و "على ايت حال : دام الماء نوى تكذيب الغطاس ....(( عيديتي لكم ))

[الصواعق]

:cl:

السلام عليكم

وكل عااام وأنتم بخير

أمس أتصل فيني الشاعر سلطان الحجاج .. وقال لي هذي القصيدة .. بعد طلعتي للشباب في بريدة



وحبيت أنزلها البارح فقلت مايصلح خلها ليلة العيد أحسن

وهذاني أقدم لكم هذي القصيدة اللي أتمنى أن تنال على رضاكم




و "على ايتّ حال : دام الماء نوى تكذيبت الغطاس" = أنا باحكـي حكايتنـا مـن اولهـا لأخرهـا ..!

اشوف العيد بحضوره .. هنا (مغري) لكـل النـاس = حشا ما اغرى مساحاتي سـوا عطـر ٍ تعطرهـا ..

هنا طفله وسط صدري حضوره ( يحبس الانفـاس ) = تلـم ورود بستانـي و تجمعـهـا و تنثـرهـا ..

هنا " لولو " هنا " فضه ".. هنا "و الله بريق المـاس " = هنا باكتب "قصيدة حـب" فـي حبـه وبأنشرهـا

هنا طفله و " أمـوره" .. يطيـح بقلبـي الحـراس = و تجي و تسجل " اهدافه" و تأسـر قلـب آسرهـا

مثل نسمات " جافنشي" مميـز متـرف وحسّـاس = عطر..يحكي لماضيها ..سوالـف حـب حاضرهـا

اخيله لا لمـع بـرق ٍ هنيّـا وللسحـاب اجـراس = ثريا الكون اعشقها و هنآآ اجلـس و اسامرهـا ..

تجي مثل المطر دايـم .. نديّـه .. كلهـا احسـاس = و ترحل كنها ( ضحكه كسر هالوقت خاطرهـا )

وتجي مره .. مثل شيخ ٍ شجاع ٍ رافـع ٍ هالـراس = وكأنـه " شهـرزاد " الـروح تنهاهـا و تأمرهـا

" تعن " بصدري انفاسه ..ويطير من الخفوق "عماس " = يسـوق المـوت فنجالـه / وتسرقنـي نواظرهـا

عنود ٍ .. لاتذيرته .. يفـز مـن الرجـال اجنـاس = صعيبه ..حيل...( يايمه عليها .. كيف بأخسرها ) ؟

جميله مترفه جداً../ وانـا ادري بـه عريبـة سـاس = حكايـة مجـد يايمـه و اشـوف المجـد سطّرهـا

وانا خايف من المولى وشعري ( يدمـي القرطـاس ) = ولكن هي حكاية حب .. وجيت اليـوم بأنشرهـا

ومدام العيد بحضـوره هنـا يغـري جميـع النـاس = انـا ماغـرى مساحاتـي سـوى عطـرٍ تعطرهـا

وعلى ايت حال: دام الماء نوى تكذيبـت الغطـاس = ترى هذي حكايتنا من ( اولهـا الـى آخرهـا ) ..!



لسلطان الحجاج


دمتم بحب ..

[شيخة الكعبي]

صح لسان الشاعر ولسانك ومشكور على النقـل بس فيه غلطة املائيـة



أيت تكتب أيـة ..




حبيت اوضح :)



وشكرا لكــ

[الصواعق]

صح لسان الشاعر ولسانك ومشكور على النقـل بس فيه غلطة املائيـة



أيت تكتب أيـة ..




حبيت اوضح



وشكرا لكــ


اهليين شيخة

أيتّ <<< بالشدة على الياء علشان كذى صارت مفتوحة ماهيب مربوطة ... ولو هي ساكنة أو مفتوحة كان عادي تصير مربوطة

فهمتي القصد ؟:)


صح بدنك

ومشكورة على المرور

[شيخة الكعبي]

لا مافهمت كيف تصير مفتوحـة وهي اصلا مربوطـة .....؟!

[الصواعق]

لأن على الحرف شدة ..

مثال بسيط

((شدة ))

تصير أيضا

شدت <<< يوم نثقل على حرف التاء ويصير عليها شدة (( ّ ))


أية

تصير

أيت

علما أنه فيه فيه فرق بين

أية .. وأيت


<< يعطي دروس إملاء لشيخة (hjh)

[شيخة الكعبي]

ماصدق!


اولــ مرة اعرف بهالشي انت اخترعت لك نحو جديد الظاهــــــر !!!!!!!!



شدة اذا صارت شدّت يختلف المعنى ياصواعق ! ......



ممكن تشرح لي اول شطر من اول بيت ؟

[الصواعق]

و "على ايتّ حال : دام الماء نوى تكذيبـت الغطـاس"
أنـا باحكـي حكايتنـا مـن اولـهـا لأخـرهـا ..!

أيت حال .....يعني على أي حال .. والتاء زيادة حسب اللهجة

تكذيبت ... يعني تكذيب .. والتاء زيادة حسب اللهجة

وراح أشرح لك اياه بالخاص .. أفضل

[سـعـد العتيبي]

وعليكم السلام ورحمة الله وبركاته

وكل عام وانت طيب

صح لسان سلطان وسلمت لنا

لاهنت

[سكري]

العزيز والغالي على قلووووووووووووووووووب الكل
الصواعق
تسلم على النقل
وتسلم على الإمتاع
وتسلم على جلب هذه الفاتنه
ان لم نقل لهذه الابيات وصاحبها صح السانك يا شاعر لمن نقولها
الله الله
مبدع سلطان
لله در الحب الذي خرج لنا مثل هذه الابيات التي تفوح بعطر العشق
الصواعق بلغ سلطان تحية جمهورة بقصيمي نت
وقله سكري اول واحد
ابيات تقف وانت تتأملها مسطول من هول ما الحب والوصف العذري
ابيات تجبر من يمر من هنا ان يقف ويستمتع بها من الفها الى اخر حرف بها
ابيات تنم عن قدوم شاعر له ثقله في الساحه الشعبيه الشعريه
الصواعق لا بد ان توفي بالووووووعد
وتقنع سلطان ان يأتي الى قصيمي نت
سكري

[الصواعق]

سعد العتبيبي

صح بدنك

وتسلم لحضورك

[الصواعق]

العزيز والغالي على قلووووووووووووووووووب الكل
الصواعق
تسلم على النقل
وتسلم على الإمتاع
وتسلم على جلب هذه الفاتنه
ان لم نقل لهذه الابيات وصاحبها صح السانك يا شاعر لمن نقولها
الله الله
مبدع سلطان
لله در الحب الذي خرج لنا مثل هذه الابيات التي تفوح بعطر العشق
الصواعق بلغ سلطان تحية جمهورة بقصيمي نت
وقله سكري اول واحد
ابيات تقف وانت تتأملها مسطول من هول ما الحب والوصف العذري
ابيات تجبر من يمر من هنا ان يقف ويستمتع بها من الفها الى اخر حرف بها
ابيات تنم عن قدوم شاعر له ثقله في الساحه الشعبيه الشعريه
الصواعق لا بد ان توفي بالووووووعد
وتقنع سلطان ان يأتي الى قصيمي نت
سكري


اهليييين بالحبيب الغالي سكري

يابعدهم والله

ترى سلطان عزيز على قلبي .. وهالكلام يوم ينقال له .. وشهادة من شاعر مثلك .. تجعلني أفرح من كل قلبي

وبإذن الله .. أنا راح أكلمه
وإن شاءالله يطاوعني ويجي

وتسلم على هالحضور يالغالي