لعـآد تنشــدني مابقــى عنــدي علــووم ....!

[بدري بلاك ما تدري]

السلام عليـــكم ورحمة الله وبركــاته


وصبحــّكم الله بآلخيــر ( كتبـته بصبـآح الجمـعـة) اللي يقرا بالمسى مسـّاه الله بالخيـر ..

بصــرآحــة ابي اسأل اهل المعرفــة عن بيبتــن واضن انها للشـآفعي يقــول .يقول فيها

أحب الصالحين ولست منهم *** لعلي أن أنال بهم شفاعة



اللي يعرف يسدحها الله لايهينــه ويعافيـــه ) ..

وماحبيت انشد عن البيتـين ومعطيــكم قصيــده والحين اتركمكم معهــآ ..


لا عاد تنشد مـا بقـى عنـدي علـوم=كـل العلـوم المبطـيـات تخبـرهـا
ما جيتك اشكي ميلة الوقـت مزحـوم=نفسي ليا ضاق المـدى مـا اخسرهـا
ياصاحبي كنت امس كنت امس محشوم=واليـوم هـج بجيتـك واختصـرهـا
خلك بعيـد ابعـد مـن العـام لليـوم=وادنى من احـلام النجـوم وقمرهـا
بعض الكـلام اللـي تحليـه مسمـوم=ومـا كـل كـفٍ صافحتـك تغدرهـا
كـم طيـبٍ ساقتـه الاقـدار لرخـوم=ويا كثر ناسٍ تنخـدع فـي صورهـا
والحر ما يشره علـى خنعـة البـوم=الله رفـع شانـه ووطــا قـدرهـا
لو جيتني كنك علـى الوجـه ملطـوم=بعض الخطايـا عذرهـا مـا غفرهـا
عندي تساوت هرجة العـذر واللـوم=هذيـك مـا ابغاهـا وذيـك احتقرهـا
زله وعدت مـا حدتنـي عـن النـوم=مـرت بسـلام وبعـد الله كـدرهـا
انا اعتبرهـا كبـوة حصـان ويقـوم=وانـت اعتبرهـا زي مـا تعتبـرهـا

[شيخة الكعبي]

ماشالله قصيدة وايد حلوة


صح لسانك أخوي ..

بانتظار المزيد من ابداعاتك


:)

[بدري بلاك ما تدري]

صــح بدنك ياشيخــة العــز .. الله يعطيك العافية ماعرفت البيتين اللي انشد عنهــم ..




نورتــي الصفحـــــــــــــــــــة والابداع جاي بالطريق ويمكن يتأخر ..

[شيخة الكعبي]

بالنسبة للبيت اللي فوق أول مرة اسمع فيه انا اللي اعرفه هالبيتين :


أحب الصالحين ولست منهم *** لعلي أن أنال بهم شفاعة
وأكره من تجارتهم معاصي *** وإن كنا سواء في البضاعة

[بدري بلاك ما تدري]

الله يعافيك صح السانــك .. افاا يعني لو ما سألتك مره ثانيــة كان راحت علــي ..

ايه ايه هذي البيتــيــن الله يعافيــك ..

نورت الصفحـــــة بالمره الثانيه .. لا تاخذين النور كله خلي لاخوانك الباقين ..

[بدري بلاك ما تدري]

علق معي المنتدى والضاهر اني ضغطت على السيرفيس بموضووعين نزلتهم بوقت واحد ومعهن اربع مدري خمس ردود ...
الله يعافيك صح السانــك .. افاا يعني لو ما سألتك مره ثانيــة كان راحت علــي ..
والبيت اللي كتبته غصب ما يمر عليك لاني كاتبه بمعناي .. وانا قريت البيتين قبل فتره ومالقطت منها الا احب اهل الصلاح وانا لست منهم

ايه ايه هذي البيتــيــن الله يعافيــك ..

نورت الصفحـــــة بالمره الثانيه .. لا تاخذين النور كله خلي لاخوانك الباقين

ياليت المشرف على القسم يعدل بموضووعي لاني كتبت بيتين للشافعي بمعناي واخطيت يوم كتبت ابغض اهل

الدشاره وانا منهم فهو ليس منهم لكن العجله بالكتابة هي السبب .. ياليت يعدلها الله لايهينــه ..

[سكري]

روعه اخي بدري بلاك ما تدري
نقل مميز
من منا لا يعرف ( كبوة حصان)
لمساعد الرشيدي
انها من عيون الشعر الشعبي
صح السانك الشاعر مساعد الرشدي الف
مساعد علم من اعلام الشعر الشعبي
الجزاله تفوح منها وكأنك تعصر شعراً جزلاً من هذه الجزله
ابيات فها حكمه
ابيات فيا مبداء
ابيات فيها سبك وحبكه
ابيات فيها شعر صادق
مساعد شاعر مشهور
وله قصائد بل مقطوعات موسيقيه
نعم مساعد الشعر
جزاك الله خير اخوي على نقل هذه الفاتنه هنا
اخوك سكري
وهنا نشكر اختنا شيخه على توضيحها ما سبق عن استفسار اخونا بدري بلاك ما تدري

[سكري]

اخي الماذا لم تذكر اسم الشاعر
المفروض تكتب اسم الشاعر حفظا لحقوقه

تنقل الى المنقول
لان
الخميه خاصه بشعراء المنتدى

[بدري بلاك ما تدري]

هلا بســكري والروعه وانا اخــوك حضورك وردك ونورت صفحتنـــــــــــاا..


ويجزاك بالخيــر ياوجــه الخيــر ..


اخـي لماذا لم تذكر اسم الشــآعر؟!؟


يعني بسرق حقوقه ومجهووده .. ياخوي ماعرفت انها له والا كتبت اسم الشـاعر ...


الله يعطيك العافيه على ردك وسمـّح الله دربــك

[عبير نجد]

قصيدة جميلة
الله يعطيك العافيه