لا....تحدى

[العنود2003]

إهداء لمنتدى قصيمي نت اتمنى تعجبكم:


أعرف ان الصراحة في ّ طبع وسجية
والهوى ماتغير منزله في فؤادي

***
أيـــــــه00 أحبك لكن لا تحامل عليّه
صعب تهزم كياني بالخطا والتمادي

***
كلمة الحب عندك شكلها جاهليـــــة
كان تحسب وراها صار هيّن قيادي

***
الصخور العوالي في الليالي الندية
ناعسة بس تشبه في صلفها عنادي

***
والله اني عنيدة لانويت وعصية
وكان تبغى التحدي صعب تلحق مرادي

***
عزتي ماتموت أغصانها في ايديّه
دامني ما غويت ولا نسيت المبادي

***
صون حبك وحاول تعتذر في الخطية
وان جرحتك تذكر منزلك في فؤادي



ذيا شروط من يحب العنود.....لوووول امزح ياشباب



العنود بنت خالد

[حمد الشرعان]

والله اني عنيدة لانويت وعصية
وكان تبغى التحدي صعب تلحق مرادي

***
عزتي ماتموت أغصانها في ايديّه
دامني ما غويت ولا نسيت المبادي

***
صون حبك وحاول تعتذر في الخطية
وان جرحتك تذكر منزلك في فؤادي
=========================



كفو يا بنت خالد ايه يالغشمريه=انشهد انك اصليه وتقنين المبادي
الهوا صلف قوه والاما ني عصيه=والامل راح عمره هذا حسب اعتقادي

العنود

صح لسانك

حكمه

شموخ

كبرياء

خضوع للمبادئ

العنود

صح لسانك مره اخرى

[العنود2003]

يامرحبا ياعذب المشاعر وحياك***اشرق شروق الشمس ساعة حضورك

[نووف المطيري]

صح الساانج اختي العنود

كلمات رائعه واحسااس راائع


ودمتي
مع خالص وارق تحياتي

[العنود2003]

يانوم عيني يانوف تسلمين حبيبتي

[فراشي هم ولحافي غم]

صح لسانك اختي

لاهنتي

[فراشي هم ولحافي غم]

صح لسانك اختي

لاهنتي

[العنود2003]

الله يحفضك من الهم والغم
والموت حق وكل نفس تذوقه***مير البلى من ذاق موت ولامات

[سكري]

الاخت العزيزالعنود 2003

تسلمين على هذا النزف الصادق الذي يعبر ويتغلغل دون حول ولا قوه
نزف متمكن
نزف وحضور معاً
حضور قوي
حضور نحتفي به وخصوصاً في ندرة الشاعرات
حضور نحييه ونصفق له
حضور يحسب انتاصر للشاعرات في خيمة قصيمي نت
العنود بنت خالد شاعره لها بصمتها في كل مكان
شاعره تعزف على وتر النزف الشعري
شاعره نقف له ونصفق لها ونهتف بحضورها

شاعره امامها الف علامة ؟؟؟؟

شاعره من الطراز الثقيل في الشعر لنسائي الغائب الحاضر
شاعر تجبر القوافي على السمع والطاعه
شاعره تعبر محيط الارض عندما تمسك بالقلم وتقف على اخر حدود الكون وهنا نحن نبحر معها الى احر حدود القاف
شاعر حماسيه
شاعر شعرها وليد الحظة وهذه الميزه تكفي ان نحتفي بها ونقتفي اثرها لانها شاعره تغرف من بحر

ولكن يجب التركيز مع كل هذا لكي نبدع بحرفنه شعريه
يجب ان لا نتسرع ونترك وساحه للمراجعه
يجب ان نكون صحب من الحرف والقاف لكي ننسجم ونكون نوته شعريه من يمر من امامها يقف احتراماً وتقديراً
وهنا نحن نقف احتراماً وتقديراً للعنود 2003
.
.
سكري

[العنود2003]

بالصراحه احرجتني(wtg) ياسكري ولاادري وش اقول
هل فعلا انا استاهل مدحك هذا ام لا؟؟؟رغم وجود بعض الاخطاء
بس ارجع واقولك:

سامرت ليلي وانا افكر فيك****سليت عن كل باقي الناس

كريم اطباع والحلا فيك****كلك مشاعر وذوق وإحساس

روح ولاتحسف لاغبت اجيك***روح واعلنتها قدام كل الناس

ياللي روحك للعدو مهاليك****يفداك اللاش ياعريب الجد والساس

لاحظ حروف اسمك في شطر كل بيت ...عفوا حروف طيرك سكري لووووول
شكرا اخوي وتستاهل الطيب


العنود بنت خالد

[السـيف]

العنود 2003
صح لسانك
شاعره جزله
اختي العنود جزله والله جزله في قوة المنى والاسلوب المميز حتى في القافيه جداً رائعه
وهذا يتضح من متابعتي لك في موضوع مسابقه شعريه اثبتي انك شاعره تمتلكين كل مقومات النجاح
ولكن يعابك عليكِ التسرع
الشعر تأني ، الشعر تمحيص ، الشعر فرز ، الشعر مفرده ، الشعر اتقان
الشعراء اصحاب المعلقات الاغلبيه منهم يعتكف على القصيدة 6 اشهر لكي يخرج لنا قصيدة تليق بالمتلقي
ويفتخر بها الشاعر
انا لا اتهجم عليك اختي العنود لكن كل ما اطلبه منك ان تتريثي عند الاعلان عن القصيدة ،
وان تستشيري وان تلقي القصيدة على احد زميلاتك الشاعرات مهما كانت شاعريتها وان كنتي تتفوقين عليها ، ربما تفطن لخطاء اغفلتيه انتي ربما

ارجو ان تتقبلي هذا التعديل



أعرف ان الصراحة في ّ طبع وسجية=والهوى ماتغير منزله في فؤادي

التعديل هنا طفيف


أعرف ان الصراحة طبع ماهو سجية=والهوى ماتغير منزله في فؤادي


أيـــــــه00 أحبك لكن لا تحامل عليّه=صعب تهزم كياني بالخطا والتمادي

التعديل طفيف لا يذكر ولكن لكي يستقيم البيت فقط حرف الواو



أيـــــــه00 أحبك ولكن لا تحامل عليّه=صعب تهزم كياني بالخطا والتمادي



السيف

[عوض ناشي]

صح الساااااااااااانك


اختي العنود


كلمات رائعه واحسااس راائع



الشاعره العنود والشروط عنيده


تقلي تحيااااااااااااااتي


اخوووووووووووك

[شبيـه الريـح]

صح لسانك العنود

ألف شكر على هالقصيده الروووعه

[العنود2003]

اخوي السيف نصيحتك راح أخذها بعين الإعتبار وأشكرك مــــن كل قلبي

أخوي الشاعر عوض بن ناشي لاهنت ياالغالي

أخوي شبيه الريح أشكر مرورك الكريم

وأشكركم جميعاً رفعكم معنوياتي

أختكم العنود بنت خالد

[@الحساس@]

قصيده رائعه بس فيها من الكبرياء الكثير .......ارجو ان تقبلي ردي المتواضع بصدر رحب




يا اللي الصراحه فيك طبع وسجيه=مشاعري لخبطتها في فؤادي
تبي المحبه وانت تقسى عليّه =وشلون ببني عليك اعتمادي
علوم الحب من عهود الجاهليه = توثق علاقه مثل ربط القيادي
من شبك ايديهم رحاها نديّه = سارو بكعس الريح زادو عنادي
انا تحدى السوط واكسّر عصيّه= والوي رقاب الموج وابلغ مرادي
للعز رايه سوّرتها يديّّه=ماتنحني دامي على ساس المبادي
لا صار حبك لي اكبر خطيه=اخذ العذر مني ورجّع فؤادي

[النجديه]

صح السانك يالعنود

وتسلم يديك على هالقصيده الرائعه

والله يعطيك العافيه

احنا في انتظار جديدك القادم

[ALBRAEK]

السلام عليكم.

قصيدتك رائعة جدا أختي العنود...إهداء ولا أجمل.

جزيل الشكر لك ...فقد سطرتي إبداعا...هنا.

تقديري واحترامي لك.

أخوك فهد.

[حمود الباتع]

العنود

صح لسانك مليون ولايكفون

قصيدة رائعة

ونصيحة أو تعديل الأخ السيف يضفي قوة الى قوة الأبيات

وأعتقد أن التعديل يحتاجه القارئ الغير شاعر أما الشاعر فلن يجد أي خطأ أو كسر ..

قرأتها بالتشكيل ومد بعض الحروف والوقف عند بعض المقاطع فلم أجد ضرورة للتعديل >>>هذا رأيي الخاص

وللجميع تحيتي وتقديري

[زايدالخير]

الله يعطيك العافيه من اروع ماسمعت

[عبير نجد]

قصيدة غاية في الجمال
الله يعطيك العافيه

[العنود2003]

اختي الغاليه بنت نجد اشكر مرورك الكريم ولاهنتي يالغاليه وابشري في قصيدة لي بمناسة العيد والغربه بنزلها باكر ان الله اراد
اخوي حساس اشكر إحساسك المرهف وردك زين للي يستاهل حبك
وعلى قول اختي النجديه
يكفي ا ني من نجد تعلمت***إن الخضوع لغير ربي مذله
وصح لسانك ولسان النجديه

[العنود2003]

اخوي فهد لاهنت واشكر مرورك الكريم
زايد الخير اشكرك على الاطراء وبارك الله فيك

[العنود2003]

اخوي خالد العالي اشكر تعليقك على الموضوع وانا احترم رايك كشاعر مبدع وراي السيف وكل عضو في المنتدى واستغرب إنقطاعك عن الساحه الشعريه عسى المانع خير...ليكون تحب لوووول
اشكركم جميعاوبالتوفيق

[العنود2003]

وياهلا والله بعبير نجد وفياضها
تعطرت قصيدي بمرورك الجميل تسلمين حبيبتي لاهنتي

[السـيف]

اخوي خالد العالي اشكر تعليقك على الموضوع وانا احترم رايك كشاعر مبدع وراي السيف وكل عضو في المنتدى واستغرب إنقطاعك عن الساحه الشعريه عسى المانع خير...ليكون تحب لوووول
اشكركم جميعاوبالتوفيق


العنود 2003
تقبل النقد يزيد من جمهورك وشعبيتك
ونقف ونحترمك اكثر واكثر
وهذا ان دل على شيء انما يدل على مدى الثقه التي تتمتعين بها كاشاعره
اقف احتراماً لك


السيف

[العنود2003]

لاهنت يالغالي
احرجتني