ابغى فكرة مشروع نسائي

[موظفه]

السلام عليكم ورحمة الله وبركاته

انا افكر بشيء

عندي مبلغ جيد واقدر اخذ سلفه عليه

دام الاسهم شكلها بتخسرناااااااا

ودي بمشروع جيد يخدم المرأه وبنفس الوقت بادارة سعوديه كامله

من عنده اقتتراااااااح يساعدني


وشكرااااااااااااا

[عاشقة العلا]

الله الرازق


احلى مشروع تجاري نسائي بيع الجلابيات

[سيدة اعماال]

يوجد العديد من المشاريع النسائيه لكن راس المال يحدد كل شي

[موظفه]

عطووووووني افكااااااااااااار

وينكم يابنااااااااات

[سيدة اعماال]

اين مقر المشروع ؟

[د/الرياض]

اختي


مشاريع كثيرة ومتنوعه


اولا ... مشروع تصميم فساتين الافراح ...

بعيداً عن المشاغل النسائيه

===

ثانياً

فتح مقاهي ... كوفي شوب .... للفتيات فقط ...

يكون بمكان معروف

ويكون متخصص ادارة سعوديه في جميع المشروبات وبذلك ستقبلين على الاقبال الشديد من الفتيات

ويكون فيها .. مكان مثلاً بغرفه جانبيه .. للأنترنت ...



===


والله يرزقك ياخيتي



--


د/ الريـــــــــــاض

[غلا الروح]

عندي اقتراح طبعا خريجات الفنيه اغلبهم عاطلات بدون وظيقه لو تتعاونين مع مجموعه ويعطونك افكار واعمال
من تصاميمهم ملابس اكسسوارات تجهيز حفلات يعني تقدرين تستفيدين من خبرتهم وموهبتهم والله يوفقك..

[سيدة اعماال]

غلا هذي فكرة مشروعي القادم ان شاء الله

[غلا الروح]

الله يوفقك...بس لاتنسين ترسلين لي اذا اكتمل مشروعك ...جد حماسك شوقني لمتابعه خطواتك نحو النجاح انشالله..

اقول ليحتجتي لكلمه او خطاب او اي شي يتعلق بالكتابه من عيوني اكتبلك...

[سيدة اعماال]

,ولا يهمك

[موظفه]

هلا بالجميع ...

حياااااااااكم ..

الموقع بالرياض ...

بالنسبه لبنات الفنيه .. تعاملت مع بعضهم فتره

بصراحه كانو الله يهديهم مغلين اسعارهم مره ولا يلتزمون بمواعيد ..

وانا ماحب الشغل اللي كذا ...

*******


وش تتوقعون افضل موقع للمشغل او الكوفي شوب النسائي ..


وشكرااااااااااااااااا لكم من قلب

[غلا الروح]

عزيزتي ..اذا تعاملتي مع احد في مشروعك لازم يكون بشكل رسمي وعقد فيه التزام بين الطرفين ولا بيكون فوضى
............وبالنسبه لسؤالك الحريم دايما مع سواقين وهذا الغالب والسايق يبغى ينتظرها فأهم شي مكان واسع مافي
محلات متراصه تكثر فيها السيارات ..عندك مثلا مشغل سواريه روعه مكانه وحتى مواقفه مريح لزبونات.. من المواقع الجميله
عندك طريق التخصصي نشطه فيه الحركه وطريق الملك عبدالله ....

[سيدة اعماال]

غلا الروح كلامك صحيح اذا اتعاملتي مع اي شخص لابد من عقود لانه تجبرهم على الالتزام بالعمل

[عيون الحب114]

تصدقي انك خطيره انا زيك ودي ادخل بمشروع صاحي حلوة الاختراعات إلي قدموها لك الاخوان
بس امانه اذا فكرتي بمشروع تقوليه عشان انا متشوقه زيك وموضوعك رائع

[سيدة اعماال]

ممكن تعملي كافتيريا داخل معهد نسائي ويكون على مستوى جيد واربحه بتكون خيال

[حصة]

أنا عندي لك مشروع خاااااااااطري أسويه بالمستقبل القريب

وهو محل لتغليف الهدايا ، محل راقي فيه تغليف جديد وغريب ورد وصدف وشوكلويت وكل شيء ممكن تستفيدين من المحلات اللي تقدم نفس الخدمة ومن الانترنت

وبنفس المكان سوي كوفي شوب راقي يقدم انواع الكوفي العالمية بتقديم جميل وابتكاري وحطي شاشة عرض كبيرة اعرضي فيها آخر صيحات التغليف

وبنفس المكان بجزء ثالث حق امهاتنا وعجايزنا الله يطول بعمارهن اللي يجون مع بنياتهن للمحل سوي لهم مثل الخيمة بالدلال بالسدو بالنجر بالدوة بـ.... بكل شيء له خص بالتراث وخليه لتقديم القهوة العربية بأنواعها تعرفون كل منطقة ولها قهوة خاصة فيها أيضا لتقديم الشاهي الأحمر أيضا بأنواعه وألوانه بس عاد حطي لهن كراسي ما يقوون عالقعدة عالارض

خاااااااطري بالهمشروع


وما عندي مانع حد يشترك معي هو/هي براس المال وانا بالادارة <===== خخخخخ من بيرضى بهالشروط

الله يوفقك ان شاء الله

يقولون ( تسعة أعشار الرزق في التجارة )

والله الموفق

[ابن الأمارات]

ابغى فكرة مشروع نسائي

خطابة

كل رأسين بالحلال خذي 1000 ريال (q84)

[النجديه]

بصراحه يا اخوات افكاركم وحماسكم رائع للعمل

على الاقل تفكون شوي من الازمه اللي حاصله في الوزاره على الوظائف

يا اختي موظفه ليش ما تخلين مشروعك عن التصميم تصممين قطع معينه خاصه فيك بعدين هالقطع المشكوكه والمزخرفه بقطع الجلد والخيوط المذهبه والترتر

تفصلينها على جلابيات او فساتين ....الخ

وتخلين اللي يصممون لك من خريجات هالاقتصاد والفنيه عندهم ذوق رائع

هذي عاد مجرد فكره

تحياتي لكم ..

[المتسابق]

فكرة جتني اليوم وكان الكمبيوتر عندي بالمكتب فيه رجه المهم أستدعيت أحد المهندسين وزار مكتبنا وصلح الجهاز لكن فيه مدارس وكليات ومعاهد للبنات صعبه ان يدخل رجال عليهن وبتقولين اننا المدارس....الخ يرسلون سواق أو الفراش أقول لو لقوا مهندسه تصلح أو مبرمجه في أماكنهم كان ماصدقوا لأنك انتي ترتاحين للشيء وهو يصلحه قدامك خوف من الغش وغيره مثل مابعض الناس يرناح للمطعم اللي يطبخ الأكل قدامه والمهندسه والمبرمجه ماهو بالضرورةتكونين انتي مهندسه فلبينيه هههههه أومبرمجه من الدول اللي تقدرين ان تجبيهن

[خشونة رجـــــل]

اهم شي في المشروع مايكون مكرر

عندي فكره جديده

افتحي محل خدمات طالبه نسائي
اتوقع يكون مشرووع رائع وناجح لانه غير مكرر

والتكلفه منطقيه والاداره سهله جدا

ولا تنسينا من النسبه

[تاجره ثقه]

هلا بيكي عندي فكره لكي وياليت تعجبك المتزوجات تحب الاشياء الرومنسيه بس صعب تتعامل مع رجال انتي افتحي لك محل نسائي حطي فيه كل حاجه تخص المتزوجين من رومنسيات وعطورات ولانجري واشياء للاثاره والعاملات سعوديات حريم مش رجال وثقي بيجون لك زباين بالهبل ولا تقولي عندنا محلات الرزق على الله والحرمه ترتاح للحرمه وتقدر تشرح لها اخذيه نصيحه مني بيكسبك ذهب وربي بيوفقك اهم حاجه تسوي لك اعلانات لانه الناس ماتعرفك وتدرسي الموضوع من الربح وخسارته اتمنى اسمع اخبار حلوه عن مشروعك وبتوقيق يالغلا

[فطوم باك]

الله يوفقك يارب

[أم البدر]

موفقه أن شاء الله

[خوصه مشذوبه]

ايش اخترتي تسوين افيدينا

[afkarbiz]

للحصول على افكار مشاريع نسائية تجارية هناك موقع مجلة افكار المشاريع (http://www.afkarbiz.com)
زوروا هذا الرابط http://www.afkarbiz.com/?cat=21 (http://www.afkarbiz.com/?cat=21)

ستجدوا مئات الافكار والفرص التجارية والاستثمارية للنساء

[afkarbiz]

للحصول على افضل افكار المشاريع النسائية شاهدوا موقع مجلة افكار المشاريع (http://www.afkarbiz.com/?cat=21)http://www.afkarbiz.com/?cat=21
مئات من افضل الافكار التجارية والاستثمارية الناجحة تصلح لسيدات ورجال الاعمال وكذلك افكار تصلح للمبتدئين بالتجارة والراغبين بالعمل من منازلهم

لاتفوتكم زيارة مجلة افكار المشاريع (http://www.afkarbiz.com/?cat=21)http://www.afkarbiz.com/?cat=21

[ذكر ربي شغل قلبي]

الله الرازق