ياعيد كافي

[مشكلجية]

عيد الضحيّه وش جرا فيك ياعيد
فرقا وعينٍ تذرف الدمـع دافـي
مثل السنين الماضيه دون تجديـد
ياعيد أنـا والله مانـي متعافـي
ياليتني بأسمع من الزين تغريـد
أو ليتها تسمـع نـداي وهتافـي
قال إنت وشبك زايـدٍ بالتناهيـد
ياشيـخ روقنـا وخلـك سنافـي
تطير وتوقـع وتنقـص ولاتزيـد
ياسِعد منهـو جاهـلٍ بالقوافـي
ماهوب مثلك كاتبٍ بـي أناشيـد
وتسبنـي وتقـول ياعيـد كافـي
عيّد مثل ماعيّـدوا زيـد وعبيـد
روحه وجيّه في جميـع الفيافـي
خلك بدون إحساس مثل الجلاميـد
وش لك بحبٍ صايبـك بإختلافـي
قلت البلا ياعيد ذيـك المواعيـد
إسمع وأنا بأقول كـل إعترافـي
قالوا يجون وأكدوا الوعـد تأكيـد
وصرت أنتظرهم عند ذيك المرافي
عقدت نفسي بالهوى كـل تعقيـد
لاماطرالي نـور عينـي يجافـي
إرهاب حبي للوفـا فيـه تشديـد
للـي مزينهـا جميـل العفافـي
أجمل سنين العمر والإيـد بالإيـد
وبغيابها تلفي السنيـن العجافـي
في هرجها تسمع مع الهرج تجويد
والصوت من كل التشاويش صافي
عنود صيدٍ تذبحـك دون تسديـد
تروي عروقٍ صيّبـت بالجفافـي
في خصرها تشبه ترا فتحة القيـد
وإن روّحت إعرف ترا الخير وافي
ياعيد أنا ماريـد ماريـد ماريـد
إلا الذي من فوق متنـه رهافـي
هي خابرتني بالتهاويـل صنديـد
ولأجلها بأمشي على الجمر حافي
لو حبها سجنٍ أنـا أبيـه تأبيـد
ونصير أنا والزين حزب إئتلافـي
أحبها ياعيد لـو عشـت تنكيـد
وإن خالفت وعدي ولابه خلافـي

[النجديه]

تسلم يديك اختي على هالقصيده الرائـــــــــــعــــــــه

ويسلم هالذوق وكل عام وانتي بخير

والله يعطيك العافيه

[سكري]

مشكلجيه ذوق في كل شي الا اسمها
ولكن نقف ونحترم اختيارها
اختيار قمه من قمه
اختيار في محله
اخيتار يحسب نجاح للمشكلجيه
اختيار فيه الكثير والكثير
وعلى من لم يمر من هنا ان يمر يركز على الابيات التي تحمل الكم الهائل من الاشواق والعيد الناقص
نعم العيد ينقص اذا لم تكتمل في الفرحه من كل الطرقات التي تؤدي الى القلب والفرحه
الله يفرح قلووب الاحباب في من يحبون ويعشقون
ويقر عيون كل عاشق وعاشقه بمن يعشقون
وهنا نسجل حضور فقط
وكل عام والجميع بخير

[نووف المطيري]

مساء الخير والأحساس والطيبه

مشكلجيه

مشكوره علي القصيده الرائعه وكل عام وانتي بالف خير

[لازورد]

عيدكم مبارك كل عام وأنتم بألف خير مشكلجية وجميع الاعضاء ومن العائدين الفائزين
لازورد