من قال هذه الابيات ..النوم ساس الوم ..... [الأرشيف]

بنزين

26-01-06, 01:57 PM

اطلب من الاعضاء الكرام والشعار الكبار .....

قصيدة النوم ساس الوم بان الردابه عين تبي الطوالات نومه شلافيح ..والشاعر لو ماعليكم امر تكفون (q78) ....

وقصيده ثانيه تقول (q78) ...ذكرت ربي يوم دقت ابلوفه ....اكلام الموز وسط الظلامي ....اتوقع انه يقصد بسيارته ...

شيخة الكعبي

26-01-06, 08:37 PM

هلا اخــوي بنزيــن :)

تفضل القصيدهــ الأولــى

الله من قلب تزايد عذابه **** والعين عيت تقبل النوم وتريح
يالله طلبتك يا سريع الاجابه **** تفتح لنا باب الفرج بالمفاتيح
يالله برزق و انت فتاح بابه **** ياخالق قوت البدو والفلاليح
النوم ساس اللوم بان الردا به **** وعين تبي الطولات نومه شلافيح
و اللي يدور الفود يتعب اركابه **** والرزق بطراف الخطا ياهل الفيح
الذيب ما يرقد ورزقه نهابه **** يبحث عن الغرات حول المصاليح
يحمد مصابيح السرى من سرابه **** بالليل الاضلم و النعايم مدابيح
تغاروا المرقاب مثل الذيابه **** وتقابلو مثل الحرار المفاليح
وانا على اللي يوم ساجن احقابه **** تشدا قطاة وردوها الجواويح
قالو هذيك البل تسلل حرابه **** وقالو جنبها عاشقين الطماميح
الله يلوم اللي بخاله خنابه **** لاجت هروج القوم عنها تصافيح
يوم انطلق مثل الرعد من سحابه **** بكفوف كوخان العيون الذوابيح
من كل مسلوب يوكد صوابه **** بصمع الفرنج موميات المطاويح
كثرت مناجيهم و صارت طلابه **** وجنك كما ذود لحوضه مراويح
ثور عقيد القوم ثم عدا به **** لهم على عوص النجايب مشاويح

القصيدة الثانيــة مالقيتها للأسف

فالسموحة منك اخـــوي

بنزين

26-01-06, 10:43 PM

مشكور ...لاكن منهو الشاعر

sss_5

26-01-06, 11:02 PM

للشيخ الشاعر / مريبد العدواني

من شيوخ البجايدهـ من السلقا من العمارات من عنزة

بريق الصحوة

27-01-06, 07:49 AM

حلوووووووووووووه