المساعد الشخصي الرقمي

مشاهدة النسخة كاملة : هل الحريه فقط في النت سواء منتديات أو فيس بوك أو تويتر..دعوه للنقاش..


آسيه
04-11-12, 05:38 PM
بسم الله الرحمن الرحيم..



تحيه طيبة وبعد..


أعضاء الحوار وأصدقائي الأعزاء..

ألا ترون أن النت عموما..

فيه حريه مطلقه لأفكارنا ومعتقداتنا أكثر من لو كنا نتناقش مع الآخرين وعلى أرض الواقع..


خصوصا أننا نكتب تحت إسم مستعار..

واللي نسميه عضويه..معرف..نك نيم..:ro258es:

هل الحريه المطلقه لم نجدها إلا بالنت على صفحات المنتديات والتويتر والفيس بوك..؟!!


ألهذه الدرجه مجتمعنا لايقبل ولايتقبل أرآئنا بكل صراحه وتجرد..(q77)

ولا يحتويها مهما كانت..


أكبر مثال أنا محدثتكم..:danc854:


بالعلاقة الزوجيه طلبت مني أمس المشرفه الغاليه سحابة شوق..

أن تتم استضافتي في موضوع إسمه ياتقنعنا تكون معنا أو نقنعك..

وتمت استضافتي فعلا..(qq115)

فكرته أن يتم إستضافة عضو أو عضوه لمدة ثلاثة ايام..

وكل استضافه يكون لها عنوان..يناقشه الأعضاء ويسالونه حول عنوان الموضوع..

وكان عنوان موضوع استضافتي..

السكن في بيت الأهل..

أجبت على الأسئله وقلت كل مالدي وموقفي من السكن في بيت أهل الزوج بكل حريه..


ولو قلتها بالواقع كان زماني ملعقه بالمروحه وجلد ..جلد..(asj)

والله جلست أفكر هالكلام اللي قلته مافيه أمل أقوله في جمعه نسائيه..(qq18)


مارأيكم بكل هذا..؟

هل مجتمعنا مستبد لهذه الدرجه..؟

الميسم
04-11-12, 07:31 PM
المجتمع وبلا أدنى شك متهم بمصادرته لبعض أفكارنا
نُرغم على حبسها داخل أرواحنا لأن البوح بها قد ينقلك من تصنيف لتصنيف آخر
والمصيبة أنها بالنسبة لهم عبارة عن زلة لاتنس ويتم تذكيرك بها بين فترة وأخرى ..!
طبعًا ما أعنيه هنا بعض الأفكار التي في قاموسهم أنها ( عيب وشق جيب )
أما بالنسبة للرأي الشخصي الذي بالفعل يمثلني
فهنا مصادرته تعني أني اقولها ولكن بشكل غير مباشر ( القول ما تقولون والرأي ما ترون )
وهنا الخطأ بعينه , يعني متى يكون للإنسان استقلالية في رأيه وفكره إذا عجز حتى عن طرحه في مجتمع نسائي يضم عشرات منهم وربما أقل بكثير..؟!
ما يتعلق بالفكر والرأي المجرد بالنسبة لي أطرحه في المجالس كما أطرحه هنا بالضبط
وليس معنى أنهم يرفضونه يعني أن رفضهم في محله ..
اعتقد من أشد وأصعب ما يفرض عليك أن يقيد فكرك ..!
أطلقي العنان له ما دمت لم تغضبي الله فيه , ومن عارض أو صادر لا تهتمي له
والضريبة التي ستدفعينها قد تكون في البداية ومع التعود سيتم رفعها عنك
وسيتم تبديل المسمى من ( عيب ) لـ ( صريحه )..
صدقيني ..نخطيء أحيانًا عندما نعطي المجتمع من الاهتمام أكبر من حجمه ..




تحياتي لك آسيه ..

جون قرنق
04-11-12, 09:11 PM
لاتوجد حريه مطلقه لانهم يرونها مفسده مطلقه (qq122)

آسيه
05-11-12, 12:39 AM
لي عوده لك يالميسم..

وحتى الاثول قرنق لي عودتن..

جون قرنق
05-11-12, 01:37 AM
لي عوده لك يالميسم..

وحتى الاثول قرنق لي عودتن..





مبرووووووك من الاعماق والى الامام وبالتوفيق يارب













(q31)

... بنت الجنوب ...
05-11-12, 07:11 AM
بآلنسبه لي عآتي الوضع
سوآء بآلنت أو بآلوآقع
أنآ زي مآأنآ ..
هنآ بآلمنتدى كل قريبآتي يعرفوني
وبتويتر بعد
نو بروبليم

آسيه
05-11-12, 07:26 AM
بآلنسبه لي عآتي الوضع
سوآء بآلنت أو بآلوآقع
أنآ زي مآأنآ ..
هنآ بآلمنتدى كل قريبآتي يعرفوني
وبتويتر بعد
نو بروبليم



عفوا على تقديم الرد..

انا نفس الشيء قريباتي يعرفون معرفي..

وصديقاتي..

مو هنا المشكله واللي أقصده بالجمعه النسائيه مثلا عزوومه..

بها حريم كبار يعني لهن حريم عيال..

راح أنجلد..وانت تعرفين موقف الأمهات من هالكلام..

(hjh)

وغالبا يتعاطفون مع الأم..ماراح يقولون رأي وحرية رأي وفكر مستقل..

يعني الحريه اللي هنا ماعتقد هي نفسها بالواقع..

أبد ابد يابنت الجنوب..

أنت يمكن ماقريتي رأيي بذاك الموضوع..بالله تقولينه بجمعه نسائيه غير صديقاتس وقريباتس..؟

آسيه
05-11-12, 07:29 AM
المجتمع وبلا أدنى شك متهم بمصادرته لبعض أفكارنا
نُرغم على حبسها داخل أرواحنا لأن البوح بها قد ينقلك من تصنيف لتصنيف آخر
والمصيبة أنها بالنسبة لهم عبارة عن زلة لاتنس ويتم تذكيرك بها بين فترة وأخرى ..!
طبعًا ما أعنيه هنا بعض الأفكار التي في قاموسهم أنها ( عيب وشق جيب )
أما بالنسبة للرأي الشخصي الذي بالفعل يمثلني
فهنا مصادرته تعني أني اقولها ولكن بشكل غير مباشر ( القول ما تقولون والرأي ما ترون )
وهنا الخطأ بعينه , يعني متى يكون للإنسان استقلالية في رأيه وفكره إذا عجز حتى عن طرحه في مجتمع نسائي يضم عشرات منهم وربما أقل بكثير..؟!
ما يتعلق بالفكر والرأي المجرد بالنسبة لي أطرحه في المجالس كما أطرحه هنا بالضبط
وليس معنى أنهم يرفضونه يعني أن رفضهم في محله ..
اعتقد من أشد وأصعب ما يفرض عليك أن يقيد فكرك ..!
أطلقي العنان له ما دمت لم تغضبي الله فيه , ومن عارض أو صادر لا تهتمي له
والضريبة التي ستدفعينها قد تكون في البداية ومع التعود سيتم رفعها عنك
وسيتم تبديل المسمى من ( عيب ) لـ ( صريحه )..
صدقيني ..نخطيء أحيانًا عندما نعطي المجتمع من الاهتمام أكبر من حجمه ..




تحياتي لك آسيه ..



مممم..

ماعتقد إنننا بنكون بالواقع مثل مانحن فيه الآن..

لابد أننا راح نضطر نسكت ولا نناقش في بعض الأمور..
والا وش اللي يخلي الناس تلاقي راحتها هنا..


عفوا ميسم..الحريه بالنت مكفوله..

لكن بالواقع فيه قمع للأفكار والمعتقدات..

... بنت الجنوب ...
05-11-12, 07:48 AM
عفوا على تقديم الرد..

انا نفس الشيء قريباتي يعرفون معرفي..

وصديقاتي..

مو هنا المشكله واللي أقصده بالجمعه النسائيه مثلا عزوومه..

بها حريم كبار يعني لهن حريم عيال..

راح أنجلد..وانت تعرفين موقف الأمهات من هالكلام..

(hjh)

وغالبا يتعاطفون مع الأم..ماراح يقولون رأي وحرية رأي وفكر مستقل..

يعني الحريه اللي هنا ماعتقد هي نفسها بالواقع..

أبد ابد يابنت الجنوب..

أنت يمكن ماقريتي رأيي بذاك الموضوع..بالله تقولينه بجمعه نسائيه غير صديقاتس وقريباتس..؟







غريبه يآآسيه
عجآيزنآ متطورآت ومآشيآت مع العصر الحآلي (q69)
هـ الكلآم صآر عآتي جداً والعجآيز بـ أنفسهن صرن فآهمآت مآتخطب الوحده لولدهآ
إلآ وهي تجهز شقته
وهن بـ أنفسهن مستقلآت ويخدمن أنفسهن إلآ إذآ كآنت الأم مره كبيره وتعبآنه
هنآ تروح مع وآحد من عيآلهآ والزوجه مبسوطه فيهآ وتخدمهآ ولآتعتبرهآ إلآ أمهآ الثآنيه
وصحيح أحيآناً لمن أقول شيء مآيروق لعجوز تجلس تنتقد عليه ومن هـ الكلآم
بس موسعه صدري أحيآناً أحآول إقنعهآ وأحيآناً أطنش مع إبتسآمه صفرآ (vv)

همكم همي
05-11-12, 07:48 AM
اللي اقوله هنا اقوله برا

هذا اسلوبي دائمآ شجاعه لاتأخذني فيها لومة لائم(q81)


اقول الحق وبالمكبر بعد اذكر هذا وأهاوش هذا
وأقول كل اللي ابي واللي مايعجبني اللي يركب معي بقاربي ياهلا واللي مايبي ريح توديه حضن امه

وكوني مصلحه اجتماعيه اواجه الحلو والمر واصبر

احب الحقيقه ماستطعت الى ذلك سبيلا ولو هي مره وتجيب لي بعض من الفلقات احيان
:40ghr21:
لا كني اكون راضيه عن نفسي ومرتاحه
جربي اسأليني وشوفي عشان تصدقيني :whwhwh:

بس تسلمين من ام العبيد اذا جاتني

الله يكفيني ويكفيك شرها (qq168):SmileyBunny:




واصلي فديتك اخيتي انتي وموضوعك الحلو

حسن محمد !
05-11-12, 07:49 AM
لافرق بين واقع الشبكة الفضائية وبين واقع المجتمع على الأرض . لافي الحرية ولا غيرها . والعالم الإفتراضي مجرد قراءة شكلية للهروب من الحقيقة .

آسيه
05-11-12, 07:54 AM
غريبه يآآسيه
عجآيزنآ متطورآت ومآشيآت مع العصر الحآلي (q69)
هـ الكلآم صآر عآتي جداً والعجآيز بـ أنفسهن صرن فآهمآت مآتخطب الوحده لولدهآ
إلآ وهي تجهز شقته
وهن بـ أنفسهن مستقلآت ويخدمن أنفسهن إلآ إذآ كآنت الأم مره كبيره وتعبآنه
هنآ تروح مع وآحد من عيآلهآ والزوجه مبسوطه فيهآ وتخدمهآ ولآتعتبرهآ إلآ أمهآ الثآنيه
وصحيح أحيآناً لمن أقول شيء مآيروق لعجوز تجلس تنتقد عليه ومن هـ الكلآم
بس موسعه صدري أحيآناً أحآول إقنعهآ وأحيآناً أطنش مع إبتسآمه صفرآ (vv)



نفس الشيء..

عجايزنا يخطبون لعيالهن ويجهزن شققهم..
لكن الكلام بكل شفافيه..

أقصد حرية الرأي وتقبلهم له..

والا الشقق ماهيب مشكله..


الا عجزكم عصبيات أكيد لو تقولين رايك بصراحه تجيك خبطه على نافوخك وتصيرين حولاء..

آسيه
05-11-12, 07:55 AM
لاتوجد حريه مطلقه لانهم يرونها مفسده مطلقه (qq122)



بهذي صدقت..

(hjh)

همكم همي
05-11-12, 07:56 AM
نسيت اقول ان معرفي معروف عند اسرتي وخصوص عيالي

والبنت الكبيره تعرف النك نيم والرقم السري وشوفي بملفي عندي دخول شخص

عن طريق معرفي اللي هي بنتي الكبيره وكل هم يطالبوني بتغيير المعرف

يقولون يكفيك شيل هموم اللي حولك بعد في المنتدى


وادعوا الصديقات احيان للتصفح

آسيه
05-11-12, 07:57 AM
اللي اقوله هنا اقوله برا

هذا اسلوبي دائمآ شجاعه لاتأخذني فيها لومة لائم(q81)


اقول الحق وبالمكبر بعد اذكر هذا وأهاوش هذا
وأقول كل اللي ابي واللي مايعجبني اللي يركب معي بقاربي ياهلا واللي مايبي ريح توديه حضن امه

وكوني مصلحه اجتماعيه اواجه الحلو والمر واصبر

احب الحقيقه ماستطعت الى ذلك سبيلا ولو هي مره وتجيب لي بعض من الفلقات احيان
:40ghr21:
لا كني اكون راضيه عن نفسي ومرتاحه
جربي اسأليني وشوفي عشان تصدقيني :whwhwh:

بس تسلمين من ام العبيد اذا جاتني

الله يكفيني ويكفيك شرها (qq168):smileybunny:




واصلي فديتك اخيتي انتي وموضوعك الحلو



والله ياهمكم ردودك كلها حليله..

وماشيه زي مايبي مجتمعنا..

البلا باللي عندهم راي مختلف..مايقدر يوقف بوجه المجتمع..

... بنت الجنوب ...
05-11-12, 07:58 AM
اللي اقوله هنا اقوله برا

هذا اسلوبي دائمآ شجاعه لاتأخذني فيها لومة لائم(q81)


اقول الحق وبالمكبر بعد اذكر هذا وأهاوش هذا
وأقول كل اللي ابي واللي مايعجبني اللي يركب معي بقاربي ياهلا واللي مايبي ريح توديه حضن امه

وكوني مصلحه اجتماعيه اواجه الحلو والمر واصبر

احب الحقيقه ماستطعت الى ذلك سبيلا ولو هي مره وتجيب لي بعض من الفلقات احيان
:40ghr21:
لا كني اكون راضيه عن نفسي ومرتاحه
جربي اسأليني وشوفي عشان تصدقيني :whwhwh:







ذكرتيني بجآرتي زمآن
أنآ وقتهآ لسى عمري 17 سنه وتعرفين البنت في هـ العمر
المهم قلت شيء ومآعجبهآ وجلست يآبنتي ويآبنتي وتنصحني
جلست أطآلعهآ وقلت أنآ كيذآ طيب تفكيري مختلف عن تفكيرك لآتحآولي تقنعيني>>عبيطه من زمآن (vv)
المهم مشيت من عندهآ واليوم الثآني جتني تقول لآيكون زعلتي مني والله مو معتبرتك
إلآ أختي الصغيره تقول أنآ كيذآ مع الكل أعطي كآش ومآأحب أي تصرف غلط
بس هي رآعية فزعه وعلوم طيبه


لو إنك جنوبيه قلت أكيد إنتي هي (vv)

آسيه
05-11-12, 07:59 AM
نسيت اقول ان معرفي معروف عند اسرتي وخصوص عيالي

والبنت الكبيره تعرف النك نيم والرقم السري وشوفي بملفي عندي دخول شخص

عن طريق معرفي اللي هي بنتي الكبيره وكل هم يطالبوني بتغيير المعرف

يقولون يكفيك شيل هموم اللي حولك بعد في المنتدى


وادعوا الصديقات احيان للتصفح


أنا نفس الشيء قريبات ..وزوجي وصديقات..مافي مشكل..

بس بتلاقين نفسك مرتاحه أكثر بالنت وتقولين رايك بكل أريحيه..

الميسم
05-11-12, 08:02 AM
الا عجزكم عصبيات أكيد لو تقولين رايك بصراحه تجيك خبطه على نافوخك وتصيرين حولاء..



ههههههههههههههههههه

آسيه
اجل لو يسجل معانا هنا عجايز بتقولين الي تبين ولا تخافين من باند هههههه

الحين فهمت قصدك
يا آسيه العجايز هذولا مشروع ثاني لهم معاملة خاصة مو عشان حرية رأي
ولا غيره لالالا
بس لأنهم كبار ولهم احترامهم وأصلًا مجرد نقاشهم أو جدالهم أعتبره عيب
يعني خلينا نقول من باب الأدب لا القمع
أما غيرهم لا والله الي نطرحه بينهم نطرحه هنا
والفكر ما لاحد حق أنه يصادره والي بينتقده ..خليه ينتقد
مو مشكلتنا أن بعض العقول مكانًا سر ..!

آسيه
05-11-12, 08:04 AM
لافرق بين واقع الشبكة الفضائية وبين واقع المجتمع على الأرض . لافي الحرية ولا غيرها . والعالم الإفتراضي مجرد قراءة شكلية للهروب من الحقيقة .


وهنا الإختلاف..

ليش نهرب من الواقع..

الواقع يفرض علينا أشياء ماقتنعنا بها..

هنا ماحد يفرض على أحد شيء..

ولا نهرب من أي شيء..
الحريه مكفوله أكثر..

... بنت الجنوب ...
05-11-12, 08:04 AM
الا عجزكم عصبيات أكيد لو تقولين رايك بصراحه تجيك خبطه على نافوخك وتصيرين حولاء..






مدري ليه دوم تعممون
فيه عجآيز كيذآ وعجآيز كيذآ
في كل مكآن
بآلشمآل بآلجنوب بنجد بآلغربيه

ع العموم رآي قلته بآلموضوع


وخلونآ من عجآيزنآ وعجآيزكم(q69)

همكم همي
05-11-12, 08:08 AM
ذكرتيني بجآرتي زمآن
أنآ وقتهآ لسى عمري 17 سنه وتعرفين البنت في هـ العمر
المهم قلت شيء ومآعجبهآ وجلست يآبنتي ويآبنتي وتنصحني
جلست أطآلعهآ وقلت أنآ كيذآ طيب تفكيري مختلف عن تفكيرك لآتحآولي تقنعيني>>عبيطه من زمآن (vv)
المهم مشيت من عندهآ واليوم الثآني جتني تقول لآيكون زعلتي مني والله مو معتبرتك
إلآ أختي الصغيره تقول أنآ كيذآ مع الكل أعطي كآش ومآأحب أي تصرف غلط
بس هي رآعية فزعه وعلوم طيبه


لو إنك جنوبيه قلت أكيد إنتي هي (vv)





حسستيني اني من العصر الحجري والله لو تشوفيني ان تقولين يامسطبي ويالهوي
(q77)
(q77)

اثرك عفريته من انتي صغنونه(qq167) ورأيك ماشي أخاف هذا من آثار العريكه والعصيده والسمنه البلدي فديت الحمران

آسيه
05-11-12, 08:08 AM
ههههههههههههههههههه

آسيه
اجل لو يسجل معانا هنا عجايز بتقولين الي تبين ولا تخافين من باند هههههه

الحين فهمت قصدك
يا آسيه العجايز هذولا مشروع ثاني لهم معاملة خاصة مو عشان حرية رأي
ولا غيره لالالا
بس لأنهم كبار ولهم احترامهم وأصلًا مجرد نقاشهم أو جدالهم أعتبره عيب
يعني خلينا نقول من باب الأدب لا القمع
أما غيرهم لا والله الي نطرحه بينهم نطرحه هنا
والفكر ما لاحد حق أنه يصادره والي بينتقده ..خليه ينتقد
مو مشكلتنا أن بعض العقول مكانًا سر ..!



هلا ميسم..لا لا ماقول ناقشوا كبار السن..

بس وش اسوي في بنت الجنوب تميلح وتقول عجايزنا متطورات..(vv)

ههههههههههههههههه


اللي أقصده الحريه هنا أكبر بكثييير حتى إننا هنا نلاقي كبار بالسن ومتاح الحوار معهم..

مافيه كبير بالسن ومايصلح النقاش..
الأشياء المحرمه بالواقع لم نجدها هنا..

واعتقد مايجهلك إنه بيننا أعضاء وعضوات كبار بالسن صح..؟


ولا قلنا عيب وشق جيب لا نناقشهم ونحاورهم بكل حريه..

آسيه
05-11-12, 08:11 AM
مدري ليه دوم تعممون
فيه عجآيز كيذآ وعجآيز كيذآ
في كل مكآن
بآلشمآل بآلجنوب بنجد بآلغربيه

ع العموم رآي قلته بآلموضوع


وخلونآ من عجآيزنآ وعجآيزكم(q69)


هههههههههه

ماهوب تعميم.

هذي صفه بكبار السن في العالم كله ياقلبي..

الله مير يخليهم لنا يعصبونى علينا..
وش حنا بلاهم..

وه بس ياحبي للكبار أمووووت عليهم..

أبوها من حريه الكبار هم أغلى من الحريه..

همكم همي
05-11-12, 08:15 AM
ههههههههههههههههههههه

شكل الموضوع بينحرف عن مساره:ham020:
أهم شي البريكات تفقدوها:rofl951:

... بنت الجنوب ...
05-11-12, 08:29 AM
حسستيني اني من العصر الحجري والله لو تشوفيني ان تقولين يامسطبي ويالهوي
(q77)
(q77)

اثرك عفريته من انتي صغنونه(qq167) ورأيك ماشي أخاف هذا من آثار العريكه والعصيده والسمنه البلدي فديت الحمران




هههههههههههههههههههههههههههه



يوه مآقصدت إنك كبيره في سنك
قصدت إنه نفس الأسلوب
لآشفتك أحس برآحه لأني كنت حيل أعزهآ
أستفدت منهآ كثير لكن كنت أكآبر وقتهآ (qq152)

ويمكن أنآ أكبر منك محد يدري (qq22)
..

ع فكره السن مو مهم
أهم شيء الشكل الخآرجي
كثير أحيآن أنصدم من بنآت أحجآمهن كبيره والسن صغير
وفيه حريم وآصلآت الأربعين سنه وتعطينهن أكثر شيء 30 سنه

... بنت الجنوب ...
05-11-12, 08:31 AM
هههههههههه

ماهوب تعميم.

هذي صفه بكبار السن في العالم كله ياقلبي..

الله مير يخليهم لنا يعصبونى علينا..
وش حنا بلاهم..

وه بس ياحبي للكبار أمووووت عليهم..

أبوها من حريه الكبار هم أغلى من الحريه..










صحيح

كبآر السنه كلهم بركه

يكفي يجمعونآ في كل منآسبه تجي

حسن محمد !
05-11-12, 08:42 AM
الحياة ليست مجرد احداث وشخصيات في صفحات مطبوعة تحكي عن عالم الحرّية المغيّب ! إنما الحياة الحقيقة فوق السمـــاء في مشهد يصعب وصفه .

آسيه
05-11-12, 08:44 AM
الحياة ليست مجرد احداث وشخصيات في صفحات مطبوعة تحكي عن عالم الحرّية المغيّب ! إنما الحياة الحقيقة فوق السمـــاء في مشهد يصعب وصفه .


شكرا لك..

وكلامك صحيح..


أنا أتكلم عن واقعنا نجد الحريه أكثر هنا..من الواقع..

هذا كل مافي الأمر وبكل بساطة أيضا..

ليه تهجريني ؟
05-11-12, 08:49 AM
صباح الخير للجميع(a21)

لو كنت صريح مع كل احد في الواقع
كان خسرت اغلب الناس والجيران
لان بعض الناس لايرقى لتفكيرك او انت لاترقى لتفكيرة ..
ثم تكون هناك فجوة فكر ( تنسيم بالرأس):SmileyBunny:
ولكن المجاملة الوسطية تنفع كثيرا..
دون تغيير للمبادئ التي حث عليها ديننا العظيم (a21)
اما هنا في النت وعالم التواصل الاجتماعي التنكري
فأجد الحرية المطلقة في بث افكاري
والتواصل مع الجميع دون حرج من احد ...
بشرط مراقبة الله وحده سبحانه وتعالى .
في عالم البرامج التواصلية نجد الراحة وتبادل الافكار مع الجميع
حتى مع الجنس الناعم متقلب المزاج والذي لايأمن شره البته :SmileyBunny:
امثال ...... خليني ساكت احسن محافظة لمشاعرهن الرقيقة :SmileyBunny:
تشكرات امبراطوره .

آسيه
05-11-12, 08:55 AM
صباح الخير للجميع(a21)

لو كنت صريح مع كل احد في الواقع
كان خسرت اغلب الناس والجيران
لان بعض الناس لايرقى لتفكيرك او انت لاترقى لتفكيرة ..
ثم تكون هناك فجوة فكر ( تنسيم بالرأس):SmileyBunny:
ولكن المجاملة الوسطية تنفع كثيرا..
دون تغيير للمبادئ التي حث عليها ديننا العظيم (a21)
اما هنا في النت وعالم التواصل الاجتماعي التنكري
فأجد الحرية المطلقة في بث افكاري
والتواصل مع الجميع دون حرج من احد ...
بشرط مراقبة الله وحده سبحانه وتعالى .
في عالم البرامج التواصلية نجد الراحة وتبادل الافكار مع الجميع
حتى مع الجنس الناعم متقلب المزاج والذي لايأمن شره البته :SmileyBunny:
امثال ...... خليني ساكت احسن محافظة لمشاعرهن الرقيقة :SmileyBunny:
تشكرات امبراطوره .




أحسنت أخ تهجرني..

وهذا اللي كنت أقصده ماشاء الله عليك..

إلا أنت من أنت..؟

أوجعني راسي تقول إمبراطوره..!!

مغير معرفك.. طيب أعرفك أنا ..والا بس أنت تعرفني..


ياخي وش سالفتك..؟!!(asj)

بعدين منهن اللي ماتبي تذكر أسمائهن..هذا وانت مسوي أبو العريف وسبع البرمبه وماخذ حريتي..
ومادري إيش..(qq170)
أقول كيف الحال بس..:ro258es:

... بنت الجنوب ...
05-11-12, 08:58 AM
حتى مع الجنس الناعم متقلب المزاج والذي لايأمن شره البته :SmileyBunny:
امثال ...... خليني ساكت احسن محافظة لمشاعرهن الرقيقة :SmileyBunny:




قول
ولك الأمآن(q47)

ليه تهجريني ؟
05-11-12, 09:05 AM
قول
ولك الأمآن(q47)[/CENTER]
ههههههههه
خاص والا عام يا ام باسم ؟(a14)
والله انك تحبين الشر يا التبوكية المهجنه (q69)

همكم همي
05-11-12, 09:08 AM
هههههههههههههههههههههههههههه



يوه مآقصدت إنك كبيره في سنك
قصدت إنه نفس الأسلوب
لآشفتك أحس برآحه لأني كنت حيل أعزهآ
أستفدت منهآ كثير لكن كنت أكآبر وقتهآ (qq152)

ويمكن أنآ أكبر منك محد يدري (qq22)
..

ع فكره السن مو مهم
أهم شيء الشكل الخآرجي
كثير أحيآن أنصدم من بنآت أحجآمهن كبيره والسن صغير
وفيه حريم وآصلآت الأربعين سنه وتعطينهن أكثر شيء 30 سنه






ماصار الا الخير ونا اختك

ولو كشفنا القناع عن كثيرين وكثيرات من المتبخترين والمتبخترات والمتسلقين على الأكتف والكتيفات

لحصل كثير من الفجعات بل كثير من الإغماءات:rofl951:

ولاكن الستر نعمه لايعرفها كثير من المتفيقهين والمتفيقهات(qq170)

لاتكترثون بما قلت فهذه ام العبيد تتكلم عني في بعض الأوقات(q33)

... بنت الجنوب ...
05-11-12, 09:09 AM
ههههههههه
خاص والا عام يا ام باسم ؟(a14)
والله انك تحبين الشر يا التبوكية المهجنه (q69)



إللي يريحك
أهم شيء تكون صريح وصآدق
لآتخآف أعطيتك الأمآن (q33)

ليه تهجريني ؟
05-11-12, 09:11 AM
إللي يريحك
أهم شيء تكون صريح وصآدق
لآتخآف أعطيتك الأمآن (q33)


ههههههه
والله ماخفت لكن الخوف من الغيبة فقط .. هل تتحملين وزر الغيبه عني ؟(q69)

... بنت الجنوب ...
05-11-12, 09:12 AM
ماصار الا الخير ونا اختك

ولو كشفنا القناع عن كثيرين وكثيرات من المتبخترين والمتبخترات والمتسلقين على الأكتف والكتيفات

لحصل كثير من الفجعات بل كثير من الإغماءات:rofl951:

ولاكن الستر نعمه لايعرفها كثير من المتفيقهين والمتفيقهات(qq170)

لاتكترثون بما قلت فهذه ام العبيد تتكلم عني في بعض الأوقات(q33)




لآعآتي أخذي رآحتك


(q69)

آسيه
05-11-12, 09:12 AM
ماصار الا الخير ونا اختك

ولو كشفنا القناع عن كثيرين وكثيرات من المتبخترين والمتبخترات والمتسلقين على الأكتف والكتيفات

لحصل كثير من الفجعات بل كثير من الإغماءات:rofl951:

ولاكن الستر نعمه لايعرفها كثير من المتفيقهين والمتفيقهات(qq170)

لاتكترثون بما قلت فهذه ام العبيد تتكلم عني في بعض الأوقات(q33)

:rofl951:


:rofl951:

حتى أم العبيد مالتس حليله..:gg4mpup:

مافيك تب..(vv)


حليلا حليلا مرآآ مرآآ..(a14)
يعني طب..نجرب الدلع..ماننطق الطاء..(q69)

أقول كيف الحال..(qq15)

... بنت الجنوب ...
05-11-12, 09:16 AM
ههههههه
والله ماخفت لكن الخوف من الغيبة فقط .. هل تتحملين وزر الغيبه عني ؟(q69)



لآ.. طآلمآ غيبه ومآغيبه

أجل روح منآك (qq167)

همكم همي
05-11-12, 09:17 AM
الحياة ليست مجرد احداث وشخصيات في صفحات مطبوعة تحكي عن عالم الحرّية المغيّب ! إنما الحياة الحقيقة فوق السمـــاء في مشهد يصعب وصفه .




:gg4mpup:

ليه تهجريني ؟
05-11-12, 09:20 AM
لآ.. طآلمآ غيبه ومآغيبه

أجل روح منآك (qq167)




:rofl951:
من خاف سلم
اروح وين؟(q69)
افتحوا الباب ترا ما افطرت ودي اسلم على ابو باسم (q69)

آسيه عذرا منك خربنا موضوعك(q69)
امسحي اللي تبين (q69)

همكم همي
05-11-12, 09:20 AM
:rofl951:


:rofl951:

حتى أم العبيد مالتس حليله..:gg4mpup:

مافيك تب..(vv)


حليلا حليلا مرآآ مرآآ..(a14)
يعني طب..نجرب الدلع..ماننطق الطاء..(q69)

أقول كيف الحال..(qq15)







هههههههههههههههههههههههه

(vv)

... بنت الجنوب ...
05-11-12, 09:26 AM
:rofl951:
من خاف سلم
اروح وين؟(q69)
افتحوا الباب ترا ما افطرت ودي اسلم على ابو باسم (q69)






أبو بآسم مآدآوم اليوم لآتطق البآب وتصحيه
خله نآيم
مو وقته يصحى مآفيني حيل أقوم أصلح فطور

>> إلآ إذآ جآيب فطورك معك (q69)


خلآص لآترد(q79)..حوسنآ أوم المآضوع(ask)

الشيخـــــه شجـــــون
06-11-12, 08:00 AM
انا صريحه عادة بارائي فاي مكان اتواجد فيه ومع اي ناس اجالسهم

وفاي موضوع لايمكن انافق لاحد او اجامل احد

ومعروف عني بوسطي صراحتي ووضوحي وشفافيتي مع الكل


طبعا فيه ناس تكون قريبه مني مره وتتوقع احيانا اكون مداهنه لها فكل شئ

لكن اكتشفوا عكس هالشئ وطبعا هالصراحه ابعدت ناس وقربت ناس اكثر


ومع كذا صامده ماحجامل اللي يزعل يزعل وقد صارت وطنشت ورجعوا مع الوقت لما عرفوا

الصديق من صدقك لامن صدقك


الحمدلله ماخذه كامل حريتي ولااحد يقدريصادر ارائي اويمنعني اقول اللي بنفسي

آسيه
07-11-12, 06:29 AM
الشيخه..كفو والله..

غيمة وفا
08-11-12, 12:18 PM
أكيد عالم النت بيعطينا مساحه أكبر للحريه
وبنقدر نعبر أكثر عن كل اللي بنعيشه في واقعنا
بس الحريه مشروطه بوضع حدود معينه مانتجاوزها

يعطيك العافيه اسيا واتمنى لك التوفيق

طالب الفزعة
09-11-12, 01:15 PM
حتى بالنت لاتوجد حرية مطلقة

المسألة نسبية

آسيه
09-11-12, 04:30 PM
أكيد عالم النت بيعطينا مساحه أكبر للحريه
وبنقدر نعبر أكثر عن كل اللي بنعيشه في واقعنا
بس الحريه مشروطه بوضع حدود معينه مانتجاوزها

يعطيك العافيه اسيا واتمنى لك التوفيق


وياك إن شاء الله..

نعم صدقتي فالحرية لايعني التجاوز ..

الف شكر لك..

آسيه
09-11-12, 04:32 PM
حتى بالنت لاتوجد حرية مطلقة

المسألة نسبية


أعتقد إنك تقصد هذيك الحريه..(qq168)

أوقل ليكا..الحريا في عالمنا العربي ماكو..

فلزالك استعز من الشيطان..وسكر حنكك لايجيكا أمر الله..

إنسى الحريا ومالحريا..

الدنيا ماواقفا عليها..(qq172)

sسلطان العنزيs
11-11-12, 05:49 PM
بسم الله الرحمن الرحيم..



تحيه طيبة وبعد..


أعضاء الحوار وأصدقائي الأعزاء..

ألا ترون أن النت عموما..

فيه حريه مطلقه لأفكارنا ومعتقداتنا أكثر من لو كنا نتناقش مع الآخرين وعلى أرض الواقع..


خصوصا أننا نكتب تحت إسم مستعار..

واللي نسميه عضويه..معرف..نك نيم..:ro258es:

هل الحريه المطلقه لم نجدها إلا بالنت على صفحات المنتديات والتويتر والفيس بوك..؟!!


ألهذه الدرجه مجتمعنا لايقبل ولايتقبل أرآئنا بكل صراحه وتجرد..(q77)

ولا يحتويها مهما كانت..


أكبر مثال أنا محدثتكم..:danc854:


بالعلاقة الزوجيه طلبت مني أمس المشرفه الغاليه سحابة شوق..

أن تتم استضافتي في موضوع إسمه ياتقنعنا تكون معنا أو نقنعك..

وتمت استضافتي فعلا..(qq115)

فكرته أن يتم إستضافة عضو أو عضوه لمدة ثلاثة ايام..

وكل استضافه يكون لها عنوان..يناقشه الأعضاء ويسالونه حول عنوان الموضوع..

وكان عنوان موضوع استضافتي..

السكن في بيت الأهل..

أجبت على الأسئله وقلت كل مالدي وموقفي من السكن في بيت أهل الزوج بكل حريه..


ولو قلتها بالواقع كان زماني ملعقه بالمروحه وجلد ..جلد..(asj)

والله جلست أفكر هالكلام اللي قلته مافيه أمل أقوله في جمعه نسائيه..(qq18)


مارأيكم بكل هذا..؟

هل مجتمعنا مستبد لهذه الدرجه..؟












نعم مجتمعنا لايقبل الحرية المطلقة فهناك نقد (مناقيد العرب ) والهمز واللمز


حتى ولو كنت على حق لايقبل منك هذا الحق


فأن نطق به المرء فإنه يضعف شخصه بين أهله و عشيرته وأصحابه




نحن في عصر العلم والمعرفة وعصر التقنية وعصر الحضارة فلكل زمان عوائد وأعراف


وأساليب تتناسب وتتماشى معه في زمانه ومكانه ووقته


فالحريـــة موجـــــــودة فأي حرية لاتتناسب مع الشريعة الاسلامية فهي منبوذة ومنقودة




أمــــــــــــا حرية النت فهي موجودة بنسية 80% كونك تكتب في اسم مستعار


ولا عارف ولامعروف ويبقى الحياء هو الرقيب الذاتي للمرء

بنتـ المذنبـ
12-11-12, 04:49 PM
طبيعي ياآسيه هذه الحرية مادامت مقرونة باسم مستعار
هذا هو السر ولا علاقة للنت بحرية افكارنا وانطلاقها

اللطيفة
13-11-12, 02:32 AM
لاطبعاً أكيد بيكون فيه مجاملات تحفظات
إنتقاء للعبارات بشكل أدق يعني لباقة أكثر !!

تقبلي شكري وتقديري
اللطيفة00

عنفوآآن
13-11-12, 03:32 AM
هلا آسيه ..


بصراحه في أشياء أكتب عنها في المنتدى يستحيل أتكلم فيها في الواقع بقدر ما أكتب فيها هنا

يعني النت فيه أحريه أكثر وهالشيء أمر بديهي وإن كان نسبي نوعاً ما ..إلا أنه سيبقى أكثر

حرية من واقعنا .. الذي نضطر فيه غالباً للمجامله والقول بغير قناعاتنا أو على الأقل حجبها .



تحياتي لك