المساعد الشخصي الرقمي

مشاهدة النسخة كاملة : && سالفة طول النســـــم &&


النجديه
13-11-05, 05:28 AM
كل عام وأنتم بخير وعساكم من عواده ولوها متأخره شوي (j)

هذي سالفه وقصيدة والحقيقه السالفه تتعلق بموضوع الغزل وخاصه الغزل القديم ..

7
7
7
7
7
7
يقول الراوي ياساده ياكرام (qq)

هذا واحد من الشباب من أول عايشين في قريه وأهل هذا الشاب لهم نخيل ومزارع , فالولد هذا يشتغل في نخل أهله وإلا منه فرغ من النخل ياخذ بعض الغنم الصغيره أو البهائم الصغار ويروح بهن يرعاهن بعيد و إلا جاء مسيان تقريباَ قبل يذن المغرب بشوي جاء راجع , جيرانهم مثلهم بالضبط نفس الشي لكن من اللي يودي غنم جيرانهم ؟ بنتهم , بنت لهم جميله وتقريباَ أصغر منه سن شوي هو مثل ما تقول أبو 19 أو 18 وهي أصغر منه , إلا جو هادفين وراجعين مسيان بالغنم لأنهم ما يبعدون بعيد يروحون حول الجبال اللي حول القريه , إلا رجعوا راح هو النخلهم وهي راحت لنخلهم وكان يعني يشوفها من بعيد إلى بعيد ومغازل عفيف , لكن مع طول المده صار يحبها وهي تحبه واجد تشوفه بس ما فيه مخالط كلام من بعيد إلى بعيد , المهم يالربع اذا جاء مسيان تقابلو هي في نخل وذا في نخل يصير في تقا النخل من هنا وهي في تقا من هنا ويأشرون كيف الحال ؟ وشلونكم ؟ طيبين بألاشارات كلها وش لونكم وما لونكم وإلا توافقوا هناك أو في المرعى اللي يروحون له , وهرجهم كله في محيط اللي هم فيه الغنم هذي وش ولُد منها ؟ والعنز الفلانيه وش جابت ؟ ونخلكم وش فيه ؟ وأنتم متى تزرعون ؟ والعنب متى تقطفونه عندكم ؟ ومن هالهرج هذا , فعقب مده وهم عاد يتلاقون صار بينهم ود وغرام , كان من شدة محبته لها يرسل لها حبات على الطريقه الحديثه ذي مثلاَ يحب يده وتلقفها وتضحك وتستانس فيقول لها يشر لها من بعيد مثلاَ المغرب ويقول ارسلي لي حبات تقوم تحب يدها وترسل له وهو صاير في تقا هالنخله مناك غادي مثل حارس المرمى شي يلقفه وشي يطير يروح من عند رقبته وشي يقول ما نتي تركزين في رسايل الحب أرسليهم عشان نقضبهم مضبوط تراي تعورت من كثر ما أطيح ولا أمسك من هالحبات شي , المهم يالنشاما ما لكم بالطويله بعد مده قال لها: أتركي حبات الهوى وماحبات الهوى ما تصلح أنا تراي أحبك وأغليك بالحيل قالت بعد وأنا والله أحبك وأغليك وقال أن شاء الله إلا مني كبرت شوي اخلي ابوي يهرج اهلك على اساس أخطبك من عندهم , قالت توكل على الله أجل , هاه لكني قبل هذا كله أنا ودي أية يوم مهوب اليوم ولا هوب هالسبوع ولا هوب الأسبوع الجاي أبي على راحتك إلا منك فضيتي يوم من الأيام أبي لي حبه حبة تنعش قلبي (qq38) لانه غادي مثل الاسفنجه متخرق من الحب ما ينام الليل وهي ما تدري , إلا جاء الليل قام يشوف صورتها في كل مكان إن طالع النخله شاف صورتها إن طالع البيالات شاف صورتها وإن طالع أي شي شاف صورتها فيه . فيوم جاء يوم من الأيام صرُح وقال لها بس أنا مابي إلا حبه حبة مع أي موقع مع الكتف مع العرقوب مع أي شي المهم إني بس أحصل حبه , قالت لا لا تستعجل اصبر إلين نشوف , هاه ولا البنت هذي أمها متوفيه مالها إلا خاله عجوز كبيره في البيت قامت وراحت وشاورت الخاله وقعدت عندها وهرجت عليها هرج واجد عن الرعى وعن الغنم وعن اللي صار و إني رحت للزرع الفلاني ورحت لاسفل النخل وشفت فيه بنات وتسولف عليها سواليف تمهيديه للموضوع اللي هي تبي تحكي فيه بعدين , يوم خلصت وتلتفت على خالتها هذي ولا خالتها عجوز كبيره عليها ذيك الخواتم الفضه وقاعد لها على مصلى رمل ما تعداه أبد , عليها جلال صلاة اللي ارضيته حمراء ومنقط بأصفر لكن هالعجوز ذي مار عليها من كل شي , كل هالعلوم تعرفها جت وقعدت جنبها وخلتها تسولف إيه نعم وش تقولين يابنيتي وبعدين وتهرج عليها ويوم أنها خلصت من هرجها قالت والله ياخالتي إثر هالمسكين هذا , تعني اللي هو يحبها , متخرق قلبه على ويحبني حب عظيم وأنا والله ما دريت عنه هو في أسفل القدر ولافي علُوه (ان كيدكن عظيم حول ما تموت عليه وتقول مادري عنه (q67) ) ويوم جاء أمس جاني أنا عند القليب وكلمني مسيان وقال لي إني أبي حبة على هياده بوسه يعني وأنتي وش رايك ياخاله , يوم قالت لها هالكلام وهي تاقف العجوز بجلالها من الغضب قالت يابنتي اصحي انتبهي كل شي ولا الحبه سواليف من بعيد من قريب لكن كل شي ولا الحبه , الحبه هذي والله وراها أخطار عظيمه هاه تحذرها عن الحبه لأن الحبه إلا جت خلاص وش عقب الحبه ما عاد عقب الحبه شي فهي تحذرها وتقول انتبهي يابنتي , قالت ياخالتي أنها بس بسيطه ومن ورى العباة قالت ولو ولو من ورى العباة ! كل هالحكي ما يمشي المهم شافت أن الرجال مستدرك ومنضر وهي والله عصت أمر الخاله يوم جاء عقب يومين قال ترى والله إني تعبت أمس أرسلتي حبة في الهواء وانقلبت وعجزت أقضبها وطحت في ذا وتعور كتفي وأنه كله من هالسبب , أنا ترى ما قلت لك أبي الحبه اللي مع الكتف يا مع أي موقع , قالت زين تدري عاد أبعطيك الحبه بس لا يدري احد , قال أبد ما يدري أحد , قال زين إلا صرتي موافقه أجل تراي ما أبيها هالسبوع ولا اللي عقبه خليها مثلاَ إما يوم خميس والجو صافي ( يا رااااااايق(asj) ) ابيها تالي نهار الخميس ليلة جمعه حتى إني أنام عليها , ويقول خليها إلين أقولك , قالت طيب , المهم وتخليه مده , وهي كل ماجاء قالت هاه متى تبي تأخذ الحبه ؟ قال أبي أجي أخذها أصبري اليوم عجاج ولاهوب زين ولا صفا وأنا بالي متكدر خليها يمكن الاسبوع الجاي أجي أخذها , فعلاَ يقابلها يوم السبت قال تراي قربت أجي اخذ البوسه قالت أخلص تعال خذها ( بايعتها هالبنت ) وهي حاسه بذا الحبه أنها مضيقه عليها متى تجى تأخذ حبتك ؟ متى تجي تأخذها ؟ يوم جاء يوم الاحد قال تراي ما هوب باكر , عقبه أبي أجي أخذها قالت زين يوم جت تبي تقفي رايحه قال تعالي أعلمك قالت خير , قال عاد إلا بغيتي تعطيني الحبه مهوب تعطيني إياها على عجله كذا ما اهتني بها ابيها من حدر الإذن وأبيها طول نسمي ( مهوب هين هالولد (qq168) ) قالت أوهوووه , قال بعد طول نسمي أعوذ بالله أقل من طول النسم , وإلا البنت ما تدري وش قوله طول نسمي راحت للعجوز مره ثانيه وعلمتها وقالت ياخاله قالت خير قالت وش ابشرك به يبي يجي يأخذ حبته الله يقلعه ( يقطع ابو الرومانسيه ياشيخه (vv) ) وإلا العجوز مطمنه وتقول مادام الحبه أن كانها من ورى العباة على صدق مايخالف قالت يبي يجي يأخذ حبته الله يكرهه ومواعدني باكر لكن والله ياخاله قال كلمه , قالت وشو , قالت يقول أبيها طول نسمي وإلا يوم قامت العجوزمرة ثانيه بجلالها من الغضب وشو ؟ طول نسمه انتبهي من طول نسمه قالت ليش؟ قالت وإن كان نسمه نسم بحار متى يفكك يبي يبتل ناشب فيك إلين ينقطع نسمه إن نسمه نسم غواص تصير حبته هذي مثل عضة الورر ما عاد يفك منها شي لا لا لا جوزي يا بنتي عن الحبه وجوزي والله تعيي عليها وتلزمها وتعييي وفعلاَ ما اعطته حبه إلين عاد يقولون تزوج وأخذ غيرها ....

وهالقصه تذكرني بقصيده لأحد الشعراء ( سبيل بن سند الحربي ) الله يرحمه يقول في القصيده ..


يا نور عيني ليش شوفـــك شفاقـــه * * * هــذا جــــفا يـــازين ولا تغـــــلُي
على غلاك الـــزود مالـــه لواقـــــــه * * * إلا ولالـــه بالضمــاير محـــــــــلُي
ودك غدى بالروح والرجــل ساقــــه * * * من المـلا كـــله طــويــت السجــلُي
حتى ولــيف لـى هــروجــه رقاقـــه * * * وأنـا وفــي ما اتهـــاون بخـــــلُي
فارقت شوفــه وأنت ســبه فراقــــه * * * واليـوم ما أدري بأي دار يحــــلُي
لا شافـــني يأخــذ علـــي أندلاقــــه * * * يمشي طويل وطول حســه يهـــلُي
ولا أنت والله يا أن صفقـت انصفاقــه * * * قــدام وجهـــي ما اتــمــتع بخــلُـي
وإني طــويت رشــاك طــي العلاقــه * * * الحـال فيها من هــاك الـيــوم حـلُـي
حادور ما بــــه للمخـالـــيق طاقــــــه * * * أن طالني طيله غــدي فيــه كـــــلُي
كان أنـــكم خـــلان لــي ورفاقــــــه * * * قــــدام زلاُل بروحــــي يزلـــــــــــُي
يانــور عينـــــي ذوقــوني ذواقــــــه * * * غـر تـري قلبـــي عليهــن معـــــلُي
طول النـــسم بحدود عقـل ورواقــــــه * * * يضفــاه ذا الحـــالي ليــال مظــــلي
والله مــا اطلــــبكم وراهــن لحاقــــه * * * وأنه دوايــــه من بلايــــه وســــــلُي
وإني لكم يانـــور عينـي عــــتاقــــه * * * أنا دخيـل حظوظـكم قـبل أولُــــــي
وأنا تـرى ما أنا خطــــاة الهقاقـــــه * * * الـلي على غيبــــه لســــانه يدلُــــي
ولا يـــدل الـــــناس كـــثر اختفاقـــــه * * * لـو مـل وجهــــه بــــارد ما يمـــــليُ
يا عــود ريحــان على جـــال باقــــــه * * * شــابـك عليــــها زعفــران مظــــلُي
ياريـم وأنت أحلـــي بخـــف ولباقــــــه * * * ياعنـك ماشـــح بحـــلاك المحــــلي
عليـــك عنـــق من المهـــا والدراقـــــــه * * * ومن الصويـتـــيـه تــوزي ودلُـــــي
ومن الحــــــرار بنور عينــــك رماقـــــه * * * ومن الحمــامه مشيــها بس قـــــلـي
ولا أنت بأوصـــاف وحـــلايا دقاقــــــه * * * ما ادري وش انتـــه للعــذاري مخلُي
ربي عطــاك وحــط فوقــــك وساقـــــه * * * اشقر قضيــض فوق الأمتــان هلـــُي
قلبي علـيك اليوم غـــــادي عشاقــــــه * * * أنت تبــــي تــجديــــه ولا تكــــــلي
وتحــــط من دونــي خلـــيل حراقـــــــــه * * * وأنا يــســد من العنـا ما حصل لــي

حمد الشرعان
13-11-05, 08:10 AM
كل عام وانتي بخير راويتنا الرائعه نجدية

ماقصرتي

وهذا انا عاد مثل ما قال الراوي ابا ارفع يدي وابا اوميتس من بعيد تحية غلا لاختي الغالية

وعيدك مبارك

نايف بن تركي
13-11-05, 09:32 AM
طارت الطيور بأرزاقها

صح لسان الحربي

وصح لسانك يا النجدية

ننتظر جديدك


ابن تركي

عبد الله الزايدي
13-11-05, 11:31 AM
الاخت الغاليه النجديه


اسعد الله اوقاتك بكل خير

والله اسلوب رائع شيق جذاب سلمت يمينك وصح كلك مليون ونعم يابنت الرجال الله يعطيك العافيه

والله العظيم انني شعرت باصالتك العربيه من خلال الاسلوب والتصوير لكل مادارفي الروايه

تسلمي تسلمي تسلمي

زيزو
13-11-05, 11:51 AM
يا ساتر على الرومانسية والحب اللي فوق النخل!!!!مشكورة النجدية على المشاركة الحلوة

سـعـد العتيبي
13-11-05, 01:01 PM
روايتنا

ماشاء الله عليك عيني عليك بارده

اشكرك على هالجهد المبذول منك

وكل عام وانتي بخير وبصحه وسلامه

اخوك

نووف المطيري
13-11-05, 01:13 PM
مساء الخير والأحساس والطيبه هلااا و غلااا (q72)

الغاليه وكل عام وانتي بخير وبصحه وسلامه


روعه قصتج مثلج حبيبتي تسلمين عليها والواحد انت تساهل بصغيره يتساهل بالكبيره تسلمين لنا وابنتظار جديدج يا الغلا

فلاح بن منشار
13-11-05, 02:45 PM
النجديه


تسلمين على هذه القصه والقصيده الرائعتي


وصح السان شاعرها


يسلم فكرك اختي النجديه



تحياتي وتقديري

عصيمي
13-11-05, 03:07 PM
متى يفكك يبي يبتل ناشب فيك إلين ينقطع نسمه إن نسمه نسم غواص تصير حبته هذي مثل عضة الورر ما عاد يفك منها شي
[line]
ههههههههههههههههه

لا..هذي..قوووووية..

الله يعطيك العافية ياراويتنا..من جد ممتعه..

بونواف
13-11-05, 07:50 PM
كل عام وانتم بخير

ولي عودهـ يالراويه

عبير نجد
13-11-05, 07:59 PM
ماشاء الله عليك
الله يعطيك العافيه أختي على هذه القصة والقصيدة
فعلاَ مجهود تشكري عليه أختي

منصور الثويني
14-11-05, 01:44 AM
قصه جميله وقصيده اجمل

النجديه
14-11-05, 02:14 AM
حمد الشرعان (qq140)
*
*
تسلم على المرور الكريم والله يعطيك العافيه

الله يعيده علينا وعليك بالصحه والايمان

النجديه
14-11-05, 02:17 AM
نايف بن تركي (qq140)
*
*
صح بدنك ياخوي

والله يعطيك العافيه على هالمرور

النجديه
14-11-05, 02:20 AM
عبد الله الزايدي (qq140)
*
*
الله يسلمك ياخوي على هالكلام الطيب

وشرفتنا بحضورك الكريم

النجديه
14-11-05, 02:34 AM
زيزو (qq140)
*
*
الحب اللي فوق النخل هذا الحب يومه على وضح النقا وانا اختك (qq)

تسلم على المرور الكريم

منى_القلب
14-11-05, 02:36 AM
قصه رائعه انسمجت معاهم
تسلمين ياذوق على هيك قصه

النجديه
14-11-05, 04:38 AM
روايتنا

ماشاء الله عليك عيني عليك بارده

اشكرك على هالجهد المبذول منك

وكل عام وانتي بخير وبصحه وسلامه

اخوك

وانت بخير يالنشمي (qq140)

وتسلم على هالمرور الرائع

النجديه
14-11-05, 05:10 AM
مساء الخير والأحساس والطيبه هلااا و غلااا (q72)

الغاليه وكل عام وانتي بخير وبصحه وسلامه


روعه قصتج مثلج حبيبتي تسلمين عليها والواحد انت تساهل بصغيره يتساهل بالكبيره تسلمين لنا وابنتظار جديدج يا الغلا

هلاااا وغلااا بالغاليه نوف (qq140)

الاروع هو مرورك الرائع ونورتينا في صفحتى المتواضعه

النجديه
14-11-05, 05:13 AM
فلاح ابن منشار (qq140)
*
*
صح بدنك يا شاعرنا

وتسلم على هالمرور الطيب

النجديه
16-11-05, 07:08 AM
عصيمي
*
*
الله يعطيك العافيه

تسلم على المرور اخوي

النجديه
19-11-05, 12:59 AM
كل عام وانتم بخير

ولي عودهـ يالراويه

وانت بصحه وسلام يا ابو نواف (qq140)

احنا في انتظار عودتك ياخوي

النجديه
02-12-05, 03:00 AM
منى القلب
*
*
الاروع هو مرورك الرائع

والله يعطيك العافيه على هالتعليق الجميل

عبدالله العصيمي
05-12-05, 07:08 AM
شكرن جزيل الشكر علي الاسلوب الرايع في طرح القصة \\يسلمووووووووووووووووووووووووو




تحياتي مع الاعجاب

النجديه
13-12-05, 12:10 AM
عبد الله العصيمي
*
*
مشكوووور اخوي على المرور الرائع والكلام الجميل

تسلم ياخوي وماقصرت

أم أديم
13-12-05, 05:36 AM
الله يعطيك العافيه يالغالية



لاعدمناكِ

النجديه
21-12-05, 12:40 AM
عبير نجد
*
*
تسلمين يالغاليه على هالمرور الرائع والكلام الجميل

واسفين على التاخر في الرد

النجديه
21-12-05, 12:43 AM
منصور الثويني
*
*
الاجمل هو مرورك الطيب ياخوي

شقوي
23-12-05, 09:08 AM
جزاك الله خيراً
شكراً على هذه المشاركة

Dr_al_mazolene
23-12-05, 11:35 PM
الى صاحب الموضع





لو نزلت موضوع فلا قلت مشكور


لانك بعيني صرت كلك ولا شي

العفو عن المقدره .. من شيم الرجال

انت العزيز اللي غلاه ذبحني

السـيف
24-12-05, 07:17 PM
تسلمين النجديه
على النقل الرئع




السيف

النجديه
04-01-06, 12:33 AM
السيف
*
*
مشكوووور اخوي على المرور الرائع

واسفين على التاخر في الرد

النجديه
04-01-06, 12:37 AM
شقوي
*
*
تسم على المرور الطيب

و الله يعطيك العافيه

النجديه
04-01-06, 12:42 AM
الى صاحب الموضع





لو نزلت موضوع فلا قلت مشكور


لانك بعيني صرت كلك ولا شي

العفو عن المقدره .. من شيم الرجال

انت العزيز اللي غلاه ذبحني



مشكووووووور اخوي على المرور وما قصرت

النجديه
04-01-06, 12:43 AM
ام اديم
*
*
تسلمين يالغاليه على هالمرور الرائع

والحضور الجميل

نديمة الليل
04-01-06, 10:07 AM
النجدية

ما قصرتي

يعطيك العافية

النجديه
10-01-06, 05:40 PM
نديمة الليل
*
*
مشكوووووووره اختي على هالمرور الطيب

حسن خليل
28-01-06, 08:25 PM
قصة ممتعة يا راوية المنتدى

وأسلوب جميل في سرد القصة فعلاً

وصح لسان الشاعر سبيل الحربي

وسلمت على النقل المميز أختي النجدية

جهام
28-01-06, 09:40 PM
رائعة ياراويتنا القديرة اعجز عن الكتابة قائلا لك الوفيق من الله 0

سؤال لا اؤيد التغير وليتنا نرجع على الطريقة القديمة ان تكون الموضوعات في الخيمة

لقت سجلت اعجابي بجميع ماتنشريه قديما وهذا انا اليوم اجدد اشتراك في سجل الاعجاب

اخوك
جهام

جهام
28-01-06, 09:58 PM
رائعة ياراويتنا القديرة اعجز عن الكتابة قائلا لك الوفيق من الله 0

سؤال لا اؤيد التغير وليتنا نرجع على الطريقة القديمة ان تكون الموضوعات في الخيمة

لقت سجلت اعجابي بجميع ماتنشريه قديما وهذا انا اليوم اجدد اشتراك في سجل الاعجاب

اخوك
جهام

النجديه
30-01-06, 11:59 PM
حسن خليل
*
*
الشرف الحقيقي أن أجد أنسان يسطر في صفحتي المتواضعه أعذب الكلمات التي تدخل على النفس السرور والبهجه

سلمت ودام التواصل

النجديه
31-01-06, 12:04 AM
جهام
*
*
هلا وغلا فيك اخوي من طول الغيبات جاب الغنايم

عسى ما شر وانا اختك وين الغيبه ؟

ابشرررر وانا اختك بدل ما تكون الموضوعات في الخيمه حطونا لنا فرع كامل هههههههههههههههههههه

مشكوووووور اخوي على المرور وما قصرت

عاشق الاطلس
09-02-06, 07:01 AM
نجديه
صح لسانك على هذه الابيات الرائعة
قصيدة معبرة سلمت يدكي اختي العزيزه
تقبلي فائق التحيه.

النجديه
15-02-06, 03:15 AM
عاشق الاطلس
*
*
الله يسلمك ياخوي من كل شر

والله يعطيك العافيه على هالمرور الرائع

المهاجر
10-08-06, 11:09 PM
يعطيك العافيه

الوسميه
12-08-06, 05:08 AM
إن نسمه نسم غواص تصير حبته هذي مثل عضة الورر ما عاد يفك منها شي


ههههههههههههههههههههه


اللة يعطيك العافيه يا النجديه على النقل الحلو

تسلم انا ملك

النجديه
13-08-06, 02:02 AM
المهاجر
*
*
الله يعافيك ياخوي

وتسلم على هالمرور الكريم

النجديه
13-08-06, 02:03 AM
الوسميه
*
*
الله يسلمك من كل شر

ومشكوووره على هالمرور الرائع

أسيرها
27-09-06, 12:16 PM
يسلموووووووووووووووا يا صاحبة السمووووووووو ولا هنتِ

النجديه
28-09-06, 03:45 AM
8
8
اسيرها

تسلم ياخوي على المرور

يعطيك العافيه يارب