oaj
22-10-05, 09:41 PM
السلام عليكم ورحمة الله وبركاته
هذه قصيدة للشاعر سعد بن سلطان الجلعود رحمه الله
والقصيده منقوله من ديوانه في منتدى سميرا ولإعجابي بها نقلتها لكم
يقول ابن جلعود والناس جلاّس=ماابدي كلامي لين يطلب واجيبه
واجاوب اللي قال مااسمع لك احساس=يبين اصيح بوسط حشوٍ غديبه
يبين اساقط ناس بالهرج تحتاس=والهرج ماله مزةٍ بالغصيبه
وبعض الملا حلقه مثل ضرب الاجراس=مايناظر المجلس وياخذ نصيبه
هذاك حلقه لازمه وضع حبّاس=هرجٍ يبّين له وهرج يغديبه
وان قيل شاعر قلت شاعر ولاباس=شعري نقي ولايجيب المعيبه
شعري نقي ولايوردني الادناس=والشعر ماكلٍ حباله تجيبه
الشعر دونه ياقفون اكثر الناس=مثل البحر طبت عموقه صعيبه
وكم شاعرٍ ببحور الاشعار غطّاس=وكم شاعرٍ بعض الملا تغتديبه
الشعر به حكمه وعزٍ ونوماس=بعضه وبعضه مايصيب الضريبه
الشعر به عالي وطامن ومحتاس=احدٍ خذى صافيه واحدٍ سريبه
حكمه من الله وزعه بين الاجناس=منهم كلامه زين ومنهم مصيبه
ناسٍ كلامه جاء محكم من الراس=مازون عن هرجٍ رديٍ يعيبه
صافٍ مصفى در بكرٍ بله كاس=له قيمةٍ كل البشر تعتنيبه
فطنٍ لبيبٍ ان نظم القيل مانحاس=كاأللؤلؤ المنظوم ما ينحكيبه
يبني بيوت موثقات على ساس=لو راح جيله جاه من يعتنيبه
يكتب مع التاريخ صافٍ بقرطاس=ويصور الواقع ولايعتد يبه
هذا هواللي من هل الشعر فرّا س=وهذا هو اللي لازمٍ نقتد يبه
يقبل كلامه لو تردد على الناس=كالطش من رخم المزون الشريبه
له لذةٍ تطرد عن القلب الا نحاس=كنه يحطك بأرض قفرٍ عشيبه
متخالفٍ نبته على كل الاجناس=ريحه ينادي بالضحى ريح طيبه
والشاعر اللي حط بالقلب هوجاس=عندي وعند أهل العقول اللبيبه
الشاعر اللي ماتلحقه الانفاس=حطّاب ليل وتايهٍ في شعيبه
مرٍ يجي شعره له انياب واضراس=دايم يعلج وكل حي يحكيبه
مرٍ يسوّي له معارك بقرطاس=وهو ملبدٍ من خلقته ما دريبه
فصّل وخاط ولبس الموتى الالباس=زودٍ على الحيين يصلى لهيبه
لاخاف من ربه ولاعنده أحساس=ولايعرف الغاديه والمصيبه
الله يكافينا هل السوء والانجاس=ومن لايخاف الله ربي حسيبه
وصلاة مني عد ماهب نسناس=اوعد ما اومى بالنخيل ورطيبه
على نبيٍ سنته مالها أجناس=ماتاه من عرفه ومن يقتد يبه
هذه قصيدة للشاعر سعد بن سلطان الجلعود رحمه الله
والقصيده منقوله من ديوانه في منتدى سميرا ولإعجابي بها نقلتها لكم
يقول ابن جلعود والناس جلاّس=ماابدي كلامي لين يطلب واجيبه
واجاوب اللي قال مااسمع لك احساس=يبين اصيح بوسط حشوٍ غديبه
يبين اساقط ناس بالهرج تحتاس=والهرج ماله مزةٍ بالغصيبه
وبعض الملا حلقه مثل ضرب الاجراس=مايناظر المجلس وياخذ نصيبه
هذاك حلقه لازمه وضع حبّاس=هرجٍ يبّين له وهرج يغديبه
وان قيل شاعر قلت شاعر ولاباس=شعري نقي ولايجيب المعيبه
شعري نقي ولايوردني الادناس=والشعر ماكلٍ حباله تجيبه
الشعر دونه ياقفون اكثر الناس=مثل البحر طبت عموقه صعيبه
وكم شاعرٍ ببحور الاشعار غطّاس=وكم شاعرٍ بعض الملا تغتديبه
الشعر به حكمه وعزٍ ونوماس=بعضه وبعضه مايصيب الضريبه
الشعر به عالي وطامن ومحتاس=احدٍ خذى صافيه واحدٍ سريبه
حكمه من الله وزعه بين الاجناس=منهم كلامه زين ومنهم مصيبه
ناسٍ كلامه جاء محكم من الراس=مازون عن هرجٍ رديٍ يعيبه
صافٍ مصفى در بكرٍ بله كاس=له قيمةٍ كل البشر تعتنيبه
فطنٍ لبيبٍ ان نظم القيل مانحاس=كاأللؤلؤ المنظوم ما ينحكيبه
يبني بيوت موثقات على ساس=لو راح جيله جاه من يعتنيبه
يكتب مع التاريخ صافٍ بقرطاس=ويصور الواقع ولايعتد يبه
هذا هواللي من هل الشعر فرّا س=وهذا هو اللي لازمٍ نقتد يبه
يقبل كلامه لو تردد على الناس=كالطش من رخم المزون الشريبه
له لذةٍ تطرد عن القلب الا نحاس=كنه يحطك بأرض قفرٍ عشيبه
متخالفٍ نبته على كل الاجناس=ريحه ينادي بالضحى ريح طيبه
والشاعر اللي حط بالقلب هوجاس=عندي وعند أهل العقول اللبيبه
الشاعر اللي ماتلحقه الانفاس=حطّاب ليل وتايهٍ في شعيبه
مرٍ يجي شعره له انياب واضراس=دايم يعلج وكل حي يحكيبه
مرٍ يسوّي له معارك بقرطاس=وهو ملبدٍ من خلقته ما دريبه
فصّل وخاط ولبس الموتى الالباس=زودٍ على الحيين يصلى لهيبه
لاخاف من ربه ولاعنده أحساس=ولايعرف الغاديه والمصيبه
الله يكافينا هل السوء والانجاس=ومن لايخاف الله ربي حسيبه
وصلاة مني عد ماهب نسناس=اوعد ما اومى بالنخيل ورطيبه
على نبيٍ سنته مالها أجناس=ماتاه من عرفه ومن يقتد يبه