المساعد الشخصي الرقمي

مشاهدة النسخة كاملة : لمن هذه القصيده وماقصتها


ضيف القصيم
01-01-06, 05:33 PM
السلام عليكم ورحمة الله وبركاته
المشرف العزيز والاعضاء وجميع الزوار مساكم الله بالخير
هناك قصيدة اود منكم مساعدتي لمن يعرفها . ومن يعرف قائلها وقصة هذه القصيده
اتمنى من يعرف شي عن القصيده ان يزودني بها والف شكر للجميع
القصيده هي :
ابي اتمني عندي الفين مليون
والفين دلة والاباريق مليون
وبيت مسوبع بارض الحمادي
...................
.......................
.............. ..........

أم أديم
01-01-06, 05:56 PM
هي قصيده قالها شاعر ورد عليه شاعر آخر وكان هذا الصوت والصدى ولا أعرف القائل



أبا أتمنى عندي ألفين مليون
=وبيتٍ مسوبع راكزٍ بالحمادي
وأبي شقاق البيت حرير .. ويكون
=مخيوط في سلك الذهب خيط عادي
والفين خلفه والحرس ماينامون
=واربع رعايا وضح شيّ(ن) وكادي
وخمسة بنوز مجهزه بالتيليفون
=والأجهزه دايم علينا تنادي
والفين دله والأباريق مليون
=وبالليل مايطري عليك الرقادي
وخمسين جمس وفوق خمسين صالون
=وإمن الحفيز وكلبوهن جدادي
وأربع إعيال(ن) لأدمس الليل يمشون
=على أحمر الكبوت وقت البرادي
وأبا أتمنى صخيّف العنق مزيون
=اللي عليه دموع عيني عوادي
وأبي أسد الدين عن كل مديون
=وأصبر على الشدات صبر المهادي

.
.
.


رد عليه شاعر اخر


.
.
.


ياللي تمنى عندك ألفين مليون
=وبيتٍ مسوبع راكزٍ بالحمادي
والله لو عندك كثر مال قارون
=ماينفعك شيّ(ن) وراه النفادي
المال كثره شر وإبليس ملعون
=وكم من غنيّ(ن) ماأهتنى بالرقادي
وأبا أتمنى يوم صرتوا تمنون
=عسى يتحقق من منايه مرادي
أبي تعود القدس والرمح سنون
=ماأبغى بها داعي الخبايث ينادي
ويعود الأقصى وفيه قوم(ن) يصلّون
=متحررين(ن) تحت راية جهادي
وأبغى العرب فوق الخلايق يهلّون
=متكاتفين ورافعين الأيادي
يرجع لنا ماضي له سنين وقرون
=وبياضها يمحي بقايا السوادي
وأبا أتمنى من ثرى المال مليون
=ماهو ببذخ ولابي غير الوسادي
منها عطى الله يقصدوني يسِإلون
=وأكرم ضيوف الدار حضر وبوادي
أقولها يومنكم به تقولون
=لكني بوادي وإنتم بوادي
مقدر أسد الدين عن كل مديون
=رزق الخلايق عند رب العبادي

كنادر هجوم
02-01-06, 04:39 AM
اطلع منها


مادري منه

ضيف القصيم
02-01-06, 09:48 PM
اخت الكل
الف شكر وممنون وبارك الله فيك وتعاونك



الاخ كنادرهجوم والله مافهمت وش تقصد

عوض ناشي
03-01-06, 01:00 AM
ضيف القصيم


حيااااااااااااااك الله


واختي العزيزه


ام اديم


جاوبتك على سؤالك


...................


اختي الغاااااااااااليه


ام اديم


سلمت اناملك وسلم راسك وعقلك وفكرك

وصح لسانك مليون ولا يكفون

اسمحيلي اختي العزيزه

القبك بلقب ؟؟؟


... ( شمعة المنتدى ) ...


تقبلي خاااااااالص


تقديري واحترامي


اخووووووووك