المساعد الشخصي الرقمي

مشاهدة النسخة كاملة : انـــا البحر...))


محمد مطلق الجربا
12-06-12, 04:34 PM
تعال احرق نفس ذاك الزعل في داخل اعماقي=تراي ارتاح لو حتى همومك جبتها صوبي
تعال انثر شراييني قبل لا تنثر اوراقي=تعال بكفك وقطّع زرار الصدر عن ثوبي
تعال وجيب لي رمضا زعلك ونشّف ارياقي=وانا اسقيك الزلال ولا تجيب اياك مشروبي
تعال اخنق مدى شوفي تعال احبس لي افاقي=تعال احرق مدا صبري سنين وقول لي دوبي
تعال بكل حالتك وانا في كلها باقي=اذا كان كان الثواب اقرب علي او زحمة ذنوبي

محمد مطلق الجربا
12-06-12, 04:52 PM
مثل البحر حالي كذا يخافه اللي يعشقه=مدري من اسباب البحر ولا من اسباب الظروف
مع اني ابقا ثابتن لو جيت حبل المشنقه=مافيه روح(ن) ماتخاف مير الحيا ياطا بخوف
تعبت ادور لي امل دنيا بذيك الاروقه=في درب مسدود الطرف باخر نفق مافيه شوف
واذا تكدر خاطري عندي بخوري واحرقه=واصنع فبالي موعد(ن) كاذب معا ذيك الهنوف
ماضل بابن مهلك الا هجوسي تطرقه=احيان في وقت السحر اسمع صليل(ن) للسيوف
رجل(ن) من الماضي انا في وقت مابه تفرقه=في وقت سوا حاملين المجد لاصحاب الدفوف

محمد مطلق الجربا
12-06-12, 05:04 PM
طال عمرك لو قصر عمري معاك=وش يفيدك طال عمرك لو قصر
عيشتي بك دايمه ولا بلاك=ماتغير حالتي بالمختصر

محمد مطلق الجربا
12-06-12, 05:23 PM
من دور ارخص كلام يهايط الماشي=ولا الدرر غاص له من يعرف القيمه
والغاليه من نضرها صار متحاشي=والخاسيه من سهل وصله وترقيمه

محمد مطلق الجربا
05-07-12, 05:49 PM
ياهاجس الليل وش ذنبه عيون النهار=ارخيت دونه ستار(ن) اسود(ن) سرمدي
في صدرك البرد يزجر والزوايا قفار=ولا المدى في عيونك للاسف جرهدي