المساعد الشخصي الرقمي

مشاهدة النسخة كاملة : حنا ضد قيادة المراه لاكننا نطالب بسيارات أجره حكوميه


همكم همي
15-07-12, 11:36 PM
بسم الله الرحمن الرحيم
والصلاة والسلام على أشرف الأنبياء والمرسلين
سيدنا محمد وعلى آله وصحبه اجمعين:


السالفه ومافيها شركات الاجره من يديرها ومن اللي يراقبها

ليش الواحد يفتح الشركه وهمه الاول والأخير حصاد آخر اليوم

الصيانه والراحه آخر اهتمامهم

والسواق مطلوب منه مبلغ يجيبه والباقي له قل ولا زاد

وحنا الضحيه

السرعه والتجاوزات عشان التحصيل على حساب حياتنا

وياليت يدلون ويفهمون بسرعه يجون بقراطيسهم ويتدربون علينا آه يالقهر (q79)

طيب صاحب الشركه ليه مايدربهم على المدينه اللي هم فيها ومايمسكهم السياره الا بعد

مايتأكد انهم ادركواللي حولهم

ماداعاني للكتابه الموقف اللي حصلي

ركبت اجره والتوجه لمبنى الإتصالات اللي على الدائري الشمالي

والتهيت باتصال جاني وما نتبهت للسواق مادريت الا انا بجنوب الرياض واقول له محمد انت وين رايح

قال صبر صبر
واصبر ومادريت الا وأنا بآخر الشمال عزيل حالي :bb55bh:

وارجع اقول الحين وين رايح قال صبر
واصبر مع اني احس الأكسجين نفذ من الزيوت العطريه اللي تطلع مع مكيف الهواء زيوت الشعر المميزه متشربها المكيف

ان رفعت الغطا خفيف ابتنفس زادت الريحه واخاف اقول طول للمكيف تطلع اكبر كميه منها

قلت افتح الشباك شوي تخف هالروايح ومالي الا الصبر وبعد ما مليت من الجوله على مدينة

الرياض طلبت منه ينزلني بعد جوله استغرقت قريب ساعه

ونصف وآخذ اجره ثانيه واروح مشواري

هذا من العينات اللي مدري وش جايبه وش مستفيدين من هاللي مايعرف الشمال من الجنوب

هذاا حده يسوق وايت في قريه يخب ويسحب

وحنا نطالب حكومتنا الله يحفظهم

تخصص لنا سيارات متسعه ونظيفه ومريحه ومخفضه مانبي هالتجار يلعبون علينا

ولا نبي سواقين الاجره بعد يلعبون علينا بالتسعيره احيان نصير مظطرين وندفع الضعف لهم

واحد مره جيت انزل قال لازم زياده قلت انا ادفع نفس السعر للمشوار هذا دايم

قال انا سوي مصروف حق بزوره وأكل غالي طماط وبصل وبطاطا كلش غالي لازم انتي زياده

قلت انا الحين بلشه بروحي وش على من طماطك وبصلك (asj)وانا ولية ابن آدم على ذريته

اللي يسمعهم يقول ماعندهم الا هالشغله بعضهم يسوي كم شغله في اليوم ودخله في الشهر يعادل وزير



كم تمنيت ان سعودة اللموزينات ما أجلوها

ياناس نبغى سمننا في دقيقنا عمري ماركبت مع سعودي واقول كم الا ويقول اللي تدفعون يالبى الكرم والاخلاق

والأجانب بعضهم يركبنا بسعر معين ولا وصلنا طلب زود ولا مايعجبهم السعر ويروحون ويخلونا مرصعين بالشمس:gcr852:

يارب اشوف الاجره تسعودت واشوف كل الاجانب بسلامه رايحين بلادهم

ياهووووووه :g8546:ترى الحرب جتكم وش تحترون روحوا لدياركم يازين من زار زخفف



وسلامة الجميع

&زرياب&
15-07-12, 11:58 PM
انا من زمان
مع قيادة المرأة للسيارة
ورغم كل السلبيات اللي صورها البعض عن قيادة المرأة و مقاطع افلام الآكشن اللي
كثير من ربعنا الفو حولها حكايات وحكايات
وكأننا في غابة استوائية بدائية كل واحد بياكل الثاني
او كأن اللي بيسوقون كائنات فضائية نازلة من المريخ
بناتنا وزوجاتنا ووعجايزنا كلهم بالاسواق رايحين جايين ولافية احد معاهم
ولافية احد يقدر يفتح عينة فيهم

مساويء قيادة المرأة للسيارة اقل بكثير من ايجابيتها
لذلك فـ الحل الوحيد لكل التعقيدات اللي حصلت لك في سيارات الليموزين
هي سيارة جديدة من الوكالة بعد ان يقوم صاحب السعادة ( زوجك ))
بتدريبك على قيادة السيارة بالأقناع وليس بالأكراة.
وتشجيعك والأخذ بيدك حتى تتجاوزي فوبيا اللحظة الاولى للقيادة بمفردك
احنا لسنا بشعب الله المختار حتى تكون قناعاتنا وافكارنا حبيسة عقولنها فقط

اللي استغربة ان غالبية السعوديات يقدن السيارات في خارج المملكة بكل حرية
وشجاعة
وبمجرد العودة الى ارض المملكة تجدها اول من يعارض القيادة بحكم الانقيادية لبعض الافكار
(a21)
اما اصحاب شركات اللليموزين فلا تلوميهم ابدا
فهم اصحاب تجارة في بلد قلة فية الرقابة فحل في نفوسهم الجشع
ومبداهم
الربح الوفير بالجهد القليل

لذلك
لن يصلح العطار ما افسدة الدهر

عوووافي

Caroline12
16-07-12, 12:11 AM
يا حليلك والله ضحكتيني ماتبين تسوقين سياره وراكبه بتاكسي لحالك
غريب والله تثقين بشخص اجنبي عشان يوصلك للمكان اللي تبينه ولا تبين تسوقين سياره لييييييه؟؟؟
يعني ماتخافين يقتلك ولا يرش شي ويخدرك ولا يهددك ومعه سلاح وابسط شي يسويه يقفل الباب ويلا عاد وش بتسوين واحنا هنا ماعندنا 911 من خلال تلفونك يحددون مكانك !!!!!!1
يعني هالاجنبي بيخاف عليك اكثر من نفسك (منطق غريب)
بعدين سيارات الاجره فاشله عندنا
بدول برا وهم اكثر انفتاح منا التكاسي تتصلين على الشركه ويسألون اسمك و وين انتي رايحه ومن وين نجي نأخذك ويقول لك التاكسي بيحي بعد 5 دقايق والتلفون مسجل عندهم ولما تركبين السائق يعطي خبر للشركه انها ركبت معاي ولما يوصلك للمكان المطلوب السائق يقول وصلتها والسعر كذا من الشركه وهكذا
احنا مع الاسف ماعندنا هالشي هذا!!!!!
يعني اللي بايع عمره يركب تاكسي ؟؟؟؟؟؟؟

ابوصلاح
16-07-12, 12:15 AM
على طاري المخالفات رحت امس للسوق مع عائلتي استغربت ما فيه شباب بالعادة - خصوص بعد السماح للشباب بدخول الاسواق - تلاقي الشباب اشكال والوان لكن اللي ظهر لي ان موضوع التشديد في موضوع المعاكسات خفف من الظاهره

لو يسمحون بقيادة المرأة للسيارة وشدد العقوبات على المخالفين والمخالفات وبرضه تنظيم النقل الخاص مثل سيارة الاجره ببعض الدول داخلها كامره وعلى اتصال بالشركة

همكم همي
16-07-12, 12:24 AM
انا من زمان
مع قيادة المرأة للسيارة
ورغم كل السلبيات اللي صورها البعض عن قيادة المرأة و مقاطع افلام الآكشن اللي
كثير من ربعنا الفو حولها حكايات وحكايات
وكأننا في غابة استوائية بدائية كل واحد بياكل الثاني
او كأن اللي بيسوقون كائنات فضائية نازلة من المريخ
بناتنا وزوجاتنا ووعجايزنا كلهم بالاسواق رايحين جايين ولافية احد معاهم
ولافية احد يقدر يفتح عينة فيهم

مساويء قيادة المرأة للسيارة اقل بكثير من ايجابيتها
لذلك فـ الحل الوحيد لكل التعقيدات اللي حصلت لك في سيارات الليموزين
هي سيارة جديدة من الوكالة بعد ان يقوم صاحب السعادة ( زوجك ))
بتدريبك على قيادة السيارة بالأقناع وليس بالأكراة.
وتشجيعك والأخذ بيدك حتى تتجاوزي فوبيا اللحظة الاولى للقيادة بمفردك
احنا لسنا بشعب الله المختار حتى تكون قناعاتنا وافكارنا حبيسة عقولنها فقط

اللي استغربة ان غالبية السعوديات يقدن السيارات في خارج المملكة بكل حرية
وشجاعة
وبمجرد العودة الى ارض المملكة تجدها اول من يعارض القيادة بحكم الانقيادية لبعض الافكار
(a21)
اما اصحاب شركات اللليموزين فلا تلوميهم ابدا
فهم اصحاب تجارة في بلد قلة فية الرقابة فحل في نفوسهم الجشع
ومبداهم
الربح الوفير بالجهد القليل

لذلك
لن يصلح العطار ما افسدة الدهر

عوووافي


اخوي ذو ابعاد

يعلم الله اني ضد قيادة المرأه للسياره وأتنرفز بمجرد اسمع مثل كذا

لاكن طريقة طرحك المختلفه واللبقه تخلي الواحد يسمع لك أكثر وأكثر

المشكله ونا اختك مو متوقفه على الخوف عليها من النظرات ولا التحرشات فقط

فيه خوف ثاني مو كل النساء تدل أولهم محسوبتك همومه

وبعدين مدينه مثل الرياض شف الزحمه فيها كيف عاد وشلون تسوق الحريم وبعدين اللحين المرأه

قدرت تقوم بمسؤولياتها كامله في البيت حتى تضيف لنفسها أعباء جديده من ارهاق وإزعاج السيارات

والتاخر عن المنزل

الفجر البعيـد
16-07-12, 12:25 AM
وليه ما ركبتي بتاكسي الرياض عشان تستمتعين بالرحلة .. :gg4mpup:

http://sabq.org/files/news-image/35683.jpg?1325193746

همكم همي
16-07-12, 12:36 AM
يا حليلك والله ضحكتيني ماتبين تسوقين سياره وراكبه بتاكسي لحالك
غريب والله تثقين بشخص اجنبي عشان يوصلك للمكان اللي تبينه ولا تبين تسوقين سياره لييييييه؟؟؟
يعني ماتخافين يقتلك ولا يرش شي ويخدرك ولا يهددك ومعه سلاح وابسط شي يسويه يقفل الباب ويلا عاد وش بتسوين واحنا هنا ماعندنا 911 من خلال تلفونك يحددون مكانك !!!!!!1
يعني هالاجنبي بيخاف عليك اكثر من نفسك (منطق غريب)
بعدين سيارات الاجره فاشله عندنا
بدول برا وهم اكثر انفتاح منا التكاسي تتصلين على الشركه ويسألون اسمك و وين انتي رايحه ومن وين نجي نأخذك ويقول لك التاكسي بيحي بعد 5 دقايق والتلفون مسجل عندهم ولما تركبين السائق يعطي خبر للشركه انها ركبت معاي ولما يوصلك للمكان المطلوب السائق يقول وصلتها والسعر كذا من الشركه وهكذا
احنا مع الاسف ماعندنا هالشي هذا!!!!!
يعني اللي بايع عمره يركب تاكسي ؟؟؟؟؟؟؟





هلابك ونا اختك مالومك ان ضحكتي وخذي راحتك

اكيد ماشاء الله ماتركبينها وعساك ماتحتاجينها

انا لي 17 سنه اركب الإجره للضروره مثلآسوق ولا اودي عيالي مستشفى ولا اقضي للبيت ولا ترفيه لأسرتي من فتره لفتره

وقسم بالله ماكد تعرضت لخطر من فضل الله قولو ماشاء الله

غير اني منزعجه من التسعيرات اللي كل مالها تزود مع ان البانزين رخص والطرق هي الطرق

وغير هذا الروائح الكريهه

بعضهم ريحته صابغه في السياره من زيوت وريح عرق مزعج واحيان روائح الدخان ماتصد قين على الله تنزلين (q78)

هنوفا
16-07-12, 12:39 AM
معاك حق ف ان السواقين اكلو فلوسنا

والله ياهنوفا متعامله مع باكستاني
ويلهف منها لهف مو طبيعي
تقريبا ف 3ايام حسبت كم اخد مني طلع 300
وصراحه مع طيبتو
واسرتي واثقين فيه كل الثقه
الا اني انقهر ع فلوسنا تروح ل الاجانب
وماشاءالله عليه مايخلي ولا مشوار من 6الصباح يصحى
ويلهف مني ومن غيري
بس تصدقين اني ماحب اركب مع سعودي
واذا اظطرينا
لازم يكون هناك مواصفات من قبل امي
انو مابكون الي يسوق شاب
هههههه

عني نفسي اسوق

&زرياب&
16-07-12, 12:40 AM
اخوي ذو ابعاد

يعلم الله اني ضد قيادة المرأه للسياره وأتنرفز بمجرد اسمع مثل كذا

لاكن طريقة طرحك المختلفه واللبقه تخلي الواحد يسمع لك أكثر وأكثر

المشكله ونا اختك مو متوقفه على الخوف عليها من النظرات ولا التحرشات فقط

فيه خوف ثاني مو كل النساء تدل أولهم محسوبتك همومه

وبعدين مدينه مثل الرياض شف الزحمه فيها كيف عاد وشلون تسوق الحريم وبعدين اللحين المرأه

قدرت تقوم بمسؤولياتها كامله في البيت حتى تضيف لنفسها أعباء جديده من ارهاق وإزعاج السيارات

والتاخر عن المنزل

انتي بس خلي القرار
ينزل للتطبيق وعلى مسئوليتي الخااصة ياهمكم
اذا ماكنتي انتي اول من يطبق القرار بكل مافية
وبتكوني من اوائل من يروحو لأقرب وكالة لتطليع سيارة جديدة عليها القيمة

عموما
مشكلة الزحمة مع الليموزينات اكثر بكثير من لو كانو الحريم يسوقون
السواقين الخصوصيين تارسين البلد ترس
لذلك
حتى لو صار فية زحمة بنتحملها بس الاهم يكونو بناتنا في ايدي امينة

اما بالنسبة للي عندهم عقدة الذنب من قيادة المراة او قناعة بعدم جدواها
فمن الافضل على جهات الاستقدام بالمملكة ان توجة منسوبيها بأستخراج تاشيرات سائقات خصوصيات لقيادة السيارات .
لان استقدام الرجال لقيادة المرأة مخالف لكل المباديء الشرعية والعرفية

ولكن مشكلتنا اننا شعب مقلوب المفاهيم
نمشي اللي مقتنعين فية بأية طريقة حتى لو كانت مخالفة لكل اعرافنا وخصوصياتنا وديننا

عووووافي

همكم همي
16-07-12, 12:56 AM
على طاري المخالفات رحت امس للسوق مع عائلتي استغربت ما فيه شباب بالعادة - خصوص بعد السماح للشباب بدخول الاسواق - تلاقي الشباب اشكال والوان لكن اللي ظهر لي ان موضوع التشديد في موضوع المعاكسات خفف من الظاهره

لو يسمحون بقيادة المرأة للسيارة وشدد العقوبات على المخالفين والمخالفات وبرضه تنظيم النقل الخاص مثل سيارة الاجره ببعض الدول داخلها كامره وعلى اتصال بالشركة


حياك ونا اختك

بعد انت يابو صلاح مؤيد القياده للمراه(q77)

عزيل حالي طيب وان سمحو للنساء يسوقن انا وشلون ابدل اخاف يروح نهاري ونا ادور :D

دايم اذكر الله على الرجال اقول ماشاء الله فتره بسيطه يسوق وراه عارف الطريق زين



اقول ياحليلنا في بيتنا( وقرن في بيوتكن ولا تبرجن تبرج الجاهلية الأولى وأقمن الصلاة وآتين الزكاة وأطعن الله ورسوله-----) (http://www.qassimy.com/vb/#docu)

همكم همي
16-07-12, 01:01 AM
وليه ما ركبتي بتاكسي الرياض عشان تستمتعين بالرحلة .. :gg4mpup:

http://sabq.org/files/news-image/35683.jpg?1325193746



يامرحبا اخوي الفجر

تاكسي الرياض اشوفه بس ماكد ركبته مدري هم يطلبونه

انا ماشوفه يمر بالحواري زي التاكسي العادي وحتى على العام نادر

وبعدين اشوفه صغنون كنه قبون وش ياخذ هذا؟!

همكم همي
16-07-12, 01:14 AM
معاك حق ف ان السواقين اكلو فلوسنا

والله ياهنوفا متعامله مع باكستاني
ويلهف منها لهف مو طبيعي
تقريبا ف 3ايام حسبت كم اخد مني طلع 300
وصراحه مع طيبتو
واسرتي واثقين فيه كل الثقه
الا اني انقهر ع فلوسنا تروح ل الاجانب
وماشاءالله عليه مايخلي ولا مشوار من 6الصباح يصحى
ويلهف مني ومن غيري
بس تصدقين اني ماحب اركب مع سعودي
واذا اظطرينا
لازم يكون هناك مواصفات من قبل امي
انو مابكون الي يسوق شاب
هههههه

عني نفسي اسوق




بعد قلبي ياهنوفا وانتي مثلي تعانين والله ياهم يكسبون ذهب



وأما من ناحية السعودي يمين الله انهم قمه الأدب انتم آخذين فكره غلط عنهم


ليه مانشجعهم انا عن نفسي اباخذ قرار اني اتفادى اركب مع الأجنبي واختار السعودي ان شاء الله

الأجنبي الفلوس بيشغلها في بلده

وابن الوطن فلوسه داخل وطنه وكنا ماخسرنا

همكم همي
16-07-12, 01:24 AM
انتي بس خلي القرار
ينزل للتطبيق وعلى مسئوليتي الخااصة ياهمكم
اذا ماكنتي انتي اول من يطبق القرار بكل مافية
وبتكوني من اوائل من يروحو لأقرب وكالة لتطليع سيارة جديدة عليها القيمة

عموما
مشكلة الزحمة مع الليموزينات اكثر بكثير من لو كانو الحريم يسوقون
السواقين الخصوصيين تارسين البلد ترس
لذلك
حتى لو صار فية زحمة بنتحملها بس الاهم يكونو بناتنا في ايدي امينة

اما بالنسبة للي عندهم عقدة الذنب من قيادة المراة او قناعة بعدم جدواها
فمن الافضل على جهات الاستقدام بالمملكة ان توجة منسوبيها بأستخراج تاشيرات سائقات خصوصيات لقيادة السيارات .
لان استقدام الرجال لقيادة المرأة مخالف لكل المباديء الشرعية والعرفية

ولكن مشكلتنا اننا شعب مقلوب المفاهيم
نمشي اللي مقتنعين فية بأية طريقة حتى لو كانت مخالفة لكل اعرافنا وخصوصياتنا وديننا

عووووافي




ههههههههههههههههههه


لاتخليني اخربها وأجهز السياره(qq167)


على رغم المعانات اللي نعيشها والخسائر مع اللموزينات

الا انني لاإستسيق خروج المرأه للقياده

الرجال تعبوا ويالله يلحقون كيف النساء الضعيفات




وأما من ناحية النساء اللي تجي من برى بدل السواق

ليه ماحنا بحاجتها وحنا وين رحنا

نسوق مفرد وعائله<<<<<مخربتها:danc854:

الميسم
16-07-12, 01:26 AM
تاكسي الرياض اشوفه بس ماكد ركبته مدري هم يطلبونه

انا ماشوفه يمر بالحواري زي التاكسي العادي وحتى على العام نادر

وبعدين اشوفه صغنون كنه قبون وش ياخذ هذا؟!


ونصيحة يا همومة لا تركبينه
مو مريح أبد وأي مطب لو صغير يرجك رج
هم بالعادة يوقفون عند المولات وإذا كان رقمهم معاك دقي عليهم في أي مكان ويوصلون لك برسم الخدمة
لكن سياراتهم مش مريحة إطلاقًا وعلى قولتك صغيرة واسعارهم متفاوته يعني تحسين
أنهم ما قننوها اما يطلب غالي والمشوار ما يستاهل ولا العكس ..!


وما فيه أحسن بس من قيادتنا احنا للسيارة (qq152)

&زرياب&
16-07-12, 01:27 AM
وأما من ناحية النساء اللي تجي من برى بدل السواق

ليه ماحنا بحاجتها وحنا وين رحنا

نسوق مفرد وعائله<<<<<مخربتها:danc854:

مابين لا أستسيغ القيادة
وحنا لها
تناقض عجيب

مايدري الواحد كيف جاااي

(a14)

&زرياب&
16-07-12, 01:28 AM
وما فيه أحسن بس من قيادتنا احنا للسيارة (qq152)

الله واكبر
انبلج نور الحق

(q81)

همكم همي
16-07-12, 01:39 AM
ونصيحة يا همومة لا تركبينه
مو مريح أبد وأي مطب لو صغير يرجك رج
هم بالعادة يوقفون عند المولات وإذا كان رقمهم معاك دقي عليهم في أي مكان ويوصلون لك برسم الخدمة
لكن سياراتهم مش مريحة إطلاقًا وعلى قولتك صغيرة واسعارهم متفاوته يعني تحسين
أنهم ما قننوها اما يطلب غالي والمشوار ما يستاهل ولا العكس ..!


وما فيه أحسن بس من قيادتنا احنا للسيارة (qq152)




ههههههههههههههههههههههه

اشوى ماركبته يكفيك شكله من برى السقف ماغطينه مدري وش الفايده من ارتفاع السقف

والسياره نتفه الا كانهم بيركبون زرافات يمكن(qq166)



اجل ودك تسوقين ياميسم

عندي لك نصيحه خليك مع الدفعه الثانيه عشان تاخذين من الدفعه الأولى دروس وعبر:SmileyBunny:

همكم همي
16-07-12, 01:46 AM
مابين لا أستسيغ القيادة
وحنا لها
تناقض عجيب

مايدري الواحد كيف جاااي

(a14)



عادي التناقض مع ذالحر والهموم (q78) وسع صدرك

إزدحام
16-07-12, 01:56 AM
وتبقى المشكلة الأساسية قائمة ..
" مرأة ورجل غريب "
ممكن الدفع يقل .. والسيارة أنظف
والمشوار أسرع ..
لكن الأهم من كل هذا .
ماراح تلقينه إلا في سيارتك أنتي .. :)
أو أحد محارمك ..

همكم همي
16-07-12, 02:11 AM
بدال مانسوق ونخربها ولانستمر مع سواقين نجيب مثل ذولي

http://www.youtube.com/watch?v=3hjKL3-9ITE

همكم همي
16-07-12, 02:27 AM
وتبقى المشكلة الأساسية قائمة ..
" مرأة ورجل غريب "
ممكن الدفع يقل .. والسيارة أنظف
والمشوار أسرع ..
لكن الأهم من كل هذا .
ماراح تلقينه إلا في سيارتك أنتي .. :)
أو أحد محارمك ..



هلا بك ونا اختك
النسبه العظمى للأسف بدون محرم وكلها تهون اذا كانت الوحد مدركه واعيه

مو صغيره في مهب الريح
اعرف من ردك انك مؤيده للقياده(qq33)

همكم همي
16-07-12, 02:42 AM
تكفى يابو متعب فديتك نبي مثل هالإجره

وأسعار معقوله

وحريم من افريقا يسوقن فينا


http://www.youtube.com/watch?v=0BNPf8zkjWc




ياحلوها يتمغط الواحد على كيفه وتوسع الاهل والجيران بعد

الفجر البعيـد
16-07-12, 02:55 AM
يامرحبا اخوي الفجر

تاكسي الرياض اشوفه بس ماكد ركبته مدري هم يطلبونه

انا ماشوفه يمر بالحواري زي التاكسي العادي وحتى على العام نادر

وبعدين اشوفه صغنون كنه قبون وش ياخذ هذا؟!



ايه انا سمعت انه يجي على الطلب بس .. :)

رِحَاب
16-07-12, 04:16 AM
انا من زمان
مع قيادة المرأة للسيارة
ورغم كل السلبيات اللي صورها البعض عن قيادة المرأة و مقاطع افلام الآكشن اللي
كثير من ربعنا الفو حولها حكايات وحكايات
وكأننا في غابة استوائية بدائية كل واحد بياكل الثاني
او كأن اللي بيسوقون كائنات فضائية نازلة من المريخ
بناتنا وزوجاتنا ووعجايزنا كلهم بالاسواق رايحين جايين ولافية احد معاهم
ولافية احد يقدر يفتح عينة فيهم

مساويء قيادة المرأة للسيارة اقل بكثير من ايجابيتها
لذلك فـ الحل الوحيد لكل التعقيدات اللي حصلت لك في سيارات الليموزين
هي سيارة جديدة من الوكالة بعد ان يقوم صاحب السعادة ( زوجك ))
بتدريبك على قيادة السيارة بالأقناع وليس بالأكراة.
وتشجيعك والأخذ بيدك حتى تتجاوزي فوبيا اللحظة الاولى للقيادة بمفردك
احنا لسنا بشعب الله المختار حتى تكون قناعاتنا وافكارنا حبيسة عقولنها فقط

اللي استغربة ان غالبية السعوديات يقدن السيارات في خارج المملكة بكل حرية
وشجاعة
وبمجرد العودة الى ارض المملكة تجدها اول من يعارض القيادة بحكم الانقيادية لبعض الافكار
(a21)
اما اصحاب شركات اللليموزين فلا تلوميهم ابدا
فهم اصحاب تجارة في بلد قلة فية الرقابة فحل في نفوسهم الجشع
ومبداهم
الربح الوفير بالجهد القليل

لذلك
لن يصلح العطار ما افسدة الدهر

عوووافي

لفت نظري ردكـ
بصراحه أول مره أشوف رجُل
متحمس و يشجع المرأةلقيادةالسياره
ويطالب بذلك.....(qq50)(qq50)

رِحَاب
16-07-12, 04:31 AM
هلابك ونا اختك مالومك ان ضحكتي وخذي راحتك

اكيد ماشاء الله ماتركبينها وعساك ماتحتاجينها

انا لي 17 سنه اركب الإجره للضروره مثلآقولو ماشاء الله سوق ولا اودي عيالي مستشفى ولا اقضي للبيت ولا ترفيه لأسرتي من فتره لفتره

وقسم بالله ماكد تعرضت لخطر من فضل الله
غير اني منزعجه من التسعيرات اللي كل مالها تزود مع ان البانزين رخص والطرق هي الطرق

وغير هذا الروائح الكريهه

بعضهم ريحته صابغه في السياره من زيوت وريح عرق مزعج واحيان روائح الدخان ماتصد قين على الله تنزلين (q78)


ما شاءالله...(q30)

لا تامنين لبو رأس كله دهن
ترى ما لهم أمان (hjh)

طيب جيب سواق للبيت وريحي عمرك (a21)


ربي يحفظك

جنون العاطفه
16-07-12, 04:49 AM
يااااارب نسووووق (qq22)

الفجر البعيـد
16-07-12, 04:52 AM
يااااارب نسووووق (qq22)



اي والله يارب تسوقين جنون .. (a21)

جنون العاطفه
16-07-12, 05:01 AM
اي والله يارب تسوقين جنون .. (a21)

من تممك لباب السماا يااارب (qq122)

ابوصلاح
16-07-12, 01:30 PM
بدال مانسوق ونخربها ولانستمر مع سواقين نجيب مثل ذولي

http://www.youtube.com/watch?v=3hjkl3-9ite



خوش مشروع اتوقع ينجح من يشاركني

حروف العز
16-07-12, 01:47 PM
انا ضد قيادة المرأة وضد سعودة الليموزينات ..


الدوله ماهي فقيرة حتى تسعود اعمال ماتسد حاجة المواطن

من حق اي سعودي

وظيفة محترمة . وبيت . وسيارة. هذي ابسط حقوقة

اما ليموزينات ماادري وشو هذه خلها للي نفسه هينه عليه

ديفا
16-07-12, 02:14 PM
حياك ونا اختك

بعد انت يابو صلاح مؤيد القياده للمراه(q77)

عزيل حالي طيب وان سمحو للنساء يسوقن انا وشلون ابدل اخاف يروح نهاري ونا ادور :D

دايم اذكر الله على الرجال اقول ماشاء الله فتره بسيطه يسوق وراه عارف الطريق زين



اقول ياحليلنا في بيتنا( وقرن في بيوتكن ولا تبرجن تبرج الجاهلية الأولى وأقمن الصلاة وآتين الزكاة وأطعن الله ورسوله-----) (http://www.qassimy.com/vb/#docu)



(z)

كيف نوفّق بين الآية و



انا لي 17 سنه اركب الإجره للضروره مثلآسوق ولا اودي عيالي مستشفى ولا اقضي للبيت ولا ترفيه لأسرتي من فتره لفتره



يا ويل حالي..ويلاااااااه ....



طيّب يا عزيزتي - ولا يكن في صدرك شيء عليّ - الخلوة محرّمة ولا يجوز إنك تخرجين مع رجل غريب بدون رجل محرم.... وخروجك وحدك لو امتلكتِ سيارة أهون بكثير ولا فيه خلوة


إلّا إذا حُرّمت الخلوة لأجل إنّ المرأة إذا اختلت بنفسها جاءتها الشياطين






آآآه والله ما عاد أبي أتغدى (qq89)

&زرياب&
16-07-12, 02:15 PM
لفت نظري ردكـ
بصراحه أول مره أشوف رجُل
متحمس و يشجع المرأةلقيادةالسياره
ويطالب بذلك.....(qq50)(qq50)
مين قال
85% من الرجال بالمملكة مؤيدين لقيادة المرأة للسيارة
ويعرفون تمام المعرفة ان هذا هو الصح
وان هذا هو الدين الحقيقي
وخصوصا مع الأحتياج الملح لخروج المرأة من بيتها
بعدة دواعي ومنها العمل وقضاء المشاوير اللي ماعنها غنى.

ولكن
فية نسبة كبييرة يمنى نفسة بالموافقة على المشروع ولكن لايبدي رأية
وان ابداة فيكون على أستحياء
لان نظرة مجتمعنا قاصرة في اي موضوع يخص المرأة في شيء ويخافون ان ينظرو لهم بنظرة التحرر اللي جابت قاعنا ارض.


والا بالله خلونا نكون شوية واقعيين
ونتكلم بصراحة أكثر
ونخلي المنطق هو من يحكم بيننا

هل من الأفضل ان تقوم المرأة بقيادة السيارة بنفسها ويوضع لها شروط
وانظمة صارمة للحد من تهور بعض المتخلفين والجهلة
ام
نستقدم سائق نفرش لة في بيتنا ونسكنة في منزلنا ويقوم بنسبة لاتقل 85% من دور
الأب داخل المنزل
من تلبية طلبات الى مشاوير خاصة الى توصيل الاطفال لمدارسهم الى زيارة المستشفيات
الى الافراح الى الزيارات الخاصة الى المساعدة في اغلب شؤون البيبت.
فماهو دور الاب في اذا قام السائق بمثل هذة الادوار.
( اقدر احلف ان غالبية البيوت يقدر يستغني عن الاب ولا يقدر يستغني عن السائق )

هذا من ناحية اجتماعية
من ناحية دينية بأي حق ينام السائق في المنزل .
ويختلي بكل افراد العائلة بالسيارة وهو يقودها والدين حثنا على المنع من هذة الناحية.



عفوا على الإطالة
فالحديث يطول ويطول حول هذا الوضع
ولكن حبيت ارد على استفسارك يالسدرة

ديفا
16-07-12, 02:18 PM
بدال مانسوق ونخربها ولانستمر مع سواقين نجيب مثل ذولي

http://www.youtube.com/watch?v=3hjKL3-9ITE


ههههههههه

طيّب "ليه" .... المرأة السعودية وش فيها على "عمرها"

يلازمها إحساسها بالنقص....وإنّها لا تستطيع فعل شيء....(q104)

&زرياب&
16-07-12, 02:20 PM
انا ضد قيادة المرأة وضد سعودة الليموزينات ..


الدوله ماهي فقيرة حتى تسعود اعمال ماتسد حاجة المواطن

من حق اي سعودي

وظيفة محترمة . وبيت . وسيارة. هذي ابسط حقوقة

اما ليموزينات ماادري وشو هذه خلها للي نفسه هينه عليه
اويلاااااااااة

كل يغني على ليلااااة
(qq115)

فارس السعيد
16-07-12, 02:31 PM
ههههه ياحبي لشعبنا

اللحين الله يصلحك انت ضد سواقة المراة ومنتي ضد الركوب بدون محرم مع سواقين اللموزينات !!

حتى لو كان ضرورة مثل ماتقولي مو اولى تكون الضرورة لك بالسواقه افضل من الخلوه مع الاجانب

عجايب يازمن

لولا الامل
16-07-12, 02:43 PM
(z)

كيف نوفّق بين الآية و







يا ويل حالي..ويلاااااااه ....






إلّا إذا حُرّمت الخلوة لأجل إنّ المرأة إذا اختلت بنفسها جاءتها الشياطين






آآآه والله ما عاد أبي أتغدى (qq89)





ما انصحك يا ديفا،،!:)


تغدي
تغدي يا قلبي وبعد الغدا حلّي و ان كنتِ

من عشاق القهوة فارتشفي كوبا من

الكافي بالتوفي(q81)

وعيشي حياتك*
(zm)
فلو كنا سنعاقب انفسنا بالحرمان بسبب

اختلال الموازين من حولنا واخطاء وسلبيات
وفوضي الحياة والمجتمع والعالم كله

اذا لن تدوم بنا الحياة وسنعلن انهزامنا
وضعفنا عن العيش والتعايش مع تلك
المتناقضات


ععيشي حياتك و*
،،،،،،،،وانت مو انت وانت جيعاان
(a14)

:::::


هذا لا يعني اني مقتنعة برأيك ايته الجميلة
( كلك على بعضك)

ولا يعني اني مقتنعة بما كتبته الرائعة
همومة*

بصراحة موضوع القيادة من عدمها
اصبح سامجا بلا طعمة وأُنهك حوارياً

يبدو اننا هنا وخاصة في هذا الموضوع

سنطبق ( استفت قلبك)

وان افتاك الناس وافتوك

همكم همي
17-07-12, 01:02 AM
ايه انا سمعت انه يجي على الطلب بس .. :)



اكيد لاني ماكد شفته يفرفر

وتبي الصراحه يسد النفس

نبي اللموزين الطويل يتمغطون العائله فيه

ويتسدحون بعد
(qq136)

همكم همي
17-07-12, 01:07 AM
ما شاءالله...(q30)

لا تامنين لبو رأس كله دهن
ترى ما لهم أمان (hjh)

طيب جيب سواق للبيت وريحي عمرك (a21)


ربي يحفظك



من تمك لباب السما يكون عندي سواق


الله يسعدك ونا اختك

همكم همي
17-07-12, 01:12 AM
يااااارب نسووووق (qq22)


القياده تكليف وليست تشريف

صدقيني ونا اختك ان الامر اصعب مما تتصورين وماهو من صالحنا

نسووووووووق(q78)

همكم همي
17-07-12, 01:18 AM
خوش مشروع اتوقع ينجح من يشاركني



تصدق عاد اني اتوقع ينافس المشاريع الحاضره وبقوه

معك يابو صلاح خووش مشروع

ومانحلل احد يسرق الفكره(qq168)

همكم همي
17-07-12, 01:25 AM
انا ضد قيادة المرأة وضد سعودة الليموزينات ..


الدوله ماهي فقيرة حتى تسعود اعمال ماتسد حاجة المواطن

من حق اي سعودي

وظيفة محترمة . وبيت . وسيارة. هذي ابسط حقوقة

اما ليموزينات ماادري وشو هذه خلها للي نفسه هينه عليه



ياخطير

وليش لأ

الطموح يخلي الواحد يصعد السحاب

لاكن احلى شي نعيش الواقع بحذافيره ونطمح للأحسن وربك كريم

ترى الدنيا ونا اختك ماتكمل

بس اشوف الناس اللي تتحرك تصعد السلم بسرعه

واحيي فيك غيرتك وعسى عمرك طويل


احس ودي اقولك ياسمو الامير(qq6)

همكم همي
17-07-12, 01:41 AM
(z)

كيف نوفّق بين الآية و







يا ويل حالي..ويلاااااااه ....



طيّب يا عزيزتي - ولا يكن في صدرك شيء عليّ - الخلوة محرّمة ولا يجوز إنك تخرجين مع رجل غريب بدون رجل محرم.... وخروجك وحدك لو امتلكتِ سيارة أهون بكثير ولا فيه خلوة


إلّا إذا حُرّمت الخلوة لأجل إنّ المرأة إذا اختلت بنفسها جاءتها الشياطين






آآآه والله ما عاد أبي أتغدى (qq89)








(qq15)(qq15)
مو دايم اروح لحالي حصلت معي كم مره ولضروره


جزاك الله خير ياديفا صايره شيخه قرب هالرمضان ماشاء الله:gg4mpup:

همكم همي
17-07-12, 01:47 AM
ههههههههه

طيّب "ليه" .... المرأة السعودية وش فيها على "عمرها"

يلازمها إحساسها بالنقص....وإنّها لا تستطيع فعل شيء....(q104)








تتكلمين وكنك خارج اسوار الوطن هههههههههههه


حنا مانحس بالنقص ولاكنا تعودنا اننا ننخدم مانخدم:gm741:

باتكس
17-07-12, 01:51 AM
تعاملي مع سائق سعودي ثقه وحذاري تركبين لحالك !
وايضا فيه سعوديين للمشاوير الخاصة تعاملي مع اوثق واحد وخلاص
والله من الفلسفة الزائدة اللي مالها داعي !
هذر باهالنت على غير سنع !
وترا الركوب مع سائق اللموزين لحالك يعتبر خلوه !!
والا الاجنبي مهوب رجال ؟!
حريم ماهمها الا الدبتسه بالاسواق !
الحره تموت ولاتخلو برجل !!
ماتت الغيره ، نحن في عصر الفتن !

همكم همي
17-07-12, 01:55 AM
ههههه ياحبي لشعبنا

اللحين الله يصلحك انت ضد سواقة المراة ومنتي ضد الركوب بدون محرم مع سواقين اللموزينات !!

حتى لو كان ضرورة مثل ماتقولي مو اولى تكون الضرورة لك بالسواقه افضل من الخلوه مع الاجانب

عجايب يازمن



جزاك الله خيرعلى النصيحه ونا اختك عارفه انه مايجوز بس الضروره لها احكام وقت الضرورات في ديننا تحل المحرمات



عاد لو قلت نصيحتك بطريقه لبقه انت وديفا موب احلى

احس كنك اميل خشتك وانت ترد(asj)

(qq166)

همكم همي
17-07-12, 02:03 AM
ما انصحك يا ديفا،،!:)


تغدي
تغدي يا قلبي وبعد الغدا حلّي و ان كنتِ

من عشاق القهوة فارتشفي كوبا من

الكافي بالتوفي(q81)

وعيشي حياتك*
(zm)
فلو كنا سنعاقب انفسنا بالحرمان بسبب

اختلال الموازين من حولنا واخطاء وسلبيات
وفوضي الحياة والمجتمع والعالم كله

اذا لن تدوم بنا الحياة وسنعلن انهزامنا
وضعفنا عن العيش والتعايش مع تلك
المتناقضات


ععيشي حياتك و*
،،،،،،،،وانت مو انت وانت جيعاان
(a14)

:::::


هذا لا يعني اني مقتنعة برأيك ايته الجميلة
( كلك على بعضك)

ولا يعني اني مقتنعة بما كتبته الرائعة
همومة*

بصراحة موضوع القيادة من عدمها
اصبح سامجا بلا طعمة وأُنهك حوارياً

يبدو اننا هنا وخاصة في هذا الموضوع

سنطبق ( استفت قلبك)

وان افتاك الناس وافتوك




يالبى قلبك لولا حلو التعادل:danc854:



وفعلآ (استفت قلبك)

همكم همي
17-07-12, 02:10 AM
تعاملي مع سائق سعودي ثقه وحذاري تركبين لحالك !
وايضا فيه سعوديين للمشاوير الخاصة تعاملي مع اوثق واحد وخلاص
والله من الفلسفة الزائدة اللي مالها داعي !
هذر باهالنت على غير سنع !
وترا الركوب مع سائق اللموزين لحالك يعتبر خلوه !!
والا الاجنبي مهوب رجال ؟!
حريم ماهمها الا الدبتسه بالاسواق !
الحره تموت ولاتخلو برجل !!
ماتت الغيره ، نحن في عصر الفتن !






(qq15)(qq79)


جزاك الله خير يالطيب

عنفوآآن
17-07-12, 02:46 AM
صباحك سكر

همومه

ودي اطرح سؤال لجميع العضوات اللحين لو سمح للمرأة بالقياده

هل راح تسوقن ..ولا ترفضن الموضوع بتاتا .. ولا يترك الموضوع للظروف واحكامها

يعني في حتالات طارئه..

وماهو موقفكن من الأجيال القادمه ...ومخططكن التوعوي لهم ..

الجانب الأخر من السؤال .... سلكوا لها تكتب من الجوال ...هههه

تخيلوا هالمشهد

ريم وصلت بسيارة صديقتها ليان لأن سايق الباص تأخر
شافها ابوها واهي نازله من السياره واستلمها هواش.
ماتعود يشوف ريم تنزل من سيارة تقودها بنت مثلها
والمنظر اللي يطمنه لاشاف ريم توصل لبيته بتوفع سايق رجل ..يعدل المرايا
لرصد عيون العذارى ...
وتتوب ريم بعد هالعلقه لاعمرها تركب مع بنيه هههه

وش رايكن في موقف الأب...

همكم همي
17-07-12, 02:49 AM
http://www.youtube.com/watch?v=lr3g3asocuo&feature=related


http://www.youtube.com/watch?v=NPyPxIKF1IY

همكم همي
17-07-12, 03:02 AM
صباحك سكر

همومه

ودي اطرح سؤال لجميع العضوات اللحين لو سمح للمرأة بالقياده

هل راح تسوقن ..ولا ترفضن الموضوع بتاتا .. ولا يترك الموضوع للظروف واحكامها

يعني في حتالات طارئه..

وماهو موقفكن من الأجيال القادمه ...ومخططكن التوعوي لهم ..

الجانب الأخر من السؤال .... سلكوا لها تكتب من الجوال ...هههه

تخيلوا هالمشهد

ريم وصلت بسيارة صديقتها ليان لأن سايق الباص تأخر
شافها ابوها واهي نازله من السياره واستلمها هواش.
ماتعود يشوف ريم تنزل من سيارة تقودها بنت مثلها
والمنظر اللي يطمنه لاشاف ريم توصل لبيته بتوفع سايق رجل ..يعدل المرايا
لرصد عيون العذارى ...
وتتوب ريم بعد هالعلقه لاعمرها تركب مع بنيه هههه

وش رايكن في موقف الأب...


ياصباح الورد


انا من ناحيتي ارفض القياده لأني احس ضررها اكثر من نفعها

ولاكن في الحقيقه اذا ساقوا كل اللي حولي

مالي حيله إلا مع الخيل ياشقرا

بس ماراح اتعدى الحاره اللي انا فيها

يعني مشاوير قريبه سوبرماركت ابو ريالين مستوصف الممشى(q33)

يعني قريب ماراح ابعد

اخاف اطلع من الرياض ونا مدري:SmileyBunny:



اماالسؤال اعذريني ماعرفت اجاوب عليه اصبري لين اشوفه على الهواء مباشره(q77)

همكم همي
17-07-12, 03:09 AM
اما الأجيال القادمه

ماندري وش يصير فيهم اخاف هذولا بيسوقون طائرات وسفن ماهب لم الارض

والله يستر من الجاي هذا اذا ماجت حروب واطحنت الأخضر واليابس


ورجعنا للجمال والبغال يعني لالنا القياده ولا للذايقين :khmas258:

وياحلو الطبيعه جمال وحمير حتى عيالنا الى اطلعوا مانخاف عليهم خليهم يسوقون بيديهم ورجليهم(q33)

ديفا
18-07-12, 11:04 AM
ما انصحك يا ديفا،،!:)


تغدي
تغدي يا قلبي وبعد الغدا حلّي و ان كنتِ

من عشاق القهوة فارتشفي كوبا من

الكافي بالتوفي(q81)

وعيشي حياتك*
(zm)
فلو كنا سنعاقب انفسنا بالحرمان بسبب

اختلال الموازين من حولنا واخطاء وسلبيات
وفوضي الحياة والمجتمع والعالم كله

اذا لن تدوم بنا الحياة وسنعلن انهزامنا
وضعفنا عن العيش والتعايش مع تلك
المتناقضات


ععيشي حياتك و*
،،،،،،،،وانت مو انت وانت جيعاان
(a14)

:::::


هذا لا يعني اني مقتنعة برأيك ايته الجميلة
( كلك على بعضك)

ولا يعني اني مقتنعة بما كتبته الرائعة
همومة*

بصراحة موضوع القيادة من عدمها
اصبح سامجا بلا طعمة وأُنهك حوارياً

يبدو اننا هنا وخاصة في هذا الموضوع

سنطبق ( استفت قلبك)

وان افتاك الناس وافتوك


ههههههه لبى قلبك تطمني تغديت ونسيت السالفة


بخصوص القهوة .... أنا بصراحة ما أحبها مع إضافات .... أحب قهوة ساااادة تعدّل المزاج (asj)

مهرة الخيال
18-07-12, 12:11 PM
مراحب ياحبوبه
بالنسبه لسعودة الليموزينات احسها صعبه شوي
موالكل يرضى يسوق سيارات اجره وتكون شغلته الاساسيه
وخصوصا الشباب
ولو سعودوها ياهمومه كل هالسعوديين سنعين ومؤدبين
عينه من هالسعوديين موب سنعين الا بطالين بعد
اشوفهم عند ابواب الاسواق واقول من المجنونه الي بتركب معهم
اركب مع سايق عندي واخذ بنتي معي والا ولدي والا اخوي والا اختي الي متوفر ذيك الحزه
واطلع لحاجه مهمه مو دوجه وسعسه كل شوي
ارحم من اني اركب كل شوي مع واحد شكل
لكن الي ماعندها سواق تضطر لهالليموزينات وهي وحضها
من ناحيه ثانيه المفروض سيارات الاجره تكون تابعه لشركات عليها القيمه
تحت رقابه صارمه
وماتوظف حيا الله باكستاني او هندي
لازم تأهيل وتدريب حتى على التعامل
وفرض عقوبات صارمه والتحقيق في اي شكوى تصدر من اي راكب
واذا ثبت ان السائق عليه غلط او مخالفه
ينشات لديرته على اول طياره
لكن ماعندك احد الدنيا فوضى
ومن امن العقوبه اساء الادب
وسواقين الليموزينات ماخذين راحتهم بالطول والعرض
اختطاف وسرق واغتصاب وقواده والعياذ بالله لهم ولغيرهم
موب احسن من غيرهم
الله يحفظنا ويحمينا

مهرة الخيال
18-07-12, 12:19 PM
ههههههههه

طيّب "ليه" .... المرأة السعودية وش فيها على "عمرها"

يلازمها إحساسها بالنقص....وإنّها لا تستطيع فعل شيء....(q104)







اي والله صاجه ديفا
نسوق ارحم مانجيب هذولي
البلد موناقصه مشاكل (q47)
الحين فنس وسود وماسلمن من العيون الزايغه (qq152)
بتجيبين هالشقر ..!!!!!!!!
يمكن الحسنه الوحيده في الموضوع ان الشباب التعبان بيلحقك يتحرش في سواقتك
وانتي ماعليك الا العوافي :SmileyBunny:

كلمااات
18-07-12, 12:58 PM
صار لي موقف في يوم كنت بالسوق وخلصت بدري برجع البيت والسواق بيتأخر علي اقل شي ساعه
قلت با خذ لموزين
وكل الي قدامي سعوديين
وأكلم أختي اقولها دوري سواق لموزين هندي أو أي شي سعودي لا
قامت وحده من الحريم كبيره في عمرها وقالت ليه يابنتي كذا يعني ترزقين الهندي والسعودي لا
والله مانزل من بيته وأشتغل ذي الشغله الى وهو في حاجة القرش هم أولى من غيرهم قامو الحريم الكبار يتكلمون مؤيدين كلامها
المهم وركبنا مع واحد لابس بنقالي
ولما وصلنا البيت اكتشفت انه سعودي
لما سألته كم حسابك
قال الي يجي
قلت له سعودي انت قال ايه
من بعدها لو اضطرينا نركب لموزين ما نركب الى مع عيال الديره

همكم همي
18-07-12, 05:17 PM
مراحب ياحبوبه
بالنسبه لسعودة الليموزينات احسها صعبه شوي
موالكل يرضى يسوق سيارات اجره وتكون شغلته الاساسيه
وخصوصا الشباب
ولو سعودوها ياهمومه كل هالسعوديين سنعين ومؤدبين
عينه من هالسعوديين موب سنعين الا بطالين بعد
اشوفهم عند ابواب الاسواق واقول من المجنونه الي بتركب معهم
اركب مع سايق عندي واخذ بنتي معي والا ولدي والا اخوي والا اختي الي متوفر ذيك الحزه
واطلع لحاجه مهمه مو دوجه وسعسه كل شوي
ارحم من اني اركب كل شوي مع واحد شكل
لكن الي ماعندها سواق تضطر لهالليموزينات وهي وحضها
من ناحيه ثانيه المفروض سيارات الاجره تكون تابعه لشركات عليها القيمه
تحت رقابه صارمه
وماتوظف حيا الله باكستاني او هندي
لازم تأهيل وتدريب حتى على التعامل
وفرض عقوبات صارمه والتحقيق في اي شكوى تصدر من اي راكب
واذا ثبت ان السائق عليه غلط او مخالفه
ينشات لديرته على اول طياره
لكن ماعندك احد الدنيا فوضى
ومن امن العقوبه اساء الادب
وسواقين الليموزينات ماخذين راحتهم بالطول والعرض
اختطاف وسرق واغتصاب وقواده والعياذ بالله لهم ولغيرهم
موب احسن من غيرهم
الله يحفظنا ويحمينا



فديت روحك يامهره

قسم بالله المرأه اللي محترمه نفسها ومتستره ماحد يتجرا عليها

واللي قلتيه ونا اختك يمين الله ويشهد علي ماشفته ولا مر علي طول هالسنين

البلى بالحرمه لااستقامت مستحيل الرجل يلف يمين ولا شمال


وكل عام وانتي بخير والله يبلغك الشهر

همكم همي
18-07-12, 05:30 PM
صار لي موقف في يوم كنت بالسوق وخلصت بدري برجع البيت والسواق بيتأخر علي اقل شي ساعه
قلت با خذ لموزين
وكل الي قدامي سعوديين
وأكلم أختي اقولها دوري سواق لموزين هندي أو أي شي سعودي لا
قامت وحده من الحريم كبيره في عمرها وقالت ليه يابنتي كذا يعني ترزقين الهندي والسعودي لا
والله مانزل من بيته وأشتغل ذي الشغله الى وهو في حاجة القرش هم أولى من غيرهم قامو الحريم الكبار يتكلمون مؤيدين كلامها
المهم وركبنا مع واحد لابس بنقالي
ولما وصلنا البيت اكتشفت انه سعودي
لما سألته كم حسابك
قال الي يجي
قلت له سعودي انت قال ايه
من بعدها لو اضطرينا نركب لموزين ما نركب الى مع عيال الديره



هلا بقلبك

استغرب لاشفت اللي يرفضون يركبون مع السعودي

يكفي تشويه والله لو طلعت عليه علامات السفه والا الصياعه زي مايقولون في بعضهم اقسم بالله انهم محترمين

وما كد مر علي سعودي يحدد قيمة المشوار لاقلت كم قال اللي تقدرين ولا السعر موب مشكله



ياعالم والله ماهيب دعايه كثر ماهي حقيقه السالفه وما فيها ان البعض شوه سمعة عيالنا وللأسف انهم منا وفينا

وماهد البيت الا راعيها(asj)


حتى صديقتي من احدى الدول الشاميه تقول اخاف اركب معه(hjh) يسمعون السب منا وفينا الله لايلومهم


احمد ربي ان فكرتك من ناحية اخوانا اختلفت فديتك ونا اختك


وكل عام وانتي بخير الله يبلغك الشهر