صاروا يلبسون شئ أسمه [ استرتش ] في السوق والممشى وفي كل حته ..

الحقيقة كنت ودي أسأل
هو فيه بنات الحين يلبسون تنوره وبلوزة إذا طلعوا للسوق أو المطعم أو كذا ..

أعتقد لا
حتى البنات المطوعات صاروا كذا .. يقال : مع الموضة ..

شكراً لحضورك أيتها الخاشعة الرائعة ..

بدوي بكرتونه

بدوي بكرتونه
02-10-14, 03:46 PM
هههه
تذكرت يوم نقول قل والله .. حبك ماجد عبدالله ههه
.. اما الموضة اكره الرجال اللي يتشبه بالنسوان اكسسوارات وحلق وسلسال حتى الشعر استغفر الله بعضهم كانه حرمه
الله يهدي شباب المسلمين وانت يا بدوي لاتعودها بلبس الكلوت الاحمر وحاجات الحريم خلك على الثوب بس قصر منه شوي
الطول للحريم والقصير حد الكعب للرجال .. الان اصبح العكس الرجال يطولونه والحريم قصير الله المستعان
خلك ثابت على المبادئ والقيم الاسلامية
ولاعليك من علان وفلان اهم شيء رضا الله
اللهم ردنا اليك ردا جميلا
حلو سردك للقصص تشد القاري ماشاء الله عليك بدوي
شكرا جزيلا

ههههههههه

متابعة والله أكرههم أنا .. خصوصاً وإذا جيت أمشي ولقيته لابس سلسال ويجرجر هالكلب [ أكرمكم الله ] قدامه مسوي لي ولد نعمه ..
الله يصلح شباب المسلمين ..

أمّا أنا لا تفهميني غلط .. أنا كنت بس أبي أبتكر الموضة .. بس ما قبلوها مني
ويوم شافوها على الأمريكي في الفلم هذاك قلدوها .. (g)
أبي أقول لك :
نحن شعب يقلد الغرب .. وموضتنا تجي من عندهم ..

أنتي رائعة يامتابعة وردودك خفيفة دم .. (q39)

بدوي بكرتونه

ضغط
02-10-14, 05:12 PM
انت باقي مارحت بدوي بكرتونه
انا اذكرك قبل اسافر تقول بعتزل او انطفأت ملكة الكتابه عندك وبتعتزل (asj)

يعنني مسافر بعلمكم ومحد سأل عني (qq136)

السهل 1
02-10-14, 06:55 PM
https://encrypted-tbn3.gstatic.com/images?q=tbn:ANd9GcTM43j3bXSXOixiOZFdtLurFZ-H-zB4e2FAj4109zuKqyYYHlr4Bs1ZJw

مابغيت أتجاهل ردك لإنه لا علاقة له بالموضوع .. لكن .. مافهمت قصدك يالسهل .. ياليت توضح (a24)

بدوي بكرتونه


حصل التباس في موضوع آخر ... وصاير الي صار ... عدي واصحى التحدي (qq15)

دانه السبيعي
02-10-14, 11:55 PM
احترام المكان اللي فيه واجب على الشخص وكل مكان وكل مناسبه لبس خاص فيها..مو حلو عيد او مناسبه رسميه ويكشخ بجنز وتيشيرت..تقاليدنا جزء منا ..ًبنفس الوقت مايكون مسافر او رايح بر او كشته ونقول له ارتز بالثوب ..الامر بسيط وبحدود بسيطه جداً بدون تعقيد..أصلا الان الشباب هم احرص في لبسهم في المناسبات المهمة مثل زواج او جمعة عائله انه مايكون مخالف في الشكل لان كبار العايله ماراح يخلونه

المحــــارب **
04-10-14, 08:15 AM
اسلوبك في السرد اجمل من الموضوع نفسه

- تقويم جدك تحفه ( اشاره ايحائيه مجنونه)
- في الموضوع دعايه لمصنع ملابس اين وردت مع الدليل
- زبيريه وشراب بني هذا ماسبقك بها احد

خلاصه الموضوع عندك صدمه حضاريه
انصحك تتزوج ماليزيه :)

واخيرك
( هاف انايس ايد)
هذي اتيكيت :)

//
اخيرا
..........

أسد من ورق
04-10-14, 09:34 AM
88
حج ياحاج . (qq115)
حج مبرور وسعي مشكور يالمحارب وتقبل الله منا ومنك صالح الأعمال .
هنيئا لمن حج ولم يرفث ولم يفسق يرجع كيوم ولدته أمه . (a21)

المحــــارب **
05-10-14, 06:27 AM
غريب الماضي تالي وقته لازم نشاوره قبل نكتب شي :)

الناس بـ 2014

كلمااات
05-10-14, 05:38 PM
الموضه شي جميل ومتجدد
لو جلسنا على حال اجدادنا كان ملينا من الروتين
كل سنه لون وشكل الشغله فيها حماس
بس الي يخربون الموضه الي عندنا
يتركون الشي الذوق والمعقول
ويتجهون للشي الشاذ المتخلف
امشي على الموضه بس بطريقتنا مو بطريقة الغرب
البنات حلو عليهم كل شي بس بأحتشام
والشباب نادر ما تلقى شي حلو عندهم
علشان كذا مخربينها

الميسم
06-10-14, 08:41 AM
اتباع الموضه بحذافيرها وبشكل مبالغ فيه
لايفعله إلا من أراد لفت الإنتباه إليه
بعض الناس تحب الظهور وتعشق أن تكون مميزة حد أنها تقفز كل حواجز المعقول
المهم أن تصل للشكل المطلوب ..!

وبرأيي
أن اتباع الموضة حتى لو كانت غير لائقه وبعضها تمحق الشخصيه
دليل على أن المُتبع لها إمعه ..!
لابد يكون لنا استقلاليه لايعني أن تكون الموضه نجعلها مباحة فـ نسيء لأنفسنا قبل كل شيء ..!

الموضه تعني التجديد
ولكن بعض التجديد خاضع للتقنين