المساعد الشخصي الرقمي

مشاهدة النسخة كاملة : وجدي عليكم وجد حي على ميت


ونيس1
14-04-13, 01:36 AM
هذه الابيات لها مايبررها وهي تحكي عن نفسها
ارجو ان تروي ذائقتكم الشعريه


روحي ياجعل فجوجها لك تخاتيت = وعسى لك الايام حلوات وجداد
والله مانسى عشرتك لو تناسيت = ولايدلهني عنك حلوات الاخداد
قطعة سنين بعشرة الزين قضيت = ليت الزمان الحلو يازين ينعاد
اقفيت ياعذب اللمى عني اقفيت = وخليتني دمعي على الخد ينقاد
اخذت لب الروح وشعاد خليت = اخذت لب الروح والقلب وفواد
بنيت لك بين المعاليق لك بيت = وحبك لجى بين المعاليق من غاد
اخفيت عنك اكثر مما كنت انا ابديت = خوفا عليك تحارب الملح والزاد
اكنها بالقلب عنكم وخفيت = حب(ن)لجى باقصى الحشى يسند سناد
واليوم ياعين المهى يوم قفيت = اقولها ماني عن الناس نشاد
وجدي عليكم وجد حي(ن)على ميت = هالو عليه من الثرى بين الاشهاد
الزاد كن ملوث(ن)به حلاتيت = والعين جافى جفنها حلو الارقاد
ماينفع الونات هو والتناهيت = ولاينفعه دمع(ن) على خدي ابداد
البارحه ياعذب الانياب عانيت = نار(ن)بكنون الحشى توقد وقاد
قريت مضمون الرساله وونيت = ونة طريح(ن)طاح والخيل شراد
عليك ياللي بالضماير تعليت = وحبك يكفيني عن الشرب والزاد
ياليتني في عشرتك ماتماديت = ليامى ملكت الروح والقلب وفواد
ويم(ن) غلض حب الموده وقصيت = قصيت حبل الوصل ياعرب الاجداد

بقلمي
ونيس