من اروع القصائد

[عرب الشمال]

*·~-.¸¸,.-~*قصائد خالدة من التراث الشعبي*·~-.¸¸,.-~*

اخواني الاعزاء الكرام

السلام عليكم ورحمة الله وبركاته

في هذا الموضوع سنحاول ان نجعل منه موسوعة للقصائد الشعبية النبطية الخالدة والتي لم ينطفىء نار ذكرها لما تتميز به من صفات اهلتها لتكون خالدة على السن الشعراء والرواة والحفاظ ونامل من الله ان نوفق الى جمع هذه المادة سواءا من بحر الانترنت او من امهات الكتب ولي رجاء الا يضاق الرد الا بقصيدة خالدة متميزة والاستغناء عن اي رد عادي

وبالله التوفيق

القصيدة(1)

الملك عبد العزيز أل سعود (ونسبت ايضا الى الامير عبدالعزيزالكبير)




واهني التـرف موسـوع الجديلـه
لاضواه الليل بارض دون المغرزات
وردوهن هيـت وأخطـاه الدليلـه
والموارد غيـر هيـت مقضبـات
روحن مثـل القطاصـوب الثميلـه
ضمـر تضفـى عليهـن العـبـاة
قاعد فى البيت يبكـي عزتـي لـه
يوم شـاف ركـاب خلـه مقفيـات
آه من قلـب علـى جـال المليلـه
لاتذكـرت العصـور الماضيـات
عصرمن ينطـح مقاديـم الدبيلـه
لابتـي لاجـا نهـار الموجـبـات
من تعبث بالفرايـض عزتـي لـه
تقعده حرب السيـوف المرهفـات




القصيدة(2)
هبت هبوبٍ شمال ... فهد العجمي




عديت فى مرقب والليـل ممسينـي
فى ديار غرب ياعل السيل ماجاهـا
أضحك مع اللي ضحك والهم طاويني
طيات شنون العرب وان قطروا ماها
وراك ما تزعجين الدمـع ياعينـي
على هنوف جديد اللبـس يزهاهـا
هبت هبوب شمال وبردهـا شينـي
ما تدفى النـار لـو حنـا شعلناهـا
مايدفى الا حشـا مريوشـة العيـن
والا عطشنا شر بنـا مـن ثناياهـا
ياعل من لامني يعطى عمى العيـن
والا بشلفا علـى الفخذيـن مبراهـا
علـه فقيـر حقيـر وراكبـه ديـن
وأتلا حلا لـه ذلـول راح يطلاهـا




القصيدة(3)

البارحة يوم الخلايق نياما..نمر بن عدوان




البارحـة يــوم الخـلايـق نيـامـا
بيحت من كثـر البكـا كـل مكنـون
قمت اتوجد وانثـر المـاء علـى مـا
من موق عين دمعهـا كـان مخـزون
ولـي ونـة مـن سمعهـا ماينـامـا
كني صويب بين الأضـلاع مطعـون
وإلا كمـا ونـة كسـيـر السـلامـا
خلـوه ربعـه للمعـاديـن مـديـون
فـي ساعـة قـل الرجـا والمحامـا
في ما يطالـع يومهـم عنـه يقفـون
وإلا كمـا ونـة راعبـيـة حمـامـا
غـاد ذكرهـا والقوانيـص يرمـون
تسمـع لهـا بيـن الجرايـد حطامـا
من نوحها تدعـي المواليـف يبكـون
وإلا خـلـوج سـايـبـه للهيـامــا
على حوار ضايع في ضحـى الكـون
وإلا حــوار نشقـولـه شـمـامـا
وهـي تطالـع يـوم جـروه بعيـون
يـردون مثلـه والظوامـي سيـامـا
ترزمـوا معهـا وقـامـوا يحـنـون
وإلا رضـيـع جـرعـوه الفطـامـا
توفـت امـه قبـل اربعينـه يتمـون
عليـك يـا شـارب لكـاس الحمامـا
صـرف بتقديـر مـن الله مــأذون
جاه القضاء من بعـد شهـر الصيامـا
صافي الجبين بثانـي العيـد مدفـون
كسوه من بيض الخـرق ثـوب خامـا
وقاموا عليـه مـن الترايـب يهلـون
راحوا بهـا حـروة صـلاة الامامـا
عند الدفـن قامـوا لهـا الله يدعـون
برضـاه والجنـه وحسـن الخـتـام
ودموع عينـي فـوق خـدي يهلـون
حطـوه فـي قبـر غطـاه الهـدامـا
في مهمة من عرب الامـات مسكـون
يـا حفـرة يسقـي ثـراك الغمـامـا
مزن مـن الرحمـة عليهـا يصبـون
جعـل البختـري والنفـل والخزامـا
ينبت على قبـر بـه العـذب مدفـون
مرحـوم يالـي مـا مشـي بالملامـا
جيران بيتـه راح مـا منـه يشكـون
يا وسع عذري وأن هجـرت المنامـا
ورافقت من عقب العقل كـل مجنـون
أخـذت أنـا ويـاه سبعـة اعـوامـا
مع مثلهـن فـي كيـف مالهـا لـون
والله كنة يـا عـرب صـرف عامـا
يا عونة الله صـرف الأيـام وشلـون
وأكبر اهمومـي مـن بـزور يتامـا
وإن شفتهم قـدام وجهـي يصيحـون
وأن قلـت لا تبكـون قالـوا علامـا
نبكـي ويبكـي مثلنـا كـل محـزون
لاقلـت وش تبكـون ؟ قالـو يتـامـا
قلـت اليتيـم ايـاي وانتـم تسجـون
قمـت اتشكـا عنـد ربـع اعـدامـا
وجوني علـى فرقـا خليلـي يعـزون
قالـوا تـزوج وانـس لامـه بلامـا
ترى العذارى عـن بعضهـم يسلـون
قلـت إنهـا لـي وفقـت بالـولامـا
ولـو جمعتـم نصفهـن مـا يسـدون
مـا ظنتـي تلقـون مثلـه حـرامـا
ايضا ولا فيهن علـى السـر مامـون
وأخاف أنـا مـن غاديـات الذمامـا
اللي على ضيـم الدهـر مـا يتاقـون
أو خبلـة مــا عقلـهـا بالتمـامـا
تضحك وهي تلذغ على الكبد بالهـون
تـوذي عيالـي بالنـهـر والكـلامـا
وانا تجرعنـي مـن المـر بصحـون
والله لــولا هالصـغـار اليـتـامـا
وخايف عليهم مـن الدجـه يضيعـون
لقـول كـل البيـض عقبـة حرامـا
واصبر كما يصبر على الحبس مسجون
عليـه منـي كـل يــوم سـلامـا
عدة حجيج البيـت واللـي يطوفـون
وصلـوا علـى سيـد جميـع الانامـا
على النبي يللـى حضرتـوا تصلـون

[نووف المطيري]

مســــــــــاء الخيـــــــــــــــــــــر
عرب الشمال

الله يعطيك العافيه ويسلم عمرك على هذا النقل الاختيار الرائع

اتمنى لك كل التوفيق والتقدم

[حمود الباتع]

السلام عليكم ورحمة الله وبركاته



واهني التـرف موسـوع الجديلـه
لاضواه الليل بارض دون المغرزات ....

تصحيح البيت الأول زادت كلمة بأرض..عذرا ً عرب الشمال ..لن اتدخل في من القائل ولا في ترتيب الأبيات ولكن القصيدة تنتهي بتاء مكسورة وهنا لاتظهر الحركات فيلزم كتابتها بالياء لتنطق صحيحة ..

واهني الترف موسوع الجديلة=لاضواه الليل دون مغرٌزاتي


عديت فى مرقب والليـل ممسينـي
فى ديار غرب ياعل السيل ماجاهـا
أضحك مع اللي ضحك والهم طاويني
طيت شنون العرب وان قطروا ماها
وراك ما تزعجين الدمـع ياعينـي
على هنوف جديد اللبـس يزهاهـا
هبت هبوب شمال وبردهـا شينـي
ما تدفى النـار لـو حنـا شعلناهـا
مايدفى الا حشـا مريوشـة العيـني
والا عطشنا شر بنـا مـن ثناياهـا
ياعل من لامني يعطى عمى العيـني
والا بشلفا علـى الفخذيـن مبراهـا
علـه فقيـر حقيـر وراكبـه ديـني
وأتلا حلا لـه ذلـول راح يطلاهـا

مثل هذه القصائد المعروفة تتعدد رواياتها وتختلف رواية ونطق الكلمات من رواية لأخرى ..
والأخطاء الأملائية تحتاج الى التعديل ..

عذرا ً لك عرب الشمال وعذرا ً للمشرفين الأعزاء على ابداء الملاحظة ولكن من واجبنا التعاون لنظهر بما نحب

للمشرف الحق بحذف تعقيبي أن لم يرق لكم

تحيتي مع اطيب الاماني

[إبن دواس]

الله يعطيك العافيه