قصيدة في الجمس

[متكحل بدم غداره]

بديت بسم مكون الكون تكوين=المنفرد والمتحد في كيانه
رب الحجر رب الشجر والثقلين=مرسل محمدوامرن بتبعانه
اللي له الخلق صيام مصلين=ويرجون رحمة ربهم وامتنانه
وعطفه ولطفه لاغداالخلق نصفين=ويشهدعلى الانسان حتىبنانه
ياناصر محمدفي بدر وحنين=وياجاعل لسان البشر ترجمانه
انت المعين ولاحد غيرك معين=ومن بعد ذكرك لكل شي بوانه
ياراكب اللي من حفيزه قزوزين=تو دبل زيرو سكس صدرانه
صدر خلال انتخابات الزعيمين=وقدام بوش الابن يكسب رهانه
وقبل استلام البيت الابيض بشهرين =ومجلس شيوخه ونضمه برلمانه
جي ام سي رموز وحروف وتبيين=للمصنع اللي صممه والصيانه
احدث تكنلوجيا بتصنيع الصوالين=والله عطا اللي صانعينه اتقانه
ياراكبه هالحين هالحين هالحين=قم دق سلفه واربط حزام امانه
حنا على رد الجمايل مغرين=حاضربحاضروالتهاون جبانه
خل الحصاعلى حصات وحصاتين=يفر من صدره فرير السمانه
دسله وزدله باشتغال القلنصين=واعزف متروزه مثل عزف الكمانه
خل العادم اللي ببطون الشكامين=غالون حشاش براسه شطانه
كنه بتفكيره يحرر فلسطين=ومستيسرن شارون بالخيزرانه
تاصل ديار طيور شلوى الدماثين=وقل وين عقلا وان مالقيته عانه
تلقاه في بيت يذرا عن البين=وسلم عليه او من لقيت بمكانه
سلام ممزوج بعطر الرياحين =او بالزبار اللي توجا من عمانه

[متكحل بدم غداره]

هاه ابي رايكم وعلى فكره القصيده مجهولة الهويه

[صقر آل بديع]

مشكور ويعطيك العافية يا اخوي على هذه القصيدة الجميلة

[عبدالله العصيمي]

ياص طيور شلو الدماسين ---قل وين مطلق ؟؟؟نين يقول عانة
\\\\\\\\\\\\\\\\\\\\\\\\\\\
\\\\\\\\\\\\\\\\\\\\\\\\\\\\
حنا علي رد الجمايل مضرين----- حاضر بحاضر والتهاون جبانة

شاعر القصيدة حمود الغيداني\\\شكرررن اخوي علي نقل القصيدة

والقصيدة رد علي قصيدة مسند علية \\\لتوضيح فقط\\\\\

[شعباوي]

تاكيد لما ذكر القصيدة الرائعة هي لشاعر حمود لافي الغيداني الحربي من سكان منطقة القصيم
مشكور اخي العزيز على الاختيار الجميل والى الامام

[كاتم الونة]

الله الله

لاهنت يالغلاااا

اختيار ذوق ومميز

تحية وتقدير

[متكحل بدم غداره]

مشكور ويعطيك العافية يا اخوي على هذه القصيدة الجميلة


شكرا على المرور

[متكحل بدم غداره]

ياص طيور شلو الدماسين ---قل وين مطلق ؟؟؟نين يقول عانة
\\\\\\\\\\\\\\\\\\\\\\\\\\\
\\\\\\\\\\\\\\\\\\\\\\\\\\\\
حنا علي رد الجمايل مضرين----- حاضر بحاضر والتهاون جبانة

شاعر القصيدة حمود الغيداني\\\شكرررن اخوي علي نقل القصيدة

والقصيدة رد علي قصيدة مسند علية \\\لتوضيح فقط\\\\\


الف شكر على المرور

والتوضيح

[متكحل بدم غداره]

تاكيد لما ذكر القصيدة الرائعة هي لشاعر حمود لافي الغيداني الحربي من سكان منطقة القصيم
مشكور اخي العزيز على الاختيار الجميل والى الامام


الف مليون شكر

[متكحل بدم غداره]

الله الله

لاهنت يالغلاااا

اختيار ذوق ومميز

تحية وتقدير


الف شكر على المرور

شرف كبير لي مرورك

[سراب فتك]

يسلمووووووو خيو

[متكحل بدم غداره]

يسلمووووووو خيو


شكرا على المرور

[ظالم]

السلام عليكم

اولا احب اهنيكم على هذا المنتدى الاكثر من رائع
المنتدى بالفعل ممتاز

ثانيا بما اني عضو جديد في المنتدى فهل راح القا بعض الترحيب.. ولو حتى القليل هههههههه

ثالثا يعطيك العافيه اخوي متكحل على ايراد هذي القصيدة الرائعة للشاعر الكبير (لافي بن حمود الغيداني الحربي) في وصف الجمس

وهو من سكان دخنة في منطقة القصيم في السعودية

شاعر طغى على الكلمة..

وابدع في الوصف..

لدرجة انك تسمع كأنك ترى!!

له العديد من القصايد المتميزة

سأورد بعضها في هذا المنتدى الرائع

وهذه القصيدة كما ذكر احد الاخوان هنا بأنها جاءت ردا على الشاعر (مطلق بن خالد الحويقل العتيبي)

وقد تم وصف الجمس فيها .. لكن جوهر القصيدة ليس في وصف الجمس

على فكرة اخوي متكحل ... ترا دم الغدارة بعيونك مسوي شغل هههههههه

اترككم مع قصيدة مطلق الحويقل وبعدها رد لافي الغيداني الكامل



قال مطلق :

يالله يامنـزل تبـارك .. وياسيـن

ياعالـم ٍ غيـب الزمـان وعلانـه


ياوافي المدات .. ياقاضـي الديـن

انت المعين .. ونرتجيـك الاعانـه


بأسمك يجي للقاف قيمه .. وتثمين

وتوجه ذكـرك بقـدر .. وحصانـه


ياخلق الادم وزوجـه مـن الطيـن

ومحملـه يـوم اكتمـل بلامـانـه


ابداء بذكرك لجل تخزى الشياطيـن

وزين المثل يسهل علـي إدرجانـه


ياراكب اللي جاهز ٍ عقـب تمريـن

الاقطم اللـي فـارق ٍ فـي خوانـه


اللي عليه من الخواجـه مضاميـن

والضامن اللي ماش غيره ضمانـه


سبحان من يحمد على الزين والشين

الخالـق الـرازق رفيـع المكانـه


والا الشبح حايز عجـاب الملاييـن

ياماحلا عبـر الطريـق اسبحانـه


كنـه بمشـواره تقلـه جناحـيـن

والبعـد يسهـل لامشـاه اطويانـه


مايشتريـه الا الرجـال الثريـيـن

اهل الرصيد اللـي رفيعـن بيانـه


آخر مديل الفين .. في عام الالفيـن

من مصنع ٍ شغله نضيـف وتكانـه


ياسايقه باعطيـك منـي عناويـن

عنوان من جعلـه يطـول زمانـه


عنوان لافي ريف من جوه عانيـن

على الرحب يلقـون قـدر ورزانـه


اباك توصلـي سـلام ٍ بعـد حيـن

سلام من صـاف الفـواد ولسانـه


بعد البطا اللي صار له حول عامين

والوصل إله عنـدي حبـال ٍ متانـه


منصا سلامـي للرجـال المياميـن

لافـي وبـوه وكـل حـي ٍ وزانـه


سلام اخص ابه الموالي والاقصيـن

وكل ايمنن بالطيب مسرج حصانـه


يعـم جيرانـه .. وكـل الغياديـن

واللي لهم بالطيـب ماقـف وخانـه


من دافع الاخلاص والحـب والديـن

وسلم الرجال اهل العقـل والفطانـه


ابعث لهم من باقة الـورد نوعيـن

وخير الكلام اللـي يقـدم اسمانـه


يهدى لمنهـم بالمواجيـب ساعيـن

والبيت من ساسـه يزيـن ابنيانـه


مـادام حنـا بالحيـاة متخـاويـن

أخـوان بالملـه وشيـل الامـانـه


والمعرفه تربـط قلـوب العزيزيـن

اللي مسـار العـز لزمـو عنانـه


ياجب على الوافين وصـل الوفييـن

والوصـل يمليـه العقـل والديانـه


ودنياك يالافي بها العسـر والليـن

لـو ناحـرت ياعجلهـا قلبـانـه


مادامت لخيـر البشـر والسلاطيـن

ومن عاش فيها شاف منها الخيانه


والرابحيـن الصالحيـن الرشيديـن

هـل العقـول الواعيـه والذهانـه


اللي على سنـة محمـد حريصيـن

وابليس ماطاعـوه فـي مهرجانـه


على مسار الحـق دايـم سريعيـن

سعي ٍ رفيـع ولاسعـوا بالطمانـه


شرواك ياذخـر الرجـال الطليعيـن

اللي سـلاح الجـود حـدو سنانـه


يابن حمود ايامك اللي مضت ويـن

يامن معي عال ٍ مكانـه .. وشانـه


حنا على شوف المشاكيـل شفقيـن

والا الـردي يلقـى حليـه قرانـه


نشفق على الطيب وندعيه عجليـن

ودايم على الطيـب تجـوز الميانـه


والا الردي جعله وراء دولة الصين

حيث ان ماله في سما الكون زانـه


وقبـل تحيـات القلـوب الموديـن

من دافـع مـود ٍ لسانـه حصانـه


وصلو على خاتـم جميـع النبييـن

اللـي عطـاه الله كتابـه واعانـه


اللي ومرنا ننهـج المنهـج الزيـن

ورسم طريق الحق واوضـح بيانـه





وهنا رد لافي الغيداني كاملا :


بديـت بأسـم مكـون الـكـون تكـويـن

المنـفـرد والمتـحـد فــي كـيـانـه


رب الحجـر .. رب الشجـر .. والثقاليـن

مـرسـل محـمـد وامــر ٍ باتبعـانـه


اللـي عبيـده لــه صـيـام ٍ مصلـيـن

يـرجـون رحـمـة ربـهـم وامتنـانـه


وعطفه .. ولطفه .. لاغدى الخلق نصفـن

ويشهـد علـى الانسـان حتـى بنـانـه


ياناصـر الرسـول فـي بـدر .. وحنيـن

ياجاعـل لـسـان البـشـر ترجمـانـه


انـت المعيـن ولاحـد ٍ غيـرك معـيـن

ومـن بعـد ذكـرك كـل شـي ٍ باوانـه


ياراكـب اللـي مـن حفيـزه اقـزوزيـن

تـو .. ودبـل زيـرو .. وون.. اصدرانـه


صـدّر خــلال انتخـابـات الزعيمـيـن

قـدام بـوش الابـن يكـسـب رهـانـه


قبـل استـلام البيـت الابيـض بشهريـن

و مجلـس شيوخـه .. وانظمـة برلمانـه


جي .. إم .. أس .. حروف وارموز .. تبيين

للمصنـع الـلـي صمـمـه والصيـانـه


احـدث موديـل بتكنلوجـيـا الصوالـيـن

والله عطـا الـلـي يصنعـونـه اتقـانـه


لياسـرى ماضـن مـن اللـيـل ثلثـيـن

وولـع مصابيحـه .. وولــع اسكـانـه


كـن اجماحيـاتـه شـمـوع المحبـيـن

فـي عيـد ميـلاد .. اوقـده شمعـدانـه


وكـن اشتغالـه هرجـة ٍ بيـن ثنتـيـن

يخفنهـا بـيـن الخـجـل .. واللعـانـه


ويشبـه لياقـام يتمشـى علـى هـويـن

مـشـي الفـتـاه المتـرفـه بمشيـانـه


ولياعطـا مردومـة ٍ كنـهـا ( قـيـن )

قـام يغنـج .. ويهـوس كـن اغنجانـه


شريفـة ٍ فـي حفـل نـاس ٍ شريفـيـن

ترقـص علـى يالليـل ادآنــه يـادآنـه


تهـز .. وتهـز الخصـر .. والذراعـيـن

ومـن راسهـا ماطـاحـت الاستكـانـه


وليامشـى مـن نجـد بيـن الصلاتـيـن

مايصـبـح الا فــي حــدود الكنـانـه


يصـرخ بعنـف .. لياخـذ شـوي بنزيـن

مثـل صـريـخ صغـيـر ٍ بالحضـانـه


ياسايـقـه بالله هالحـيـن هالـحـيـن

قـم دق سلفـه .. واربـط حـزام امانـه


حنـا عـلـى رد الجمـايـل مضـريـن

حاضـر بحاضـر .. والتهـاون جبـانـه


دسلـه .. وزدلـه بأشتغـال الصلنصيـن

ولايـحـرك الا بـآخــر ازعيتـمـانـه


خل الحصـى علـى حصـاه .. وحصاتيـن

يفـر مـن حـدره فـريـر (السمـانـه)


حـده علـى قصيـاه .. ياسايقـه لـيـن

تعـزف قـزوزه مثـل عـزف الكمـانـه


ويخلـي الـعـادم بـطـون الشكامـيـن

غليـون (حشـاش ٍ) بـراسـه شطـانـه


كنـه بتفكـيـره .. يـحـرر فلسطـيـن

ومستيـسـر ٍ شــارون بالخـيـزرانـه


نصه ديـار طيـور شلـوى .. الدماسيـن

وقل ويـن مطلـق .. ثـم لياقيـل عانـه


تلقـاه فـي بيـت ٍ يـذري عـن البـيـن

سلـم عليـه ومــن لقـيـت بمكـانـه


سـلام مـمـزوج ٍ بعـطـر الرياحـيـن

والا زبـاد ٍ تـو جــا مــن عمـانـه


ألـذ .. واحـلا مـن حليـب المـلاويـن

ليـاروحـن مـــن وادي ٍ ديـدحـانـه


مثـل الـزلـول الفـاخـره بالـدواويـن

ويلاعـب الغـربـي زهــر قحويـانـه


مقـدار ربـع ٍ لـوهـم بعـيـد غالـيـن

علـى خـفـوق ٍ قـدرهـم ماأستهـانـه


عيال عـود ٍ غـاب راسـه علـى الزيـن

ممنـوح مـن ربـه صــلاح البطـانـه


مطلق .. وغـازي .. والنعـم بالشقيقيـن

وأخوانـهـم .. والله علـيـه وامـانــه


ماهـو مكفيهـم لانـعـم .. ولانعمـيـن

هيـف السميـن اللـي كثيـر ٍ أدهـانـه


واهـل هـلا يامرحبـا فيـك .. وهلـيـن

وكـل ٍ حجـاجـه يعجـبـك بضحكـانـه


واهــل دلال قـنـاد غــال المثامـيـن

وافضـل نمونـه هيـلـه .. وزعفـرانـه


كنـه للضرمانـه صـعـوط المجانـيـن

ليـاذاقـه النعـسـان طــار إنعسـانـه


واقـول .. يامطلـق فــدوك الكثيـريـن

أهديتـنـي دره .. وبـاقـه .. ودانـــه


الباقـه الـلـي مــن ورود البساتـيـن

مـن كـل شـي ٍ زيـن فيـهـا إذنـانـه


منباعها مـن جـوف قلـب .. وشراييـن

وجـم ٍ تـصـدر بـالـروى عيطشـانـه


فيها عتب .. لكن علـى الـراس والعيـن

انــا مــدان ومعـتـرف بـالادانــه


إن كانـا بالـوصـل مـعـك متـرديـن

منـك السموحـه راس مــال الخـزانـه


امـا تـجـي .. والا نجـيـك متعنيـيـن

وكـل ٍ علـى اصحابـه وسيـع ٍ بطانـه


وصـلاة ربـي عــد وبــل الـوداديـن

عـلـى رســول ٍ عـزنـا باتبـعـانـه




وأرجو منكم العذر على الاطالة
وشكرا..

[متكحل بدم غداره]

الف شكر على المرور

والتوضيح

شكرا لك

[الرعد الصامت]

جي ام سي رموز وحروف وتبيين=للمصنع اللي صممه والصيانه

احدث تكنلوجيا بتصنيع الصوالين=والله عطا اللي صانعينه اتقانه

ياراكبه هالحين هالحين هالحين=قم دق سلفه واربط حزام امانه

حنا على رد الجمايل مغرين=حاضربحاضروالتهاون جبانه

خل الحصاعلى حصات وحصاتين=يفر من صدره فرير السمانه



مشكور اخي العزيز على الاختيار الجميل والى الامام

[متكحل بدم غداره]

الف شكر على المرور



شكرا لك