المساعد الشخصي الرقمي

مشاهدة النسخة كاملة : احد عنده خبره بالسبيسات ؟


Fahoooood
12-02-06, 05:02 AM
السلام عليكم

انا عندي مشكله بالسبيسات

اذا احد يعرف لايبخل علينا

وجزاكم الله خير

دلع عيني دلع
12-02-06, 06:22 AM
هلا بك اخوي .. فهوود ..

وش المشكله اللي عندك .؟


:)

Fahoooood
12-02-06, 06:31 AM
السلام عليكم


انا اذا ابي اضيف البوم صور يطلع عندي الصفحه هذي


http://www.qassimy.com/vb/upk/FFF.JPG

واضغطـ على Install Now بس مايسوي شي وحتى لو رحت لـ My Online Photos يعيـي يحمل صور مدري وش به

ومشكورين

دلع عيني دلع
12-02-06, 07:22 AM
اخوي اضغط على install now { العلامه الزرقاء } وانتظر شوي

بتفتح معاك صفحه الاضافه

وثبت عنصر التحكم فوق ..


واتمنى تشوف هالموقع فيه شغلات كثيره للسبيسات

دليل المساحات العربيه (http://www.arb-msn.com/)


ان شاء الله يضبط معاك


واي سؤال انا بالخدمه


:)

Fahoooood
12-02-06, 07:31 AM
بالنسبه لعنصر التحكم فوق ثبته مليون مره ولا ضبط معي دايم يطلع وراي وراي وين ماروح


وبالنسبه للـ Install Now مليت وانا اضعط عليه بس مايفتح شي

مدري وش به

ودخلت الرابط اللي عطيتين بس فيه كل الروابط ماعدا كيفية اضافة البوم صور

واضافة البوم صور سهله بس المشكله هذي عجزت احله

دلع عيني دلع
12-02-06, 07:57 AM
بصراحه من زمان مسويه سبيسي بس اللي اذكر ضغطت Install Now


عنصر التحكم ليش مايتثبت معاك . ؟

مو مشكله خيي فهد


شوف الصور يمكن تفيدك أكثر

http://www.eqla3.com/vb/attachment.php?attachmentid=48380&stc=1

نضغط على create

بعدين راح يطلع لنا ...

http://www.eqla3.com/vb/attachment.php?attachmentid=48386


هنا نضع اسم الالبوم او عنوانه مثل ( ذكرياتي / صوري / أطفال )
و نضغط على Add photos

بعد كذا راح يطلع لنا

http://www.eqla3.com/vb/attachment.php?attachmentid=48373

uploading

لرفع الصور على الانترنت.. بس لاتنسى تعّلم " تأشر " على الصوره او الصور
ونلاحظ تحت رقم الاي بي والمساحه المتبقي للصور
الظاهر يأخذ صور الى 30 MB

http://www.eqla3.com/vb/attachment.php?attachmentid=48367

0

0




بجرب اسوي لي سبيس جديد لان سبيسي الاول مخبط مدري وش سالفته

ولو جربت رفع الصور راح اعلمك ان شاء الله ...



بالتوفيق


:)

Fahoooood
12-02-06, 08:01 AM
والله مدري وراه مايثبت

على العموم مشكوره وماودي اتعبك معي بس اانا اشوف سبيسات حلوه ومرتبه وانا سبيسي ملخبط هههههه

حووووووسه الله يعين بس ولاتكلفين رويحتك انا بجلس عليه ماوراي شي

واحاول اكتشف الاخطاءءء

مشكوره تعبتك

بااي

دلع عيني دلع
12-02-06, 09:10 AM
اخوي فهوودي


شووف لازم تثبت عنصر التحكم

توي سويت لي سبيس جديد (gfp) ومارضى يرفع لي صور الا بعد التثبيت

اول شي اضغط على شريط العنصر بيطلع لك مربع صغير فيه خيارات

اختار تثبيت العنصر ... انتظر شوي بتطلع لك نافذه

انه تبي تثبت او لا اختار نعم او موافق

وانتظر بعد شوي راح يطلع لك المستعرض


ان شاء الله يضبط معاك ومعليش لازم بالاول تحووس شوي

بعدين تتعلم كل شي لازم خطوه خطوه


ومافيه تعب ياخوي حنا هنا كل واحد يفيد الثاني

وانا لي وقت احوس بالسبيسات وعندي خبره شوي

وان شاء الله اساعدك

بالتوفيق

Fahoooood
13-02-06, 05:15 AM
السلام عليكم

كيفك دلع

بصراحه ضبطت معي ومشكوره على التعليمات والله يعطيك الف عافيه

بس بسألك كيف انظم السبيس بحيث اني اخلي على اليسار واليمين روابط ومواقع
وبالوسط البلوق حقي

ومشكوووووره

دلع عيني دلع
14-02-06, 02:50 AM
هلا بك خيي .. فهد ..

أنا بخير . عساك بخير .

الله يعافيك والحمد الله انه ضبط معاك ..

بالنسبه لتنظيم القوائم فيه طريقتين ..

اما انك تسحب القائمه بالماوس يعني كله سحب بالماوس الى ان تخلص تنظيم

تلاقي فوق مكتوب . save { حفظ } تختارها .. وبكذا تنحفظ القوائم مثل مارتبتها أنت ..

الطريقه الثانيه تختار من فوق كلمه .. Customize ..

وتختار من الاختيارات اللي بتطلع لك Layout بتفتح لك قائمه منسدله

فيها كذا شكل للقوائم اختار اللي تحب ..

عن نفسي دايما اسحب بالماوس بعدين اسييف


حياك يالطيب واي سؤال دق لي بيجر


:)

Fahoooood
14-02-06, 03:40 AM
مشكووووورهـ الله يعطيتس العاافيه

والله لايحرمنا من خشتس هههههه

عاد فيه اسئلة خفيفه بس ماراح اتطرق لها واحاول اكتشفها بنفسي

دلع عيني دلع
14-02-06, 03:55 AM
العفو الله يعافيك خيي ..

وتسلم عـ الدعوه الحلوه صدقت الله لايحرمكم من خشتي ههههه

واصل رحله الإكتشاف وربي يوفقك

وتسوي أحلى سبيس


:)

Fahoooood
14-02-06, 04:00 AM
السلام عليكم

معليش انا زي البومه ما اطلع الا بالليل هههههههه

بسألك وشلون اشيل الاشياء اللي مدري وش تبي على اليمين واليسار مثل

Updated spaces

والقوائم اتللي ماله داعي ذولي يقهرن

دلع عيني دلع
14-02-06, 04:35 AM
هلا خيي .. فهد ..

وعادي اروق النت بالليل

والقوائم اللي ماتبيها تروح لـ Customize .. وتختار Modules

وتحذف منها ..

وليش بتحذف تحديثات السبيسات اليوميه { Updated spaces } بالعكس حلوه

تعرضلك اللي حدثوا سبيساتهم وتتعرف منها على مساحات جديده

والقائمه الثانيه { ارشيف }

هذي تستفيد منها لأرشفه مواضيعك القديمه

عموما لو حذفت شي وبترجعه نفس الطريقه وتسييف لخلصت اي خطوه


حياك


:)

Fahoooood
14-02-06, 05:18 AM
السلام عليكم

معليش ياكثر بربرتي

بس بسألك اذا ما ابي احد يشوف السبيس حقي او بعض المرات اخفيه وبعض المرات اظهره

وش اسوي وخاصتن صور العرض بعض المرات ودي اخفيهن وبعض المرات اظهرهن


ومشكووووووووورا

دلع عيني دلع
14-02-06, 05:42 AM
فهد وشي صور العرض؟

والحين بشوف لك طريقه الاخفاء اظنها من الملف الشخصي


برب


:)

Fahoooood
14-02-06, 06:18 AM
طيب ودي اسئلك وشي الـ custom list يعني وش فايدته وش اقدر احط به


<<<<<< نشبة حلق

Fahoooood
14-02-06, 06:22 AM
صور العرض اقصد الـ Photos


اللي يم عرضها بعد اضافتهم

Fahoooood
14-02-06, 06:40 AM
خلاص عرفت وش فايدة الـ Custom List

الحين الكستم ليت على اليسار اقدر احط كستم لست على اليسار واليمين طبعا طبعا اشكال السبيس اعرف لهن بس ودي اخلي كستم يمين ويسار

دلع عيني دلع
14-02-06, 07:17 AM
هلا فهد

بالنسبه لحاله السبيس ظاهر او مخفي روح Settings . واختار Permissions

واختار اما منها عام او للي مضافين بالمسن عندك او للي تختارهم انت بس


والليست وش قصدك مافهمت يعني أنت اللي

ماتعجبك من القوائم اسحبها من اذانها (asj) ووديها للجهه اللي تحب ..

واذا تبي زياده ليست من Edit list .. واستحدث قائمه جديده

واي شغله تسويها لاتنسى تسوي سييف عشان ينحفظ لك



خيي مدري فهمت على كلامي او لا ؟

لو مافهمت عادي افهمك مره ومرتين وعشره ولو مافهمت اشرح لك بالصور

واي سؤال لايردك الا الكيبورد


:)

Fahoooood
14-02-06, 07:24 AM
صباحتس وررررررد

الله يسلمتس يالدبيه ماتقصرين والله

بعدين ولايهمتس ابحط بالسبيس حقي طريقة لتخفيف الوزن عشان ماتصيحين علينا ههه

طيب بسألتس الحين اقدر اخفي الصور فقط اللي حاطهن بالعرض اللي يشتغل ويعرض او ماقدر لازم اخفي كل السبيس؟

الله يعافيتس

دلع عيني دلع
14-02-06, 07:34 AM
صباحك خير يارب

لا الصور ماتقدر تخفيها الا اذا شلت الالبوم مره وحده

يعني تخفي الالبوم كله { سبيس بدون صور مو حلو يصير }

بعدين وليش انت تبي تخفي الصور ؟

الصوره اللي ماهي جايزه لك لاتحمله اصلا

بس حمل الشي اللي تبيه ..


كل ماسألتن رحت نطيت لسبيسي

اشوف بعدين ارد خخخخخ شكل سبيسي انهبل


خيي سويت .. سجل للزوار !!


:)

Fahoooood
14-02-06, 08:01 AM
هلا دلوعه

هههههههههههههه تلقين سبيسك بينفجررررررر

طيب الحين وش قصدتس بسجل الزوار؟ يعني العداد؟

العداد سويته بس مدري هو السجل او لااااااااا


شكرررررررا يالدبيه

دلع عيني دلع
14-02-06, 08:24 AM
العفو خيي


لا .. مو العداد .. سجل الزوار يعني اللي يزور سبيسك يوقع لك فيه

بس يبي له شغل شوي

شوف هالموقع الى ان تسوي لك سجل انا مسويه عندهم مره مريح

خدمه راسلني ( http://www.raslny.com/index.php)

اذا سويته تحط له رابط بسبيسك ويكون التواصل عن طريقه


هلا بك

:)

Fahoooood
15-02-06, 03:36 AM
اهلين كيف الحال

مشكوره جدا على هالملاحظة . . . . . .

وجاري تسجيلي بموقـــع راسلني

O.k

Faris
15-02-06, 03:54 AM
اخي تفضل هذا الرابط وريح دماغك


ان شاء الله تستفيد منه
http://olom.info/ib3/ikonboard.cgi?act=ST&f=11&t=20683

Fahoooood
15-02-06, 04:07 AM
جزاك الله خير المصمم

وانا الحين دخلت الرابط وبشوف وش فيه

وان شاء الله استفيد