المساعد الشخصي الرقمي

مشاهدة النسخة كاملة : ركن الألغاز الجديد..محرم1427هـ


الصفحات : 1 [2]

عاشق نجد
28-05-06, 12:17 PM
الاخ كاتم الونه (سيد الألغاز) حله عندي لكن اترك الفرصه للأخوان يفكرون شوي واذا ما أحد عرف الحل اقوله

متابع بصمت

كاتم الونة
28-05-06, 03:11 PM
88
88
8
طيب طيب ننتظر....وارجو ان لايطوول الانتظار

هلابك ياملك الالغاز:)

عاشق نجد
29-05-06, 02:30 PM
اخوي سيد وملك الألغاز (كاتم الونه)
انتظرت احد يحرك طاسته والا يفكر في اللغز لاكن الظاهر الناس مسافرين الايام هذي لاكن استلم الحل اللي اعتقد انه صحيح والله أعلم

الحــــــــــل : أصحاب الفيل

كاتم الونة
29-05-06, 05:19 PM
صح لساانك وفكرك يالغلاااااا (a99)

(qq57) (qq57)

عاشق نجد (a99)

(qq64) (qq64)

اصحاب الفيل صحيح (qq42)

كفو (qq42)

كفو (qq42)

كفو (qq42)

ياغلاااي (qq142)

تحياااااتي وحبي
(a13) (a13) (a13) (a13) (a13) (a13)

عاشق نجد
30-05-06, 12:13 PM
:t006hgf:

الاخ ( سيد وملك الالغاز) كاتم الونه الموقر

حبيت اشاركك في نقل الالغاز وعندي لغز ان شاء الله انه يكون سهل وما هو بسهل

اخوي استلم اللغز

أنشدك عن رجال يفني رجاجيل=يفنيهم الرجال في رأس نابه
وحيد في لونه ولولاه ماشيل=بنت تدله في طريق مشى به


ترى اللي يحله له جائزه مغريه

ضب مطبوخ جاهز والتوصيل مجاني

عبدالعزيز الطلوحي
30-05-06, 01:55 PM
انا لي رمعة وحدة وعساة تصيب


السيـــــــــف !!



تحيتي

كاتم الونة
30-05-06, 03:13 PM
لغز عاشق نجد


أنشدك عن رجال يفني رجاجيل=يفنيهم الرجال فـي رأس نابـه
وحيد في لونه ولولاه ماشيـل=بنت تدله في طريق مشى بـه



صح لسااااااااانك يالغالي ./ عاشق نجد

وهـ اللغز مبروووك اللي شارك به الغالي.. الطلوحي




قم ياولد هات التمر والفناجيل=الضيف.... (غيراليوم) ..ذيب الذيابه
يامرحبا.. ياراعي.... البـن..... والهيل=ومن الكرم شالع مسامير بابه
لغزك يبي تفكيرجيد.... وتحليل=ياعاشقٍ...... قدره تعلى السحابة
...........................................=...... .................................
ثم جاءلنا.. قرمٍ يجيب التفاصيل=يامرحبا.... مليوون يامرحبا به
هذا الطلوحي نادرا بالرياجيل=بالصدق متحزم.. .وقافه زهابه
تو... ماتبارك لغزنا بالتساهيل=وموضوعنا زاد الحلا والطرابه

عاشق نجد
31-05-06, 01:48 PM
هلا وغلا بالشاعر عبد العزيز الطلوحي
هلا بتشريفك وكاتم الونه دايم سابقنا على الطيب كفووا ياكاتم الونه ويستاهل اخونا عبدالعزيز هذا الترحيب

اما بالنسبه للغز فأقول الظاهر انكم ماتحبون الضبان لو تحبونها كان عرفتوا اللغز ننتظر الفايز بالكبسه اذا جاب الحل الصحيح
انشاء الله فاهمني يا عبد العزيز ننتظركم (السيف) غير صحيح

كاتم الونة
31-05-06, 03:01 PM
لغز عاشق نجد



أنشدك عن رجال يفني رجاجيل=يفنيهم الرجال في رأس نابـه
وحيد في لونه ولولاه ماشيـل=بنت تدله في طريق مشى بـه
/
/
رمعـــــــة يالغالي


حنا على لغزك ترانا مقابـيـل=والرمعة اللي حضّرت بالكتابة
(( مكّـناس )) يالغالي بليا تماثيل=لا واعذاب الضب منكم عذابه
افضل من الشوزن وطيب الدرابيل=بالكنّة اللي نادره بالسحابة
لاشفته امقيل نجي له مخاتيل=ثم نكنس الغالي على جال بابه

كاتم الونة
01-06-06, 02:16 AM
تم تثبيت الموضوع حتى يرد الغالي ./ عاشق نجد على الرمعة ,/

وبعد ذلك ننطلق الى عااالم الالغاز..عالم المعنى..عالم الفطنة../ عالم التفكير

حياااكم الله في قسمكم الجديد..

وياهلااااااااااااااااااااااااااا:)

عاشق نجد
01-06-06, 02:31 AM
هلا والله ياكاتم الونه

سماوي لاهنت يالنشمي
اما بالنسبه للضبان احسن وقت في الليل طريقه شجاعه بس انتبه من اللي مع الضب

كاتم الونة
01-06-06, 02:34 AM
سماوي؟؟

انا اللي محيرني ( لونه) فقط

عموما لنا عودة بحول الله يالغالي

وبالنسبة للضب.. بالليل بالقايلة..خاص بالمكناس

وبقية الوقت ./ طرد...رمي..الله يجيب الربييييييييع

بعد الانتهاء من ترتيب هذا القسم الجديد الغااااالي

سنعود للغزك مباشرة

عاشق نجد../ لك حبي وتقديري

اخوك:)

عاشق نجد
01-06-06, 03:37 AM
اخوي كاتم الونه
ممكن تقولي وشهو المكناس

يعني تفسره وش هو

كاتم الونة
01-06-06, 04:45 AM
8

هلاااااااااااااابك

ممكن ليه لا.. المكناس... نستخدمه لصيد الضبان ايام الكنة في الليل او القايلة

عندما يكون الضب ..( مكاعر) مبرد.. يعني ما يجحر في اقصى الجحر من شدة حرارة الارض

وتكون العكرة.. ظاهره وبعض ظهرة ليكون قريب للهواء ولا تمسه الشمس..عندها تحلووو

صيدته بالمكناس..والمكناس عباره عن سيخ حديد مدبب من راسه مثل الحربة بالضبط ..

وفي الكنة..نأتي لكل جحر (ختل) بهدووء تام ثم نضربه بالمكناس .مع اي جزء ظاهر ونركز

المكناس عندما يخترق ظهرة اوبطنه في جال الجحر ...وكم وكم وكم سهرنا اليالي على صنع

المكناس وعمله شاق جدا لاننا نبرد راس السيخ ونطرقه حتى يصبح مثل الحربه..

الله ذكرتنا بالايام الخوالي... الله يجيب الربيع ونعيد تلك الايام..

عاشق نجد..........محبتي وتقديري

المُهرة
01-06-06, 05:08 AM
ما شاء الله
مبرووووك القسم الجديد
الله يجعله خير وبركه على الجميـع

<<< دجاجة خيبر توها تدري عن القسم

:)

كاتم الونة
01-06-06, 05:13 AM
8

هلا وغلااا مهرتنا

تو ماتبارك القسم بهالطلة ./ اخيه

فيه موضوع ارشيف الالغاز عندكم ياليت تنقلينه ياوخيتي هنا لحظة اعطيك الرابط

نكون شاكرين لكِ

كاتم الونة
01-06-06, 05:15 AM
هذا الرابط../ امصعيه مع اذنه ولطيه هنا لاهنتِ

http://www.qassimy.com/vb/showthread.php?t=48578

المُهرة
01-06-06, 05:19 AM
8
8

توني بروح ادوره وامصعه
سبحان الله القلوب شواهد
تم المصع يا خالي
واي اوامر ثانية أنا حاضرة

:)

كاتم الونة
01-06-06, 05:22 AM
8
8
كفوووو يالنشمية

لاخلا ولاعدم يالوافية

مايامر عليك عدو

لحظة بدور بالملف واعلمك

واذا فيك النوم ,,/ متلاحقين:)

المُهرة
01-06-06, 05:27 AM
8
8

ماعليك زود يا الطيب
وصاحية لين انقل كل مواضيعك

:)

كاتم الونة
01-06-06, 05:30 AM
8
8

الله يطول عمرك ويخليك لنا يالوافية

لقيت بقسم الالعاب ورفعتها

ببحث مره ثاانية

تحة وشكر وتقدير:)

عاشق نجد
01-06-06, 06:36 PM
اخوي كاتم الونه
هذا ما نحتاج له اليوم تدري وش اسوي الاسبوع الماضي اختل الضب واذا شفته دخل يدك واسحبه بس انتبه من العقارب والثعابين
هذاك اول بالمرجس او الزاروق ( المكناس ) لاكن في هالوقت تلقاه على طول قريب من الجحر ياكم وياكم دخلت ايديني في الجحر تدري قبل اسبوعين جايبن 55 كلها مسك باليد حل اللغز واروح انا واياك لمكانها بس تخير اللي يعجبك من كثرها

كاتم الونة
02-06-06, 05:45 AM
:t006hgf:

الاخ ( سيد وملك الالغاز) كاتم الونه الموقر

حبيت اشاركك في نقل الالغاز وعندي لغز ان شاء الله انه يكون سهل وما هو بسهل

اخوي استلم اللغز

أنشدك عن رجال يفني رجاجيل=يفنيهم الرجال في رأس نابه
وحيد في لونه ولولاه ماشيل=بنت تدله في طريق مشى به


ترى اللي يحله له جائزه مغريه

ضب مطبوخ جاهز والتوصيل مجاني


تم نسخ اللغز هنا للمتابعة:)

كاتم الونة
03-06-06, 02:37 PM
8
8
لغز ينتظر الحل:)

عاشق نجد
03-06-06, 03:13 PM
وينكم يأهل الالغاز
اخوي كاتم وش رايك نرفع اللغز والا نحله

كاتم الونة
03-06-06, 03:16 PM
8
8
هلابك يالغالي

الامر لك اللي تشوفه مناسب افعله

تحيتي:)

عاشق نجد
03-06-06, 03:31 PM
الضيف في حكمة المضيف انا اطلب رايك والعين ماتعلى على الحاجب شف رايك انت ويكون عندك خبر اللي تسويه اكون به راضي مهما كان اللي يجي منك مقبول يالنشمي

كاتم الونة
03-06-06, 04:53 PM
لاهنت يالغالي

وجهة نظري..اطرح اللغز في موضوع مستقل ونتركه للايام

محبك:)

الجوهر الصافي
10-12-08, 06:51 PM
مرحبا أبى اعرف حل لغز الشي الذي يرتاد القبور فليل ويدخل القصور في النهار يخافه الرجال وتحبة النساء وتلعب معه الاطفال ويهابة الملوك واكلة ملح وتمر وورد ذكرة في القرآن^^