خطبة الشايب الاعمى

[عبد الله الزايدي]

ودي اخطب معا الناس وحده هنوف
****************** من قريب هنيا تعرفونها

راضي إبها ولوهي كبيره نصوف
***************** لوعجوز(ن) تعكز على شونها

ورقصو بالخناجر وحد ب السيوف
************** قلت لي قول مادوني ودونها

انت ياذاك ماكن فيك معروف
*************** الجميله صعيبه وياهونها

زينها ما يهم همني فالردوف
****************** وش مقاساته وش عسى لونها

مثل صحن الجلي يرتجف فيه خوف
***************** هاذي اللي وصيه بما عونها

لزموني يديها وفتح وشوف
***************** ولزموا راس ليلى لمجنونها

ودهنوني بديزل ودهن الحفوف
*************** بس تكفون حذرا تفكونها

وكل ما جيت اريوس عطوني سفوف
**************** ولا حد(ن) يخش مابيني وبينها

مضمن اله السلامه وهذي ظروف
*************** لايجي حاجة(ن) ماتريدونها

وذبح الكم جمل وذبح اكبر خروف
************* ثم يا الله مع الباب حمله تشيلونها

وسلامتكم ***** تم الزواج بحمد الله

[عبد الله الزايدي]

هنه هنه

تعالوا شوفها

[شبيـه الريـح]

صح لسانك أخوي عبد الله

قصيده ولا اروع

[حمد الشرعان]

عسى فالهم ولد

مبروك

وصح لسانك

ما سمعنا رايها


المبدع عبد الله الزايدي
يصح لسانك مره اخرى


وكل عام وانت بخير

[الفاروق المنير]

زينها ما يهم همني فالردوف
****************** وش مقاساته وش عسى لونها
مثل صحن الجلي يرتجف فيه خوف
***************** هاذي اللي وصيه بما عونها
لزموني يديها وفتح وشوف
***************** ولزموا راس ليلى لمجنونها
ودهنوني بديزل ودهن الحفوف
*************** بس تكفون حذرا تفكونها


الله

الله

الله


وش ذي القصيدة المطمة يا عبدالله !؟

الله يهدي هالشايب ويصلحه والا عاد يتبصر فيه

ههههههههههههههههههههههههه

هذا وهو شايب وذا فعله !!!!

أجل كيف يوم هو شباب وش سوى وش خلى !؟




قصيدة فكاهية

عليها طابع المرح والإنشراح

فعلا نحن بكلامنا أو بشعرنا دوما جاااادين !!

ألا يوجد للمرح والمزاح والسرور مجال !؟

بلى .. وهذه إحدى القصائد التي عليها صبغة الفكاهة والنكتة

لكن ورى الشايب ما سوى عشا وعزم الرياجيل !؟


أجل لاجاه ولد ما هو بمعذور يعوض الرجال عن حفلة العرس !!

ههههههههه





عبدالله الزايدي

صح لسانك

وأضفت جو من المرح

ونحن بحاجة لهذا الجو !!؟


لاهنت يالذيب

وكثروا على شايبكم من الدهون !!

ترى البرد على البيبان

هههههههههههه




مشكور
ويعطيك العافية




لك
كل الود




صادق الإحساس
الفـاروق المنـير

[عبد الله الزايدي]

الاخ العزيز شبيه الريح

شاكرين مرورك العطر

ومقدرين حضورك باركنا للشايب نيابة عنك


وانا هنا بقسم الرجال اتقبل التهاني عن الشايب

وشيخة العز تتقبل تهاني السيدات في قسم النساء اللاحاطه

دمت بالف خير

[عبد الله الزايدي]

الاخ العزيز حمد الشرعان

كل عام وانت بالف خير وصحه وسلامه

اما عن رايها مستحيه ( على استحياء) وكلنا مستحين الشايب احرجنا

والشايب يقول ما يبغى بزوره ( يبا فياقرااا)

صح بدنك وعسال تسلم

[عبد الله الزايدي]

الاخ العزيز الفاروق المنير

هلا وغلا

الظاهرفعلاً انت اخذتك السخونه بهذاري

انت حضرة اول الليل والناس عشوا وذبحو جمل ونعيمي ودخل العريس ونتهينا


شاكرين مرورك سلامات

[الفاروق المنير]

هههههههههههههههههههههههههه


صادق والله الظاهر الحمى عملت عمائلها ومانتبهت للبيت الأخير
ويمكن البيت اللي قبله أعماني لا شوفه يا رجل

ههههههههه


مشكور وما قصرت والله يوفقه ويخليله الفياجراا

ههههههه

[الفارس الحميدي]

بسم الله الرحمن الرحيم

السلام عليكم ورحمة الله وبركاته


الله يعطيك العافيه



صح لسانك قصيده ولا اجمل فيها مرح


عبدالله لاتنسون الرجا ل من الفيقرا والسنافي


من عندي 2 كيلوا عسل صيفي و1كيلوا عسل كشميري



وطاسه حليب نياق


وين مكا ن الرجا ل اروح ابا ركله واعطيه

ههههههههههههه


هههههههههههههه

ما عنها أخت حتى يكون عديلي



الف شكر على التحفه الجميله


تحيا تي وتقديري الفا رس الحميدي

[عبد الله الزايدي]

مر حبا مليون بالفارس الحميدي

وتبريكاتك نوصلها ولاتتعب نفسك مخدوم


الظاهر مانتبهت للبيت التالي


مضمن اله السلامه وهذي ظروف
*************** لايجي حاجة(ن) ماتريدونها



خلك من بعيد لبعيد الشايب مايشوف وما له امان

وشايبنا نعرف نعطيه عسل وحليب الله يجزاك خير

شاكرين ومقدرين حضورك وصح بدنك وعساك تسلم

كل الحب والتقدير لشخصك الغالي