المساعد الشخصي الرقمي

مشاهدة النسخة كاملة : أطرف موقف صار لك وانت مسافر ..؟؟


شرجاوية
24-02-06, 11:30 PM
بســــــــم الله الرحمـــن الرحيم


الــــــسلا م علـــــــيكم ..........




بمجرد ماتســـــــافر لدوله غريبه وجديده عليك ..... طبيعي راح توااااااجه مواقف ..
سواء كانت محرجه أو طريفه والا ((تفشل )) <<<<<<مع انه امر غير وارد


بس الاشياء الي تفشل مانبغــــــيها .....خلوها لكم <<<<<بلاش نحرجكم
خخخخخخخخخخخخخخخخخخخخ


بس كل واحد يدخل يقولي موقف محرج او طريف صارله بالسفر .....
للــــــــــــــــــجريئين ....... فقط :gg4mpup:
يلا خلونا نشووووف شو بيطلع معااااكم ......

شرجاوية
24-02-06, 11:38 PM
أنا ببدأ أول وحدة...


في اجازة نصف العام الدراسي كنت مسافرة (الكويت) ...

وطبعا طلعات للسوق 24/24 ..

المهم... كنا طالعين بنسير سنتر من السناتر .. والوقت العصر.. ركبنا السيارة .. وانا عندي لبن ... <<< والله لبنهم غريب غازي مثل البيبسي..

المهم وانا طول الدرب من الفندق الين السيارة وانا أرج زجاجة اللبن .. ومن ركبت السيارة فتحت الزجاجة ... وعينكم ما تشوف الا النور..

فاااااااااااار اللبن وخست بكبري << العباية اتحولت من اللون الأسود الى اللون الأبيض ... <<والله فشلة..

وغير السيارة الي طفح منها اللبن..

المهم بسرعة قصوى نزلت من السيارة .. والكل يطالعني << ويه أحمر

ودخلت الفندق << يا ويلي الكل يالس يضحك عليه والي يغمز والي يهمس

ووصلت الغرفة وغيرت عبايتي ونزلت مرة ثانية..

وانا نازلة الكل يقولي << الحمدالله عالسلامة

يا ويهم والله فشلوني..

بس الحمدالله كنا آخر يوم هناك واليوم الثاني الصبح رجعنا الامارات..


أدري أني طولت عليكم..

يالله نتريا مواقفكم..

خويتكم

خالد المطيري
25-02-06, 01:36 AM
هيلووو:)


ابدأ بالموقف أنـا بالأولـ:)


في أول مـرة أسافـر مع أهلـي والوالـد قال روح ودهم عند الكويـت قال تعرف دربكـ .. قلت أفاا عليكـ ومسوي الولد فاهم وبعد ما خلصت من جوازات السالمي مسكت دربي ما أدري إلا أنـا ماسكـ خط فاضي (e)


والهدوء ولا حس ولا خبر وانا ماشي ولا حاس بشيء



وأشوف لوحه على جنب الطريق منطقة عسكرية والشاحنات صافه على الشارع الثاني وأشوف الوحة ثانية من بعيد ..


وقلت سلام يالبصرة وارجع على دربي وأرمس لخالي بالموبايل لين وصلني لبيته:)



طبعاً كان عمري 17بذاك الوقت:) عشان التعبان ما يضحكـ علي(e)

شرجاوية
25-02-06, 01:13 PM
هههههههههههههههههههه

الله ياخذ ابليسك ... ياهل اشلك بالدروب الطويلة ... لا ومسوي عمره بو العريف...



نصيحة لا تعيدها مع ولدك ...اوكي

أشكرك على زيارة الموضوع..

وكل يوم تعال..

الحميداوي
25-02-06, 06:00 PM
هلا وغلا بشرجاويه وخالد ,,
موقفي انا كان موقف عجيب وأنه في العام 2001 أي بعد أيام من وقوع هجمات سبتمبر الارهابيه كنت في مطار شارل ديغول بفرنسا ليسألني مأمور الجوازات بالمطار بأي صفه انت هنا بفرنسا ( سائح, أم زيارة عمل) طبعا جيت بقول سائح بالانجليزي أي Tourist ولكني أخطأت بالأنجليزيه وقلت Terorest أي أرهابي !!!
ليأخذني الموظف لغرفه ثانيه بها عدد من المحققين ومنهم مترجم عربي ليكرروا السؤال من الجديد فجاوبتهم بالعربيه أنا سائح ! ثم ضحك الجميع وأنا منهم حينما علموا قصدي .............................................

شرجاوية
25-02-06, 07:45 PM
خخخخخخخخخخخخخخخخخخخخخخخخخخخخخ<<< الحمدالله نجيت منهم لو كنت الحين في عداد............... لا سمح الله

العراب

مشكور الخوي على المرور .. وعلى الموقف << اعتبره موقف رعب مش طريف

مزون البحرين
28-02-06, 01:06 AM
السلام عليكم
من سنتين كنت فماليزيا وخبركم نقعد من الصبح ونطلع تورز. فيوم كنت نازله للفطور وانه نص نايمه ورحت البوفيه وفخاطري بيضه
وقلت للشيف ابي one فرايد تشكن. قام الريال يطالع ومتعجب؟ وريلي انقذني وعدل علي وانه والله من النوم اللي فيني مادري شخربط :)

شرجاوية
28-02-06, 03:15 PM
هههههههههههه

الله يهديج فيج رقاد وتبين تتريقين.. شو هالقافة يا ربي...

يالله بتكبرين وبتنسين...

ان شاء الله تحصلج مواقف أطرف منها...

ابن الأمارات
28-02-06, 11:48 PM
وقلت سلام يالبصرة وارجع على دربي وأرمس لخالي بالموبايل لين وصلني لبيته:)


الله حفظ والدتك <<<<<< وسلمها منك يالتعبان (zm) .

بس زين ما وصلتهم طهران (zm)

حتى في السفر تعبان (zm)






طبعاً كان عمري 17بذاك الوقت:) عشان التعبان ما يضحكـ علي(e)


أبشر

شباب الجامعة كلهم ضحكوا عليك وعلى راعية اللبن <<<< بس أنت أكثر (zm)

خالد المطيري
01-03-06, 12:01 AM
الله حفظ والدتك <<<<<< وسلمها منك يالتعبان (zm) .

بس زين ما وصلتهم طهران (zm)

حتى في السفر تعبان (zm)



الحمدلله عالسلامه يالتعباان:)



أبشر

شباب الجامعة كلهم ضحكوا عليك وعلى راعية اللبن <<<< بس أنت أكثر (zm)


هههههههههههههههه


روح شوف صور الطفولة بالمسجات(zm)

ابن الأمارات
01-03-06, 12:04 AM
الله يسلمك يالشيخ


هههههههههههههههههههههههه

الله ياخذ أبليسك

خليت الشباب يضحكون علي ضحك لين ما قالوا بس (a14)

بس من يقول بن سويف راح يستسلم .........في هجوم مضاد قوي قادم فأستعد (q20)

ابن الأمارات
01-03-06, 01:50 AM
عن موقفي أنا

أذكر كنت مسافر العمرة ...... وفي أستراحة من الأستراحات بعد الرياض بمسافة وقفنا للغداء .

ودخلت أغسل يدي في المطعم وكنت قايم من النوم <<<<< يعني دايخ :)

وعن طريق الغلط و أنا ما أدري دخلت في قسم الحريم .<<<< وعينك ما تشوف الا النور :)

ما أسمع الا زعيج من الحريم :) <<<< ( أيش بك داخل علينا ) :)

رجعت ريوس <<<<<<<<< شـــــــــــــــــــــــــــــــــــــــــــــــــ ـــــــــــرده :)

طلعنا و من دون ما نتغدى <<<<< طار اليوع :)

وكان وقتها عمري 15 <<<<< عسب ما يضحك التعبان ( راعي البصرة )

شرجاوية
01-03-06, 01:04 PM
أقول بن سويف

بالغلط ولا قاصدنها (q47)


يا الله خيرها في غيرها (qq172)


وجان عن الأكل ولا يهمك المطاعم تارسة الامارات :Sugarw065

خالد المطيري
01-03-06, 09:44 PM
وكان وقتها عمري 15 <<<<< عسب ما يضحك التعبان ( راعي البصرة )


معذور الغلط بالحمام مو منك ههههههههههههههههههههه:)


تعبااان يالتعباان

ابن الأمارات
01-03-06, 10:39 PM
هههههههههههه

ما عليه يالتعبان :)

بس خلك مستعد للمسج الجديد :)

شرجاوية
07-03-06, 03:19 PM
وينكم يا عرب شمااا..<< معصبة

ليش ما تسافرون .. ولا ماشاء الله ما تستويلكم مواقف طريفة في السفر<< شو هالسفرة الجامده مالها طعم..

يالله يالله .. أشوف كل واحد يدخل ويكتب عن المواقف الطريفة الي صارت له وهو مسافر .. حتى لو طالع رحلة في ارجاء الوطن .. اوكي راضين حتى لو بالقليل...

ابن الأمارات
10-03-06, 03:42 AM
8
8
8

يمكن الأعضاء ما مسافرين !!!

ماء الورد
10-03-06, 02:55 PM
لا تزعلين يالشرجاوية
قريت الموضوع بس المواقف اللي صارت لي أكثرها محرجة ما فيها طرافة يعني تخليك تعصبين ما تضحكين
واحد منها :
كان زوجي في لندن وأنا ابغي أسافر مع الأولاد ولا بد من محرم أولادي اكبرهم 6سنوات واصغرهم ماكمل سنتين مالقينا حجز الاعلى الباكستانية أخوي كان عنه حجز على الامارات ودرجة اولى بعد ، أقنعته انه ايكنسل حجزه ويحجز معانا على الباكستانية سياحية على قدنا ، بداية رفض وبعدين المسكين شو يسوي وافق ،
ركبنا الطيارة جلست أنا والاولاد في الوسط وهو جلس على اليمين جنب واحد باكستاني ، من طارت وهي اتقرقع ، الناس اللي يذكر الله واللي فتح المصحف وجلس يقرأ واللي انشغل بنفسه
بعد شوي واذا بالباكساني اللي عن يمين اخوي يتفل على الارض ( الله يسلمك كان ياكل بـــان )
واخوي مب قادر يتحمل حاول ايغير الكرسي ، ما فيه كراسي
بعد شوي واذا الطيارة تتخضض قالوا اربطوا الاحزمة مطبات هوائية ،
زاد الصوت وصارت ترتفع وتنخفض وولدي الصغير يصرخ ايقول بطيخ يعني بيطيح
وماسك في اخوي
طلعت خربانه ونزلوها في اسطنبول
بتنا ليلة في فندق وثاني يوم سافرنا على رحلة ثانية وصلنا لندن بس الشنط وصلت بعد ثلاث أيام
يوم وصلنا ، لبست أولادي فنايل أبوهم اللي توصله للركبة واللي مسبل
ما فيه طرافه
وكل ما يذكره اخوي يقول انا اشل لي ، عندي حجز ودرجة اولى ، اتيلسوني ورا ، وواحد يتفل كل شوي جنبي لا وريحة الطيارة كلها منجا وآجار تقول مطبخ .

مواقف طريق السعودية لا تحصى وخصوصا في الاستراحات
مواقف في العمرة والحج كثيرة
موقف في الهند ذكرته الآن وأنا اكتب
حنيت على زوجي عشان يوديني الهند وهو رافض ( وسخة وتلوث ) ، المهم في النهاية وافق
رحنا بنجلور
اذكرو لنا حديقة روعة قلنا انسير انشوف
طبعا حلوة وفيها ساعة من الزهور شكلها حلو
بس أحلى منظر واللي ما يمكن أنساه
جلسنا على الكراسي والناس متفرقين اللي جالس واللي نايم
واذا
حرمتين
جالسة الاولى اتطلع القمل من رأس الثانية
التفت الجهة الثانية واذا المنظر مكرر
اتشوفين كيف القرود ( عزك الله ) ينظفون شعر بعض نفس المنظر
زوجي هز راسه
وكانت االزيارة الاولى والاخيرةللهند رغم انه فيها مناظر طبيعية روعة بس النظافة مشكلة

غزال الرياض
03-05-06, 01:12 AM
الموقف الي بقوله مره يخووف مو طريف00 كنت في شهر العسل رايحين الجنيف جايين من ايطاليا الى جنيف بالقطار تعبانين نزلنا حطينا اغراضنا بالفندق وراح زوجي يصرف فلوس من الصراف وكانت الساعه 1 بالليل بالله عليكم مين يطلع بهالوقت في اوروبا وانا كنت ميته خوووووووف وخفت اخلي زوجي ينزل الحاله نزلت ورحنا مكان ظلاف يشبه القبو كله صرافات ومليانين رجال سود يخوفون الي يشم مخدرات والي سكران انا جلست اهاوش زوجي قلت له مجنون انت تصرف الحين خلها بكرى بس اصر كان يبي الفلوس ضروري وقاعد زوجي يدخل البطاقه وانا اراقب وهم يطالعون فينا والله جلست اتشهد قلت بننخطف الحين واقرأ المعوذات وزوجي عادي ماهمه بس يقول لي يالخوافه والتفت وراي واشوف واحد جاي لنا اسووووووووود ومعاه الكلب حقه اسود مثله اكتملت عااااااااااااااااااااااااااد وزوجي التفت تغيرت ملامح وجهه وجانا واحد من بعيد عربي اظنه سوري ويحاكي الاسود بلغتهم وفجأه رجع وخاف الله يجزاه خير هالسوري جاي يركض الزوجي وهاوش زوجي قال انت مجنون تصرف هالوقت الي جايكم قبل شوي ناوي يسوي مجزره لكم بس انا اعرفهم وطاق صداقه معاهم وعرفني ورجع عنكم

وزوجي شكره وقال يالله اصرفو الفلوس وانا بحرسكم ماعليكم الدرجه وصلنا للفندق الله يعافيه كان مررره خايف علينا

والله دعينا له من جد شكلي يضحك ماسكه زوجي بقووه وهو يقول يابنت الحلال فكيني ماصدقت اوصل الفندق الا وانواع الصياح من الخوف :)

هذي من المواقف الي صارت لي
المواااااااقف كثيره اذا تذكرت منها قلت لك

مشكوووره

غزال الرياض
03-05-06, 01:18 AM
تذكرت موقف ثاني:)

كنت مسافره انا واهلي الماليزيا وبالفندق دخلنا المصعد وركب معانا واحد قالت اختي ماشاءالله ياسمنه الحين المصعد شكله بيوقف منه حسبناه اجنبي مايفهم رد علينا وقال لاتخافون وصلنا

صار عربي اختي طاح وجهها فشيللللللللللللللللللللللللللللللللللللللللللللله رحمته مسكين:(

جــيفارا
03-05-06, 01:49 AM
حصل لي موقف لما كنت مسافر فرنسا وجلس جنبي احد افراد الاسره الحاكمه السعوديه وكان قمه في الادب والاخلاق والعلم واحترام االاخرين وقطعنا زمن الرحله كانها دقايق وبعدها قال الا تسكن معي في جورج الخامس وفعلا سكنا والغيت حجز فندقي ورحت معه لجبال الالب عشان عنده فيلا وجلست اسبوع واعتذرت وفعلا كان قمه في الادب والكرم الله يكثر هالاشكال

الكونتيسة
16-05-06, 02:00 PM
الموضوع والمشاركات اللي فيه كلها حلوه

المهم طبعا تعرفون بعض الناس مثلي السفرعندهم من الصيف للصيف

وكنا سافرنا سنه وبنتي صغيره ماتفهم

جت السنه الجايه صارت تفهم الله يخليها لي

وحنا راكبين الطياره رايحين دوله اوروبيه

كان قدامنا رجال شعره اصففرررر

وازعجتنا بنيتي تأشر عليه وتقول أبي العروسه(اللعبه) ما تشوف الا شعره من ورى

ويوم وصلنا انصدمت بنيتي طبعا متعوده على الستر والعبايات ولله الحمد

قامت تقول لما شافت الناس (عيبه طالع عند الناس مافيه حيا ولا احساس)

بس الحمد لله ماعندك احد يفهم

O.o°"مـ ـلـ ــكـ ـه"°o.O
16-05-06, 06:08 PM
السلام عليكم

هذي القصه حصلت مع اخوي الله يرحمه ويدخله الفردوس
قولو امين

في الاجازه الصيفيه 1426هـ
كنا في ما ليزيا في حديقه الزهور طاحت عيني على قطوه ومثلكم عارف اغلب السعوديين يخاف
من القطاوه القطوه كانت تلعب تحت رجلين وحده افرنجيه وعادي عندها

رحت من لقافتي الزايده اقول لأخوي عبدالباري عمره 13 سنه وقف عند القطوه وصرخ

عاد هو الله يرحمه يموت في هذي الاشياء
ما صدق قلتله راح طاير وصرخ ااااااااااااااااااااا قطو قطو الحقوني(qq45)

وفجئه

إذا بعائله خليجيه قاعدين يرقبون وماتو من الضحك
وكل الناس انهبلو وش يصرخ الولد عليه(qq50)

اسفه طولت عليكم(qq22) (qq22) (qq22)

اللهم ارحم موتانى وموتى المسلمين