المساعد الشخصي الرقمي

مشاهدة النسخة كاملة : راح الزمان اللي به الناس وافين * * وجانا زمان ليتنـي مـا لقيتـه


عاشقة البر
20-12-12, 01:11 PM
بسم الله الرحمن الرحيم



أحبتي في الله

,,,

الحياة هكذا هو مبدئها

تارة سعادة وتارة حزن

,
,
,

هنا
سأترك العنان لقلمي ليسطر ما يجول في خاطري وفكري

,,,

ليكتب الأتراح والأفراح

,,,

ليكتب جميل الذكريات

,,,

ليكتب أعبق الكلمات

,,,

ليكتب أسمى الأبيات

,,,

من أجلكم أحبتي





تم افتتاح المدونة

7 / 2 / 1434هـ

الخميس

عاشقة البر

عاشقة البر
20-12-12, 01:19 PM
يا رحمن يا رحيم

اشفي جدتي شفاءً ليس بعده سقمًا

يا رحيم الطف بها و احفظها

عاشقة البر
20-12-12, 01:36 PM
ليس ببيت شعر وإنما خاطرة

ألا يا منفذ النويصيب لك مني تشاريه
ليه جواز أمي وأبوي بالختم تختمونه

عاشقة البر
20-12-12, 01:44 PM
يارب
إنك تعلم أن لي أحبة

لم ارهم منذ فترة !!...
,,,

ولا أعلم كيف هي أحوالهم ؟!...
,,,

ولم يسمح لنا الوقت بأن نلتقي
,,,

فاحفظهم واجمعني بهم

وهم باتم الصحة والعافية

عاشقة البر
20-12-12, 03:40 PM
ليه بعض البشر من الفرح محرومه ؟!
وليه دموع اليتيمه ما به أحدًا يمحيها ؟!
وليه القسى والطمع للناس صار طبيعه ؟!
وليه دروب المحب دايم عسيره ؟!
وليه الحقد والحسد صار للبشر عاده ؟!

عاشقة البر
24-12-12, 04:19 PM
ألـــيا أنشدوك الناس وش بينك وبينه ؟

قل لهم


حياتي قصيدة


وهو شاعرها

عاشقة البر
24-12-12, 04:30 PM
هديتلك " قلبًا " ماسكن فيه ( مخلوق )


" قلبًا " عجز لايقنعه أي إنسان !!


" قلبًا عنيد " ونظرته " دايمًا فــــوق "


" قلبًا كتوم " وماشكى هم وأحزان "


" قلبًا "بغاك وحافظك وسط صندوق


" قلبًا " ترى " غيرك " فلا هزه إنسان "

عاشقة البر
24-12-12, 04:49 PM
كان الرجولة بالمظاهر والاشكال
عزالله اني ماعرفت الرجوله

وكان الرجوله بالمواقف والافعال
عز الله اني مرتوي يالخجوله

عاشقة البر
24-12-12, 04:52 PM
يـخـسـي قــلـبـي إن كـــان لجـــلك يذلــنـــــي
الحـــب ماهـو مـذلـة إنسان لإنــــســـــــــــان



ما انخلق بعــده اللـي تحـت رجـله يحـطــنــي
ولا انخلق اللي عشانه نـفــســـــي تنــــــــهان

عاشقة البر
24-12-12, 04:55 PM
بعض العرب حبه يوردك الجنون
ولا يوصف له غلاه حكاك له

عاشقة البر
24-12-12, 05:07 PM
يا طير بلغ صاحبي كان تلقاه
يا طير عن فرقاي ياما نهيته


يا طير هذا منزله ذاك ما طاه
وهذا المراح وذاك يوم التقيته


ماكل من يضحك ويبدي ثناياه
يبدي الموده والخفا مادريته


يا طير هذي قصتي كان تلقاه
عطه القصيده كان شفته وجيته

عاشقة البر
24-12-12, 05:12 PM
ياشيخـــي إبشــر لو تدور الدّواليـــب
بنتـــك إلا منـــّه عــوى الذّيــب ( ذيبه)

عاشقة البر
24-12-12, 05:13 PM
ابــوي بنتك لا انحكـــــى بالتــّجاريب
كـــل ٍ يشق لهيبــــه الصـــّيت جيبـــه

يابـــوي مـــاني من ســـوات المخاريب
اللـــّي تجيب لعليــــَة القــوم خيـــــبه

ومــاني من اللــّي لامشت حفــّها الرّيب
أنا مـــن اللــّي مايـــدنـــّس حليبـــــه

مـــرفوع شـــاني عن غــرام المكاتيــب
وأكبـــر من انّني أرتضـــــي بالحبيبه

عاشقة البر
24-12-12, 05:15 PM
ياليت ان الزمن يرجع ورى ولا الليالي تدور
ويرجع وقتنا الأول وننعم في بساطتنا

عاشقة البر
27-12-12, 08:28 PM
http://www.youtube.com/watch?v=daby4Glzm0U&feature=player_embedded#at=15

عاشقة البر
27-12-12, 08:55 PM
وانا والله اني ماتهنى بحلو النوم
ورفيقي عليه هموم الايام ملتمه

اشيل الحمل منه واحطّه علي واقوم
مقام يورد مظمي الما على الجمّه

عاشقة البر
27-12-12, 09:02 PM
أَخِـلاَّءُ الـرِّجَـالِ هُـمْ كَثِيـرٌ

وَلَكِـنْ فِـي البَـلاَءِ هُـمْ قَلِيـلُ

فَـلاَ تَغْـرُرْكَ خُلَّـةُ مَنْ تُؤَاخِـي

فَمَـا لَكَ عِنْـدَ نَـائِبَـةٍ خَلِيـلُ

وَكُـلُّ أَخٍ يَقُــولُ أَنَـا وَفِـيٌّ

وَلَكِـنْ لَيْـسَ يَفْعَـلُ مَا يَقُـولُ

سِـوَى خِلٍّ لَهُ حَسَـبٌ وَدِيـنٌ

فَذَاكَ لِمَـا يَقُـولُ هُوَ الفَعُـولُ

عاشقة البر
27-12-12, 09:22 PM
يا زينها ايام الطفوله

نلعب سوى ... نضحك سوى ...
حتى البكا ... نبكي سوى...

يازينها ايام الطفوله

عند البحر نبني جبل ... حتى ولو طاح الجبل
مابه زعل .. نبنيه مره او ثلاث

يازينها ايام الطفوله

انت وانا سمن وعسل .. وعدونا خوف الأهل
عن شوفهم ما نبتعد.. ورغم هذا نلتقي

يازينها ايام الطفوله

تحت المطر متماسكين.. حتى الدفا يجي لنا
حتى المظله ما تفيد.. دام اننا متماسكين

يازينها ايام الطفوله

وبعد الكبر .. وطول العمر ..صار الزعل شي اكيد
واكبر عدو من بيننا .. عذالنا وقول الحسود

يا زينها ايام الطفوله

عاداتنا اتغيرت.. وكل واحد له طموح
صعب التفاهم والرضوخ... وتالي محبتنا فراق..


يــــــــــــــــــا زينها ايام الطفوله


يـــــــــــــــــــازينها ايام الطفوله....

عاشقة البر
27-12-12, 09:32 PM
آمنت

بأن غير وجه


أبـــــــــي


مجرد

أقــــــــــــــنــــــــعـــــــــــــــــــــة

عاشقة البر
27-12-12, 10:07 PM
واااااااااااااااو

ونااااااسه

124 مشاهد

شي يونس

:c010:

الله لا يحرمني منكم

عاشقة البر
28-12-12, 07:03 PM
وفاي من طبع أبــــوي

{ اكتسبـــته }

وطبع السماحة من أمـــــــــي

{ خذيــــته }

طبعي ( كذا ) ماهو بـــدورٍ

{ لعـبتــــه }

الطيب شيـد داخل الـــروح

{ بيــتــــه }

والكـُره من دفتر حيـــاتي

{ شطبــــته }

وحكمة زماني من شــرانــي

{ شــريتــه }

عاشقة البر
28-12-12, 07:05 PM
كل عاقل يآخذ الدنيا عبر
من خداريس الليالي ب الحياه
والرجل لولا العزيمه والصبر
ونعمة النسيان ماظني خطاه:
إتقدم به مسافه أو شبر
ولا تفيده هقوته ب اللي هقاه
كم واحد ضاع كسره ماجبر ؟
كنّه اللي غرق في واد المياه
إبتدى : ياحظ ! ثم حظه دبر
وكل حاجه غاليه قفّّت معاه
ماتفيد ب حسرته هل العبر
ومايفيده كود ( خالق ) ما نساه :
لا بدى ب الذكر ! ذكر الله كبر
فوق ( همّه ) و( النفوس المبتلاه )
الحياه أوراق ، والموقف حبر
نستفيد من الورق ( وقت النجاه )
و( البنادم ) دام تاليته ( قبر )
( الصلاه ) أوّل مشاريع ( الحياه )

عاشقة البر
28-12-12, 07:06 PM
قـال يسأل ( وش معنــى القــراده ؟ )
وقلت يعنــي ..! اااممم بضــرب أمثلــه !!

آنا لو حطيت رآســي عالوســاده
يكــثر الهوجــاس وتثــور أسئلــه !!

( يعنــي أنا ناقصــه هـمـ و نكــآده)!
( ولآ قلــبي لو قدرت آبدلـه ) ؟!

ليتنــي اختــرت حبــي في ركــآده
ماتهــورت وشريتــك مشكــله !

( القــرآده ) إنــي حبيتــك زيــآده
وحظ طــآيح أنت وحدك تجهلــه

القــرآده .. آآآه يامعنــى القــرآده
مرتبـط دآآيم بمفهــوم ( عجــله ) !!

عاشقة البر
28-12-12, 07:08 PM
الكامل الله والخطا طبع الانسان ..
والدرب يفرق عن يساره ويمينه..
والصاحب اللي له معزه وله شان..
ان جاني بشينه تذكرت زينه..
اتحمل خطاه معي قدر الامكان..
من جاني تبقى العلاقه متينه..
واللي يغلطني وانا ماني غلطان..
اصابعي احطه وسط عينه..

عاشقة البر
01-01-13, 06:11 PM
المشاهدين إلى الآن


207 مشاهد


اللهم لك الحمد

عاشقة البر
01-01-13, 06:12 PM
اللهم صلي على محمد كلما ذكره الذاكرون
اللهم صلي على محمد كلما غفل عن ذكره الغافلون

عاشقة البر
01-01-13, 06:16 PM
وش خانت الدنيا بجمع الدنانير ..

وحنا علينا نازع الروح ناوي ..

عاشقة البر
01-01-13, 06:30 PM
الليالي مشاكلهـا عـراض طوالـي
للنفوس الشقيـه والنفـوس السعيـده

غاره من يمين وغاره مـن شمالـي
توهمك بالهدوء وعاصفتهـا شديـده

ياوجودي علي الراحه وياوجد حالـي
ليت مالـي مـع الشعـار ولانشيـده

هب ياهالزمان اللي غزانـي لحالـي
كل يوم علي الهاتف يجيني قصيـده

ذي معاتب حبيب وذي مشاريه غالي
وذي تحفض من السكر وهاذي تزيده

والعرب علمهم بي يوم صدري شمالي
والليالي مقفت بـه لايمكـن تعيـده

روحت مع مهب الريـح ياهملالـي
ماحد جت له الدنيـا علـي مايريـده

والتجارب عطتنا ميـزه الاحتمالـي
ودرستنا مشاويـر الحيـاه البعيـده

ان مابه حيـاه الا وراهـا زوالـي
والبنـادم بهالدنيـا شبوحـه بعيـده

مير ماهيب لامكسب ولاراس مالـي
كود من حط قوله والنعم في رصيـده

وطاب عند البعيد وطاب عند الموالي
وله نصيب الاسد من الخصال الحميده

وان تثنت عزوم مشوربيـن العيالـي
عزمه اقوي من ظروف الحياه العنيده

يرتكي بالمناكـب للحمـول الثقالـي
والطفر في راسه المطنوخ والا وريده

خل فعل الجدود وخل فعـل الخوالـي
ندري انك ولدهم والعلاقـه وطيـده

وندري ان فعلهم يستر بنات الحلالـي
حتي لو جدك اكحيلان وانته حفيـده

اما حث القدم واطلع علي راس عالي
والا خلك كذا وان مت ما انت بفقيده

عاشقة البر
01-01-13, 06:36 PM
قبل اسافر كنت جالس في زمان الأنتظار


ارتشف هم المكان .. و كل همي حاجتين


كنت خايف من يباس .. و كنت خايف من خضار


كنت اخاف انك تجين و كنت خايف ما تجين


لين شفتك من ورا بيبان صالات المطار


مقبله من كثر شوقك .. كنت اشوفك تركضين


مرةٍٍ ركضك يمين و نظرة عيونك يسار


و مرةٍٍ ركضك يسار و نظرة عيونك يمين


تايهة .. ما كنك الا ضحكةٍ وسط انكسار


ساكته .. ماكنك الا دمعةٍ فيها حنين


خايفة .. وجلة .. حزينة .. يعني كنتي بأختصار


تشرحين لكل جاهل معنى كلمة ( عاشقين )


بعدها جيتك ولدّت عينك و دار الحوار


من كفوفي دمعتين و من كفوفك دمعتين


كنت اصد و كنتي انتي ثايره مثل الشرار


ماعلى لتغة لسانك غير كلمة ( وين ؟ وين ؟ )


واذكر اني رحت قبل ابدي لك ايّة اعتذار


رحت حتى قبل اطيّب خاطرك في كلمتين


لكن انتي عارفتني زين واللي صار صار


سامحيني واذكريني قدّ ماانتي تقدرين


اذكريني لاانتهت للشمس رحله مع نهار


واذكريني لاصحى للصبح ورد الياسمين


واذكريني لا لمحتي في ليالي البرد نار


واذكريني لا سمعتي للمطر صوت ٍ حزين


اذكريني واذكريني واذكريني .. بأختصار

عاشقة البر
01-01-13, 06:39 PM
يـا الله ياللـي عنـدك الـنـاس سـيّـان
تّجّار .. وضعوف .. وعبيد .. وسلاطيـن

حنّـا عبيـدك .. وأنـت ياعالـي الشـأن
أدرى بخبـث و غطـرسـات الملاعـيـن

يـارب تدحـر كـيـد عُـبّـاد الاوثــان
و تعـزّ نـاسٍ همّهـا نـصـرة الـديـن

عاشقة البر
01-01-13, 06:40 PM
يارب اٍذا لي دعوة مستجابه
بوجز لو ان اللي أنا ابيه واجد
ابقى على نهج النبي والصحابه
وأموت بين يديك يارب ساجد

عاشقة البر
01-01-13, 06:46 PM
المنزل ثلاث جدران .. ورابع ..
ما بينهم ضايع .. متشقق وعاري ..
ويميزه شباك .. ضيق ..
مصبوغ.. بالأحمر الناري ..
ومحاصرٍ باسلاك .. علقت بها وردة ..
أوراقها المنزل .. والبرعم الأفلاك ..
***
وعلى الجدار الثاني ..
وأمثال .. وأغاني
مكتوبة بكسرة فحم ..
وصندوق خشب ..
مزخرف بغير الذهب .. غير الجواهر ..
تحت الكتابه نافر ..
فوقه ظلالٍ عريق ..
مثل العنيد .. من الجروح ..
مثل السيوف اللي مقابضها حديد ..
أسرار من ماتوا بعيد ..
وما خلفوا حتى الورق ..

***
أما الثالث من الجدران ..
معلقٍ عليه صورة .. لإنسان ..
من دفتر نفوس .. مكبره ..
مدري جفونه مبخره ..
ولال تجاعيد خيوط .. دخان
وفي الركن كرسي خيزران ..
يجلس عليها الوقت ..
وجريدة ٍ عنوانها باهت .. تغفى على الإسمنت ..
وفوقها كوب فارغ .. وفتات خبز ..
وأصابع ٍ للجوع صفرا مكسره ..

***
ويبقى الجدار الأول ..
وهو أعرض الجدران .. وأكثرها وقار ..
وهو الوحيد اللي انبنا ف نور النهار ..
بوابته على الطريق الرملي ..
صَفت أحجار درجها .. بصبر ..
وش كنها .. ؟؟
سنونٍ صفر .. في فمٍ مذهول ..
وظلما تشدك للدخول .. تشدك ..
وكل ما مسكت اكرة الباب النحاس بيدك ..
تلطخت بدم ٍ طري ..
الجرح نزفٍ يحتري .. أما الطعون ..
وين الطعون .. راحت ..

***
البيت ثلاث جدران .. ورابع ..
مالهم طابع .. يجمعهم ..
يشبهون أهلهم ..
وما صادفوا غير الحياة ..

عاشقة البر
01-01-13, 06:48 PM
لا تنسوا ذكر الله والصلاة على النبي

عاشقة البر
05-07-20, 03:43 AM
ودنا بالطيب بس الدهر جحاد طيب
كل ما تخلص مع الناس كنك تغشها

يدك لامدت وفاء لاتحرى وش تجيب
كان جاتك سالمه حب يدك وخشها

كل ماشبيت نار المحبه مع حبيب
قام يسحل في مشاهيبها ويرشها

وكل ما واجهت لك فالزمن وجه غريب
مثل ماقال المثل دام تمشي مشها

وذمةٍ ماهيب تندار للحق المصيب
جعل قشاش الحطب لاسرح يقتشه

عاشقة البر
05-07-20, 08:06 PM
~~

لا نعلم ما يخفيه لنا الزمن في طياته
ولكن نيقين بأن الله لن يخذلنا أبدًا ..
فلنتكل دومًا على الله وحده
ونذكره ونرجوه في السراء والضراء
.
.
.
اكثروا من ذكره سبحانه