قصيدة رثاء..لشخص لم يمت..!!!!

[عصيمي]

هذه القصيدة للشاعرة "ودان المطر" ...ومناسبة القصيدة ..سؤال..غريب..!! من حبيبها..وكيف هي حياتها من بعده !!!.


البارحة ما نمت والعين ما غفت=اعد النجوم وعيني النوم عافته
افكر بدنياً غامضة مابها حلا=نعاني مصايبها والايام قاسية
وانا سبب ماهاضني واشغل الفكر=حبيباً قسى في الهرج وما ادركت غايته
يمزح يقول ا تخيل ا نك فقدتني=ومحمد الغالي ماعادك بشايفه
وشولون بتعيشين عمرك بدوني=تخيلي واحكي معانات صادقه
ورديت والعبرات تخنق اجابتی=قلت اه ياصعب السوال..واجابته
ياليت تعفيني ترى القلب يدمع=فديت عمرك لا تزود مواجعه
وبلحظة تخيلت ان هرجه حقيقة=وان الله القادر تذكر امانته
ولقيت عمري في زماني وحيده=اعيش في الواقع واقاسي مرارته
واتذكر اللى صار بيني وبينه=واهل دمعاتن على الخد حارقه
الناس من حولي كثيرن عددهم=لاشك واين القى عوضه وبدايله
ماعاد لي في دنيتي من طماعه=القلب عقبه عاف حتى قرايبه
لامن طرالي صادق الشوق هزني=وكن الجمر في الصدر توقد لهايبه
في ذمتي مافز قلبي لغيره=غلاه مهما قلت ماني بواصفه
ياصعب فرقى اللى خفوقي يودهم=ياشين فرقاهم وياشين ساعته
يلعنبو هالوقت مافيه شيمه=دايم ومنه اقلوب الاحباب خايفه
ياموت دامك من عيوني سرقته=ارجوك عمري لاتاخر نهايته
وفجاءة واذا بصوتن ينادي حبيبتي=اثره على الهاتف وانا كنت سارحه
ولبيت من قلبي بصوته وانا ابكي=احزنت قلبي يادواه وطبايبه
ماتدري ان القلب بيديك تملكه=وفي يديك تعذيبه وفيدك سعادته
وقام يحلف والله ما قصدي اجرحك=تكفين لا تبكين دمعتك غاليه
القصد لامن غبت ابعرف مكانتي=وخلاص يكفي ردة الفعل واضحة

[النجديه]

تسلم يديك اخوي على هالنقل

ويسلم هالذوق

والله يعطيك العافيه

[فلاح بن منشار]

عصيمي


تسلم على هذا النقل البديع

وصح السانك ولسان شاعرتها



تحياتي وتقديري