المساعد الشخصي الرقمي

مشاهدة النسخة كاملة : قصة قصيده قريبه يحبها جدا لدرجة الجنون وهي تحبه جدا


@الحساس@
01-12-05, 05:18 PM
السلام عليكم ورحمة وبركاته.

اشكر القائمين والمشاركين في هذا المنتدى العضيم المبدع و الشيق في كل جديد ....ارجو ان تقبلوني عضو واخ جديد لكم في هذا المنتدى.واليوم عندي مشاركه بسيطه جدا ارجو ان تعجبكم وتنال الرضى منكم ..

احد الاصدقاء كانت له قريبه يحبها جدا لدرجة الجنون وهي تحبه جدا....
تقدم لخطبتها وهو على يقين ان ابوها موافق بحسب القرابه التي بينهم..ولكن فوجئ بلرفض لن اطيل كثير الرجل تاثر لدرجة ان عقله اختل و لم يعد يميز
(الله يكفيني وياكم شر العشق) مرض الشاب وكنت ازوره وامه تقول لي حاول تهون عليه وقوله كل شي قسمه ونصيب بس الولد عقله ما كان معاه يهلوس وينادي فلانه.. فلانه ... فلانه.. وتخر دموع ما ادري منين مصدر نبعها ..وكنه يقول يمه مااقدر انسى مااقدر ماهو بيديني والله اثر فيني كثير فا كتب هذي القصيده


(عيون القصايد)

• ياضياع الوقت في عيون القصايد = وياحسافة الشوف ماشاف اجنبيه
• النضر يا ناس لــه القلـــب قايد = وقادني لعيــون بنــــت اجــــوديـــــه
• لارحمه لاخوف من رب العبا يد = يخازرني بلعين له عيني سبـــــيـــــــه
• يوم الهوى بيني وبينه وكايــــد = سكنت انا تابوت كتبت الوصـــيـــه

• وفرحه لشوفه رحت انا اعايـــد = اركـض مع البزران اقول عيديـــه
• من فرحتي اغني واقول النشايد = واصلي الضهر فـي وقـت العشيـه
• مورد الخدين فيه الحســـن زايـــد = الخـصر نجدي والعينين شاميــــــه
• ابعد الحض عني وقف محايـــد = عيا يطيع الوقت يجمعنى سويه
• يمه لا تقولين كثرت القصايــد = اساعــد الــوصـف ذبحتـــه الـبنيه
• يمه تقـيدني في حبـــه حـــدايـــد = افخر بحز القـــيد لــــــو جـرح يد يــه
• يمه ابي ماي اطفي به وقايـد = نار الهوى شبـت فـي صــدري ضريــه
• يمه ابي حضنك لخديني وسايد= واذكر الـلــه وتوافـيـــــني الـمنـيـــــــه
• وارفعي الكفين وحلال الشدايد= يجمعني وياه فـي جـنــــته عـدنـــــيـه[/[/poem]

فلاح بن منشار
01-12-05, 09:56 PM
الحساس


تسلم على هذه المشاعر الثكلى

رغم ماعلى الوزن من ملاحضتات

إلا ان بها من المشاعر ماجبرني على تسجيل الحضور


لاهان راسك يالذيب والله يعين صاحبك



تحياتي وتقديري

@الحساس@
02-12-05, 12:51 AM
الله يعطيك العافيه اخوي فلاح

وشكرا لمرورك على القصيده

بس ممكن تبين لي وين ملاحضاتك بلضبط

@@منيره القصيم@
02-12-05, 02:35 AM
الله يعطيك العافيه

فالح الهاجري
02-12-05, 03:14 AM
هلا الحساس
الله يعين صاحبكم علما ان الشئ اللي ماتضمنه لاتقول عليه
الوهم وهم ماتسمع دعاه بعض العجز جعلك الوهم ههههههههه

لكن استلم هالبيتين مشاركه من عندي لك :


اشوف انا الحساس جاب الفرايد 00 يوم المشاعر من كيانه قويه
الحب تالي الوقت فيه النكايد 00حب الرسايل والعلوم الرديه
قفل طريق الحب واخذ الوكايد 00الحب بعد العرس عيشه هنيه
وما كان قبل العرس مابه فوايد 00 حسب الشريعه والاصول العذيه

تقبل تحياتي
اخوك
فالح الهاجري

@الحساس@
02-12-05, 10:55 AM
شكرا اخوي فالح لتفاعلك مع القصيده

ووالله انك منت بسيط ردك كان عالي المستوى000سبحان الله بعض الناس مولود كذا شاعر

بس اللي ابي اقوله :الحب هو الفارس الوحيد الذي لا يقاوم

وما بعد جى اللي يقهره





مايسمع النصح ويا الفوايد0000000000اللي قلوبهم بلهوى مستويه
للحب يركع فرسان الشدايد 000000000000بكى خوي ليلى العامريه

@الحساس@
02-12-05, 10:57 AM
شكرا اختي منيره لمرورك على القصيده

النجديه
31-01-06, 12:42 AM
مشكووور اخوي على هالقصه والقصيده

و الله يعطيك العافيه

شبيـه الريـح
31-01-06, 11:00 AM
هلا أخوي الحساس



قصه رائعه وقصيده أرووع الله يعطيك العافيه



وبأنتظار جديدك

ابو شدق
31-01-06, 11:07 AM
الله يعطيك العافيه

والله يعين صاحبك