💢💢بووووح 💢💢 القوافي 🌹🌹 [الأرشيف]

علي بن خالد الحارثي

09-12-13, 01:16 AM

الجرح بين واشوفـه بـس مـابـي اقـول
لاكن جرحك يزيد طعـون قـلـبـي عـذاب

ارجوك قدر مقامي يمكن الـقـى حـلـول
ولا طبيب ودوى يبـري طـعـون الـحـراب

تخفي عذابك بضحكه زيـف عـرضً وطـول
ضحكتك يوم اسئلك وش فيك ماهي جواب

والله لـولا غـلاك ولـك بـعـيـنـي قـبـول
ماكان ابنشد على عود الحُسـن لـيـه ذاب

عطني علومك وكل الي بفـكـرك يـجـول
شفني على ماخبرت العام سـتـر وثـيـاب

ماغيرتني ظـروف الـوقـت راعـي ذلـول
بدوي واعرف الحقوق ولي مكان وجـنـاب

بس انتبه تحسب سؤالي مـجـرد فضـول
لولا المواثيق ماحسـيـت فـيـك الـصـواب

سود الليالي تـغـيـر ناقـصـيـن الاصـول
ومن الردى باعت العشره بحـفـنـه تـراب

فالمـواجـيـب والـشـده قـلال الـعـقـول
مـعـاد تقـوى تـمـيـز فـالخطااء والصواب

شفني جمل لوبركت آقف وشل الحمـول
ماطعت صلد الظروف وهامتي للسـحـاب

باسي وعزمي نشيط ومايجيـه الخـمـول
اسير وارقا بها وآقـف بـروس الـهـضـاب

علي بن خالد الحارثي

علي بن خالد الحارثي

10-12-13, 03:53 AM

الشك يطعن في وريد وشراييـن
اشد من طعن السيوف الشطيره

والغيره تفرق قلوب المحـبـيـن
وتحدد ايام الـغـرام ومـصـيـره

والثالثه ماهي طبوع الوفـيـيـن
الي تشوم من الشروع القصيره

مايجرح عيونك سوى ناس غاليـن
حطو بها جروح الغرام الخطـيـره

علي بن خالد الحارثي

علي بن خالد الحارثي

10-12-13, 03:58 AM

السؤال الي جوابه حسب ظنك مستحـيـل
والله أن إجابته عندي قبل طرح السؤال

رقتكْ واسلوبك الهادي بـهـا اكـبـر دلـيـل
والخجل يملا خدودك وانت مافيك احتمال

الملامح تحكي بحال الغصن ساعـة يـميـل
والمشاعر بيّنت لذّة عسلـهـا يـوم سـال

والشموع بكل دقّه صوّرت نقض الـجـديـل
وانتقض كل الجديل وهبته ريح الشـمـال

العيون النعس ماتقوى على الرمش الظليل
والثغر جمرة تشب النار في عود الوصال

اندفع سيل الغرام وفاض بالشوق المحيل
هدرته بين الجوانح يرجف لهـا كـل جـال

الصراحه اشهد ان حظي من الدنياء قلـيـل
يوم منت بقسمتي وأوخذك بيميني حـلال

بس لاتقطع حبال الود بالسيف الـصـقـيـل
والهجر حده فتيق ويقطع حبـال الـوصـال

جفْوتك حدت عيوني تسهر الليل الطـويـل
انطوي في ظلمته وابني من آمالي خيـال

اتصالك ضوَّ برق بهاتفي سـاق الـمـخـيـل
وقع مزنه صوتك العذب وسواليفك وشـال

علي بن خالد الحارثي

علي بن خالد الحارثي

11-12-13, 03:50 AM

حاضري مستقبل الماضي ولاعرف مايليـه
اختلاف الوقت واسلوب الحياه افرق معاي

والمسافه والرحيل وشوق يجرحني واتيـه
والمطايا ذرعت والدرب يقصر من خطـاي

والظروف تحد قلبي صوب شي(ن)مايبيـه
والظنون تعود تسحق كل بذره من مـنـاي

ياوجودي للغرام الي سقانـي وانـتـشـيـه
من عطش لشواق احس بلذته تروي ضماي

الغرام الي يداعبـنـي غـلا قـبـل ابـتـديـه
ذاب بعروقي غلاه الي على جـمـرة غـلاي

ابحر بعينه واتيه برمشهـا قبـل انـتـهـيـه
واغرق بها عشق يفنيني وياصل منـتـهـاي

تحتوي تيهي وصوبي رغم كبره تـحـتـويـه
نطقها المعسول يجذبني والاقي بـه دواي

من تسولف اسرج ابداع القوافي وامتطيـه
وآرد لعذب الفرايد لين احقـق مـبـتـغـاي

اقتبس من حسنها معنى التميـز واعتلـيـه
وانتهي تشكيلها لوحة تليـق بـمـسـتـواي

حسنها ماله على وجه البسيطه من شبـيـه
كل ماتبـدي تـجـلا نـورها يـمـلا سـمـاي

علي بن خالد الحارثي

علي بن خالد الحارثي

11-12-13, 09:23 AM

انا ضحيه والمشاعـر ظـلـومـه
والي عشقته بالجفا ممتحـنـي

سعادتي من يوم راح معدومـه
كني على نار الامل والتمـنـي

الي فقد غاليه ماحـد يـلـومـه
يعيش بحساسه حياة التجـنـي

اضيق عاد الليل يلبس هدومـه
واحس بهمومه تجي واتحضني

علي بن خالد الحارثي

علي بن خالد الحارثي

15-12-13, 09:19 AM

حبيبتي ....
وانتي بخير هاجرت واعلنت الرحيل
حبيبتي....
وانتي بخير الله يـقـوي خـطـوتـي
حبيبتي....
وانتي بخير عزمي من الفرقا ثقيل
حبيبتي....
وانتي بخير من هو انيس لوحدتـي
حبيبتي...
وانتي بخير لوطال بي ذاك السبيل
حبيبتي...
وانتي بخير برجع وبروي لهفـتـي

علي بن خالد الحارثي

علي بن خالد الحارثي

15-12-13, 08:26 PM

دورت في عيني لحلم الـطـفـولـه
الي رسمته قبل خمسة عشر عام

ناديت يمكن يـسـمـع الـي اقـولـه
لاتنتهي ياحلم في زحـمـت احـلام

معقول ياحلمي تـذوب بـسـهـولـه
وتصير في عيني كوابيس واوهام

حلم الطفوله مات من قبل اطـولـه
جثه بعيني كلها طـعـون وحـطـام

علي بن خالد الحارثي

علي بن خالد الحارثي

18-12-13, 03:51 PM

امسح دموعي وخنق البوح ورتاح
دام الجروح تزيد جـرح الصراحـه

مرتاح يوم السـر خـافـي ولابـاح
صابر علـى مـره وقـوة جـراحـه

روحـي تنـازع كـف نـزاع لـرواح
والقلب يصدح في ضلوعي نواحـه

حاولـت اصد الحـب لاكنـه اجتـاح
عرش المشاعر كلـهـا واستباحـه

ولابقى لي امر والعرش قد طاح
دمـر قـوانينـي نـهـار اجتيـاحـه

وانا مقيـد لـه وهـو مـابعـد راح
ولا صـدر عفـوه ولاجـا سمـاحـه

فرشت حزني يوم طـوّيت لفـراح
وابني من الامي على كل راحـه

بيحـت لـه والـبـوح قاتـل وذبـاح
انا خنقـت الصمـت والسـر باحـه

علي بن خالد

علي بن خالد الحارثي

19-12-13, 06:02 PM

مـرأه على جـزل المكـارم مقيمـه
في مجتمعنا طهرهـا رمـز لـكـرام

ترسم لـنـا نهـج الشـروع القويمـه
الـي بها معنى الـرقـي والتـقـدام

الله زرع فيـهـا البـذور الحشيـمـه
الي نمت بفروض واحكـام لـسـلام

تـرفـع بعفـتـهـا مـنـازل عظيـمـه
تسمو بها الامه من اكـرام وعظـام

يربـا العظـيـم الا بخلـق الكريـمـه
بأخلاقها يرسم على القـمـه وسـام

فيها من شمـوخ الجبال المـريـمـه
تصـد ضـربـات الـلـيـالـي والايـام

فيـهـا ثـبـات وطول صبر عـزيـمـه
تبني لها منـزل على روس لـهـرام

نبع الدفـا صـدر الوفـاء والرحيمـه
تبـذل قـواهـا ضـد صـرخـات لالام

اجيـالـنـا تربـا بشـيـمـه وقـيـمـه
بيـدي امينـه تفقـه بـكـل للحـكـام

علي بن خالد الحارثي

علي بن خالد الحارثي

23-12-13, 09:15 PM

ورب الـبـيـت وردّنــا ذويـنـــا
وروداً فـيـه كـانـو الاولــيـنــا

وروداً يـخـتـلـف عـن ال مــره
وعن كل الورود السـابـقـيـنــا

ابـن كـلـثـوم مـنـا قـال قـولاً
الا لا يجـهــلاً احـداً عـلـيـنـــا

وخضـبـنا البيارق مـن رهــافً
محـددةً فـتـضـرب بـالـوتـيـنـا

ففي ذي قار منـا كـل سـيـفً
ضربنا بالشمال وبـالـيـمـيـنــا

فلم ننزل مـنـازل قـوم عـبـسً
ولا ذبـيـانً كـنّـا نـازلــيــنـــا

بنينا قبـل ان تـبـنـي ربـيـعـه
بـنـاءً لاتـدمـره الـسـنــيــنــا

وليلى يعربـيـه فـي نسـبـهــا
ولا ينـكر عـروبـتـهـا امـيــنــا

لها اخـتً تحـل قـصـور كـنــده
وعرشاً كان في حجرُ ثـمـيـنــا

ولاكن الـمـنـاذر زعـزعـتـهــو
ولا اعلـم اذا قـد يـسـتـكـيـنـا

وهنداً وابنهـا في امـر مـنـذر
ملوكاً مـلـكـهـم في الاقربيـنـا

وطاحت دولة الـمـنـذر وبـادت
واتبـاع الـمـنـاذر اجـمـعـيـنـا

ومن علم الكواكـب والـمـجـره
وآيـاتـاً لـنـا فـيـهـا يـقـيــنــا

وتجري الفلك كلن له مـســاره
بعضها من بـعـض مايـتـلـيـنــا

واسداسـاً تـبـاعـاً مـن ثـلاثــاً
مسخرتا لـكـوكـب يـحـتـويـنــا

وفي عـلـمٌ بـه ارقـام تـضـرب
بواحد والنـتـائـج يـسـتـويــنــا

ويقسـم واحـد والـطـرح واحـد
ويجمع واحدً لـلـجـامـعــيــنــا

علي بن خالد الحارثي

علي بن خالد الحارثي

27-12-13, 08:38 PM

لاحت بروق الهواجس من شمال الـبـلـد
تحكي تـواريـخ اسود الغاب واشـبـالـهـا

اقوام في عينهـا الـغـايـات مـاتـبـتـعـد
واقوام من دونها مـنـقـوضـه حـبـالـهـا

والمعتصم يوم تنـخـابـه وهـو مـاشـهـد
لكن جـاتـه عـلـوم الـبـنـت و احـوالـهـا

جهز لها خيـل بـلـقـاً واسـمـعـو مـاورد
عمـوريـه قـاومـت مـن دون مـدخـالـهـا

قال المنجم هجومك كـل هجـمـه تـصـد
من بعد ماينضـج الـزيـتـون وتـنـالــهــا

لاكن الايمان في نـفـسـه يـزيـده مـدد
ان المنجـم كـذب فـي كـلـمــةً قـالـهـا

اتحـررت لـه عـمـوريـه بـفـضـل الاحـد
لو استمع لـلـمـنـجـم كـان مـا طـالـهـا

حفيـد صـدام فـالـمـيـدان دونـه صـمـد
ماهاب داعي المنيه قـام يـسـعـى لـهـا

مـن عــدي وقـصــي ووالــد ومــاولــد
يـوم بـغـداد صـاحـت قـامـت رجــالـهـا

ياوين بـغـداد يـالـي تـنـتـخـون لـرغــد
وين مـن تـنـقـش الـتـاريـخ لاجـيـالـهـا

من تشد الجمال لـمـجـد يــتــلاه مـجـد
لـو تـعـثـر جـمـل مـاوقـف جـمـالـهــا

الموت موت العظام الي تـحـس بـجـهـد
عظام من تقـصـر أيـديـنـه مـن آمـالـهـا

ماهو بموت الرجـال الـي تـصـد و تـهـد
الـي عـلـى كـل قـمـه حـطـة رحـالـهـا

كل مسلم يحسب حـسـاب مـوت ولـحـد
يوم لانفـس تـلاقـي كـامـل اعـمـالـهـا

والمثل قـال مـن يـزرع لـزرعـه حـصـد
حبة السـنـبـل تـجـي سـبـع امـثـالـهـا

فـريـضـة الـحـج كـفـاره من الله وعــد
نـفـوس حـجـة بـلا رفـث ًغـفـرنـا لـهـا

علي بن خالد الحارثي

علي بن خالد الحارثي

28-12-13, 08:44 PM

لا تفك رموزها وتزيـد طعناتي طـعـون
خل فـك رموزهـا مبهـم وجنـب حـلـهـا

لـو تصادفنا دخيل الله لاتـقـرا العـيـون
والحروف الي طونهـا لاتجـي وتفـلـهـا

اليقين الي بعيني تنـحـره كثـر الظنـون
والاماني مـابقـا الا دقـهـا مـن جـلـهـا

وحدتي ضوَضا مدينه مابهالحظه سكـون
زحمـت الافكـار ترحـل يمـهـاوتـحـلـهـا

كل سكه من سككها مابهـا غير الحـزون
والعمـايـر شيـدت بـآلام قلبي طـولـهـا

يوم مريت بضواحيها عسى الضوضا تهون
في ضواحيها صدا الضوضا وسفح جبالهـا

علي بن خالد الحارثي

علي بن خالد الحارثي

29-12-13, 11:31 PM

اثخنـت قلبـي بسكيـنـك ومـزقـتـه
ولا حسبت العهود الي قطـعـنـاهـا

حاولت فرقاك مـن مـده ولا طـقـتـه
من دون وصلك حياتي ويش معناهـا

اشتاق لك شوق ماعمري قد اشتقته
شوق الحيام وحداها القيض واظناها

اعطيتك القلب واذكـر يـوم سلمـتـه
روحـي تـوقـّد محبـه فـي حنايـاهـا

قربت من جرحك الكامن ورى صمته
وشعورك الي عليـهـا طـاح مبنـاهـا

داويت جرحـك على يـدي وضمـدتـه
وشعورك ابني لـهـا واشـيد منـاهـا

خليـتـك انـسـان ثـانـي مـاتخيلـتـه
سلطان تامـر على الـدنيـا وتنهـاهـا

واليوم جرحـك ورى لضـلاع مكنـتـه
ولا ذكـرت العـهـود الـي قطعنـاهـا

علي بن خالد الحارثي

علي بن خالد الحارثي

30-12-13, 08:28 PM

العين والرمش وتقّواسـت حجاجـه
حطت رسـوم الغـلا بالصـدر لايجهـا

ياصاحبي زاد بحساسـك تسوهاجـه
وقلوبنـا اليـوم زادت فـي فلايجـهـا

لحساس محتاج لك والعين محتاجـه
ولا سوى شوفتك تـقضي حوايجـهـا

حس بيدينك عذاب القلب واخـلاجـه
كـل المشـاعـر تبيّـح لـك خلايجـهـا

نبضـات قلبي عليـك اليـوم لجاجـه
ياخـوف قلبي تـوقّف مـن لجايجهـا

ذبيت بي درب منّا ضاقـت فجاجـه
شطّرتـنـا درب توسعـنـا فجايجـهـا

ضيعتني في ظلاماً ضاع من داجـه
ظلمات من فوق بعض اغوت دلايجها

ولا بـدا البدر لبلـج حـزت ابـلاجـه
والدرب معـاد بـانـت لي بلايـجـهـا

كنت الدفا يوم نار الحـب وهـاجـه
ماحـس بـالـبـرد تـدفيني وهايجهـا

هبت هبوب الجفـا ببـرود ثجـاجـه
وتجمـد الوصل مـن هبت ثجايجـهـا

آمـالـنـا تـايـهه بحظـوظ منعـاجـه
وقلوبـنـا كيف تسـلا مـن فلايجهـا

علي بن خالد الحارثي

علي بن خالد الحارثي

07-01-14, 12:42 AM

يمخضب الكف تـو اللـيـل وشموعـه
والصبح مقبوضه انفاسه مـن الشاني

سـولـف ولاتنشغل بالفجر وطلـوعـه
واناعيوني تذوب بـرمـشـك الـحـانـي

حـان الرحيل وخـيـوط الليل منزوعـه
والـوجـد يلهب بـوجـدانـه ووجـدانـي

مـن يومها والقلوب قـلـوب ملسوعـه
والدرب قد حال دونه قـاصـي ودانـي

بيني وبينه حبـال الـوصـل مقطـوعـه
مـن يـوم فـرقـاه لاجيتـه ولا جـانـي

حتى المراسيل محـظـوره وممنـوعـه
واليوم ماحـد سئل مـنّـا عن الـثـانـي

صـرنا ضحايا الغرام وسطوت شروعـه
ولا حمـانـا وقـانـونـه هـو الـجـانـي

جفت جـذور الـغـلا والـحـب وجذوعـه
ومـورق الشـوق غصنه صـار ظميانـي

ويـحـط ورِقٍ بـذاك الـجـذع وفـروعـه
وينوح نـوحـاً وبـيّـح سـرنـا الـكـانـي

ويطـيـر ويـدور ويـعـوّد مـن اللـوعـه
ويسوجـع الصـوت ويـجـره بللـحـانـي

علي بن خالد الحارثي

علي بن خالد الحارثي

07-01-14, 03:20 PM

اوّهمتني بلي تشـوفـه مستحيـل
خليتنـي احلمه فـي لـيـل ونـهـار

انـت السبب بيديـك شبيت الفتيـل
فجرتهـابـالجـوف نـيـران وشـرار

جيتك دخيل وضاعـت حقوق الدخيل
بحما اصـيـلً يحـفـظ حماه ويـغـار

ايديك تقطر من دمي قدني قتيـل
صرعتني من دون حشمـه واعتبـار

ترقص على الجثه وتلعب بالصقيـل
قاتـل دخـيـل ومنتشي بـالانتصـار

علي بن خالد الحارثي

علي بن خالد الحارثي

16-01-14, 09:01 PM

علي بن خالد الحارثي

16-01-14, 10:28 PM

ارواحنا في قبضة الي...خلقهــا
واقدارنا تآتي على غير مـيـعــاد

عين المفارق ذابله من..ارقـهــا
تذرف عبايرها مثـل وبـلن انـقـاد

علي بن خالد الحارثي

علي بن خالد الحارثي

17-01-14, 01:09 AM

المشاعر هي عصُارة الخمس الحواس فكل ماتكبته هذه الحواس من الم او حزن يتحول الى عصاره مشاعر ماتراه العين ونطق اللسان وانصات الاذن واستنشاق الانف وتحكم الفكر بالجسد وحركاته فكل حاسه ترفض القيام بمهمتها تنعصر لتشكل المشاعر ليظهر لنا المعنى الحقيقي للمشاعر وطاقتها وماتعانيه من اجل اتمام ماعجز عنه الاخرون ولكن كبتها امر خطير كل ما تضغط عليها لتكبتها تزايدت طاقتها وعند وصول طاقتها لتلك اللحظه التي لاتنسى يحصل الانفجار فتصبح مثل البركان الثائر يقذف حممه في كل اتجاه ويتدفق منه سيل النار ليحرق كل شي امامه فيجب علينا الابتعاد عن تلك اللحظه من اجل الحفاظ على من نحبهم ولنترك مشاعرنا تتنفس من الفينه والاخرى

علي بن خالد الحارثي

17-01-14, 01:50 PM

url=http://www.0zz0.com][img]http://www6.0zz0.com/2014

علي بن خالد الحارثي

17-01-14, 04:37 PM

http://www11.0zz0.com/2014/01/17/13/485286066.jpg (http://www.0zz0.com)

علي بن خالد الحارثي

17-01-14, 04:38 PM

http://www11.0zz0.com/2014/01/17/13/216171210.jpg (http://www.0zz0.com)

علي بن خالد الحارثي

17-01-14, 04:38 PM

http://www11.0zz0.com/2014/01/17/13/955307744.jpg (http://www.0zz0.com)

علي بن خالد الحارثي

17-01-14, 04:39 PM

http://www11.0zz0.com/2014/01/17/13/462975039.jpg (http://www.0zz0.com)

علي بن خالد الحارثي

17-01-14, 04:39 PM

http://www11.0zz0.com/2014/01/17/13/419650167.jpg (http://www.0zz0.com)

علي بن خالد الحارثي

17-01-14, 04:40 PM

http://www11.0zz0.com/2014/01/17/13/434796146.jpg (http://www.0zz0.com)

علي بن خالد الحارثي

17-01-14, 04:40 PM

http://www11.0zz0.com/2014/01/17/13/276933885.jpg (http://www.0zz0.com)

علي بن خالد الحارثي

17-01-14, 04:41 PM

http://www11.0zz0.com/2014/01/17/13/853020026.jpg (http://www.0zz0.com)

علي بن خالد الحارثي

17-01-14, 04:41 PM

http://www11.0zz0.com/2014/01/17/13/906596313.jpg (http://www.0zz0.com)

علي بن خالد الحارثي

03-02-14, 10:45 PM

دام الضرير تـقـوده أيديـن البصيـر
خـطـوه بخطـوه ماتعثر في خـطـاه

شفني ضرير وخف من الله بالضرير
قربك عصاه ومحرمـنـه من عـصـاه

ميت شعور وميت احساس وضميـر
اتجمدت نبضات قلـبـك من قـسـاه
قلبك صخر واقسا من الصخر بكثيـر
بعـض الصخر يتفجر انـهـار وحـيـاه

ظـامـي هجيـر ولا بشيـر ولا نذيـر
يلهب ظماه ومـاقـوا يسقي ظـمـاه

وانت الشطير الي جعل قلبه شطير
وانت الاداه الي بـهـا سبـت عـمـاه

جرحي دمـيـر وجـدده حـد الدمـيـر
وصـلـك دواه وضـاع بصـدودك دواه

ويش المصير وماتحـدد لـي مصيـر
ابطـا نـبـاه وراح عمري فـي نـبـاه

علي بن خالد الحارثي

علي بن خالد الحارثي

15-02-14, 08:36 PM

بـالهون يالطايـر النايـح
يلي لحونـك تكوسـرهـا

نوحك على ريشك الطايح
مـاكـن عـادك تغـيـرهـا

النود لـك مقبـل ورايـح
ريشه بريشـه يبعثـرهـا

يملا السماء حزنك البايح
لـبـد صـفـاهـا وعكرهـا

نوّه سكب مـزنـه الفايـح
ابطا على البيد يمطرهـا

وشعاع شمس الشتا لايح
بـدد غيـومـه وبـخـرهـا

علي بن خالد

علي بن خالد الحارثي

19-02-14, 11:04 PM

ليـه يـاسبت جـروح الجفـا والقطـاعـه
تترك العين في حبس السهر الانفرادي

ليـه صكيت بـاب افراجهـا واتـسـاعـه
لـيـه قيدتها في لـيـل مـاهـو بـعـادي

ليل خذها رهينـه في زوايـا ضِـيـاعـه
صار يـفـرض عليها طـاعـتـه بانقيـادي

كل ماجيت احرر قيدها مـن ضـيـاعـه
حال من دونهـا جرح الـجـفـا لعتيـادي

علي بن خالد

علي بن خالد الحارثي

14-03-14, 01:51 AM

من مقابيس المشاعر طواريقي
وقيد
كل ماحطيت قافي على طاروق
سال
الشعر حس ومشاعر على صدر
القصيد
والقصيد بدون حس ومشاعر
مايقال
من سمعني او قرى ماكتبته
يستفيد
الهم الشعار واضرب لهم اروع
مثال
شاعريه ماجهلها سوي الحس
البليد
مايميز في جزال القوافي
والهزال
شاعريه مثل بيرق على راس
المشيد
رفرفة في ساحة الشعر شاره
لاتطال
شاعريه ترغب الا المميز
والفريد
انسياب البيت يملا صورها
بالجمال
جبت حره مالها في الحراير من
نديد
بالمزاين لوله مابها شك
وجدال
متكل بالله وانا سوقها من دون
قيد
غايتي مبعد ومن دونها بيد
وجبال
كل ماحديتها تطوي الدرب
البعيد
استمد بسيرها قو عزم وطول
بال
كل ماتهبد بيدها تجيب البيد
بيد
والله انها بالوصايف شبيهه
بالخيال
ياوجودي كل مالاح في عيني
بديد
وجد من حده زمانه على شد
الرحال
وياوجودي كل مابان لي درب
جديد
وياوجودي كل مااقبل علي وقت
الزوال
من وجودي مادت جبال شمخ
ماتميد
صخرها ينهار واصبح كثيب من
الرمال
جيت ديره وابتدى الشوق وانفاسي
تزيد
واضطربت ودب في الجسم رجفه
وانفعال
وصطفق قلبي على الحب الاول
والتليد
صفق سيل في مسيله ضرب في كل
جال
والتفت وشفت منزل وفكري
يستعيد
ضمت ربوعه وليف انتهى واصبح
محال
السؤال الي غدا من اجاباته
فقيد
كم على بابه وقفت انتظر رد
السؤال
وش بقا لي من غرام على يده
شهيد
يطعن بسيف الجفا في شرايين
الوصال
مابقى لي غير قلب من الماضي
طريد
هج من ذكرى جريحه ولا فيه
احتمال
قيضت لأجوا بعيني ولا ذاب
الجليد
لو يذوب بها عماها ولاطلت
المنال
انحر الغايه وعيني عليها
ماتحيد
وانطوت كل المسافه مثل طي
الحبال
في طوارف دار قوم بها كم من
عقيد
نوخت بحمالها الي تنوخ لها
الجمال
الحمول الي يطوع لها المتن
العنيد
كل حمل فوقها لا يحط
ولا يشال
ترتكي له لابة شبرها فاق
العديد
تنتهض بحمالها ماتنوء من
الثقال
لحتمى الموقف صوارم على عنق
الضديد
وردوه من الكسيره على عد
الوبال
حملها من ضيقة الصدر ماتحويه
بيد
سببة بالقلب العله وللحال
انحلال
وانحنيت وصار جسمي من العله
جريد
الجريد الي يباسه سريع
الاشتعال
يابني عمي علومي وانا صبري
زهيد
وعذروني وسمحولي و(لله)
الكمال
وسمعو بزهم بصوتي من الشوق
الوطيد
من يرد الصوت يوم ازهمه في كل
الحال
حركت لشواق نبضات قلبي
ياسعيد
ازهمه من كل فج ومن روس
التلال
والله انه راس مالي ولا غيره
عضيد
ينسرابه ليلة غيبت ضو
الهلال
ياسعيد اقلط بعيني وخذها
ماتريد
من نظرها والدموع ارخصة لك كل
غال
لو عطشت اشرب وتروى من عروق
الوريد
بس لاتظمى وانا في حياتي لا
ازال
لو طلبت الي بقى من حياتي جاك
فيد
دامك بعيني عشيره من اعمام
وخوال
خبر الي يطلب العلم بالعلم
الاكيد
اشتعل عودي ورمد على صفر
الدلال
مايفيد الوجد رجل على الدرب
الشديد
والشدايد والحمول الثقيله
للرجال

الشاعر/ علي بن خالد الحارثي

علي بن خالد الحارثي

27-03-14, 11:10 PM

ليه خـايـف وسرك في عيونك سجين
وانـت تثني عليه القيد فـوق القيـود

ليه تـرجـف ضلوعك رعـب لا هو يبين
اعترف وش يزعـزع فيك ذاك الجمـود

ودك انــه تــوفـى ودك انــه دفـيـن
ودك تحس مالـه في الوجـود بـوجـود

بـس خابـت ظنونك رغم طـول السنين
شف سجينك بعينك صار معنى الوجود

انت تسمع صياحـه ذاب شـوق وحنين
خـف مـن الله لا يطغى عليك الجحـود

لـو تـحـرر سجينك تعتقـه لجل عـيـن
تحتفي بـك مْلك عرشـك عليها يـسـود

لـو طلبتك جـواري لـي ومُلـك اليمين
قـل جباك الجـواري نـاقضـات الجعود

لـو طلبتك تـصـوغ العُّقد لـؤلـؤ ثميـن
قـل فداك الثمين وعُّقد يسوى عـقـود

علي بن خالد

علي بن خالد الحارثي

04-04-14, 10:14 PM

لبيه يـا سـر الحـيـاه الجميلـه
لبيه يـامصـدر عطاهـا ومـاهـا

لبيه يابـرق الامـل في مخيلـه
لبيه يا ارض الشعـور وسماهـا

يانفحت انفـاس الصباح العليله
الي تحرك فـي عروقي دماهـا

ياضمت الليل المنثر جـديـلـه
الـي يـرد ارواحـنـا لانتمـاهـا

اغـازل أسرار العيون الكحيلـه
الـي يبيـّح نـونـهـا مـحتـواهـا

اهيم في سحرالرموش الظليله
ويهيّج اشواق الوصال ارتخاهـا

مثل المشاهيب السعيره مليلـه
احس روحي تحترق من غضاهـا

والاعـب الدنياء بـحـد الصقيلـه
وورد احـلامـي علـى مبتغـاهـا

واحقـق طموحاتـهـا المستحيله
الي تليق بـهـا وفي مستـواهـا

معـاد ينعشني سوى سلسبيله
والروح يرويـهـا ويقطع ظماهـا

علي بن خالد الحارثي

علي بن خالد الحارثي

16-04-14, 01:30 PM

لعاد تنشد من علومي ولااخباري
والكلمـه الي بفمـك لا تكملـهـا

خلاص لاتعتذر لي واقبل اعذاري
كمل طريقك عسى ربي يسهلها

معـاد ودي ترافقني بمشـواري
قفلت بوب الرفاقه وانـت قفلها

لعاد اشوفك تعداني من يساري
هذه تعاليم سيري وانت مهملها

عاكس مساري وقانوني وراداري
وانا احرر قسايمـهـا واسجلـهـا

جنب من الخط ولاّ حوّل اجـبـاري
رخصـتك لابـد مالغيها واكنسلها

اسلوبك مخالف اسلوبي ولفكاري
وانا نصحتك وحذرتك من اولـهـا

ولاتدوّر جديدي وآخـر اشـعـاري
ولا تغـنـي بـهـا ولاّ تهمـلـلـهـا

علي بن خالد

علي بن خالد الحارثي

14-05-14, 11:32 PM

ياصاحبي تكثر عليّ المشاريه
من قبل ماتدري وش مبرراتي

لو تستمع اول كلامي وتاليه
حقي عليك مقارنت معطياتي

لا من خذيت الحق لابد تعطيه
واحفظ حقوقي من كلام الوشاتي

خابرك رجلً مايغير مباديه
لوضاقت بوجهه جميع الجهاتي

ياصاحبي دار الزمان ولياليه
ماغيرت لايام مجرى حياتي

يقطعك يا رجلً تنكر لماضيه
هبت علا بيبانه الذارياتي

ويقطعك يارجلً قريبه هقاويه
ماله طموح يحققه وامنياتي

موت الضمير آشد من موت راعيه
(واخير من بعض الكلام السكاتي)

علي بن خالد

علي بن خالد الحارثي

14-05-14, 11:33 PM

قولو لمن طنش المرسل ومرساله
شابت عيون الرجاء واتلاشت آمالي

واصابع ايدي على ارقام جواله
حيث انه الي شغلني وقتي الحالي

اقسم بربي ذبحني الشوق لوصاله
واني لعين الغلا عنيت مرسالي

مبطي وانا منتظره يرد برساله
يسأل على صحتي ولاّ عن احوالي

امر في مرحله حرجه وفي حاله
يرثالها بس اشوفه داله وسالي

مشبوك ضغطي ونبضاتي على آله
تهبط وتطلع معا نغمات جوالي

علي بن خالد

علي بن خالد الحارثي

20-05-14, 09:42 PM

والله ان الوضع مافيه اشتباه
موقفي واضح وموضوعي خطير

في سكوتي شي يلفت لانتباه
وفي كلامي صرخة الحظ الكسير

ياهبايب يوم مريتي حشاه
كيف صرتي فيه شهقات وزفير

الحشا قطعه من جبال السراه
والمشاعر عاصفه من زمهرير

لا شعورياً بدا يكبر غلاه
وابتديت اسرف وابالغ به كثير

والمصيبه يوم بادلني عطاه
في ضلوعي حطم القلب الكبير

صابني واقفا وخلاني وراه
اللفظ الانفاس بالرمق الاخير

خبروه اني على قيد الحياه
من فضل ربي على الدنيا اسير

والثنا لله تبارك في علاه
والرجا في غير ربي مايصير

لارض ارضه والكواكب في سماه
والولا والامر ويليه المصير

علي بن خالد الحارثي

علي بن خالد الحارثي

24-05-14, 03:15 PM

انحر على مذبح ضميري حياتين
وانحر ضميري لو بدالي محياك

نقطة تحوّل مفرق يسار ويمين
تحتار قدامه وتبرك مطاياك

خالف لوايح لانظمه والقوانين
واكسر حدود الواقعيه ولادراك

تزعل واسوق الروح والقلب والعين
وانوخ ركاب الرجاء واطلب رضاك

شطبت من سطر الغلا ناس غالين
ولا مدوّن فالسطر واحد سواك

سولف ولا مثلك تسولف شفاتين
محلا سواليفك ومحلا شفاياك

علي بن خالد

علي بن خالد الحارثي

05-06-14, 07:10 PM

ابطا طموحي مقيّد في قناعاتي
لانسان يلحق طموحه بأنطلاقاته

الموقف الي حصل هدم بناياتي
غير قناعات ذاتي واتجاهاته

والصاحب الي حديده اتلف رياتي
يا جعل يبلا برميه تتلف رياته

هو ذا جزا وقفتي ولا جمالاتي
ولا حقوق الرفيق وحق وقفاته

احيا جروحي وذكرني معاناتي
ذكرى قديمه وجددها بطعناته

طعناته اكبر من استيعاب طاقاتي
ما هو مضمد جروحي بأعتذاراته

حذفت عنوان بيته من سجلاتي
والغيت رمزه وجواله وخدماته

لاينتظر جيتي له واتصلاتي
قفّلت رقمي وبابي من زياراته

ببعد بحالي لحالي بجمع شتاتي
قربه يضيّع وجودي في متاهاته

فرقاه حاجز تعرض لاختراقاتي
واول محطات ذاتي صوب غاياته

فكيت للريح ساقي وانطلاقاتي
من سابق الريح تتحقق طموحاته

علي بن خالد

علي بن خالد الحارثي

06-07-14, 02:40 AM

يسأل على جرحي وبأعطيه افاده
ضمدت جرحي وآخر علاجه الكيّ

سلمت من قبر الثقات الزياده
ربي كتب لي عمر ثاني وانا حيّ

قال المشاعر قلت فيها بلاده
معاد احس بها ولا تشعر بشيّ

قال المحبه قلت وين الاراده
ماتت عطش فينا ولا حصلت ريّ

قال القصيد الي تصوغه قلاده
قلت القلاده مالها لمعه وضيّ

مادوّر الشهره ولا ابغاء اشاده
لكن بعض لاحيان يطري على شيّ

مشهد من الماضي ولقطه واعاده
تفرد سجلات انطوت داخلي طيّ

ماتت لاماني قبل يوم الولاده
ماتت وعيني فوقها غيمه وفيّ

علي بن خالد

علي بن خالد الحارثي

16-07-14, 06:59 AM

اقبل ربيع الوصل واشجاري هشيم
واقفى الربيع ومـاسقيت غصونـهـا

واخر مشاويري مـع الحب القـديـم
سكه تـجـلـت وانكشف مضمونـهـا

راحت وانا والجرح والشوق المقيـم
لنحت على خـد الـسـهـر مكنونـهـا

اشعل شموعي بـأول الليل العتيم
واستقبل انـوار الصـبـاح بـدونـهـا

واستدرج الذكرى واتيه بهـا واهيم
وابـطـي اهيـم ليا ذكـرت عيونـهـا

دوّرت فـي لطـلال هبات النسـيـم
يمكن تسلي وحـدتـي وشجـونـهـا

مـرت ليالي مابـرى الجـرح الاليم
لازال ينزف فـي حشى مجنونـهـا

اطرد سراب الوصل والصبر العقيم
واسمع صـدا معزوفتي ولحونـهـا

علي بن خالد

علي بن خالد الحارثي

12-08-14, 01:14 PM

يلي تقول اموت فيك وفديتك
يانور عيني ياهواي وغرامي

اشتقت لك جدا ومريت بيتك
ودّي تسولف لي وتسمع كلامي

دقيت بابك وانتظرت ودعيتك
انا دخيلك لا يطوّل قيامي

ياصاحبي لولا الغلا مالفيتك
والي تسوي مايليق بمقامي

معاد تذكرني وانا مانسيتك
ياكل حلم يمرني في منامي

رميت قلبي واحسب اني رميتك
خليت صوبي بين لاضلاع دامي

العام شفتك فالقفار وسقيتك
ورديت غيرك من عدودي ظوامي

واليوم ظامي ياحبيبي وجيتك
كل المشاعر فوق عدك حيامي

وش فيك تنهاني وانا مانهيتك
توي بديت اول مراحل هيامي

لو ضاع معروفي وانا الي رويتك
عليك شرهات الرفيق وملامي

ارخصت فالبيعه وانا الي شريتك
واوفيت لك يوم الوفاء مايسامي

فكيت لك عوج الضلوع ولقيتك
تضحك على جرحي وباقي حطامي

علي بن خالد

علي بن خالد الحارثي

15-08-14, 02:48 AM

انـا...انا نفس المشاعر والضمير
ظامي شـرب من نبع حبك مارتوى

انا...انا المخلص ومن ضحى كثير
ضـحـى بقلبه فـي سبيلك وانكوى

ولا خطر فالبال يـرجـع لي كسير
واني مـعـك بلقى المنيه فالهوى

يـاصاحبي بيديـك حـددت المصير
هدمـت قـدرك داخل العين وهوى

اببتعد مـن قربك العذب الـمـريـر
مادام قربـك داء وبـعـدك لي دوى

بيني وبينك عـوّد الـفـارق كبـيـر
بطبـوعـنـا وطموحـنـا والمستوى

علي بن خالد الحارثي

علي بن خالد الحارثي

30-08-14, 01:25 PM

انـا بـشـر لا انـا بصخـر ولا صنم
مـاينجرح مني رفيـق ولا صـديـق

لبكم نطق حـرفـي وسمّعته لصـم
وخليت لعمى فيه يـبـصـر للبريق

اصب لهل الشعر ماء عـذب الطعم
ويذوقه العطشان الذّ من الرحـيـق

وانا قـلـم ينزف حـروفـه من الـم
اذرف قصايـد بللت صـدر الـوريـق

راضي بمكتوبي ومـاخـط الـقـلـم
معـاد افـكـر يـوم يجمعنا طـريـق

لو باح شوقي خضب كـفـوف الندم
بس الندم في شخص مثلي مايليق

ابـيـع روحـي بس مـابـيـع الشيم
لو يقطر الغالي مـن الـحـد الفتيق

اشوم يانفسي على روس القـمـم
شـومـي عليش الله والعهد الوثيق

علي بن خالد الحارثي

علي بن خالد الحارثي

04-09-14, 02:02 AM

افنيت عمري من مطار اليا مطار
بين المدن عبر الصحاري والبحور

في كل مره خايف يفوت القطار
وازاحم العالم على باب العبور

ومرات اوقف في كونتر لانتظار
واعد لحظات انتظاري والحضور

يقفي ظلام الليل من وجه النهار
وعيون خلق الله مفاتيح الصدور

علي بن خالد الحارثي

علي بن خالد الحارثي

31-10-14, 06:22 PM

الـوف قيرات ذالموتـر ويحبي حبي
ومرات يطفا ولا ادري ويش اسويبه

طالع مـن الشارقه فالخط رايح دبي
ساري ورا الي سرا ليته مسري به

جكسار وارقام لوحاته مـن ابـوظبي
والفتك طفّا من السرعه مـذري بـه

متولع بـلـونـه وهيبتـه وانـا صـبـي
يلـوعنـي لـوع لاشفتـه وعينـي بـه

وياما سهرت آتمنا وذكـره عند ابـي
وابي يقول اعقل وخله لصـاحـيـبـه

واليوم انا عاقل وباقي على مذهبي
اميز الـحـق والـبـاطـل واكـاذيـبـه

سلام من راس مسلم صادق ويعربي
مخلص ووافـي ولا خـلا مواجـيـبـه

هزيـع رعـده وبـراقـه سباني سبي
سيله مـحـدر ضوا يهدر باشاعـيـبـه

بسمّعه صوتي وراسـي على منكبي
لا يقول يفلان تكـفـا ويـن ذا الغيبه

ماطحت واقف وانا مانوختبي ركبي
لوصابك الشك ولا صـابـك الـريـبـه

المجد مجدي ومجد اهلي ومن منسبي
تنبت لحانا على الناموس والطيـبـه

جهلت نفسك ولا عرفت وش مطلبي
شوّهت وجهه المخوه وانـت مدعيبه

مالـومـه بشي ماشفته وعني غِـبي
الـومـه بـمـا اشـوفـه والـي ادريبه

رجـال يربـع على رجله ويطرد ظبي
ماشي معـه عقل لـو روّح بـه يجيبه

مسّتغفل كثير ومغفل واكبـر غـبـي
ويفكر الناس مـدهوشـه بأسالـيـبـه

قـولولـه بـحـق خوتـنـا وجـاه النبي
يكفـي علينا عـبـط مـلـيـت الاعيبـه

علي بن خالد الحارثي

علي بن خالد الحارثي

04-11-14, 07:01 PM

منكوس وهجيني وصخري ومسحوب
ولا طـويـل حـروفـنـا مستـقـيـمـه

لا هي بمرثـيـه ولاهـي بـمـلـعـوب
يـاهـل الـقـلـوب الطيبه والرحيـمـه

شطبت سطر وسطر ماهو بمشطوب
شيمـه وقيمـه واحـتـرام وحشيـمـه

وكتبت شطـر وشطـر ماهو بمكتوب
متقّيد بـصـدر الـحـلـيـم وصمـيـمـه

ابعتـذر لاحـسـاس وارواح وقـلـوب
اهـل الـنـوايـا الصافيه والسليـمـه

بقفل دروب الوصـل واقفل الـبـوب
واحـرق جميع الـذكـريـات القديمـه

وبغير افـكـار ومفاهـيـم واسـلـوب
وبشنق ضمير بـدون ذنـب وظليـمـه

بفتح دروب وبـوب من بـوب ودروب
واطـوي سجـلات الحـروف العقيمه

علي بن خالد الحارثي

علي بن خالد الحارثي

24-11-14, 11:20 PM

لانـسـان ينظـر لخلق الله بمنظاره
ويشوفها بعين طبعه فـي طبايعها

يستنتج افكارها من صنعت افكاره
وافعالـهـا حسـب نيـاتـه ودافعها

والناس كلن وله حجمه ومـقـداره
والاصـل والتربيـه تصقل صنايعها

يتسعر المعدن بـوزنـه وبـعـيـاره
وانقاء المعادن نفيسه عند بـايعها

مضمون سعره ورايج بين تـجـاره
سلعه ثمينه مميز عن بـضايعـهـا

والـفـن ما هو بمـزيـكـه وقيثاره
الـفـن كلمه فريـده فـي بـدايعها

والي تشلع بسكيـنـه ومـنـشـاره
وادما ظهر ولد عـمـه من وقايعها

بيديه شـب التباغـض واشعل نياره
خالف سنن لابتـه واخلف شرايعها

يلي تدربل على القمـه تبا الشاره
اطلق عـزومـك وبـاتـرقـا تـلايعها

الشوط حامي ولا يشتاف مضماره
والخيل تصـهـل ومشتـده بواتعها

والـحـر يشبع بمخـلابـه ومنقـاره
والقوم ينبي بـهـا مـقـدم طلايعها

علي بن خالد الحارثي

علي بن خالد الحارثي

24-11-14, 11:21 PM

محتار جـدا وانـا مـدري منـيـن ابـدا
بـالله شورو علي ياسامعين الصـوت

الـي من العام جرحـه فالحـشـا ينـدا
مافاد طبه و صبّره في حشاه يمـوت

هـو شي ملامه عليه ليا شكى وابـدا
اسباب جرحه وبـيّـح سـرّه المكبـوت

هب الشمالـي هـبـوبــه بـارده جـدا
مايسنح البشت والفروه ولبس الكوت

شبيت ضـوّي بلـيـلـه مظلـمـه شـدا
الذيب في راس ذاري والعباد سكوت

على احمر العين تذرف عيني الرمـدا
والناس قالت ماينفع دام فـات الفوت

مـن روس تشمـخ وتقدحـهـا وتتحـدا
ماهو بمن قـوم ابو شبرين ولا فـوت

يـوم الضماير قتيلـت خـنـجـر المبـدا
ضميري وداعـت الله لايجيـه الـمـوت

علي بن خالد الحارثي

علي بن خالد الحارثي

24-11-14, 11:22 PM

سهيل في عرض السماء شل موقـع
شعيقه يـهـيـض خـيـال الـقـريـحـه

يالي تـجـر الـصـوت جـره وسـوجـع
تسمر عليه اهل العيون الـجـريـحـه

والا سمعت الـورق صـوتـه يـروجـع
والـعـود لازرق فـاح طيبـه وريـحـه

الـدلـه الـرسـلان طــب الـمـصـودع
لا بـارك الله فـالسنين الـشـحـيـحـه

راعي الكبيـشـا والله ان مـاتـكـوبـع
من ظـهـرهـا الخيال ماحـد يـزيـحـه

لاجـاتني الكلمه مـن الـذيـب تـوجـع
امـا الثعل يـقّـوح ولا سمع قويـحـه

علي بن خالد الحارثي

علي بن خالد الحارثي

24-11-14, 11:24 PM

طرف العيون الحور ماشي له حلول
ناش الضلـوع الـعـوج لين اقتلعـهـا

اتـولعت روحـي بـحـبـه على طـول
مـعـاد تقدر تنـتـهـي مـن ولـعـهـا

لكن حصل لي شـي ماهـو بمعقـول
كدر صفا نفسي وخـالـف سنـعـهـا

فرقـا الولايف سيف له حـد مصقول
قـطّـع شـرايـيـن الـحـيـاه ونزعـهـا

قفا وانـا واقـف وحـايـر ومـذهـول
وتغطنـي عبره عـجـزت ابـتـلـعـهـا

غيبت ولـيـفـي مـالـهـا عـذر مقبول
كل الوسايل في وصـالـه قـطـعـهـا

ابـطـا علي ماجاء مـن قـداه مرسول
اتنـكـر لـكـل الـعـهـود وخــلـعـهـا

ردو نـبـاي انـي ضـحـيـه ومـقـتـول
بيـديـه روحـي شـلـهـا وانـتـزعـهـا

علي بن خالد الحارثي

علي بن خالد الحارثي

24-11-14, 11:25 PM

ياشوق لا شفتي عيـونـي وانابيش
بـاتكشفين اسـرار بسـمـت شفاتي

الا بكيتي جـعـل عينـي مـاتبكيش
ولـيـا ضحكـتـي والله انـش حياتي

يـاعين ابيش وسلوّتي كـل مـاجيش
شوفش وصـوتش يجتمع لـه شتاتي

اللعب معش ياشوق وامزح وناغيش
عـشـان مـايـفـنـا وجـودي وذاتـي

ابيش يابنتي بـعـيـد الـمـطـاريـش
ابـعـد مـن طـيـور الـفـلا الحايماتي

مطرش ورى الدنيا ولا لقمة العيش
والله كـفـيـل برزاقـنـا يــاغـنـاتـي

ولا نـاب طـرّاش لـغـرام المناقيش
وماطحت غاوي في هـوا الغاوياتي

ياشوق ادوّس لا طرولي المداغيش
وتـفـرض طـواوريهم علي السكاتي

وليا نظرتي فـي عيونـي وانـابيش
باتكشفين اسـرار بـسـمـت شفاتي

علي بن خالد الحارثي

علي بن خالد الحارثي

24-11-14, 11:27 PM

بعض الطواريـق مايخلف مواعيده
واتلا الطواريق مـايشبه مقدمـهـا

بـيـت القصيده تشتت من مناقيده
واخاف الملم شتات البيت واهدمها

معنا القصيده بدونه صعب تحديده
ومن الصعب حد يحس بها ويفهمها

فكري مشرد وانا عانيت تشريـده
اقفت ولكن توحيني وانا ازهمـهـا

لقيت فـالقوم محشومـه وعـربيده
ورقـاب لحرار ماحـد بايوسومـهـا

بيض النوايـا تشوم ودربـهـا سيده
ونفوسنا عـن هـل العثره نشيمهـا

علي بن خالد الحارثي

علي بن خالد الحارثي

24-11-14, 11:28 PM

تشبيهه شي بشي يبنا على ساس
طـوّر بسالـيـبـك وشـكـّل وغـيّـر

مابرفع محدر ولا مـحـدر بــراس
وطبع الليالي فـي لاوادم تـغـيّـر

من قايـس افعال ارجاجيل ينقاس
بنفس المقاس يطول ولا قـصـيـّر

الـوضـع مايحتاج تفصيل ولـبـاس
والموقف اكـبـر من مقام الصغيّر

ولي يسولف لـي بسكان لارمـاس
لرماس خط احمر ووضعه مـحـيّـر

اشوف كنه ينحمس فـوق محماس
وافعالـنـا خـلـت عـيـونـه مـعـيّـر

علي بن خالد الحارثي

علي بن خالد الحارثي

24-11-14, 11:29 PM

هاجسي لامن زهمته وانا ظرفي صعيب
ساق لي عذب الفرايد بحرفه وانسـيـاب

عين حر وظفر ليـث وذيـب نـسـل ذيـب
وناب نمر وعزم شـيـخ قـوي مـايـهـاب

وحد سيف وسن رمح مع سهم يـصـيـب
وحن رعد ومض برق بعد جـر السـحـاب

حول ذود ماحديته على شعب الحطـيـب
ما تركته للفـلاة الجـديـبـه و الـسـراب

يوم غيري همله لا حسـيـب و لا رقـيـب
مارعى به في الفجوج الوسيعه والرحاب

كل ماسقته يحول على الروض الخصـيـب
عشبه الراوي من السهل الى روس الشعاب

ياوجودي كل مـامـدا وهـجـوه الـعـزيـب
للمراعي قمت اشد الـمـطـيـه والـزهـاب

وجد عود مايعينـه علـى الـدنـيـاء قـريـب
من بعد ماهاجر ابنـه مـن الـديـره وغـاب

طاح جسمه ونحنى مثرن فيه الـمـشـيـب
شيب عيني من شيوبه بعد زين الشـبـاب

ماشكى لناس مابه من الحال العـصـيـب
عفته تأبى عـلـيـه الـعـطـايا والـطـلاب

لا ظهر لـلـقـوم مابـه تـعـذر بـطـبـيـب
جفة دموعه وقـلـبـه ورى لـضـلاع ذاب

عزته تفرض يكون المـقـدم والـمـهـيـب
بين ربعه ينحسب من رفيعـيـن الجـنـاب

الله اكبر كـان عـز القطـاره والـطـنـيـب
فزعة المضيوم والي نخـاه من الـقـراب

صامل الوقفات قطعه من الحيد الصليـب
وقفته يوم اعتزوبه تهون لهـا الـصـعـاب

دعوته يالله عسى في الجماله لي نصيب
والنصيب يصيب والعز ترخص لـه رقـاب

الجماله ثوب ابيض نقي مـن كـل عـيـب
والفساله ليل اسود مثـل لـون الـغـراب

عزتي له ما لفى الي مـن ديـره غـريـب
والسنين تمر والعود ضيع في الـحـسـاب

راس مالي دونه الموت والحد الصـبـيـب
راس مالي ما تركتـه نـهـيـبـه لـلـذيـاب

فرحتي به كل مقبل على وقت المغـيـب
فرحت الي عود ابنه بعد طـول الـغـيـاب

يوم غيري همله لاحـسـيـب ولا رقـيـب
ماتركته للـفـلاة الـجـديـبـه والـسـراب

الشاعر / علي بن خالد الحارثي

علي بن خالد الحارثي

24-11-14, 11:31 PM

الكواكب جرت كلن وله مستقره
والنجوم السواري فالمجره ضوني

شاطي البحر يلعب بي بمده وجزره
انسحب للجزر وامواج مده رمني

في خضاره زراقه لون دره ودره
من زمرد صفاهن فالبريق اذهلني

روّح العمر وايامه بحلوه ومره
ماكتبته قراني للعيون وقرني

حيرتي قيدتني بين جمره وجمره
ان سكت احرقني وان حكيت احرقني

بين عيني عينه الف نظره ونظره
بس ماحس مره بالعتاب وفطني

ليه مايجبر بخاطر تسبب بكسره
ليه يقفي ولا جا يطلب العذر مني

والله انه ذبحني بين برده وحره
كل ماتأقلم بجو اختلف وارهقني

علي بن خالد الحارثي

علي بن خالد الحارثي

28-11-14, 10:56 PM

غريـب فـي مجتمع مـايعترف بالغريب
والغربـه جـروح مـاتبرا ونـار وعـذاب

اديب ولسانه افصح مـن لسان الخطيب
كلمه وفكره ومعنا في سطور الخطاب

يـطـرح سؤالـه ويستفتي ولاحـد يجيب
سؤاله ابطـا معلق مالـقـي لـه جـواب

اذا القريب انكـر حقوق الرفيق القريب
يـجـزا بـخير ومثوبـه او يـنـال العقاب

حكيم والحكمـه تـفـيـد الـغـلام اللبيب
لازاد وجـه الشبه بين الخطا والصـواب

تبدا مـع الشرق بسمه تنتهي فالمغيب
على امـل بكره وبـكـره يـعـود الغياب

جرح الغريـب انفتق مالم جـرحـه طبيب
والجرح مسموم سمه سـم حـيـه وداب

لـكـن مكـتـوب ومـقـدر وحـظ ونصيـب
يأم العطر والكحل والمسكره والخضـاب

علي بن خالد الحارثي

علي بن خالد الحارثي

05-12-14, 02:43 AM

بـدايـة اساليبك مـنـاقـض لتاليها
ولانا بداري كيف جيتي واخذتيني

ابيد الامـانـي فيك ماودي انشيها
وفتنتك تقدح نار خلف الضلاعيني

تثيريـن رغباتي واحـاول اهديـهـا
وقامت شياطينك تلاعب شياطيني

حلفتـي تصونين المشاعـر وراعيها
لكن جرحتيها بـعـد مـاجـرحتينـي

وجردتي سـيـوف الجفا ماغمدتيها
واثخنتي بطعناتـهـا في شراييني

ذبحتي احاسيسي وروحي وامانيها
ولا عـاد عبـرتـي سلوم البداويني

علي بن خالد الحارثي

علي بن خالد الحارثي

28-02-15, 05:42 PM

نوادر الـشـاعـر بفكره ومن نـحـره
والندب جاري وفـرز القايمه جـاري

للحزن نـبـره مثل مـاللشَّبع نـبـره
وانا من الحزن لا جـايـع ولا عـاري

لـوع المشاعر يشابه لـوعـة العبره
في حلق واحد طرى من علته طاري

يصدح صداها من الشهقه ليا الزفره
في خبت مافيه لا سامـر ولا ساري

امـيـز الـفـرق بيـن الـقـل والكثره
من راحت يميني ومن راحت يساري

وقـفـه ولفته ونـظـره تتبع النظـره
في بيت غامض يحيّر كاتـب وقـاري

لقـدار تـومـي وتلطـم يمنه ويسره
وتْـدك دكـةْ شظايـا النيزك الـنـاري

وابن آدم يبت في وضعه وفي أمره
يختار وجهه ودرب وموقف اجبـاري

علي بن خالد الحارثي

علي بن خالد الحارثي

08-05-15, 07:55 PM

يساورش بعض الشك والخوف وتـروحين
ولانـا بـداري ويـن رحتي وانا اتـنـبـاش

وادوّر هـنـا وهـنـا واخايـل ولا لش عين
ولا عـاد في قـوه وطـاقـه على فرقاش

تقولـيـن مـاتـدري وانا اقـول مـاتدرين
بجدّي ومجهودي وعزمي لكسب رضـاش

ويمكن ولـكـن كـيـف كـلا لـيـوم الـدين
ولايعّتريش الـخـوف مـنـي ولا لـدهاش

انـاالـي رسمش بلوحـه ومـامعـه تلوين
واناالي كـتـب صفحة حياته وهو يقراش

جـديلش متونش نحرش وصوفش الباقين
تثير الوحش ويثور مـن شعلتش واغراش

بدونش حياتـي شعب يبحث على التوطين
ولا له هـويـه عايـش بـوضـع مـاينعاش

وجـودي لقـيـتـه داخـل عيـونـش الثنتين
واحـس بسعاده عـارمـه فـي سما دنياش

افيض المشاعـر وانسكب لـش ولاتـوحين
شهقات صدري لو لفحني زفـيـر احشاش

دخيل الـغـلا والـحـب خـفـي علي بـزين
فقدت الوعي ودعـي طبيب اجهزة لنعاش

وفـي خـاطـري كلمه وشطر ومعي بيتين
وهاتي لي اذنش وسمعي زبـدة الدرداش

لفكار تعـصـف داخـل الـراس مـن يومين
ولاعـنـدي الـقـدره افـكـر وانـا مـنـداش

تضارب مـشـاعـر كـن في داخلي خصمين
فـلا جـاش لـول قـام لاخـر عليـه وجـاش

وبـعـد مـاسـرى مـن لـيـلة البارحه ثلثين
ضوتّنـي هواجيسي ولا قلت وش ضـواش

ضوتـنـي وقـمـت إلـهـا وكني على نارين
وقبضت الـخـطـام وقـلـت ذالليله اتحداش

سرت بي مثل مسرى هجن واهلها عجلين
يسوقـونـهـا سـوق المنايـا مـن المغباش

على الـديـره الـي غادروهـا قبل شهرين
لهم فـي طوارفها بـيـوت وذرى وقـراش

وبعد ذا سلامـي مااعترض فالسماء لونين
سـواد المخيل ولمعت الـبـرق والطشاش

قـبـل تـرزم مـزونـه وتسفح مـن الجالين
وتقديـر لِـرجـال النكف سـاعـة المهواش

شـداد الـحـزام وعـدّة الـحـرب والـذربين
مع الصيرمـي والحر والـبـاسـل الشّواش

وانا مجهل الي وقفته تـرهـب الـغـاويـن
وحافـظ حقوق الشال والبشت والدشداش

واحب الـوفـا والطيب من منـهـل الوافين
ورافع مقامـي من مقام الـردي والـلاش

واغـض الـنـظـر لاجات زلـه مـن الغالين
ولا يصـلـح التدقـيـق والبـحـث والنكاش

وانا والله اني مـن عـرب ماتجي فالشين
تـعـز الرفـيـق ومـاتبيعه بسعر الـكـاش

ومـن باعـنـا بـالـرخـص بعناه لـو بالدين
لـسّـوي عليه عـروض للمشتري بـبـلاش

ياصاحبـي قـسـت المسافه مـن القطرين
وحجم المساحه مـاتـوضـح مـن الخرباش

تنـبـش مـقـابـر ذكـريـاتـي ورايـح وين
ولاخـفـت ربـك فـي مـن النبش والنجاش

جـروحـي كثيره لكن الموت فـي جرحين
خـلايـا المـنـاعـه ماتـكـافـح وبـا النباش

تجليت فـي صـورة علي قبل عشر سنين
ولا مست مـوقـع علتي واستثرت الجاش

هدمـت الجدار الـي مشيّد وسـط بـرلين
خيالـي لقط صـوره جديده بـدون افـلاش

بـروفـه ختامـيـه عـلـى مسـرح الباكين
تـطـبـق جميع ادوارها و ابـتـدا لجهاش

تعديـت فـي دربـي عـرب تمتلك وجهين
تربو على التزييـف والـكـذب والـبـراش

وطـعـن القديميه مثل طـعـن ابوحـديـن
مايبري طعونه مـرهـم وغرزتين وشاش

وبيت القصيده بـطـرحـه داخـل القوسين
ولاعـاد تحتاجـون طـاسـه ولا مـنـقـاش

بدا السوس ينخر تـحـت لضراس والنابين
و افـواه بـعـض الـنـاس تحـتـاج للفتاش

يـهـل النفوس الطايـحـه ملحن بشرهين
وراس الضبي مـافيه لحمه ولا عـرمـاش

علي بن خالد الحارثي

علي بن خالد الحارثي

12-08-15, 07:49 AM

ياصاحبي لاتباطاني…. وتنساني
وعـهـودنـا لـولـه ربـي… يجملـهـا

حاول تلملم مشاعرنا على شاني
مـاودي انـك تبعثرهـا وتهـمـلـهـا

علي بن خالد الحارثي

علي بن خالد الحارثي

03-09-15, 09:01 PM

حاير وانا مدري وش الي بستفيد
سـاري ورا لفكار وافـكـاري سـرت

غنيت فيك احلاالقوافي والقصيد
كتبتها بـحـسـاس شاعـر وانـقـرت

غـلاك يجـري مـن وريـد اليا وريـد
حـفـظـت سـره والـخلايق مـادرت

لـعـاد تجرح قلبي ابجرحن جديـد
عـاد الـجـروح الـي بقلبـي مـابـرت

علي ابن خالد الحارثي

علي بن خالد الحارثي

19-10-15, 07:52 PM

يافارس الدنيا على الكيف ماجات
اجيبـهـا سـمـحـه تـجـي مـلـتـويـه

وعـزلـت من نظم القوافي ولبيات
خلـيـتـهـا لـهـل الـقـلـوب الـسـلـيـه

علي ابن خالد الحارثي

علي بن خالد الحارثي

06-01-16, 10:58 PM

يالطيف الروح يالوجه السحاوي
يـاتـريـف الـعـود يـانـور المدينه

والله انـي قبل مـاحبك خـلاوي
والخلاوي طاح في حبك رهينه

علي بن خالد الحارثي

علي بن خالد الحارثي

09-01-16, 10:38 PM

مابطرد المقفي ولو صار ماصار
طرد المقفي في شروعي نذاره

روحي مع من راح والقلب صبار
حسي بعذاب البعد وحسي بناره

علي بن خالد الحارثي

علي بن خالد الحارثي

22-06-16, 11:03 PM

عيني على تاك الرجـوم الـمـطـلـه
وعزوم ساقي تـاصـل الـي وراهـا

والـوقـت مـايثني زبـون الـمـقـلـه
عن حاجتن طول الزمان احتراها

لاخـيـر في رجلن حـيـاتـه مـذلـه
ولاخير في قومن تهين إقطراها

واعـمـارنـا تـشـبـه مـنـازل لـهـلـه
ورواحنـا سـيـف الـمـنـيـه بـراهـا

علي بن خالد الحارثي

علي بن خالد الحارثي

30-06-16, 11:30 PM

تـدري وش الـي يذبح القلب والروح
تـوفـي لشخص وبـالنهايـه يـخـونـك

وتدري وش الي يكتم الصدر والبوح
اليا كسـرك الـوقـت وخيّب ظـنـونـك

وآخر كـلامـي قبل مـاقـول لـك روح
واقفي واعيش ايـام عمـري بـدونـك

جسمي نحيل ومابـقـى داخـلـه روح
شفنـي شبه مـيـت وصـدق عـيـونـك

علي بن خالد الحارثي

علي بن خالد الحارثي

06-08-16, 03:04 AM

بـعـض المشاعـر يارفيقي لـهـا بـوح
ومـاكـل واحـد يفـهـم الـي تـبـوحـه

دامك جرحت العين والقلب والروح
مـالـك عـذر عندي ولالـك سـمـوحـه

علي بن خالد الحارثي

علي بن خالد الحارثي

27-09-16, 10:38 PM

مابكتب حروفي على شان لبداع
ابكتب حروفي عشان المحبين

والي يذوقون المراره ولوجاع
اشوفهم قدام عيني كثيرين

ياصاحبي حبك سكن خلف لضلاع
وقدرك على راسي وفي محجر العين

وانا اشهد اني فيك مغرم وطماع
والشوق في صدري نيار وبراكين

مناب لابس لك على وجهي قناع
شفني على سلم الرجال الوفين

ماجيت لك جايع ولاجيت شباع
جيتك وانا صادق واحب الصدوقين

ودي بوصلك لكن الوقت ماطاع
عيا يطاوعني وانا خاطري شين

عليك متوجد وذايب وملتاع
لوع الحبايب في وصال المحبين

علي بن خالد الحارثي

علي بن خالد الحارثي

17-10-16, 11:47 PM

للراس ماداربه والفكر ماداربه
مناب مشرقبها ولا مغربها

الي يحب البحر يوبه على قاربه
والي يحب السبق خيله يدربها

كلام متعلم وكل شي وهو جاربه
مجرب الوقت والدنيا مجربها

الناس متغيره ونفوسها خاربه
والمشكله وش مغيرها ومخربها

وجيه متراضيه وقلوب متحاربه
حب المصالح يبعدها ويقربها

واشوار متوافقه واشوار متضاربه
حسب المصالح توافقها وتضاربها

مستعربه ياعرب ولا عرب عاربه
وهل العوايد عوايدها تعربها

والكفو مايرخص بدقنه ولا شاربه
سلم على قوم ماترخص شواربها

علي بن خالد الحارثي

علي بن خالد الحارثي

30-10-17, 07:35 PM

الذيـب يـسـري والمسـاري لـهـا ذيـب
وليا عـوى تضوي علي صوتـه ذيـاب

ولـيـا لمحتونـي بـروس الـمـراقـيـب
مـعـذور من مثلي بـدا راس مـرقـاب

في صابري شيبه وفي عارضي شيب
وللشيب هيبه عند ربـعـي ولجـنـاب

ولامتلا صـدري مـن الشك والـريـب
واثــق ومـتـأكــد ولانـا بــمـرتــاب

يـهـل الـكـرامـه والشبب والمواجيب
يـلـي تحـلـون الـمـشـاكـل ولـنـشـاب

احـس قـلـبـي بين عـشـره مخـالـيب
ان سلـم من مخـلاب ينهشه مخـلاب

جرحن يطيب وجرح لايمكن يطيب
يـمـوت راعـيـه وهـو مـابـعـد طـاب

وان مـادريتـو ياهل الـعـرف والطيب
بـاقــفــل ارقـامــي وبـاصـك لـبـواب

علي بن خالد الحارثي