المساعد الشخصي الرقمي

مشاهدة النسخة كاملة : من تراخَص اللحَمَه .. خانتَه المرِقَه !!


أم أديم
13-02-06, 02:07 AM
قصة تقول إن فيه شيخ اسمه " عبدالله البجادي القحطاني " من أهالي الخرج ،

عاش في القرن الثالث عشر الهجري ، وتوفي رحمه الله في عام 1280 هـ .

وكان عبدالله الله يسلمكم معروف بالكرم ، وبيته ريف للنشاما يجوون ويتقهوون عنده ،

مجلسه عامر ما شاء الله . ويجي هذاك اليوم اللي ما عاد عنده شي يقدمه لضيوفه ومسّته

الحاجة وقعد الرجال يفكر .. وش يسوي وش الدبره .. أنا الحين محتاج ولا معي شيئ أبَد .

والله وهي تطق براسه ويبيع أغلى ما يمكله وهو غلامه " عويس غيفان " ، بس ما كانت

بيعة هالغلام سهله على قلب الشيخ عبدالله .. لكن الظروف أجبرته على البيع ..

والمشكله إنه باعه بأرخص الأسعار .. ما باعه بثمن غالي ، لأن الغلام معروف .. ما يحتاج ،

ويقوم بواجبه وأكثر . سأل الغلام عويس نفسه : ليه يبيعني بهالثمن الرخيص ؟!!

وانكسَر خاطره بعد البيعه .

الوكاد إن الأيام راحت .. وزانت ظروف الشيخ عبدالله البجادي وتحسّنَت أُموره الماديّه ،

وقال الشيخ عبدالله البجادي : ما دام -يالله لك الحمد- أموري متيَسرَه ؛ أبروح

أسترجع الغلام اللي بعته .

المهم راح الشيخ عبدالله وطقّ الباب على اللي باعه عليه الغلام .. ويوم فتح له الباب :

السلام عليكم .. وعليكم السلام ... السالفه كيت وكيت .. وأنا أبيك ترجّع لي غلامي ،

وأعطيك كل اللي تبي . قال اللي شرى الغلام : والله يا شيخ عبدالله على حسب رغبة

الغلام اللي أنا شريته منك . ويوم راح وسأل الغلام : قاله إن عمّك الشيخ عبدالله يبيك

ترجع له وانت وش رايك ؟ فجاوبهم بهالأبيات اللي تقول :


يا عم ياللي سفرته للنضـا عيـد
=ومن جاع في نجد تذكـر متاعـه
من عادكم يا عـم لاعـاده العيـد
=جعله يطر ومخرفة فـي دراعـه
عبد الخطا باردى الثمن باعه السيد
=ليته تغلـى بالثمـن يـوم باعـه
بيعه حصان هايت عقب مـا قيـد
=ومن اول ما يعطي الخيـل طاعـه
سباق لا جناسه على صحصح البيد
=ما هو باصيل مار أخذها ذراعـه


صدَق من قال : ( من تراخَص اللحَمَه .. خانتَه المرِقَه ) !!!


هـامــش :

النضا : الركايب
عادكم : عاد إليكم
يطر : يشحذ : يطلب الناس دراهم
عبد الخطا : يعني كنه يقول وانا اللي مستبعد قهراً
تغلى : يعني طلب فلوس كثيره
وأخر بيتين يقصد فيهم الشاعر إن الشيخ عبدالله باعه مثل بيعة الحصان الأصيل
اللي لم يلحقه أي حصان على البيداء ، وكل من جاء يشتري هالحصان عيّا راعيه
ويوم صار الحصان بكامل عافيته ؛ باعه راعِيه بأرخص الأثمان !

كاتم الونة
13-02-06, 02:28 AM
الله اكبر

الله يرحمهم ويغفر لهم

علومهم سفره

بارك الله فيك يالنشمية

دام التواصل والابداااع

كم انا سعيد ..

بتواجدي هذه الليلة لأكون اول من يرد

وهذه الشرف بعينه

تحيااات اخوك

المُهرة
13-02-06, 02:42 AM
يا مال العافيه خيتووو أم أديم
يا زين الأولين ويا زين علومهم :)

النجديه
13-02-06, 03:22 AM
مـن عادكـم يــا عــم لاعــاده العـيـد
جعله يطر ومخرفـة فـي دراعـه

والله هالبيت طالع من قلب مسكين :(

تسلم هاليدين يا أم ادومه

ويسلم هالذوق الرائع في اختيار القصص والقصائد

والله يعطيك العافيه على هالتواجد الرائع

إبن دواس
13-02-06, 10:59 AM
يعطيك العافية يأم أديم

على هالقصة والقصيده الاكثر من رائعة

سيف العداله
17-02-06, 08:18 PM
عبد الخطا باردى الثمن باعه السيد

ليتـه تغلـى بالثمـن يـوم بـاعـه
بيعـه حصـان هايـت عقـب مـا قـيـد

ومن اول ما يعطي الخيل طاعه
سباق لا جناسه على صحصح البيد

ما هو باصيل مار أخذها ذراعه


انا اشهد انه تراخصه وخانه الوقت

ما قصرتي يا اخت الكل

أم أديم
21-02-06, 09:52 PM
الله اكبر

الله يرحمهم ويغفر لهم

علومهم سفره

بارك الله فيك يالنشمية

دام التواصل والابداااع

كم انا سعيد ..

بتواجدي هذه الليلة لأكون اول من يرد

وهذه الشرف بعينه

تحيااات اخوك


هلا وغلا بالطيب وانا سعيده بردودك الرائعه

مشكور اخيي على التواصل الدائم

لاعدمناك شاعرنا الكبير

فالح الهاجري
22-02-06, 06:39 AM
الله يعطيك العافيه ام اديم
على هالقصة الاثرية

.:./ღ/ شيطوووووووونــه /ღ/.:.
22-02-06, 11:31 PM
:)

:)


:)


تسلم ايدينك خالتوووو

يعطيك الف عافيه

أم أديم
05-03-06, 03:04 PM
يا مال العافيه خيتووو أم أديم
يا زين الأولين ويا زين علومهم :)

هلا وغلا خيتوووووووووووو

هلابك ملحنا

ويازين طلتك يالغلا

لاعدمناكِ:)

المهاجر
24-05-06, 01:09 PM
شكرا على القصة :)

Gold Smith
09-07-06, 08:35 AM
أم أديم
بارك الله فيك

غريب نجد
09-07-06, 11:26 AM
رااااااااااااائعه


الله يعطيك العافيه ام اديم


تحياتي وتقديري


لاعدمتك

الفارس910
10-07-06, 04:24 AM
الله يعطيكي العافيه يارب ومشكورره

أم أديم
03-09-06, 11:44 AM
الله يعافيكم

حسن خليل
03-09-06, 12:06 PM
قصة محزنة وقصيدة رائعة

وصدق المثل اللي قال من تراخص اللحمة خانته المرقة

وتسلمين على هذا النقل المميز والهادف

لا عدمناكِ

أم أديم
03-05-07, 04:04 PM
ياهلا بالجميع .. لاهنتوا

ŘǻŶąŅ~ •●∫
10-06-07, 07:58 AM
الله يعطيك العافيه

أم أديم
18-07-07, 12:53 AM
ياهلا فيك الصاعق

:)

لاعدمتك

اسامة فراج
20-07-07, 11:57 PM
يا شيخ عبد اللة ... ياشيخ عبد اللة.......... بعت النفيس
الدهب ما ينباع يا عم ... ياعم الساقية دايرة والارض عطشانة
أوعى تبيع.. حط الطوبة ع البطن وبات جعان ...
بس خلى البيعة بالدم ... لا ياعم
أم أديم... اكثر من رائعة وفيها سرد .. مشكورة اخت الكل

سمار الليالي
14-12-07, 10:19 AM
الله يعطيك العافيه

*أسيرة الذكرى*
14-12-07, 01:38 PM
يعطيك العافية

كل الشكر لك

:)

أم أديم
16-02-08, 02:09 PM
ياهلا فيكم :)

... بنت الجنوب ...
17-02-08, 11:15 PM
يعطيك العافيه

كل الشكر :)

الهنـوف
24-02-08, 08:37 PM
بارك الله فيكم ،
بإنتظار جديدك ..