الــنــوخــذة
04-11-05, 01:26 AM
الشاعر بدر بن عواد الحويفي الحربي
يقطن الآن محافظة الرس بالقصيم
ويعد من أكبر كبار شعراء الخليج العربي عموما
واخترت لكم هذه القصيدة من قصائده بالقنص:
يقول أبو سلمان:
ياللي طلبتوا نبـذةٍ مـن قصيـدي
عن واقع المعقول لأنقص ولا أزيد
أنا غرامـي وإنبساطـي وعيـدي
تفريعة القرناس بأرضٍ بها صيـد
إليا شطّب الصيحان روس الزبيدي
والعشب جالـه بالمثانـي عناقيـد
والبدو مـا يبـدا لهـم بالشديـدي
تسعين ليلـة ماحكـوا بالمواريـد
ضيق بهـم در الغنـم والجميـدي
مايشربـون إلا حليـب المجاديـد
والبل وبرها طار وأبـدل جديـدي
ورودم على الفطر سواة المجاليـد
ومن فضل ربي كل يـومٍ تزيـدي
قامت عشايرهـا تسـن المفاريـد
والصبح تسمع للطيـور تغريـدي
ليل الشتا طولـه عليهـن سراميـد
هذيـك والله منوتـي ياعضيـدي
لاساقه الله من صـدوق المواعيـد
ماكفـه تديـر لرجـم المفـيـدي
وذوب على خشم الخدار ومشاحيـد
مجهود من نـو الجبـاه السديـدي
وحصل لها قبل العقـارب تماديـد
غثوه على روس الشجر والهضيدي
وساق وتساقـا للنفـود وتخاديـد
وفيض على فيحان ريف المعيـدي
نبي لنا بإشعـاف لوقـا مطاريـد
على وسـوق مقربـات البعيـدي
من فوقهن يازين مـزح الأواليـد
لافـرع النـادر وطلعـه وكيـدي
وحول على جول الحباري تقل حيد
وسلط على الخرب النشيط العنيدي
حاسه وداسـه والحبـاري ملابيـد
يقضي بها الصقار يـوم جديـدي
في ساعـة مابـه وجيـه مقاريـد
هذا هـوا بالـي وهـذا رصيـدي
سوق النظر بين السهال الجراهيـد
لو كان من طرد الولع ما استفيدي
فتقٍ بقلبـي واعـذروا يالأجاويـد
ونومي تحت طل النجوم الجليـدي
عندي كنـب ومنجـد زل تنجيـد
لو لامني خطـو الغشيـم البليـدي
طرد الولـع مابـه عليّـه مناقيـد
وشوف الفياض المخضرة يالحميدي
وشمة ذعاذيع الهوى عندنـا عيـد
وللكيف ذوق ولااستماع النشيـدي
لاقلطـوا رسـلان وإلا بغـاديـد
ثنتيـن هيـل وثالثتهـن عويـدي
وكلٍّ على ماتطلب النفـس وتريـد
وقدوعهن من طلع حدب الجريـدي
أحسن نمونه من نما شـرع الغيـد
وسوالـفٍ ماقيـل فيهـا جحيـدي
بالصيـد لانمّـة ولاهـي هرابيـد
ساعات نقضيهـا ويـوم سعيـدي
ولادامت الدنيا لعامـر وأبـا زيـد
الـدايـم الله والفـنـا للعبـيـدي
والرزق عند منـزل الـدر بالديـد
محيي الهشيم اللي عروقه هميـدي
رزاق ماتحت الصخور الجلاميـد
والله يدبرنـا عـلـى مايـريـدي
وصلوا على اللي وحد الدين توحيد
يقطن الآن محافظة الرس بالقصيم
ويعد من أكبر كبار شعراء الخليج العربي عموما
واخترت لكم هذه القصيدة من قصائده بالقنص:
يقول أبو سلمان:
ياللي طلبتوا نبـذةٍ مـن قصيـدي
عن واقع المعقول لأنقص ولا أزيد
أنا غرامـي وإنبساطـي وعيـدي
تفريعة القرناس بأرضٍ بها صيـد
إليا شطّب الصيحان روس الزبيدي
والعشب جالـه بالمثانـي عناقيـد
والبدو مـا يبـدا لهـم بالشديـدي
تسعين ليلـة ماحكـوا بالمواريـد
ضيق بهـم در الغنـم والجميـدي
مايشربـون إلا حليـب المجاديـد
والبل وبرها طار وأبـدل جديـدي
ورودم على الفطر سواة المجاليـد
ومن فضل ربي كل يـومٍ تزيـدي
قامت عشايرهـا تسـن المفاريـد
والصبح تسمع للطيـور تغريـدي
ليل الشتا طولـه عليهـن سراميـد
هذيـك والله منوتـي ياعضيـدي
لاساقه الله من صـدوق المواعيـد
ماكفـه تديـر لرجـم المفـيـدي
وذوب على خشم الخدار ومشاحيـد
مجهود من نـو الجبـاه السديـدي
وحصل لها قبل العقـارب تماديـد
غثوه على روس الشجر والهضيدي
وساق وتساقـا للنفـود وتخاديـد
وفيض على فيحان ريف المعيـدي
نبي لنا بإشعـاف لوقـا مطاريـد
على وسـوق مقربـات البعيـدي
من فوقهن يازين مـزح الأواليـد
لافـرع النـادر وطلعـه وكيـدي
وحول على جول الحباري تقل حيد
وسلط على الخرب النشيط العنيدي
حاسه وداسـه والحبـاري ملابيـد
يقضي بها الصقار يـوم جديـدي
في ساعـة مابـه وجيـه مقاريـد
هذا هـوا بالـي وهـذا رصيـدي
سوق النظر بين السهال الجراهيـد
لو كان من طرد الولع ما استفيدي
فتقٍ بقلبـي واعـذروا يالأجاويـد
ونومي تحت طل النجوم الجليـدي
عندي كنـب ومنجـد زل تنجيـد
لو لامني خطـو الغشيـم البليـدي
طرد الولـع مابـه عليّـه مناقيـد
وشوف الفياض المخضرة يالحميدي
وشمة ذعاذيع الهوى عندنـا عيـد
وللكيف ذوق ولااستماع النشيـدي
لاقلطـوا رسـلان وإلا بغـاديـد
ثنتيـن هيـل وثالثتهـن عويـدي
وكلٍّ على ماتطلب النفـس وتريـد
وقدوعهن من طلع حدب الجريـدي
أحسن نمونه من نما شـرع الغيـد
وسوالـفٍ ماقيـل فيهـا جحيـدي
بالصيـد لانمّـة ولاهـي هرابيـد
ساعات نقضيهـا ويـوم سعيـدي
ولادامت الدنيا لعامـر وأبـا زيـد
الـدايـم الله والفـنـا للعبـيـدي
والرزق عند منـزل الـدر بالديـد
محيي الهشيم اللي عروقه هميـدي
رزاق ماتحت الصخور الجلاميـد
والله يدبرنـا عـلـى مايـريـدي
وصلوا على اللي وحد الدين توحيد