المساعد الشخصي الرقمي

مشاهدة النسخة كاملة : ياااااااحريم


الأعرابي
17-02-06, 02:36 PM
والله يابنات الأجواد أني مادري وش أقول لكن !!! السالفة ومافيها :

أني نوبة من النوبات أتصفح لي منتدى من هالمنتديات المهم وانا ادخل هاك الموضوع الي يشيب بالراس وهو ان ( إن وحدة حاطتن إعلان بجريدة البلاد تقول فيه { للبيع فستان زفاف لم يستخدم إلا مرة واحدة بمبلغ خمس وثمانين ألف } قضى الخبر 0
ملاحظة ( والله إني ضيعت رابط الخبر والا تسان حاطه هنا الوكاد إن الموضوع بالساحات العربية وبالساحة المفتوحة )

التعليق :

لعنبو ابليسكن أنتن ماتخجلن على دم وجيهكن يوم أنكن تفصلن ثوب تلبسنه لليلة واحدة بخمس وثمانين الف !!!!!!!!!!!!!

لعنبو ابليسكن تبن الله يسخط بنا تبن الله يغضب علينا تبنه يرسل علينا تسوانامي والا زلزال !! خمس وثمانين الف أفصل به ثوب !!!؟؟؟ لعنبو بليس واجالي الناس تنحت الفلوس من هالضلع !!!! أقول مار حتى لوهم ينحتون الفلوس من ضلع ماافصل لي ثوب بخمس وثمانيين الف !!!!
لعنبو بليسكن بالصومال الخمس رجاجيل يتخاشرون بلهم موزة !!! وانتن تفصلن ثوب بمزانية دولة !!!!!!!!!!!!
وحنا نقول وليه تأخر المطر (والله من الذنوب وسواد الوجه ) 0

عاد وليتكن تسون !!!! ( تقل مساجدية وجه الوحدة ) إلا من رحم ربي 0

أقول حلولات لو الوليد ابن طلال يعطينن دراهمه تسان أزوج شباب السعودية من بنات لبنان وانتن تزوجن ثيابكن أمهات خمس وثمانين الف !!!!

بلبنان تجيك الطرقا ( زين وذرابه ) هيك منيح وتئبرني و مافيي واتلاه بعشر تلاف ريال وهي عندك بالبيت على سنة الله ورسوله 0
وانتن ياهالكرب بخمس وثمانين ألف ريال تفصلن الثوب الواحد !!!!!!!!!!!!!!!
ياويل حالك ياعروب ( خمس وثمانين الف تطق به جيب ربع وكالة ) ولا تاخذبه لك اربع لبنانيات ويبقى معك اربعين الف !!

المهم وانا اخوكن :

خفن الله بنا واتقن الله بنا فصلن لكن ثياب من امهات مية ولا خمسين ( وعني والله ان الرجال مايدري وش انتي لابسه هاك الليلة ) 0
يبست بسبت ذنوبكن الأرض ومات الحلال ونشفت القلبان ولولا هالعجائز الركع والبهائم الرتع والأطفال الرضع تسان ماشفتن بالسما سحابة 0

عاشقة العلا
17-02-06, 02:44 PM
اللي عقلها براسها ماتسوي مثل كذه


الحريم على قولتك ماهن مثل بعض زي اصابع يدك ماهي::::: قد بعض


نسال الله السلامه

شجرة التوت
17-02-06, 03:13 PM
الله يعطيك العافية أخوي الأعرابي
ويجزاك خير على خوفك على أخواتك البنات
الله يهديهن إن شاء الله

بس الحمد الله انهن نادرات
والله ينقصهن ولا يزيدهن[size=4]

العاذريه
17-02-06, 03:25 PM
اخوي
ياخي وش حارق رزك انت..!!
اللي فستانه بخمس وسبعين تلقى مهره من مليون وفوق
يعني سبحان الله
الرازق بالسما وال!!! بالأرض
والحمدلله انك مطفر وتستاهل
وانا معك ان اللبنانيات غير بس خلك معي ان اللبنانيين غير..!
هذا انتم يالسعوديين ان مالقيتوا بالحرمة شي تنقدونه نقدتوا اعماركم يالكاملين
وفقر وغلدمة..!

كيرم
17-02-06, 05:37 PM
اول كانوا في الجاهليه اذا جته بنت شال الهم خوفا من الفضيحه والعار

والحين اذا جته بنت شال هم ثيابها وهالعروس اللي ما تخلص طول هالصيفيه

الله يعين بس على شقاهن

مشكور اخوي

تحياتي لك

كيرمووووه

شبيـه الريـح
17-02-06, 05:40 PM
النساء بطبعهن مبذرات (تعميم)

وهم بحاجه الى التوجيه وهنا يأتي دور الرجل

الله يهديهم بس وأشكرك بعنف وشده

مستغرب
17-02-06, 06:44 PM
لا تحمي تسبدي

لو هي داخلتن بهن اسهم كان الحين دابلات

وان شكرتم لاازيدنكم

شموع الأمل
17-02-06, 07:04 PM
ياخوي وش محرق رزك أنت ليه امعصب وداخل كنك بتهاوش ؟؟؟؟؟
لاتكون هاللي عارضه فستانه للبيع زوجتك ولا اختك ؟
وبعدين ياخوي الناس طبقات ومثل ماقالت اختي بشاير يمكن هذي مهرها مليون واكثر هو صحيح انه اسراف وتبذير بس كل واحد بيحاسب على عمله مو انت اللي تحاسب الناس
فيه نقطه ثانيه أنا ملاحظه بكلامك فيه احتقار لبنات بلدك وكل اشوي تقول اللبنانيات اذا عاجبتك اللبنانيه روح خذ منهم وفكنا واذا كانت اللبنانيات عندك حلوات فاللبناني بعد حلو وشيك ولبق بكلامه( وحط تحت لبق عشر خطوط ) ياليت تتعلم منهم اللباقه بالكلام مو جاي تسب الله يهديك

Gwyneth
18-02-06, 01:00 AM
ياااااااحريم

السخااافه العنوان وبسسسس قمة الضعف

Gwyneth
18-02-06, 01:07 AM
مممممممم

طيب واللي يسوون اعلانات بالجرايد عشان((لـــوحة))) سياره مميزه بمئة الف !!!!!!!!!!!!

على الاقل الفستان رح البسو على جسمي يعني يستاهل اماااا لوحة السياره وين رح تنحط !!!!!!

مع انو مايدرون انو التميز مو بنوع السياره او لوحتها بالانسان اللي راكبها يعني لو امريــــــكي ياعمري يركب اشين سيار بتسير حلوه لانو هو حلو (q47)

ندى الذكريات
18-02-06, 01:52 AM
في برنامج القارة المنسية يقول الدكتور عبد الرحمن السميط
مع التدقيق لو سمحتوا
يقول مانبي اموال لبناء مساجد قد مانبي اموال لكفالة داعية
ويقول ان بناء مسجد يكلف 75 الف ريال
اما كفالة داعية ب 75الف ريال شاملة بناء وقف والعمل عليه
وريعه يصرف راتب للداعية مدى حياته
واذا الله قدر ومات الداعية
يصرف للي بعده في الدعوة جزاهم الله خير اجمعين
عاد رقعوها وعليكم الحساب
الي ظرف جمع التبرعات بالسوق تاخذه الحرمه من الفشلة كيف ماتتصدق
وبعدين ينداس بالرجلين
والله العظيم لو انها حطت فيه ريال بس فقط لاغير الله يتقبله
لكن ماقول الا ان صاحبة الفستان مسكينه
حرمت الخير الكثير الذي لا يزول والله اعلم

بياض الثلج
18-02-06, 03:55 AM
مممممممم

طيب واللي يسوون اعلانات بالجرايد عشان((لـــوحة))) سياره مميزه بمئة الف !!!!!!!!!!!!

على الاقل الفستان رح البسو على جسمي يعني يستاهل اماااا لوحة السياره وين رح تنحط !!!!!!

مع انو مايدرون انو التميز مو بنوع السياره او لوحتها بالانسان اللي راكبها يعني لو امريــــــكي ياعمري يركب اشين سيار بتسير حلوه لانو هو حلو (q47)


هههههههههههههههههه انت روعه بس لوامريكي مسلم يكمل ازين
وش رايك اخطب لك واحد من الي يدرسون عندنا بالجامعه شفايفه ورديه وشعره اشقر وجسم رياضي

مو زي الي عندنا شفايف زرق ولارومنسيه وجلافة الكون فيهم

تفاصيل
18-02-06, 04:12 AM
وانت شفيك على الحريم

وعلى قولة بشاير انقدو أعماركم يالكاملين<<< شيختنا

فستان اهون من تيس بـ50000 ريال

تيس يا ظلمة بكرى يغص بحديدة ويفطس

وهذا مو معناه اني أايد الإسراف

لا بس أكره العنصرية

شيخة العانسات
18-02-06, 09:01 AM
ههههههههه

ولا ناقه بنصف مليون

مستغرب
18-02-06, 09:49 AM
ورطتنا يالاعرابي طلعوا فضايحنا

ناقه ولوحة سيارة

الأعرابي
18-02-06, 02:48 PM
اخوي
ياخي وش حارق رزك انت..!!
..![/color]
والله الي حارقن رزي (( وحدتن من هالرفل )) الي تدفعبه دم جوفك واتلاه حتى الطبخ ماتعرف!!!!!!!!!!0

الأعرابي
18-02-06, 02:53 PM
لو هي داخلتن بهن اسهم كان الحين دابلات

وان شكرتم لاازيدنكم
خخخخخخخخخخخخخخخخخ

ياخي أنا يعجبن المستثمر !!!!!!!!!!!0

عاد والله أنك جبته !!!!!!!!!! 0

لوأنك حاطهن بلك شركة تسان أفود لك من هالغثا0

الأعرابي
18-02-06, 02:58 PM
فاللبناني بعد حلو وشيك ولبق بكلامه( وحط تحت لبق عشر خطوط ) ياليت تتعلم منهم اللباقه بالكلام مو جاي تسب الله يهديك
أقول من كثر ماتطقين حنك معهم !!!!!!!!!!!!!!!!!!!!!!!0

وش يدريتس إنه لبق !!!!!!!!!!!!!0


ماعليتس من لباقته (( ياعل تلبق عليه تريله ))

الحتسي والله على القلب والله إني لو أطلع على هالبنانيين بليلتن ظلمى إني لأجليهم عن المتسان الي هم به !!!!

ياسـر
18-02-06, 03:12 PM
اخوي الغالي...

هذا امــــر صراحة مخيف وهو مو بس من الحريم ...... والرجال يسوون كذا واكثر.....


والحرمة هذه انا ألوم زوجها و اهلها (الزوج اذا كان مخليها على وضعها السابق مع اهلها).....


وزي ما قالوا .......


لوحة سيارة بــ 200 الف وزود

رقم تلفون مميز بمية الف وزود.....





اخي....


المسألة عاااااااااااااااااااااااااااااااااااامة


واللوم اكثره على الرجل .... ابا كان او زوجا......