المساعد الشخصي الرقمي

مشاهدة النسخة كاملة : *** مواقف مؤثرة مع احد لاعبين نادي النصر؟؟ ***


حبّوب الساحات
26-08-13, 07:22 PM
اول شي انا ماني نصراوي ..

ولا هلالي ..

ولا اتحادي ..

انا اشجع اهلي ..

عفوا !!

مو اهلي جده ؟؟

اهلي في البيت

لعل بعضكم يعرف اللاعب عبدالله عبدربه ؟؟

نعم نعم

صاحب الساق الذهبية

يقول واحد من الدعاة : يوم كشفت وشفت ساقه لقيتها ملحة

هذا اللاعب احبه حيل حيل واحب اركب واروح واجي معه ..

عليه اسلوب في جذب الناس عجيب !!

مرة شاف شباب يعاكسون بنات والبنات منزعجات ..

راح للشباب وبكل هدؤ قال يا شباب اذا تبون بنات ومو اي بنات !!

جمال ينسيك الدنيا ..

ابشروا وتامرون بس بشرط ..

الشباب طاحت سعابيلهم قالوا وين نلقاهم ذولا ووش شرطك ..

قال الشرط انكم تجعلون الله في قلوبكم اعظم من كل شي والبنات بتلقونهم في الجنة ..

حور عين

تأثروا الشباب وقالوا جزاك الله خير ..

عبدالله عنده سرعة بديهة ..

مرة شاف سوداني يشرب دخان ..

راح له وقال قل امين !!

قال السوداني آآآآآآآآآآآآآآآآآآآآمين

قال الله يكثر السود في الجنة

على طول السوداني طفى الزقارة واستحى !!

آآآآآآآآآآآآآآخر موقف ..

عبدالله يشتغل في وزارة جنب الوزارة اللي اشتغل فيها واحيانا يمر علي الصبح نروح العمل سوى ..

مرني يوم وقال ودك نفطر قلت طيب ..

رحنا لبوفية نعرفه وطلبنا الطلب وجلسنا ننتظر ..

دخل واحد وقال : يا معلم وش عندك سندوتش ؟؟

قال ايييييييييييييييييييييييييه ..

قال شلون شغلك ؟؟

تدخلت انا وقلت : شغله زين مرة !!

التفت علي وقال شدخلك .. محد سألك !!

انا رجعت لقواعدي مع شوية تلقيط وجه

عبدالله يراقب الوضع وبغى يتدخل واستخدم ذكاءه ..

قال ابو عبدالرحمن "" يقصدني ""

سمعت آآآآآآآخر نكتة

قلت لا !!

"" الرجال يناظرنا بطرف عينه وكني به يقول : الله من المصالة مطاوعة وينكتون !!

قال عبدالله : هذا واحد اعرفه آآآآآآآآآآآخر الليل فاضي ما عنده شغل قام يدور عالقهاوي !!

جا عند اول قهوة قال عندك شاهي ؟؟

قال ايييييييييييييييييييييييييه

قال بارد ؟؟

قال لا حار

طيب شكرا

راح للمقهى الثاني ..

عندك شاهي ؟؟

ايييييييييييييه

بارد

لا حار

شكراً

راح للمقهى الثالث ونفس الشي

عبدالله يقول النكتة والرجال يناظرنا بطرف عينه كنه يقول ذا فلم هندي مو نكتة

المهم

قال عبدالله : راح للمقهى السادس ..

سلام

وعليكم السلام

عندك شاهي

ايييييييييييييييييييه

بارد










ايييييييييييي والله بارد

قال الرجال طيب سخنه

خوينا فرقع يضحك ودخل معه عبدالله وصار خويه وانا ..

جلست انتظر الشاهي يسخن والله المستعان

سرمديه
26-08-13, 11:58 PM
ماشاء الله
الله يكثر من أمثاله يارب
بديهه حاضره خصوصاً مع آخر موقف
وأخلاق عاليه وجميله ..



يعطيك العافيه ياحبّوب الساحات