المساعد الشخصي الرقمي

مشاهدة النسخة كاملة : هيض وفيض


طايل
07-06-12, 11:59 AM
السلام عليكم ورحمة الله وبركاته

وبعد هنا سوف ادوّن بعض بوحي الجديد وربما اجمع ما تناثر في عالم النت وأتمنى ان يرتقي لذائقتكم أن حاز فهذا المنى وأن كان خلاف ذلك فالعذر مني فماهو الا اجتهاد


من هيض فكري فيض شعري والازان = دونتها في صفحتي للحبايب
ياعلها تكسب رضى كل الاخوان = هذا اجتهاد النفس والحظ طايب
وان كان ابه نقد وكلام ٍ وتبيان = عذري لكم بالطيب ماهوب غايب
انا مجرد شخص مانيب قرآن = اخطي واعود وارتجي رب تايب
فيما مضى قد كنت بالاسم بركان = اقذف لهبها بالخطاء والصوايب
الفوضوي دون امزجة دون عنوان = اضربّها من حيث شبت لهايب
واليوم كلي سلم مافيه عدوان = يمكن عشان القلب بالشوق ذايب
ارسم تصاوير الهوى سر واعلان = ارسل تفاكيري مساحة رحايب
ما ينفع العاشق تخفي وكتمان = تظهر علامات المحبة عجايب
عشقت من بيض الغنادير ريان = عوده تمايل مع نسيم الهبايب
عين ٍ تبث السحر في داخل انسان = وعين ٍ تسلهم كن فيها كتايب
عشقتها واشتاق واعيش ولهان = لو حال من بيني وبينه سبايب


طايل

طايل
07-06-12, 02:31 PM
يخرب بيت الشبيحه = شبيحه مع نبيحه
لا ذكر ولا تسبيحه = ماتعرف حِل وحرام
دار الشام المجروحه = صارت مثل الارجوحه
صاحت قالت مذبوحه = والعالم ياناس ينام
صاحت بني يعرب وين = وينك ياصلاح الدين
شفني مثل المساكين= في عهدك ماكنت انضام


طايل

طايل
07-06-12, 03:22 PM
ايران تضرس على ربعي = والعُرب ناموا ولا قاموا
الفرس يبغوننا تبعي = يشرون من بعد ما ساموا

طايل
07-06-12, 03:25 PM
كل الخواجات مع فارس = تحت الكراسي يبعونا
مرمى العروبه بلا حارس = بالشام ياناس شفونا

طايل
07-06-12, 03:27 PM
اشوف اوباما تغيّر كلامه = والموقف اوربي حدث به تراخي
واليعربي يبكي على دم شامه = لا تنتظر بالكون نصرة بناخي

طايل
07-06-12, 03:35 PM
الصرخة اللي بها الآهات متبوعه = وش ينفع القلب يوم انه يطلعها
كل الشوارع على المرار ممنوعه = تلك الشوارع تملّا من مدافعها
صوت الجنازر بدون احساس مسموعه = والناس محد ٍ من الصرخة بنافعها
كن الأذاني عن الصرخات مشموعه = يوم الخلايق تغيّر في براقعها
حسرة ٍ فؤاد ٍ وعين ٍ دوم مدموعه = ونفس ٍ من الغيض ضاقت في شوارعها
ياكن الانفس على الحسرات مدفوعه = شين الليالي تبيعك مع بضايعها
كرامة الخلق مشريّه ومبيوعه = يالله دخيلك من الشاري وبايعها

طايل
07-06-12, 03:43 PM
ذي يهود ايران تلبس طيلسان = قربوا سبعين الف ٍ بالعدد
المساكن مع عجمها بصفهان = دائما ً للشرك واعوانه مدد
من علامات القيامه بالبيان = قادهم ممسوخ مافيهم سدد

طايل
07-06-12, 09:07 PM
بوحي وزودي بوح قلب ٍ يناجيك = قلبي ما بين ايديك خلي امانه
صبح ٍ يهلي بك وليل ٍ يمسيك = يعزف لك اوتار الهوى والميانه
في حضرتك في غيبتك في تغليك = يا مجمله حرف القصيد وبيانه
هيا انثري ورد الهوى في تماديك = في ليلة يرقص بها شمعدانه
ياشوق شب الشوق والشوق يدعيك = حبل التغلي مرتخي به عنانه
ماعاد يمديني ولا عاد يمديك = نرجع وهذا الشوق في عنفوانه
اقلوبنا بالحب فيها مشابيك = يدري بها اللي في فؤاده فطانه


17 / 7

طايل
07-06-12, 11:36 PM
بعض انفعالات البشر تكسبه ذوق = واذا صمت يبقى له الذوق كله
معادلة فيها تفاصيل وفروق = ما كل شخص ٍ لا عرفها تدله

طايل
08-06-12, 12:08 AM
اهمس لها بشويش بشويش بشويش= من خوف انفاسي تجرّح خدوده
الف ٍ صباح الخير عين ً بها جيش = عين ً على العاشق لقلبه تسوده
غرور انثى يحتويها مع الطيش = طغيان لا يمكن تحاصر حدوده

طايل
08-06-12, 12:47 AM
اقرب قريب اليا حصل منه حاجة = يجعل من الانسان يفقد صوابه
يشوفها في عين فكره سماجه = ثم يلعن الحظ الذي فيه جابه
يحس في صدره صراخ ولجاجه = واليا تكلم ينفجر في جوابه
يازارع الريحان هات ابتهاجه = في صورة ٍ فيها البهاء والحبابه
تجعل من الانسان يصفي مزاجه = بعد حدوث اللي حدث وانتهابه
ما اجمل الانسان فكرة سراجه = يضيء للعالم بحب ورحابه


18 /7

طايل
08-06-12, 11:14 PM
عين الأمل ترقب على فوق مره = خل الحزن يصبح مكانه صريعي
اطلع بفكرك بالاماني مجره = والنفس دايم لطليعه تطيعي
اعرف ترى البسمة لغيرك تسره = دعواتنا للناس فرحه جميعي

طايل
08-06-12, 11:16 PM
تدرين ليش الصمت في بعض الاحيان = لني اداري ياشعوري شعورك
حتى ولو اني بالاشعار قبطان =لكني اغرق في عظائم بحورك
اصمت وافكر واصبح انسان هيمان = همه ولو مره حبيبي يزورك
حبي لك اكبر من تعابير ولسان = وارق واجمل من روائح عطورك
اصدق من السيف الذي فيه تبيان = حتى ابتسامات السعد في حضورك
امخلدٍ حبك على طول الازمان =الله يكتب في حياتك سرورك

طايل
08-06-12, 11:19 PM
انا قصيدي يرتقي لك ويرضيك = يروي غرورك لو تعاليت عنّه
شعري اليا منّه لفا بين اياديك = فكرك وقلبك لحنهن يدهشنه
كنه على بعد المدي لك يناديك = إل عقلك الباطن يجن يجذبنه
ابعد مدى فوق السحابه يوديك = ادري بروحك يالغضي مستكنه
يزرع امل فوق الاماني ويعطيك =وردٍ على عنقك زهى زين فنه

طايل
08-06-12, 11:47 PM
لبى القصر والحفل والارض والزول =وسيارتك والمرتبه والسياقه
من شوفتك شفني من الشوف مذهول =ارسم تفاصيل الهوى والعلاقه
ارسم خيالاتي مع الليل واقول =يا هني من ضمك بعطف ولباقه
في ليلة يرشف بها منك معسول =طعم العسل من شفتيك اندفاقه
صحيح لو نادوك بالاسم مجمول =مجمول عنوان الاسم والبطاقه
يوجد حسن يوجد دلع فيك مدبول =كاس الهوى من شفتينك مذاقه
اطالعك وانشد خذا القلب مجهول =ياليل ياليل السهر واصطفاقه

طايل
10-06-12, 08:49 PM
ترقص دلع ترقص طرب في غنجها = وترقص لها ذرات جوا ً لطيفه
تزيد مع زود التراقص وهجها =اقمار كل الكون منها كسيفه
مهره وغيري بالهوى ما سرجها = لو كان بعض احيان ماهي عسيفه
تبعد وتقرب والمشاغل حججها = وان عاتبت تلقى المعاني ظريفه
سبحان ربي بالحلاوه مزجها = مافيه شيء ٍ تذكره ثم تعيفه

طايل
10-06-12, 08:50 PM
تدرون اجمل شيء في روح روحي = احساس طفله يحتويها معايه
لا قام صدري بالقريحه يبوحي = يكتب مشاعر خافقي في عنايه
افكار تاخذني بعيد وتروحي = بين الخيال وبين صدق ومنايه
ارسم قصيدة شعر في وسط لوحي = واعلق المرسوم بعلا بنايه
من لا راءَ بالعين لا بد يوحي = تروى على الغياب باحلى حكايه

طايل
10-06-12, 08:52 PM
ضحكتك بالدنيا تساوي حياتي = اموت في ضحك الدلع وابتسامه
ضحكتك تجمع ما بقا من شتاتي = الشعر ما يعلن امامك صيامه
يفطر على ضحكت لطيف الصفاتي = وشلون اوصف واحداً في تمامه
هو فرحتي هو ضحكتي هو مناتي= اللي خذاني في مراكب غرامه
ماهمني كثر العرب والوشاتي = ماهمني من يلحقوني ملامه
بيني وبينه بالهوى ذكرياتي = اهديت له قلب ٍ رضى بستلامه
ما زلت انا وياه بمعاهداتي = منذو زمن حتى تقوم القيامه

طايل
10-06-12, 11:11 PM
قولي احبك وانطقيها وانا اسمع = يعني عنيده ما عرفتي مزاجي
مهما تسوي فالمشاعر وتقمع = ادري بأني فيك مثل العلاجي
انتي ذهب صافي مع الليل يلمع = يصلح يسمونك على البيض تاجي
فيك العناد وفيك عينين تدمع =ودي اسوي لك حبيبي م....
ادري بأنك لطف بالحيل تطمع = تكون وحدك في طريقي سراجي

طايل
10-06-12, 11:21 PM
يالأوله والغاليه والاخيره =يا مستقر الحب قلبي وداعه
يافاتنة ياساحرة يامثيره = يانور غطاء في سمايه شعاعه
جنات قربك وابتعادك سعيره = والبعد ماعندي عليه استطاعه
نسجت من عذب المعاني حريره = شعري على شانك تجيه البراعه

طايل
11-06-12, 12:18 AM
بعد البطاء جتني تقول انت كيفك =هل يا ترى زال اللذي داخلك لي ّ
قلت العفو لو غبت ما غاب طيفك = يا كيف ينسى الحي روحه وهو حي
انا على عهد المحبة وليفك = لو كان بعدك يحرق الكبد بالكي
تبقين ما القى بالخلايق وصيفك = اسقي مشاعر شاعرك ياغلا ميّ

طايل
11-06-12, 12:22 AM
الصوت نفس الصوت مع ضحكته ذيك = اللي على خبري جماله جماله
يازين عيني بالسهر دوم تشكيك = والقلب حرك فكرتي مع خياله
واليوم ساعة جيت يازين لبيك = من قلبي اللي محتفظ في وصاله

طايل
11-06-12, 12:40 AM
للحب سكرة وانت سكرة هل الحب = ومعذور لو مثلي سكر من حبيبه
بالله هل يوجد قوانين او طب = للعاشق المشتاق خله طبيبه
طبيب لكنّه على القلب يلعب = يلعب دلع ماهي بحاجة غريبه
قد ساقني يم الهوى والهوى هب =يأسري روحي تراها عطيبه

طايل
11-06-12, 03:04 PM
الشوق دائم يجذب الناس فالليل = فيه العذاب وفيه لذه وحيره
لوحات فنيه بها الفكر تشكيل = مرأ يسير ومر ياقف مسيره
مرا ً حلو وامرار يحتاج تحليل =مافكك رموز المحبه خبيره
مرا ً جفا ومرار بالحب تدليل = تحدث امورا ً فالمحبة مثيره
الحب صعب وفيه بعض التساهيل =مافاد فيه اللي بعد تستشيره
الحب ممكن يطربك للمواويل = احيان تحدث بالصغائر كبيره

طايل
11-06-12, 03:14 PM
تعاملي وياك بالطيب واخلاق= ماهوب معناها بأني احبك
ماهوب معناها اليا غبت بشتاق =لا تعتقد اني تمنيت قربك
انا مجرد شخص عامل بما لاق =ما نيب جرحن لك ولانيب طبك
ابري الذمه ولانيب بواق = بس انتبه ياصاحبي لا تشربك

طايل
11-06-12, 03:22 PM
ياللي تحاول في فراق الحبايب = وتهدم صروح ٍ بالمحبة قديمه
ارجع ترا منته محصل كسايب = ياللي تحاول بالردا والنميمه
الحب طايل واريش العين ذايب = روحي وروحه بالمحبة سليمه
لا هوب لا تايب ولانيب تايب = اجمع مشاعرنا تساوي عظيمه
قد حطوا العذال قبلك نشايب = وحنا وطيناها بحب وعزيمه
الحب ماهمه كلام الزلايب = مرا ً خذو صفعه ومراً هزيمه
للشعر معنى والمحبه سبايب = ياعاذلي شفها بقلبي مقيمه

طايل
11-06-12, 05:11 PM
قربك ومن حولك وجنبك ويمك=مشاعري والروح والقلب واحساس
اجيك من شوقي بشوقي والمك=وارسمك في فكري محبه وهوجاس
انت الخيال اللي بليلي اضمك=ياورد يا ريحان يا عطر الانفاس
اجيك كلي يا غلايه واشمك=احس في صدري مع الطيب نسناس
قلبي تعلق بك وشعري يعمك=يا سكرتي من دون ما نشرب الكاس

طايل
11-06-12, 05:15 PM
وين انت ياغايب ترى الشوق يدعيك = اسمع صدى صوته بالاضلاع نادا
شفني على درب الرجا في حراويك = ياللي غلاك بداخل القلب سادا
اعشقك واهوى ياحياتي مباديك = ياللي على كل المخاليق زادا
فتحت بيبان الغلا والشبابيك = حتى ملكتي بالمحبة فؤادا

طايل
11-06-12, 05:58 PM
كلك تعالي يوم انا جيت كلي = حتى غصون الشوق تهتز طربا
جذع الحنان اليا حصل به تغلي = فتحت له من ساقي الشوق دربا
اجمع تعابير المحبة وافلي = الارصدة بالشوق والحب تربا
اقول همسات المحبة وقلي = كتبتني بالحب شرقا ً وغربا
نصبح على مركب غرام التجلي = من حولنا حمائم الحب سربا

طايل
11-06-12, 06:00 PM
الشاعر اللي تغنالك وغنابك =ثم داعب الطيف بالاحلام مشتاقي
ها هو يناديك بعلى صوت بغيابك = وانته تناظر وشوقي حيل حراقي
قلي لما الصمت حبي ليش ينتابك = صمت ٍ يحيّر محبك كيف ينطاقي
تعال واضحك وفل القول وكتابك = تلقى خزينة كتابك وسط الاعماقي

طايل
11-06-12, 06:09 PM
الشيء مع طول الليالي يشيني = والزين زينه زاد مع طول الايام
اللي من العالم ابيه ويبيني = اما حصل واقع نعيشه بالاحلام
اقدر اسميها حلاوة سنيني = لذة حياتي عشتها خمسة اعوام
سحابة اطيافه تسير وتجيني = تمطر على قلب ٍمن الشوق منظام
تحييه وتزيد الغرام الحنيني =و يرقص لها قلبي ترانيم وانغام

طايل
11-06-12, 06:12 PM
حبك مخلد في ضماير محبك = مازال ينبض في خفوقه بالاعماق

طايل
11-06-12, 06:16 PM
بعد المسافات يتعب حيل عاشقها=يتعب فؤاده وتفكيره وهوجاسه
الروح دائم لها بالشوق سايقها=ما يشغل القلب عنها ضحك جلاسه
حالت مسافات عن حبي فوارقها=ما تمنع القلب فيها ينشد احساسه
يا حلو حلماً حلمته ليل ذايقها=تلك الشفايف تخالط ريحة انفاسه
ارمي لها الحب في لحظة معانقها=الحان الاشواق غطت صوت مرواسه
ياليت الاحلام لو ساعه نحققها=يرقص لنا الورد مع هبات نسناسه
وقت الحلاوة تجي سرعه دقايقها=في لحظة الحب والأمال حراسه
هاذي قصيدة تعبر حال صادقها=لا تجبر القلب في فرقاك بفلاسه
في غيمة الشوق هاضتني بيارقها=ثم سال حبر القصايد فوق قرطاسه
مشاعر الحب واللهفه تسابقها=ما يحزن القلب غير البعد عن ناسه
صفحات الايام للماضي نشققها=جديد الايام نبداها بكراسه
بالصدق والحب والطيبه وثايقها=مافيه للغير دواره وعساسه
الذكريات الأليمه سوفْ نحرقها=نبني من الحب قصراً ثابتاً ساسه
نرقا عن الحزن في عالي شواهقها=على التفاؤل ونور الصدق نبراسه
تلك الليالي وما جابت نطلقها=تبقى فوايد قديمه بس ودراسه
ادري عن النفس باللي صار ترهقها=وادري عن الروح بالافكار منحاسه
لا تحسب النفس دون احماك فاهقهاا=اسوقها سوق للأخطار دواسه

طايل
11-06-12, 06:19 PM
انسكاب الشعر في لحظة جنون =يبدع المشتاق في قول الشعر
الجنون يولد الشعر وفنون = يسهل اللي كان في عينه وعر
ما علينا من مطيّرت العيون = ان بدو في راس والا في قعر
يقرأون الشعر والا يسمعون = للهوى والشوق في قلبي سعر
وان نصحنا نصح قوم ٍ مؤمنون = ينتبه من كان في نفسه نعر
وان بطشنا بطش قوم ٍ جاهلون = صاب بعض الناس من قولي ذعر

طايل
11-06-12, 06:20 PM
تعال بشرني عسى حالك بخير =حالي من احوالك ولا فيه تشكيك
شفني على جال السهر والتفاكير = اجاذب الونات فالليل وادعيك
هاذي خيالاتي لفت لك مسايير = لو كان من بيني وبينك شرابيك
ارسم وافكر واكتب اشعار تقرير = اقول دون الناس هاوي وشاريك
قلبي غدا مع ناعس الطرف كالطير = هذا فؤادي يالغضي بين اياديك
اما ارحمه والا اقتله قتل تعزير = وانا ببيحك يالغضي في تماديك
ثم راح ادور لك مع الناس تبرير = خذها من الطايل تراني محاميك

طايل
11-06-12, 06:27 PM
وينك ترا مشتاق ما عاد ابه طب = للعاشق الولهان وينك حبيبي
تكلمي قولي عن الضرف والحب = تفجري بالحب صدري رحيبي
هيا اسمعيني صوت قولك مع الشجب = من صمتك الغامض كاني غريبي
نعم احبك حب عاشق من القلب = حتى ولو..ك يالغلا مش نصيبي

طايل
11-06-12, 06:29 PM
اكتب لك اشعاري علشان تقرين = معنى المحبه في عيون الهواوي
ادري بأنك يا حياتي تغارين = ياسامية بالحب عن كل غاوي
اهواك واهوى كل شيء تقولين = مكتوب في حبك تراني عماوي
يـ ام اللسان العذب بالحق واللين = ما فيه مثلك بالمحبة يساوي
انتي تجاوزتي مدى كل غالين = تشبيه تصويري بنجم ٍ سماوي

طايل
11-06-12, 06:31 PM
استبحت الحرف لعيون الغلا = استبحته بس بالقول النظيف
كان كل ٍ قام عنها يسئلا = هي ربيع القلب في وقت الخريف
الكلام الزين زايدها حلا = والوصايف كيف اوصف يالطيف
خالده فالقلب ما عنها سلا = قلبي المشتاق للغالي مضيف
أن لفتني قلت يا اهلا ً هلا = وان تخفت صرت في حال ٍ كسيف

طايل
11-06-12, 06:32 PM
بكتب لانك يا حياتي تحبين = تقرين لي ياروح روحي قصيدة
رفعت رايات القصائد عناوين = لعيونك الثنتين جتك النشيدة
غنيتلك بالقاف عدة تلاحين = لن الفريدة تستحق الفريدة
فيها عن الاشواق عدة مضامين = والوضع مكتوب بنص الجريده
وضع ٍ تعرفينه وانا عارفه زين = مابه خطاء يوم المساعي حميده

طايل
11-06-12, 06:35 PM
يازين شعري لا تهيضت فيها=مثل السحابه تمطر القلب والروح
حتى ولو الوجد طابع عليها=مثل الدوا تبقى على كل مجروح
ابدع بيوتي بالغلا وانتقيها=لا اونست في صدري مثل حرة الفوح
الشوق ياخدني بليلي واجيها=اقطع مسافات الهوى مبعد الشوح
كني وانا ساهر اناظر إليها=تبوح بسرار الغلا ليّ وابوح
احكي وانا يدي تلامس يديها =انا الوحيد اللي على اللمس مسموح
تزعل وتعتب والدلع يحتويها=ونقضّي الليله وناسات ومزوح
ومراً عليها بالغلا أشتكيها=وتقول ياطايل ترى الوضع مفضوح
هاذي علوم الحب يا سامعيها=بالحلم اجعل لي مدارات وصروح
للغايبه مشتاق قلبي يبيها=غابت وهي وياي من وين ماروح
ابيع روحي لجلها واشتريها =يبقى لها قلبي على طول مفتوح
ماهي مجرد كلمة ٍ وانتهيها=بل حب صادق في مباديه ووضوح
لو الزعل حبيبتي يعتريها=اجي لها كلي بالاحضان مشفوح
فكري ولا مره دله او نسيها=رد السؤال اللي من الغير مطروح

طايل
11-06-12, 06:44 PM
الذين يشاهدون محتوى الموضوع الآن : 3 ( الأعضاء 2 والزوار 1) ‏طايل (http://www.qassimy.com/vb/member.php?u=89840)

يالربع انا ما يطلع عندي اسماء الاعضاء اللي اتشرف بهم وينورون الصفحة

لا أعلم ماهي المشكلة ولا ادري اين الخلل



لكن لكل من مر من هنا اقول



يامرحبا بمدونة شاعر ٍ قال = بوح ٍ عساه يسر من شرفونا
اهلاً هلا والحرف يرقص ومختال = بحضوركم ياهل الكرم تسعدونا
هاتوا لنا دله وتمره وفنجال = لضيفونا لعلهم يسلمونا

طايل
11-06-12, 11:28 PM
ماهي نعومه.. زايده بالنعومه=وعند المواقف ياعرب بنت رجال
تاخد من التاريخ اجمل سلومه=ومن الحضاره ماخذه كل ما طال
قلبي مخلدها ولا احد ٍ يلومه=اقولها بالصدق مانيب محتال
القلب لو جاله لطيف ٍ يسومه=اقول له بعته على الزين بريال
القلب يعلن عن هوى الغير صومه=ماعاد يرويني هوى كل من قال

طايل
11-06-12, 11:34 PM
الشوق ماهي كالقمر في حلاها=لن القمر به جانب مظلم ليل
الشوق نوراً شع نوّر مداها=تنظر لها بالعين دون الدرابيل
حتى النجوم اللّي بدت في سماها=تخجل وتخرج من سماها بتهليل
الشوق فيها كل شي تباها=اعيونها وخدودها والمجاديل
رقه وادب واخلاق ربي عطاها=مع الثقه بالنفس والعزم والحيل
لبس الأنوثه والحيا من غطاها=عوايد الاجداد مافيه تبديل
يقولها اللي ليلته قد قضاها=يجر من شوقه جديد المواويل
يومن نفسه غارقه في هواها=ارسل مع احلامي إليها مراسيل
مرسال من قلبي لشوقي قراها=من بيننا لو كان مابه مواصيل
ابكتب اشعاري عساها تراها=أنتي مكاسب عشقتي والمحاصيل
اقدم اشعاري عساها عساها=تقبل بها عنوان بعض التفاصيل
كرهت دنياي الصغيره بلاها=ماعاد تنفع صحبتي والتعاليل
الحب تياره جرفني معاها =اشواق اوصفها مثل داهم السيل

طايل
11-06-12, 11:36 PM
سلمت لك مشاعري كلهااا لك=في لحظةٍ فيها تمنيت قربك
حلو الخيال اليا انتثر في مقالك=تكتب وتشرح عن مشاريع دربك
الله اكبر يا حلاته خيالك=لا هب نسناس الغرام وسعربك
انثر وعبر عن مشاعر دلالك=لا تكتم اللي في فؤادك خطربك
الشوق والاحساس لامن لفالك=لا تكتمه في داخلك ينكسربك
تعال ابغرق في أنوثة وصالك=اكتب لصدرك طايلك منتحربك
في ليلة ٍ فيها تراني حلالك=يوم انطلق من واهج الشوق سربك
الجو صافيلي مثل ما صفالك=ساعة لقاء رمشك عليّ انتصربك
المغرم العاشق بعد ما سعالك=صار الأسير اللي وقع وسط حربك

طايل
11-06-12, 11:40 PM
القصائد من اولها اليا اخرها=جاتك تغنا بصوت الحب مشتاقه
اتعب عليها من ابداعي واصورها=تزها عيونك بيوت الشعر كالباقه
جالس لحالي على القمرا واسامرها=اجر صوتٍ يهيّض كل عشاقه
وان زادة النار في قلبي يسعرها=البعد عنك فقيد الحب ما طاقه
يا وجد حالي من اللي يوم غادرها=وجد بدوياً توجد فاقد انياقه
عليك ياللي بيوت الشعر ساطرها=ياطب قلبي وجرح القلب واشواقه
وشلون ابسلا وروحي وانت خابرها=قلبي مولع بحبك صرت باعماقه
لا تسأل العين عن ماذا مسهرها=دام انت للنوم من عينيّ سراقه

طايل
11-06-12, 11:42 PM
اشوف ساعات القدر وقفت لي = ماعاد تمشي في عيوني ثواني
وين الحياة اللي قبل قد صفت لي =اللهُ اكبر يا تشقلب زماني
دنيا تشقلب ياعرب ما وفت لي = والليل الاسود مدلهم ٍ دهاني

طايل
11-06-12, 11:44 PM
الذكريات القديمة رحت اراجعها = مع اول الحب واخر حب في بالي
هلت عيوني من الذكرى مدامعها = يا وجد حالي عليه وياا بري حالي
النفس فالارض لو تكثر مطامعها = ما تقبل الا حبيب ٍ واحدٍ غالي
شوفوا حشاية وقلبي من مراتعها = داخل حشايه مرابيعه ومنزالي
الذكريات القديمه كيف اودعها = مقدر اودع قديم الحب والتالي

طايل
11-06-12, 11:45 PM
حتى ولو صدت ثلاثين عامي =ولو تلتزم بالصمت كثر المصده
ما يوم قلبي عن هوى الزين صامي = يبقى فؤادي طول عمره يوده
بل عاشق ً قلبي عليه الغرامي =محد ٍ مكانه يقدر انه يسده
عليه مني كل يوما ً سلامي =حتى ولو ان الغضي ما يرده

طايل
11-06-12, 11:52 PM
الصمت يجبرني على كثرة البوح = والبوح كثره ما يفيد الهواوي
هذا القلم حبره على الطرس مسفوح = يبكي على اللي صار للبعد ناوي
البوح خلا شاعر الحب مفضوح = امن الألم ماهو على البعد قاوي
حبر القلم دم ٍ من القلب مجروح = يوم الألم قطّع جميع الرجاوي
عايش ولكن بين الاضلاع مذبوح =اجر وناتي حزين ٍ خلاوي

طايل
11-06-12, 11:56 PM
تعالي اقري ها هنا ايه احبك = من اربع اعواما ً احبك حياتي
نعم اعادي كل شخص ٍ يسبك = واللي تحبينه احبه غلاتي

طايل
11-06-12, 11:58 PM
تعال شفني في رصيف المحبه = جالس لوحدي يالغضي واتحرا
ابغى الذي في جلستي صار سبه = يمكن وانا جالس حبيبي تمرا
تعال قلبي ينتظر منك طبه = حتى المشاعر كلها تستسرا

طايل
12-06-12, 12:05 AM
الذين يشاهدون محتوى الموضوع الآن : 4 ( الأعضاء 3 والزوار 1) ‏طايل (http://www.qassimy.com/vb/member.php?u=89840), ‏شــتآت (http://www.qassimy.com/vb/member.php?u=421452)


هلا شتات ومرحبابك اوخيّه =ياحيها بنت الرجال الكريمين
والزائرين آلهم علينا تحيه = يستاهلون الطيب غالين غالين

طايل
12-06-12, 12:10 AM
اشتقت والطيف يالمجمول داعبني = مثل النسايم تداعب خدك الوردي
سهران والليل والهاجوس متعبني = وش حيلت اللي بشوقه جالس ٍ فردي

طايل
12-06-12, 12:11 AM
والله ان القلب يا حبي يبيك =ماعشق يابنت غيرك من بنات
والله اني كل كلي مهتويك = في مسيري في وقوفي والمبات
والله اني ياعيوني مشتريك = بعت كل الناس جيتك ياحلاة
روح روحي ياحياتي مفتديك = ياكريمة فيك حلوات الصفات

طايل
12-06-12, 12:14 AM
يامرحبا بالزائرين الأفاضل = اشعارنا فيكم تشرف وترقا

طايل
12-06-12, 12:20 AM
الذين يشاهدون محتوى الموضوع الآن : 4 ( الأعضاء 3 والزوار 1) ‏طايل (http://www.qassimy.com/vb/member.php?u=89840), ‏شموخ ا (http://www.qassimy.com/vb/member.php?u=770563), ‏شــتآت (http://www.qassimy.com/vb/member.php?u=421452)


ياشموخ اهلين جيتي مع شتات = مرحبا واهلين فيكن ياخوات
آلكم التقدير من طايل ثبات = مانقوله بالقصيد مجامله

طايل
12-06-12, 12:30 AM
البارحه عيني خيالك زهمها = واستيقظت من لذة النوم مرحا
اللي معي في داخلي واحترمها = حبه بناله داخل القلب صرحا
كبدي وروحي والضماير وسمها = ما عاد للموضوع يحتاج شرحا

طايل
12-06-12, 12:35 AM
مافيه غيرك فالحنايا سكنها=مافيه في عيني من الناس غيرك
انتي الذي طايل حياته رهنها=لجلك فريّح ياحبيبي ضميرك
الروح ما غيرك حبيب ٍ سجنها = امقيدٍ روحي نواعم حريرك
الروح تحتاج الوفا في وطنها = وكبدي من الحره تبي من غديرك
العشقه اللي ما يقدر ثمنها=لي خمسة اعواما ً وانا لك عشيرك
خمس السنين اللي هوانا رسنها = اميرتي صرتي وانا لك اميرك
ابيع كل الناس واصد عنها=واجيك كلي بالغلا ما استشيرك
حبك وكل الناس حبك وزنها=محدٍ مشى يا غايتي في مسيرك
مسيرك اللي وسط روحي مكنها=يصعب يكون ابها حياتي خشيرك
محبتي يازين تعرف زمنها=ايام ناديتي عليّه صغيرك
بالمصلحه قلبي ابد ما قرنها=يكفيه ضحكات الغرام وعبيرك
ويكفيه روحك لا تزايد شحنها=يصير صدره يا حياتي سريرك
شعري مهو كلمات حلواً لحنها=ماهي مشاعر شاعراً يستثيرك
شعري مشاعر صادقه يحتضنها=قلبٍ تولع وانعقد في مصيرك

طايل
12-06-12, 12:47 AM
ماني مصدق لو يقولو نشوفه = ادري على شاني تسوي تماثيل
حتى ولو الغير يفرك كفوفه = فكر على شانك كثير التحاليل
اقول واثق ما تغير وصوفه = لون الذهب يبقى ولا فيه تبديل
حتى القمر لو هوحصل به خسوفه = العز ما يخسف مع الشين والميل
يقولها طايل يمين محلوفه = ما تحجب الظلمة ابد نجمة سهيل

طايل
12-06-12, 12:48 AM
الحرف حرفك بالنقاء ياوداده = يجيه من اجلك ثمانين ثوره
حرفي ونبضي والفؤاد ومراده = في حضرتك في غيبتك ذا حضوره
ولو لامني راع الجهل والقراده = لا يمكن الطايل يغيّر شعوره
بكتب لك احروفي هوايه مداده = اقهر بها اللي في فؤاده حروره
ياسكره طعمه مساءك سعاده = تبني على وجه الطفوله سروره

طايل
12-06-12, 12:59 AM
البسمه اللي على وجهي بصورها = تبقي مدى العمر ذكرايه وذكراها
وادري تبسّم وانا ماني اناظرها = ابعيد عنها ولكن قلب يقراها

طايل
12-06-12, 02:12 AM
بالملامح طفلتي سحر الدلال = لين صارت للقصائد ملهمه
ااه واويلاه من هذا الجمال =تسحر الانسان تلك المسلمه
الحسب والعز مافيها جدال =نور خده فالليال الظلمه
القمر فالليل غنالي تعال = رد قلبي من غرامه كلمه
النحر والخد يطرح له سؤال = والعيون السود تذبح سلهمه
فاتنة بالزين تكتب لي مقال = واضح ٍ معناه دون الطلسمه
لين صار القلب في وضع احتلال = ساحره بالحب قادة ملحمه
مرحبا واهلين ياهاك القبال = صار شعري من حلاها تمتمه
ما يطول الشعر فيها لا محال = كيف اوصف شيء ماقدر ارسمه
ااه محلا الليل هذا والوصال =علم المجمول عني علمه
قمت ارتل في تراتيل جزال = بس قدم الزين والله لملمه
صار فيني شيء حاجة وانفعال = من حلاة الزين ودي الهمه
شاعرك مجنون غنى من هبال = يوم شاف الزين ربي سلمه

طايل
12-06-12, 03:22 PM
ملائكية وصف يتداولونه = بين العرب واقول مجرد اوهام
حتى رأيت اللي عذابي عيونه = ايقنت بان العلم ماهوب الاحلام
وجهه وشكله والحلايا ولونه = ما ينرسم ما ينوصف عبر الاقلام

طايل
14-06-12, 01:16 AM
ياقلب لو تسمع كلامي وتوحيه = تترك طريق الحب كان انتهينا
مير البلاء لا جاك ياقلب طاريه = سهرتني وياك ربي يعينا
عذبتني ياقلب هو ليه هو ليه = ارقد وخل الليل معنا يزينا
عذبتني تنشد وتشكي وترجيه = حالي تعذب بالهوى والونينا
ياقلب لا تطري عليّه لياليه = ترجيه متوجد يجرك حنينا
انا وقلبي صار في وضعنا تيه = حتى من اسبابه نثرت الكنينا

طايل
14-06-12, 01:49 AM
تشرفت بزيارة مدونة اخي الاستاذ مان وشرفني ان دوّن اسمي في مدونته وطلب ابيات فكانت الابيات الاربعة الاولى على عجل وارسلتها له وبعد خروجي اخذت اتمتم ببعض الابيات واكملتها ولم ارغب في طرحها حتى لا اتجاوزه ولا اتعدا عليه حتى يطرحها ويقبلها وهو المثقف الجميل والخلوق الرفيع والمتذوق الجم والانسان الرائع
وهو محبوب الكل لسموه وحسن تعامله ولباقته

الابيات كاملة استوحيتها من عنوان المدوّنة وتعامله العالي وذاته الكريمة




جـزيـرتــي حـريـتــي والـبــحــر حـــــرف= سفني مـن افكـاري تخـوض ابحرهـا
اعشق لألئيها من النحو والصـرف =حتـى النبـط اعشـق جـواهـر دررهــا
واعشق هل التقدير والدين والعرف =عـرف ٍ يعـز النفـس لا مـا حقرهـا
واحـب انـا الريجيـل قرميـن والـتـرف*=الـلــي تـنـومــس ربـعـهــا فــــي خـبـرهــا
على النقاء وان سولفت ناعس الطرف = اشيح وجهي عن مفاتن نحرها
اصعد جبل وامشي سهل واترك الجرف = واقطع مع الصحراء ليالي خطرها
اقدر اكرام العرب واحسب الظرف = واعرف سوالف بطنها مع ظهرها
ما عشت لذات الهوى عيشتي كرف = حياة عز ولا نعيش بقهرها
لجل الكرامه والكرم ندفع الصرف = يوم ان بعض الناس نفسه خسرها
هذا رساله من فهد داخل الزرف = مرسولةٍ للي طلبها امرها

طايل
14-06-12, 04:34 AM
كلامه اللي ينطقه نكهة التوت = لذيذ لو ارشف منه دوم ما اروى
واثمل وانا ما اشعر على لذة الصوت = سحر البيان اليا خرج منه ما اقوى

طايل
14-06-12, 04:35 AM
الذين يشاهدون محتوى الموضوع الآن : 4 ( الأعضاء 1 والزوار 3)

صباحكم قطعة سكر

طايل
14-06-12, 06:23 PM
حكيك كما نسمة ربيع ٍ تهبي = ترقص لها روض المحبه سعاده
والقلب غنالك وروحي تلبي = قلبي يقول الزين هذا مراده
في هبتك يانسمة الطيب حبي = الشعر من عينك حبيبي مداده
حكيك على قلبي مراهم وطبي =يغني عن الدكتور هو والعياده
انظر لأشواقي بصدري تشبي = لا تجعل اشواقي عليكم رماده
تعال يازين التواصيف قربي = عطني شهد شفتّك سكر زياده
ابغي كرز صدر ٍ عليّه تخبي =ودي احطم في شفاهي عناده
انتي انوثه في بحرها بطبي = واعلن على حد الانوثه سياده
ردفك وخصرك في حنانه لعبي = حتى استطعت اني اروض جواده
حتى سكرنا والخمر له نصبي =خمر الهوى اللي فيه فن وقياده
وفي حضني الدافي تجيني تكبي = وردك وتوتك والكرز والقلاده

طايل
14-06-12, 07:19 PM
اخفي غلاك بداخلي وانت تدري= وشلون لو بيحت ما يحتويني

طايل
15-06-12, 05:18 AM
ياصباح الشوق ياشوق أنا = ياصباح النور ياعطر النسيم
اسعدت الحظات فيكم والهنا =نور شمسك نورت ليل ٍ عتيم

طايل
15-06-12, 05:38 AM
انا تمام وكلي اشواق للزين = كيفك وشخبارك حبيبي هوايه
اشتاق لك شوق ٍ تعدا القوانين = ما ينوصف لكن تشوفه قرايه
ملامحه فالقلب والفكر والعين = اقري ملامح عاشق في عنايه
ثم بشريني عنك بالحق تبيين = كيفك وش اخبارك حبيبي منايه

طايل
15-06-12, 05:40 AM
في شوفتك يالغالية ينتشي قاف = يعزف لك اوتار الغلا بشتياقي
يانايفة ياباذخه كل الاوصاف = سحرك ولطفك والحلا فيك راقي
من هامتك لمبسك لين الارداف = العين والشفة ورجلك وساقي
انتي انوثة والدلع فيك ينشاف = ما اقدر على بعد الغلا والفراقي
فكري معك في غيبتك يالغضي طاف = بيني وبينك عشقة ٍ واعتناقي

طايل
15-06-12, 05:45 AM
اجمل اللحظات في عين الجمال = اجمعيني من شتاتي باحضنك
سحرك الفتان همسك والمقال = صار قلبي من جماله مدمنك

طايل
15-06-12, 05:54 AM
انا بحسد النوم لانه يغطيك = لا واهنيه يوم غطاء قمرنا

طايل
15-06-12, 06:04 AM
ماعاد يجذبني مع الليل ساري = الا اليا شفت اللي به الزين آيه
احب انا القهوه ترد اعتباري = وانتي بها السكر لذيذ ٍ هوايه
يطري عليّ الشعر والفين طاري = طاري جمال ولا حدث فيه غايه
صبي لي الفنجال والشوق عاري = يُقرأ وسره بيننا بالنهايه

طايل
15-06-12, 06:07 AM
سولفي للحب في عين الجريح = في كلام الحب نلقى به دوا
سولفي لي عطريني بالمليح = عيننا بالشوق نقراها سوا
ما يعيش الشوق فالليل الشحيح = ياحلاة الشوق من ثغر ٍ حوا
قد حوا بالحب والقول الفصيح = شاعرك من حلو هرجك ما روى
سلسبيل الذوق من فمك يسيح = ذا فؤادي جاك يركض يا هوى

طايل
15-06-12, 06:11 AM
لا تسأليني عن قصيدي اذا فاح.. = عطره وعطّر صفحتي من كلامك
برق القصيد اليا بداء بالسماء لاح = يهدي تحياته سلام لسلامك
اليا انطلق فكري بالاشعار سواح = عساه ياخلي يكون بمرامك
عساه يلقى له قبوله والافراح = لا تسألي الشاعر علامك علامك
كذا كذا يأتي بلا وعد مرتاح = يقول ياطايل تخيّر أمامك
امامك الافكار حبات مسباح = انظم لك افكارا ً تليق بمقامك
مدح ٍ وحكمه او تجي منك مزاح = والا الغزل اليا انتثر في غرامك
والا الهجاء خله ترى السب فضاح = حتى مع العالم يزيد احترامك

طايل
15-06-12, 06:12 AM
الذين يشاهدون محتوى الموضوع الآن : 6 ( الأعضاء 3 والزوار 3) ‏طايل (http://www.qassimy.com/vb/member.php?u=89840), ‏شــتآت (http://www.qassimy.com/vb/member.php?u=421452)


حياكم وبياكم

صباح الخير تشرفون


ابشرو بكبدة حاشي نص استوا واولكم شتات والخبز تميس سمو الله يحييكم

تحياتي لك من الاعماق

طايل
15-06-12, 06:38 AM
الذين يشاهدون محتوى الموضوع الآن : 7 ( الأعضاء 3 والزوار 4) ‏طايل (http://www.qassimy.com/vb/member.php?u=89840), ‏شــتآت (http://www.qassimy.com/vb/member.php?u=421452)


اهلا هلا بالسته اللي لفوني =امدونة طايل بكم مسفهله
قبل القصائد جعلكم تقبلوني = ذا مكسب الشاعر اذا هو حصله
واليا حصل مني خطاء تعذروني = ابليس لبن ادم سعى له يزله
الكامل المعبود يا مسلموني = يالله عسى يرحم عبيده بظله

طايل
15-06-12, 12:36 PM
في حلاة الجو قربت المداد = ودي ارسم حب من قلبي نهل
تأتي اللوحات من دون اجتهاد =لنها بالزين تأتي في عجل
لين تأتي شيء مثبوت ٍ وكاد =في صورها والمعاني والجمل
في ليال الحب نسناس البراد = غنت الأشواق في لحظة أمل
يوم غنا الحب من مبسم سعاد = ثم دفق بالحب من ريقه عسل
الفرح والحب شاعرك استعاد =يا طيور الحب غني للنفل
صار للأفكار فالراس انقياد = كنها فالراس مملكة النحل
التلاقي صار من بعد البعاد = اللقاء والقرب يجعلني ثمل
يتعب الإنسان يكسب له مراد = ما يفوز بشي ياكود بعمل
بينما المشتاق صبره بزدياد = فرحته بالزين حظه يكتمل
حرك المشتاق فكره والفؤاد =انتشى من بعد ورده ما ذبل
ياهوى المشتاق من بعد العناد = اشهد انك صرت لعيوني كحل
أنت فيك الزين فتنه وانفراد = أنت غير الناس ما مثلك مثل
في غيابك صار قلبي في حداد =واللقا كالمزن في ارضي هطل
انثريني شوق ياروحي وداد = واجمعيني كل ما زاد الخجل

طايل
15-06-12, 12:53 PM
صرت ثاير فيك من دون الشعور = انثريني واجمعيني يا غلاي

طايل
15-06-12, 01:03 PM
ادري بأنك غير كل الغنادير = وادري بانك غير كل الخلايق
وادري بانك حرف فيه التعابير = وادري بانك ذوق عن كل ذايق
ادري بانك فوق كل التصاوير = وادري بانك زين بالحيل لايق
وادري بانك فقت كل التقادير = وادري بانك فالزمن كالدقايق
ادري بانك زين يحتاج تقرير = ادري بانك بالتواصيف فايق
ادري بانك غير ثم غير ثم غير = حتى ولو انك من الشعر ضايق

طايل
15-06-12, 02:10 PM
في ذات عصرية ٍ جميلة ٍ تزقزق فيها العصافير وترقص بها الورود وتنتشي بها السحب

قدر الله علينا وذهبت انا واعوذ بالله من كلمة انا ونسيبي وابنه ذو العاشرة فيصل اصير خال ذو العاشرة وبمعيتنا اخي

ذهبنا الى احد الاندية الرياضية من اجل المسبح لا بارك الله فيه

وبعد تفكير عميق ومشاورات جدلية تارة ٍ حادة وتارة ٍ لك عليها هادئة

قررت انا والبناخي ان نصعد على الخشبة التي يقفزون منها وانا اشجعه .. فياليت شعري انثبرت ولا شجعته

عندما صعدت السلم بعد ان قرأت وردي وابتهلت بالدعاء لم يبقى شيء سوا كتابة الوصية

كانت النطيطة عالية جدا ومرتفعة حتى سقف النادي

صعد فيصل وانا متردد ثم صعد بعده شخص ثم توكلت على الله وصعدت

عندما استوى المقام لفيصل ذو العاشرة وجاء دورة تردد وحاول الرجول والنكوف على عقبيه لكن والده واخي صاحا بصوت عالي اقفز ثكلتك أمك فتردد فيصل بل قرر العودة لكن والده واخي صرخا على من خلفه ادفعه اذا لم يقفز
فقال من خلفه انقز ياولد والا دفيتك .. دفيتك لغير الناطقين بالعربية أي دفعتك دفعا ً شديدا ً

اصفر وجه الطفل وتلون واحمر وتقدم له ذلك الشخص وهو من قبيلة قحطان الكريمة ( طلع خفيف دم ونكته ) تعرفنا عليه فيما بعد فالمسبح

ففكر الطفل وقدر وقرر القفز فقز

نظر القحطاني للمنظر وذهل وتردد هو ايضا ً حاول العودة والهروب من المواجهه العظيمة والسقطة الأليمة وكنت خلفه

فنتظرت إليه مبتسم وقلت تعرف الولد اللي خليته ينقز قال لا بس اشرو لي ذوليك وخليته ينقز

قلت هذا ولد اختي والله لتذوق ما ذاق

قال كيف

قلت اللي سمعت

قال اقول ابعد هنا بس

قلت والله لتقفز والا والله لتمسك فيك واطيح انا وياك

قال انت مجنون

قلت يالله

وتردد كثيرا ً في القفز ولكنه بعد ذلك تهور وقفز

فانا فكرت في العودة عشان اقهر نسيبي وابنه واخوي اللي ميت ضحك وايضا صاحبنا القحطاني ( وليس خوف كم سوف يفهم البعض )
فعندما استدرت وجدت امامي

ذلك الرجل طويل القامة كبير الهامة لونه اسود كقطعة ليل في شتاء قارس ملبد بالغيوم مفتول العضلات ينظر لي ويبتسم ويهز رأسه للأمام بمعنى اقفز
فعرفت ان الواقعة وقعت والكرب شديد والمصيبة عظمى والخطب جلل فلا يمكن التحاور معه نهائي

فتوكل على الله وقفزت

مع تحيات اخوكم السباح طايل

طايل
15-06-12, 02:24 PM
اعزف وتر يأتي نغم للمحبين =حتى يسيح اللي من الشوق غارق
الحب تبقى رسمته بالدواوين = علامة المشتاق فالقلب حارق
واليا طرا الطاري تثور البراكين = واعزتي للي للحباب فارق
الجيم ياقف منذهل لحظة السين = يصبح سؤال البعد لقلب خارق
وتعوّد الجمرة سببها من التين = راع الهوى دائم حياته فوارق

طايل
17-06-12, 03:19 PM
يسعد مساكم يالربع والصباحي = اهلا هلا بالكل من دون تحديد

طايل
17-06-12, 03:19 PM
الذين يشاهدون محتوى الموضوع الآن : 2 ( الأعضاء 2 والزوار 0) ‏طايل (http://www.qassimy.com/vb/member.php?u=89840), ‏هايم وجوّي غايم (http://www.qassimy.com/vb/member.php?u=782910)


هلا وغلا اخوي هايم

تشرفت بحضورك الكريم

تحياتي لك

طايل
17-06-12, 04:41 PM
ياناس شو له تلوموني = القلب ما يقبل الهرجه
لو يكثر الهم وطعوني = لابد الايام منفرجه
وش تطلبوني تعادوني = خيال راكب على سرجه
مهما عليّه تشنوني = الطير عالي على برجه

طايل
18-06-12, 03:04 PM
طايل بعث لك ياهوى البال شوقه =بالله لا منه وصل لك تحفي

طايل
18-06-12, 03:07 PM
الهوى والحب والمعنى رفيع = افهموها يالقلوب الساميه
النقاء والطيب والله ما يضيع = لو تصير النار جدا ً حاميه
الذهب والماس لا يمكن نبيع = لو تموت النفس دونه ظاميه

طايل
18-06-12, 03:09 PM
لوك صمتي بعد يومين = يمكن تفجرت فالعالم
ابيع نفسي لجل غالين = على التفجر ترى والم
لو يكتبوني من الغاوين = اعلان صفحة بها ظالم

طايل
18-06-12, 03:13 PM
زعله وصده ياعشيري وزنقه = من بعدها دقت لنا ساعة الشوق
رغما ً بعض الناس ودي اخنقه = اللي جعل قلبي له اسبوع محروق
ودي احط كفوف يدي بعنقه = لكن اذا حطيتها صابني ذوق
يمكن يروح الغيض ويروح حنقه = تصير لوحة حب عاشق ومعشوق
صحيح بعض احيان ودي بشنقه = لكن لا شفته غدا القلب مخفوق

طايل
18-06-12, 03:16 PM
شواطي اليونان فيها حلاوه = ياليتني وياك فيها مشينا
رطوبة الجو اللطيف وطراوه = لاهبت النسمة رقيقه علينا
تزيد خدك بالحلاوه صفاوه = وانتي بخصلات الشعر تلعبينا
فالمطعم البحري تزيد الاتاوه = تطالعي فاتورته تضحكينا
ثم تضحكي بشويش قلتي غلاوه = واضحك انا واقول هل تدفعينا

طايل
20-06-12, 12:05 AM
ابسألك يا داعج العين قلي = وش حيلتي لا هزني شوق يمك
افكار اصدرها واورد محلي = افكر اني في خيالي اضمك
مانيب لا صاحي ولاني مولي =ابسألك ان كان امري يهمك

طايل
20-06-12, 12:39 AM
الشوق عنوانه ملامح وتعبير = تقرأ تفاصيله على وجه عاشق

طايل
20-06-12, 12:42 AM
لو انها بين الملايين من ناس = عرفتها بعيونها من بعيدي
اعيونها فتنه وسحر ٍ ونعاس = ترمي شبكها للفؤاد وتصيدي
في عينها تعبير واشواق واحساس = نظراتها فيها كلاما ً فريدي
في موقفه عاشق من العين يحتاس = وقفه وربكه واشياق وسعيدي
يسري به التفكير مع شعر هوجاس = تبدي له الحان الهوى والنشيدي
كله لقدّ اللي مع السير مياس =تعطي دروس لغيرها تستفيدي

طايل
20-06-12, 12:44 AM
غرورها غطاء على كل حاجه= متغطرسه تجلس على عرش ديباج
الوجه تقرأ سيرته في حجاجه = ينطق غرور ٍ فيه للزين منهاج

طايل
20-06-12, 12:49 AM
افهمك لوك ما تكلمت في حرف = احس ابك لو كان تخفي خفايا
ادري عن اللي صار من جرحك النزف = اخفيت في نفسي جميع الخبايا
شل الحكي ياغالية شدة الظرف = حتى العذر ماله بعينك مزايا
ما ودي ابدأ بالحكي وافتح الضرف = احترت بالتفكير صارت بلايا
ادري بأن الليل ما طبّق الطرف = الهم جمراته تسوي كوايا
بس الأمل موجود في داخل الترف = ياروضة الايمان فيها رعايا

طايل
21-06-12, 12:30 AM
اغوص بك وافهم كثير التفاكير =حتى ولو غطيتها بالقشوري
ودي اقول وخايف ٍ من محاذير = الهم في صدري يجور ويثوري
يضيق بي كل الحكي والتعابير= اشعر بما تشعر شعورك شعوري
بس الأمل في مقبلات المقادير = سبحانه الرحمن ربي غفور ِ
لابد ثم لا بد ما يرجع الخير = تجيني البشرى تزيد بسروري
شفت السماء يصعد معه راحل الطير = ويرجع بعد عامين والا شهوري
احذر تلوم النفس هاذي تدابير =مكتوبة ٍ فاللوح حتى النشوري

طايل
21-06-12, 12:32 AM
حتى ولو اقسى واجيب الطواري = لابد للانسان يهرج ويرتاح
مابه من الدنيا ولا فيه غاري = شخص ٍ حمل قلبه على شكل مفتاح
وش ينفع الانسان هل العباري=لا صار مابه شخص يسمعك بنصاح
الناس للمخراج تبني كباري =حلو الامل شعله بها عز وافراح
تعال عن هبت سموم الغداري = صدري انا روضه ومرقد ومصباح

طايل
21-06-12, 12:37 AM
لاسلام ولا كلام ولا خبر = بس مهما صار راضي ياغزال
مستعد ادوس لجلك في خطر = ذا جوابي قبل تطرح لي سؤال
ما يعيش النبت من دون المطر = والمشاعر فيك يحييها وصال
الهوى مثبوت في وصفه شجر = ما تهزه ريح من تحته ضلال
كل شي ايباع بثمان وسعر = وكل شيء ٍ فيه للأخر زوال
بس حبك غير عن باق البشر = لو يطول الوقت يبقى لا يزال

طايل
21-06-12, 12:38 AM
من سنة الاسلام لازم تسلم =وانا اتحرى ماسمعت التحيه
هو ليه ماودك معابه تكلم = ايش السبب وش بك علاكم عليه؟

طايل
21-06-12, 12:39 AM
من مساء الخير حتى للصباح = انتظر يازين منك كلمتين
بس ابا الكلمات تأتي برتياح = هكذا والشوق عنه تخبرين

طايل
21-06-12, 12:45 AM
مرحبا والحب في هذا الصباح = قد تنفس شوق من حب ٍ عظيم
صار هذا الصبح للصدر انشراح = ياجنون الشوق مع هبت نسيم
مع شروق الشمس في وضع ارتياح= تجعل العشاق في فكر ٍ سليم
ارسم الابيات واصنع لي وشاح = يوم صار الحب في صبحي نديم
بالهوى والشوق قلبي مستباح = انظروا للخل في قلبي مقيم

طايل
21-06-12, 03:13 PM
ياسلام الله وانتم راحلين= ياعيون الحزن هلي مدمعك

طايل
21-06-12, 03:14 PM
سبعة شهور وغربتي كلها شوق = للدار والاحباب هم والجماعه
ما عاد يجذبني مع الليل طاروق =كل ٍ على ما قيل يحفظ متاعه
لا جيت اهندب كنه الحلق مخنوق =ثم انكسر حرف الكلام ويراعه

طايل
21-06-12, 03:16 PM
يامن يبشرني عسى صحته زين = عسى صواديف الزمن له مثوبه
يالله عساه تقر به عين غالين = واللي حصل تخفيف ذنب وعقوبه

طايل
21-06-12, 03:17 PM
يالله المعبود غفارا ً كريم = ترحم اللي صار راضي بالقدر
انت رب الناس خلاق ٍ عليم = الدواء والداء منك للبشر
طالبك بسماك رحمن ٍ رحيم = يامشافي يامعافي من خطر
تكتب اللي طاح من داءه سليم = ميت الاشجار تجعلها خضر
قادرا ً وهاب سبحانك عظيم = انت رب الناس ما يوجد مفر

طايل
21-06-12, 03:18 PM
ياسعود شيل الصوت ياسعود شيله = منك اللحن وانا عليّ القوافي
ياسعود رحلتنا مسافه طويله = يارب تكتب من بعدها عوافي

طايل
21-06-12, 03:19 PM
عدلت توقيت الزمن والعقارب = على حسب دارا ً لها العين تشتاق
توقيت تمشي به جميع الاقارب = واللي على الاسلام والحق سباق

طايل
21-06-12, 04:13 PM
http://www.aawsat.com/01common/teamimages/440-alhumayed.gif



أنا شخص مدمن قراءة كتابات رئيس تحرير جريدة الشرق الأوسط طارق الحميد

بعض الآحيان اسهر حتى تكون الساعة الثانية صباحا ً في إصدار عدد جديد فأتلقفه وأكون أول من يقرأ وحتى استطيع النوم

يعجبني فيه كثيرا ً دفاعه عن أهل السنه في العالم العربي حتى أنني اعتقد أنه كتب عنهم وعن ما يتعرضون له أكثر من بعض من يدعون أنهم فضلاء الأمه وحراسها

طايل
21-06-12, 04:28 PM
من أجمل الأدباء في فن الكتابة هو فضيلة الشيخ العلامة علي الطنطاوي رحمة الله عليه

وهو الأديب الأريب له قلم سلسل سهل غير معقد وعندما ينتفض قلمه على أخصامه يجندلهم فهو اشد من ضرب الرماح وقد بداء الكتابة صغيرا

والشيخ رحمة الله عليه له مشاركات ومرتبط بعدة مجلات ونشرات كثيرة

وقد قرأت له يقول عن نفسه قبل أن يمسك القلم لا يوجد في رأسه فكر ولا يدري عن ماذا سوف يكتب ولكن عندما يمسك القلم وتكون الورقة أمامه ينهمر القلم مدارا ً والأفكار من كل حدب وصوب يختار منها ما يشاء وعندما ينهي ما كتبه لا يراجعه وأنما يرسله للمطبوعة فورا

يمتلك الشيخ قدرة عجيبة في فن الكتابة والاسترسال فلا يجارا ولا يبارى

طايل
21-06-12, 04:41 PM
قالوا تغزل قلت ما للغزل فال = عندي ولا لي نيةٍ بالغزليا
من بعد ما حطوا متاريس واقفال =اهل القلوب اللي من الحقد مليا
ما بين حسادٍ وواشي وعذال = كلمة حسد لجل النميمه نقليا
ياشينهم بطبوعم هاك الانذال = فرحاتهم باب السعد ينقفليا
بالكذب والبهتان والزور والقال = اللي هويته من سببهم رحليا
لا شافوا العشاق في قرب واوصال = للتفرقه تجمعوا للعمليا
قاموا يدسون الدسائس والاعمال =طبع القلوب اللي من الحب خليا
لي صاحبٍ عشته مع الحب بامال = وبنيت لي حلماً مع النجم عليا
اصبح شريكي في فؤادي مع البال = طفت الهلالي في غرامه بعليا
ثم انهدم بس الاثر باق ما زال =في داخل العاشق هواه انقتليا
حلماً بنيته بالامل للسماء طال = بس انهدم حلمي قبل يكتمليا
من عقب ماجونا كريهين الاقبال = وابليس في كوكب هوانا نزليا
ياجعل عيشتهم غرابيل واذلال =مع المرض هو والقهر والجهليا
في ارضهم يضرب ثمانين زلزال =صواعقً في دارهم تشتعليا
ويالله عساهم في جهنم . والاغلال..= .. باطرافهم . واجلوهم دوم غليا

طايل
21-06-12, 04:48 PM
خلاص مابه شيء عندي اقوله = تكسرت كل القصايد بعيني
الشعر مني طار راح بسهوله = ما عاد احسه ياعرب يحتويني
الشعر عني قام يشّعب ذلوله = ما عاد احسه صوب داري يجيني
حتى ولو حاولت لحظه وصوله =اصبح غريب الدار بينه وبيني
اسباب صدمه روعتني مهوله = مدري نسيت الشعر والا نسيني
يامفسراً شعري على غير حوله =تفسيرك لشعري عليّه مُشيني
نفسي من التفسير صارت ذهوله = لا حول ثم لا حول ربي يعيني
فسرت قولي غير تفهم حلوله = ابعد عليك من العرب للخميني
انا فهد لا قلت قول بمقوله = ارفع مقامي في كلامي يقيني
لزماً عليّ من الحياء والرجوله = ما احصر حياتي في مكاني سجيني
شعري انا لا قلت عندي قفوله = الطيّب الصادق عسى ما يهيني
اقول قولاً غيرنا ما يطوله = ادور الجزله واحط السميني
ما ارضى على شعري يجي به نزوله = ارفع مقامه فالطويله يبيني
واللي جرح نفسي وسبب زعوله = كلمه ولا هي من تعاليم ديني
والله مانفسي عليكم زلزوله = هل يرتضي المخلوق قولاً يشيني
ابليس كانه دق عندك طبوله = تبصرو فالحق شوفوه زيني
وعداً لخلي الدار واللي لفوله = ولا يزعلون اللي لفوا ساكنيني
انا اعتبر نفسي وحيدا بدوله = العاصمه وامير والقاطنيني
مانيب من يتبع هواه وميوله = ولا اطعن ورى الغياب والحاضريني
امشي على وضح النقاء والبطوله = لا اكذب ولا اجامل وامد اليميني

طايل
21-06-12, 08:10 PM
لو بغيت اكتبك ياعمري قصيده = حارت الاقلام من فين ابتدي
كل ما حاولت اكتب لي فريده = في جمالك صرت كني مبتدي

طايل
21-06-12, 08:11 PM
يكفي تواصلنا حبيبي بالارواح = لو التلاقي ما حصل بين الاحباب
يكفي احس الحب بعيون ذباح = عبر الخيال اللي وصل يم الاجناب
انت السكون اللي معه قلب يرتاح = مستعمر ٍ قلب ٍ فتح كل الابواب

طايل
21-06-12, 08:13 PM
الحب يقرأ في عيون الأحبه = يكفي عن التأويل لحظة نظرها
الشوق للعاشق اخذ كل لبه = ارض الهوى يسقي غرامك مطرها

طايل
21-06-12, 08:14 PM
الذين يشاهدون محتوى الموضوع الآن : 5 ( الأعضاء 1 والزوار 4) ‏طايل (http://www.qassimy.com/vb/member.php?u=89840)


لكم الحب والتقدير

لكم الود الذي لا ينضب

شرفتمونا

طايل
21-06-12, 08:16 PM
لا تنكسف مني وانا لك حبيبك =اشعل شموع الحب بيني وبينك

طايل
21-06-12, 08:19 PM
ياليل خبرني ترى عندك اسرار = عطني إجابات السؤال المثيره
لا تجعل الساهر مع الليل محتار = يفتح نوافذ للأماني كثيره
يرسم على اللوحه تفاصيل وافكار = رسمه تجي كبرى ورسمه صغيره
يكتب على الرسمه من الخلف تذكار = يعرف معانيها نواظر خبيره
رسماتها معصم وكفين وسوار = متاشبك الكفين رسمه محيره
في منطقه صحراء بلا عشب واشجار = يامفسر المعنى ملامح خطيره

طايل
21-06-12, 08:20 PM
الذين يشاهدون محتوى الموضوع الآن : 6 ( الأعضاء 1 والزوار 5) ‏طايل (http://www.qassimy.com/vb/member.php?u=89840)



التحايا المعطره تترا لكل من حضر

طايل
21-06-12, 08:22 PM
قبر الحروف التايهات بورقها = اذا اندفق جرح الألم بالكتابه
لا هبت الذكرى حنين وحرقها = كل الخُطاء في عين دربك تشابه
واللذه الحلوه بصمته سرقها =ماعاد ينفع صوت عالي دعابه
كل الوجوه الصامته ما خرقها = صوت ٍ صداه اليوم ما به إجابه

طايل
21-06-12, 08:23 PM
الشوق لامن زاد حده تفجر =بانت ملامح قصته في حياتي

طايل
21-06-12, 08:24 PM
الذين يشاهدون محتوى الموضوع الآن : 7 ( الأعضاء 1 والزوار 6) ‏طايل (http://www.qassimy.com/vb/member.php?u=89840)


بقدر حضوركم الفاخر افخر بحضورك واتشرف

ودي بلا حدود

طايل
21-06-12, 11:39 PM
اللي غرس فيني مع الليل نابه=مؤلم ولو يبغى يضحك فريقه
طبعي فلا يسمح ولو بالدعابه=اني اقول أشياء ماهي حقيقه
الصاحب اللي عندنا له حبابه=مسموح لو سوا الخطا في صديقه
يبقى عزيز وعاليٍ في جنابه=خطاه ما قلل معزة رفيقه
حتى ولو يعلن عليّ الحرابه=اتجنبه ما عارضه في طريقه
قلبه نقي بس البلا في خطابه=ليته نقل عني علوماً دقيقه
له التحيه واحترام ومهابه=والعود الازرق والزهر مع رحيقه
وان كان مني قد حصل له عيابه=انا اعتذر امام كل الخليقه
ماهي ضعف مني ولكن ذرابه=وايديننا عند المواجب طليقه
سلم لنا متسلسل ٍ من عتابه=اهل الوفا واهل الاصول العميقه
المجد أتعبنا عشانه ركابه=احرص من اللي يجتهد في عقيقه
منهم تعلمنا القراح وشرابه=منهم تعلمنا السلوم العتيقه
صرنا نميز فالخطاء من صوابه=ما همنا لمع النحاس وبريقه
ما عامل الصاحب بحرب ونشابه=بل نجعله مثل الشقيق لشقيقه
ما نلحق العوجا بضيق وسبابه=والبحر الأحمر مدخله مع مضيقه
ما نقبض الشبهه عليهم قضابه=ولا شب من بعض الكلام الحريقه
نسير بالممكن بحسنه وادابه=والدم لايمكن نحاول نريقه
واللي كذب في دم يوسف وجابه=لابد تقديم الحجج والوثيقه
من دق باب الناس يندق بابه=قد قيل في ماض العصور المحيقه
واجب على الرجال ينقى جوابه=من قبل لا تصبح بوجهه عليقه
الحر يرقا لين عالي سحابه=والا غراب البين يزعج نعيقه
ولد الحصان حصان عز ومهابه=يكرم عن اللي مزعجاً في نهيقه
ما نندفع لو الأمور اتشابه=ولا نجعل النفس العزيره زهيقه

طايل
22-06-12, 12:46 AM
صباحكم قطعة سكر


http://www.qassimy.com/vb/showthread.php?p=9769262#post9769262

طايل
22-06-12, 10:13 PM
بعض الرمي لو كان في داخله شي = اسمو ولا اسمع من الغير كلمه

طايل
22-06-12, 10:17 PM
طفى الغرام ولا بقى فيه شمعه =روحه طهوره والجسد في ترابه
سالت علشانه من الحزن دمعه =اظلم فضائي فيه حزن وكآبه
يالعبد ما تسوى محاصيل طمعه =كلا ً من الدنيا مقرر ذهابه
لا ضحكة ٍ صارت ولا فيه جمعه =كلا ً يعزي في شبابه شبابه
لا لا سقاك السيل ياليل جمعه = حزن ٍ تملكني وقلبي بكابه

طايل
22-06-12, 10:17 PM
الصمت ما ينفع ولا ينفع البوح = المسأله اكبر من الصمت والقول

طايل
22-06-12, 10:21 PM
سامعلي قول من صوت ٍ بحوح = يشتكي بالسر لله العجب
مافهمت القصد والسر الفضوح = كان عندك شك في اصل الذهب
جالس ٍ بالليل فكري به يروح = فسروها يامفسرة الصعب
غالي الاثمان ما نقبل نصوح =مانبيع انساب قومي والحسب
لكن الموضوح يحتاج الشروح= لازم الموضوع يبحث والسبب

طايل
22-06-12, 10:22 PM
صوت الألم في ذمتي ما يهوني = لكن صمتي خير من بعض ما حس
عما جرا ياليتكم تعلموني =جرح الألم في داخلي كيف يندس
لو تعلموا عن ما حصل تعذروني =السالفه فيها وفيها توجس

طايل
23-06-12, 03:25 PM
جريتها ونه بعد سافرت امس = يوم اللقاء قبل السفر ما تهيا
ياليتني خامستها بس بالخمس = بنت الشيوخ اللي غذاهم حميا
راحت على الأودي بعد غابت الشمس=يم الخبر وجهة جميل المحيا
اللؤلؤي زجاجته ضللت طمس = ياكنها تجلس على زل فيا
في كفها جوالها تلمسه لمس=يعكس جمال اخدودها نور ضيا
راحت وخلتني وانا منحمس حمس=اصيح في قلبي عن الشوق عيا

طايل
25-06-12, 01:42 PM
ارتاح لا شفت العرب وضع راحه = افرح اليا شفت الصبايا يغنن
ياذيب ياعاوي بذيك البراحه = صوتي وصوتك بالطويله تلاقن
ياذيب يعجبني حديث الصراحه =فيك الوفاء ماهي حكاوي يقالن
العهد ملبوسك زهالك وشاحه = ياذيب لحروفك حروفي يحنن
عطني من المعنى لذيذا ً قراحه =خل الدفاتر من مدادك يسيلن

طايل
25-06-12, 01:44 PM
قريت في فحوى الرساله رساله = موضوعها غيري وانا فيه مقصود
اعرف حروفك رمزها والدلاله = اما سكون الحرف او كان مشدود
تلميذ شاطر حط فيني مقاله = يأتي على خطين والفعل محمود
تلميذ فكر وفلسفه في مجاله = يقطف من البستان بالحرف عنقود
محشوم حرفك ما تمسه جهاله = دايم محصن ما يجي فيه منقود
استغفر الله ما ادعي في كماله = لكن شكر واعجاب بالحرف مردود
الذيب يوم الذيب مثلك عواله = تجاوبوا في عالي الرجم بشهود

طايل
25-06-12, 01:45 PM
بعض الحكم في فنها تجذب الناس = مدري وليدة وقت والا استعاره

طايل
25-06-12, 01:46 PM
لا ضاق صدري رحت يم المعازيب = واخذت لي من اطيب الخيل مهره
على ظهرها مع صياح الاصاحيب = ادوج حتى الصدر يرتاح قهره
اركض بها محتاج للركض تدريب = ماهمني من يقضي الليل سهره

طايل
25-06-12, 01:47 PM
ما كل حكمة تنال اعجاب سامعها = ولا كل حكمة تصيب اهداف معلومه
بعض الاوادم صعيب الناس تقنعها = تخشى السوالف تكون عيون ملغومه
بعض السياسه توضح لك مطامعها =انشد مجرب لديه اعلوم مختومه
عندي بصيره عن العالم طبايعها =كل الملامح بدون الوان مرسومه

طايل
25-06-12, 01:49 PM
الله يبيح اللي نواني بسوءه = انا مسامح كل شخص ٍ نواني

طايل
25-06-12, 01:51 PM
الشعر فن وذوق واحساس مقبول = ماهي بكلمة واحد ٍ جاك فاضي

طايل
25-06-12, 01:52 PM
بالله وش صاير عسى الامر خيره = قامت تلقفني هواجيس وهموم

طايل
25-06-12, 01:54 PM
الله انا طالبك ياخالق الليل= ترحم جميع المسلمين بعطاءك
تهدي جميع الناس للحق .. وتزيل = عن افئدتهم يا إللهي بلاءك
وطهر قلوب اهل الحسد بالتراتيل = قرآنك اللي فيه تكتب شفاءك

طايل
25-06-12, 01:56 PM
العشق ماهو لعبة ٍ بالايادي =ماهو تسلي كل ساعه وساعه
العشق جمر النار تحت الرمادي = اليا تمكن فيك ماله مناعه
تجنبه بالذكر هو والمبادي = مبادي الاسلام فيها شفاعه
لا لا يغرك من سعى بالنوادي = تبى الطماعه بس مامن طماعه
اخذت من دنياي علم ٍ وزادي = الدين للرجال خيرة متاعه

طايل
25-06-12, 01:58 PM
يا ما حلا القومه مع الصبح بدري =تنعش فؤاد اللي مع الصبح قائم
تلحق جماعة مسجدك قوم فجري = تلقى الجماعة ك وديع الحمائم
عند التلاوة ينشرح حيل صدري = في لذة الايمان والدين عائم

طايل
25-06-12, 01:59 PM
صل الضحى تلقى بها كل الارزاق = تلقى بها مخرج عن الهم والضيق

طايل
25-06-12, 03:18 PM
نعم كل ما يكتب هنا من فيض القريحة ومن بنات أفكاري

أتمنى ان تحوز على الرضى والقبول

طايل
25-06-12, 08:02 PM
سبع السنابل لو هجرها مطرها = تبقى ولو جاها مع البرد عاصوف

طايل
25-06-12, 08:03 PM
تبقى الجواهر في ثمنها ثمينه = ما كل من يبغى الثمينه شراها
سوق الذهب بالبورصه عارفينه = اللي يميز سلعته ما عطاها
يحطها ما بين قلبه وعينه = تزيد مع طول الليالي غلاها

طايل
25-06-12, 08:04 PM
لا جات من بعض الأوادم خطيه = دعها لوجه الله واستغفر الله

طايل
25-06-12, 08:05 PM
اشوف في عين الزمان العجايب = الناس تتغير كما جوّنا الان
مظاهر التغيير فيها غرايب = تفسير مضمون القواعد وعنوان
وانا اتوقع فيه بعض السبايب = اتجاهله لو افهمه دون حقران

طايل
25-06-12, 08:07 PM
استغفر الله من ذنوبي = النفس ماهي بتحصيها
يانفس عن غفلتك توبي = حياة والموت قافيها

طايل
25-06-12, 08:08 PM
اشوف بعض الناس كنه اشاره = ما ينقصه ياكود تركيب ساهر

طايل
25-06-12, 08:10 PM
لا تسأل المجروح عن جرح غائر = تبقى سراير قصته في فؤاده

طايل
25-06-12, 08:11 PM
المملكه ياصاحبي جوها غبار= مدري علام الجو هذا علينا
مافيه لا خضره ولا مي وامطار = مافيه غير الحر منّه شوينا
والا شتاء ماينفع الكوت والنار = متلطمين وجامدات ٍ يدينا
هذا مناخ المملكه موجز اخبار = وحنا على تقدير ربي رضينا

طايل
25-06-12, 08:13 PM
عذرا ً فلا يمكن اغيّر جهازي = جوال طايل وانت وش دخلك فيه
ما راح افرط فيه لو هو قزازي = جهاز جوالي وانا حيل مغليه

طايل
25-06-12, 08:14 PM
البندق اللي حملها شخص متمرس = ماهي بتخطي هدفها يوم ثوّرها

طايل
26-06-12, 03:22 PM
رجعت للذكرى حنين ومواجع = وأونست في كبدي من البعد لاهوب
خاويت ليلي والمدامع تدامع = مثل الغريب اللي من الفكر مسلوب
احرقت جفني بالسهر والمدامع = ااسباب ما هز المعاليق مكتوب
الصرخه اللي لم تصل للمسامع = ما تنفع الشاكي من الهم مصيوب
ابكيك ياوقت ٍ بليّا مطامع = لا لذة ٍ طابت ولا فيه مشروب

طايل
26-06-12, 03:24 PM
ياليل خبرني عن اللي بغيته = طال السهر ياليل وين الاجابه
ياليل حركني كلاما ً قريته =ثم جرني ليل السهر في عذابه

طايل
26-06-12, 03:27 PM
الصمت ياخذني مع الليل كله = مافيه لا كلمه ولا به سلامي

طايل
26-06-12, 03:28 PM
الوجد والتفكير والحب والشوق = خالد كما تخليد حبك بالاعماق
ياحبي الصادق تفاصيل مع ذوق = مابين قلبي والتنفس والاحداق
بقول لك كلمة بها الصدق موثوق = اعيش بك عمري تفاكير واشواق

طايل
26-06-12, 03:29 PM
مدري جنون الشوق والا جنوني = اشوف طيفك في جميع الاماكن

طايل
27-06-12, 12:37 AM
ارسميني حب في كبد السما=واكتبيي فوق هامات السحاب
لا تقول الشوق فيني ربما=بل اكيد الشوق في قلبي صواب
اه وا ويلاة يا عذب اللمى=في عيونك كل سين وله جواب
اكتبيني وارسميني حيثما=تتجه بالحب نظره وانجذاب
احضنك بالشوق قوه ريثما=لذة الاحضان في عينك كتاب
تغفو العينين لحظه عندما =تنجلي بالحب لحظات الضباب
وانتهامس في غزلنا كلما=زادة اللحظات بالعطر انسكاب
وانتبسم مع بعضنا بعد ما=نرتوي من شهد معسولك شراب
انتجاوز كل محظور الحما=كل منا ذاق لذة و استطاب
بين كل الناس مثلك قل ما=شاهدك بالعين ماهوب السراب

طايل
27-06-12, 08:05 PM
يارسول الله يالحق المبين = دون عرضك كل عرض ٍ مسلمي
لو تكلم فيك متعوس ٍ لعين = من بني علمان والا معممي
نردعه بالحق يالهادي الامين = وانت حق ٍ بالدلائل تلجمي
مؤمنين ٍ فيك إيمان ويقين = يانبي ويارسول معلمي
نتبع ما قلت خلفك سائرين = يامنارا ً زاح ليلا ً مظلمي

طايل
27-06-12, 08:08 PM
اشوف لي ناس ٍ تطاول على الحق = مدري مرض والا وسخ بالعقيدة
قامت تكلم بالذي انبعث صدق = ياجعل روحي دون عرضه شهيدة
استغفر الرحمن من قول احمق = نحيا بدين الله عيشه رغيده
بالدين والايمان والعز شاهق = م اهتز من صاحب بليد وبليده

طايل
28-06-12, 11:33 PM
في اخر الدنيا تجي بعض الازلام = رويبضة ومنافقين ومريضين
يتكلمون اليوم في دين الاسلام = استغفر الله من كلام المجانين

طايل
28-06-12, 11:34 PM
نثر قصيدي عشانه كنت = واليوم وينه ووين القاف
ما هان حبي وانا ماهنت = اقفى ربيعي مع المصياف
لا يازماني لماذا شنت = استغفر الله زمن ينعاف

طايل
28-06-12, 11:35 PM
سبع السنابل لها قصه = واقع ولا هي من احلامي

طايل
28-06-12, 11:37 PM
ضميره الخافي ولو ما كشفته = اقراه في عينه من الشوق فاضح
انا الوحيد اللي قريت وعرفته = وانا امامه خافي الشوق واضح
ياما الذهب صافي عشانه صرفته = شعري وانا طايل على الطرس ناضح

طايل
28-06-12, 11:37 PM
مريت من بدري صباحات الاطلال =استنشق الذكرى حلاوة شذاها
ترجع بي الذكرى مسافات واميال = اسرح مع التفكير لحظة لقاها
ياما كتبت الحب والفي ما مال =و ايضا كتبته فوق فيّة حلاها
رسمتها روحين من دون تمثال = روحي وروحه والمحبه عطاها
مدري تفاصيل الغلا كيف تنقال = بس الاكيد النفس تعشق هواها

طايل
28-06-12, 11:38 PM
الكبرياء اعز ما يملك انسان = اذا تحطم كبرياءه تحطم
وانا احمد الله عزتي فوق ما كان = لن الرجل لا طاح قدره تندم
النفس ما تتبع هوى النفس وفلان = بالعز والايمان قلبي تحشم

طايل
28-06-12, 11:41 PM
ياكتابين الحرف بشويش بشويش = تحليلكم للفكر ماهو صوابي
وان كان مغترين بالوقت والطيش = تلقون في بعض المعاني جوابي
معروف ما يحتاج للعلم تفتيش = من لا اقتنع بالقول هذا كتابي

طايل
28-06-12, 11:43 PM
الكلمة اللي قالها نسل الاجواد = يا كبرها لو كان يعرف مداها
لكنها تأتي كذا دون ميعاد = خلت جميع الناس تضحك علاها

طايل
28-06-12, 11:44 PM
ياما حلا القهوه اذا جيت خرمان = فنجال ثم فنجال عدل مزاجي
من الصباح اليوم مشغول تعبان = الدله الصفراء طعمها علاجي

طايل
28-06-12, 11:45 PM
يامرحبا تعال عندي تقهوى = مفتوح باب البيت مع شبت النار
تعال يوم اخوي للكيف سوى = واخوي الاخر جر صوته بالاسحار

طايل
29-06-12, 03:12 AM
ياقارئة كف الخبر وش تقولين = ابغي تحاليل الهدف والرسالة
خلاني التفكير مثل المجانين = ابحث إجابات الهدف في سؤاله
مدري عن الاهداف هي والعناوين =فكري تشتت فالهدف واحتماله
يوجد بها تشبيه غير المضامين = عن الخطاء تشبيهنا بستحاله
ليسَ كما ظن العرب بالتلاوين =تبدي لهم حاله وانا غير حاله
فيما مضى ما كان عندي قوانين = لكن ما نرضى نعيش ابطاله
ياقارئه ردي جوابات ذا الحين = ابغي تفاسير السؤال ومقاله
هل يا ترى ياقارئه حلها شين =او وسوس الشيطان فيّ بجهاله
بعض الخطاء ياتي على الراس والعين =لا صار ما يقصد رفيقك نذاله
لكن اذا جالك خطاء دون تقنين = شوّش عليك ودخلك في جهاله
تبقى تفاسير الهدف وين لا وين =فكري رحل به فالمتاهه خياله

طايل
29-06-12, 05:00 AM
هيا ابتسم ياصاحبي وانفض الهم = يابسمة الدنيا تراك ابتسامه
انت الدوا وانته حياتي وبلسم = انت الطريق اللي عليه السلامه
وانت الصدوق اللي به الحق يلزم = الحب في قلبي تشوفه علامه
انت الوحيد اللي له القلب يهتم = الحب يامركز هواي وسنامه
ما يوم قلبي ياحياتي تندم = من بعد ما اعلن في يديك استلامه
الحب في قلبي كبيرا ً معظم =لن الغضي جوفه حفظته كرامه
حكيه مع اخلاقه تقل فيه منجم = منجم ذهب ما يلحقونه ملامه
حتى لسانه بالثناء لا تلعثم = يصمت لها قلبي يزيد اهتمامه
لا حرك السانه دلع ثم تكلم = اقول جعله ما يطوّل صيامه
احس في حكيه وعينه تناغم = تغرق فؤادي في سواحل غرامه
ياعشقي الفاضح مع الناس تعلم = انك ربيعا ً للفؤاد ومرامه
انكان للعاشق بحورا ً تلاطم =انتي بحر قلبٍ عطاك احترامه
انتي وفاي اللي به القلب ينعم = انتي نهارا ً ينجلي به ظلامه
يا روضة الازهار فيك اترنم = لا ساقت النسمة لطايف غمامه
اشتاق لك شوق الطفل فاقدا ً ام = والا الغريب اللي جلى عن عمامه
حطيت في قلبي منازل ومرسم = ماضنتي بكره تطوى خيامه
في حضرتك تعبيرنا بالتبسم = احق وابلغ من جواهر كلامه
وفي غيبتك اصمت قهر واتألم = ونات قلبي تبلغك عن حطامه
مثل الفقير اللي مع الناس معدم = اللي مقرط من قهر في بهامه
ياعشقي الصادق عسى دوم تسلم = اقول احبك قبل اعلن ختامه

طايل
29-06-12, 05:23 AM
كتبت لعيونك من الشعر طاروق = المحبرة سالت على بيض الاوراق
جريتني يمك وانا حيل محروق = والظاهر أنك تعلم الشوق حراق
ي ام الجديل اللي زهى فوقه الطوق = بين النهد يسري مع الليل براق
من شاف مبسمها فلا هوب معتوق = من سحرها الي داخل القلب ينساق
نهديه مع خصره تقل نبت زملوق = وردفيه لا منه مشى يشتكي ساق
لو هي مشت بين العرب داخل السوق = من فتنته تبحلقت فيه الاحداق
ياهني من ضمه على الصدر برفوق = من ثغرها يشرب من الشهد ترياق
في ليلة مابه من الخلق مخلوق = الا انا واللي سلب كل الاعماق
اضمها تعبير صافي عن الشوق = انثى وثورتها مع َ لحظة اعناق
احلى من اللي بالسماء معتلي فوق = انثى وفاقت بالحلا كل الاذواق
يافتنةٍ شعري لك اليوم مسيوق = واقدم اعذاري اذا الشعر ما لاق

طايل
29-06-12, 05:29 AM
صمت المكان اللي غدا كالخرابه =اسمع صريخ أرياحها عند بابي
حتى السؤال اللي بحث عن إجابه = تحليل اجاباته تجيب اكتئابي
حتى الطريق المختفي في ضبابه = في ظلمته عن غايتي ما غدابي
واللي قرأ خط ٍ لفا واعتنابه =غيره يفتش مافهم في خطابي
يلقى بتحليل القصيده اصابه = ان كان ضيّع هقوته في كتابي
واللي زعق بالصوت ما عندنابه =حتيش ياكلب ٍ نبح للسحابي
امشي على وضح النقاء وسط غابه =الجاهل اللي ما درى وش زهابي
كلا ً على قدره يحسب حسابه = والحمد لله عارف ٍ وش حسابي
وان شفت رجال ٍ تحيّر صوابه = ما نيب من يمشي طريقه يحابي
ياحيف من يمشي طريق العيابه = اللي يبعثر قيمته بالترابي
اللي ابو زنّه ركب واختلابه = درب الخطاء وش ينفعه لالتقابي
اما تورط وابتلش في سرابه = والا ركع ثم قال لا واخرابي
قد اختلط وجه الزمن والكآبه = واهل الحسد حطوا على الدرب نابي

طايل
29-06-12, 06:23 PM
اهلا ً صباح الخير والشعر وافر = متهيض ٍ طايل مع الصبح بدري
الشوق مثل الجوع والجوع كافر = مأثرة تبقى على ضلع صدري
النوم عن عيني له ايام نافر = مثل الخصيم اللي نواني بغدري
القلب يتمنى مع الزين سافر = اللي سلب قلبي انا كيف مدري ؟

طايل
30-06-12, 01:06 PM
كل كلمة منك عندي غاليه = بالعتاب وبالملام وبالغلا
كان قلت الحب رحلة خاليه = كل ذكرى فيك قالت لك حلا
احترام ولفظ كلمة عاليه = المحبة سر عن عين الملا

طايل
30-06-12, 01:08 PM
الكاس مملؤه بموية وفارغ = ركز على الماء لا تناظر بغيره
حكمة وقيلت قلبنا فكر نابغ = ناظر فراغ الكاس مافيه خيره
لا يا كبير الفكر والعقل بالغ = لا ترمي الماضي لديك البصيره

طايل
30-06-12, 01:10 PM
اموت واحياء ما تكلمت في ناس = ما ارضى على نفسي بها شخص يحكي
ان كان يوجد نقد لا باس لا باس = لا تثقل العالم من النقد تشكي
معاوية في حكمتة شعرته ساس = لا تندفع وتقول بلكي وبلكي

طايل
30-06-12, 01:13 PM
تستغربون اشلون صبري وحلمي = يغيض من يبغى علينا تهوّر
اقول انا رجال عاقل وسلمي = لابد للانسان فكره يسوّر
ما يندفع في شيء من دون علمي = يمكن يطيح بحفرته ويتعوّر

طايل
30-06-12, 01:16 PM
اليوم ابقلبها تفلسف وحكمه = لو كان اكثر من صوابي خطايه

طايل
30-06-12, 09:57 PM
مسئول عن فكري فقط دون غيري = فكري انا ما يقنعه كل شيا

طايل
30-06-12, 09:59 PM
إياك اعني وامطري ياسحابة = حتى ولو تغرق نخيل المدينه
السيل لو جانا تسوقه شعابه = صنعت من نخل المدينه سفينه

طايل
30-06-12, 10:00 PM
الشعر لذاته جنون المشاعر = عود ٍ على جمر ٍ تضمه مباخر

طايل
30-06-12, 10:02 PM
في ما مضى قد كان ينصح وينفض = واليوم مزعجنا بكثرة بلاويه

طايل
30-06-12, 10:05 PM
حتى ولو بيني وبينك مفازه = ترى حياة الشخص غرفه صغيره
شفت الذي بكره يختم جوازه = مازال فالدنيا وقبره مصيره
الحب والاوطان تبقى حجازه = ياليت إلي فيها مواطي وديره

طايل
30-06-12, 10:05 PM
الناس لو حججتها من حلالك = ما راح ترضيها ولو كان ما كان
حتى ولو كثرت صرفك ل مالك = عين المراصد فالبشر قال نقصان
ولو زدت فوق المال ابنك وحالك = قالوا ترى هذا من الفعل خسران
الا الذي ينفع به العلم جالك = يقدم الاعذار والشكر عرفان

طايل
30-06-12, 10:07 PM
طايل وهيضه لا انتثر في قصيدة = مثل السنابل ترتوي ساعة الهمس
ابدع من الاشعار جملة مفيدة = حمكه ومطلعها مثل مشرق الشمس
اليا تحرك هاجسي من وريده = القط معانيها قبل تنحمس حمس
اعيش لحظتها بصوره فريده = اتخيل الموقف معه وانغمس غمس
وارجع مع الذكرى مسافة بعيده = واعيش انا يومي وبكره وقبل امس
اسير في رحلة حزينه سعيده = متناقضات الوانها حسها لمس
فيها تفلسف غير ما احد ٍ يجيده = تاتي مع الافكار في حظها رمس

طايل
30-06-12, 10:09 PM
ترى قصيدي كاش مافيه ماضي = امن القريحة طازج ٍ في لحنها
صدري اليا منه من الشعر غاضي = قدت القريحة يمكم من رسنها
كالسيل لا منه تجمع وفاضي = صدري مدينه والقصايد سكنها
وان كان بالمعنى علي ّ اعتراضي = سكة خطاء مانيب معصوم عنها
جهدي ومجهودي ولا نيب قاضي = امشي مع الاجواد وافوز منها

طايل
30-06-12, 10:11 PM
بعض العرب عنده تزود الحماسة =يخش في موضوع ماهو يخصه
يحس في نفسه بفطنه فراسه = ثم ضاع من بين الجواهر وفصه
تاتي عواقبها وخيمة براسه = يقول في نفسه لساني بقصه
الرجل ودك ملبسه من مقاسه = هذا الحديث اللي من القلب نصه
المعذره وان كان فيه التباسه = قص الخير عني للاجواد قصه

طايل
02-07-12, 12:48 AM
انا اليا صديت صديت مره = ماعاد يجذبني ذهبها والالماس
مانيب من يرجي وصول ويطره = امشي بجرحي بس ما ينحني راس
الرجل ودك له شموخ ٍ يسره = تظهر له القيمة عزيز ٍ من الناس
اما صعد نجمه لعال المجره = المكسب العالي له العز نوماس
واما صعد يجلس على نار حره =والا جلس في حسرته كله افلاس
ما نيب من يطرد سراب ٍ يجره = للمهمهيه والخطر بين الاقواس

طايل
02-07-12, 02:23 AM
بعض الحوادث تلخبط في برامجها = نبغي نقرر ولكن للوطن حاجه
بس انتحرا وندرس في نتايجها = نبغي محمد يخاوينا بمنهاجه
نبغي نسافر عسى ربي يفرجها = لكن خوينا مرابط فوق ميراجه
روحه على الموت بالعزات سارجها = ما همه الموت دون الدار ومواجه
يقول ابضرب بروحي نار واججها = يقطعك ياللي يخل الدار محتاجه
ياحي نفس ٍ على العليا مناهجها = العز بالله عن النكبات وافراجه

طايل
02-07-12, 02:24 AM
الذين يشاهدون محتوى الموضوع الآن : 6 ( الأعضاء 1 والزوار 5) ‏طايل (http://www.qassimy.com/vb/member.php?u=89840)


حياكم وبياكم واسعد الله مساءكم وصباحكم بالخيرات

شكرا بحجم حضوركم احبتي

طايل
02-07-12, 02:43 AM
الذين يشاهدون محتوى الموضوع الآن : 8 ( الأعضاء 2 والزوار 6) ‏طايل (http://ahm1.com/vb/member.php?u=89840), ‏خيّال مزينة (http://ahm1.com/vb/member.php?u=767716)


هلا وغلا بخيّال مزينه وصحبه الكرام

شرفتونا

واسعدتم القلب بحضوركم الراقي

طايل
03-07-12, 11:18 PM
ما جيت ابتعب صاحبي بس جيته = تدفعني اشواق المحبه والاشعار
جيته من اشواقي على حد بيته = عزفت له لحن الشعر والهوى دار
اللي على خبري لفيت ولقيته = مثل الذهب صافي ولا فيه بيّار
لو صحت بعلى الصوت قلبي نهيته =مايستمع قلبي كثيرات الاشوار
سحر الغرام اليا انتشى ما قويته = من قوته شفني انا بحت الاسرار

طايل
04-07-12, 08:16 PM
مسكين والمسكين ماهوب ندي = ارفع مقامي عن مقامه كرامه
عليه لو اكرب بقوة واشدي = ليضيع مابين الشمال وتهامه

طايل
04-07-12, 08:28 PM
لا لا يضيق الصدر خلاص هونت = بدلتها فرحه بعد كنت ضايق

طايل
04-07-12, 08:31 PM
كثر السهر يمكن يخليني اجيب = عيد اً يسمونه بعيد المطمه
لا فرعت ثم شفت انا الخد والجيب = ودي من الفتنه غرامي اضمه
اثمل على ريح ٍ كما ريحة الطيب =اجمع شتاتي في هواها والمه
اضيع في كلمات وعلوم واصيب = اثمل على ريحة نسمها واشمه
اشتته واجمعه ذوق ترتيب = ابعد عنه لحظة تغلي واخمه

طايل
09-07-12, 03:32 AM
كل شخص ٍ ماشي ٍله في طريق = ان رضى به حب والا ما رضى
البحر لا هاج ما يرحم غريق = والتمني ما منعك امن القضا
لا تقول ابوي له مجد ٍ عريق = ما يفيد الناس مافات ومضى
كم فقيرا ً صار تاريخة عريق = وكم عظيم ً مات ذكره ما حضى
لا تحاقر شيء فالدنيا خليق = فرخة العصفور طارت للفضا

طايل
09-07-12, 06:02 PM
يامرضعه قلبي علامك فطمتيه = ترى عذابه يالغضي من فطامه
بعد الدلع والحب قلبي رميتيه = هذا السؤال اللي عليه العلامه

طايل
09-07-12, 09:21 PM
كوفي أنان اللي يسموه مبعوث = فاشل ولكن به غرور ٍ سياسي
الم يرى دم المساكين مبثوث = والطاغيه بالجرم يلبس لباسي
الوعد والتطمين والعهد منكوث = الطاغية متشبث ٍ بالكراسي

طايل
11-07-12, 07:59 AM
الاماني بعضها كذبه طويله =لا يعيش الشخص في ظل الاماني
ذاك ضلع طويق من يقدر يشيله = ما يهمه لو مشاه الثعلباني
لا مكان ولا طريق ولا وسيلة = عارف ٍ للناس من ماض الزماني

طايل
11-07-12, 08:01 AM
يالذة الحب الجنوني والاشواق = ياحرف طاغي ينكتب في قصيدة
اخذت لي من بلسم الزين ترياق = سويت من فكرة قصيدة جديدة
تعبير والتعبير ما هو بالاوراق = تعبيرها في داخلي تستزيده
تعال ياخلي انا حيل مشتاق = انا جروح الشوق فيني اكيدة
تعال ابي ضمك ورقتك وعناق = حتى اغيب ابداخلك يافريدة
همسك وحكيك فيه من كل الاذواق = ارحل معه واروح رحلة سعيدة
خشيت لذات الهوى جوف الاعماق = واسترسلت روحي لروحك نشيدة
انسى الألم في داخلي خاطري راق = اعيش لحظات الحياة الرغيدة
يابلسم الجرح الذي صار حراق = ياللي تراتيل المحبة تجيده
اقرأ وتقريني تعابير الاحداق = منا كلام العين جمله مفيده
كلام بين اثنين والشوق دفاق = زيدي وانا بالحب مني بزيده
حاولت اخبي شيء ما كان ينطاق = كتبتها واعلنتها في جريدة

طايل
11-07-12, 08:03 AM
ادري بانك ياحبيبي تضايقتك =وانا صريح ولا بغيت اتلون
اجمل تصاوير المحبه علاقتك = لا يمكن اني عن غرامك اهون

طايل
15-07-12, 11:36 PM
الشعر بعض احيان يحتاج الالهام = يفتح مجاله للخيال وفضاءه
يرسم تصاويره تعابير وافلام = نصف ٍ يجي ظل ٍ والاخر أضاءه
يطرز احروف القصيدة بالاقلام = ثم يقدحة فكرة تدور بسماءه
يطلق خيالاته حقيقات واحلام = اذا اختلط فكره بلحظة صفاءه

طايل
15-07-12, 11:39 PM
غني ترانيم الهوى واعزفيها = ثم اطربي قلب ٍ من الشوق مذبوح
نفسي على صوت النغم يعتريها = شوق ٍ يخليها تناغم مع الروح
يالهفة العاشق مع اللي يبيها = هاذي تباريح الهوى تطلب البوح
تبغيك بالحان الغلا تنعشيها = يشفى معك قلب ٍ من البعد مجروح

طايل
16-07-12, 06:42 PM
الحب سطواته على القلب تذبح = خص ٍ اليا منه حصل بعده اغياب
الشوق والافكار والبعد يجرح = اشد وانكأ كان ما تعرف اسباب

طايل
16-07-12, 08:03 PM
انا حروفي تنتظر همسة الزين = اللي يهيّض مهجتي لا همسها
همسه وتخلق من حلاها دواوين = حتى القريحة تنتفض من ونسها
يازين لبى الخد والهمس والعين =قريحة الطايل حديثك قبسها
تومي بقلبي في دلالك وتدرين = ان الغلا والشوق كبدي حمسها

طايل
18-07-12, 09:10 PM
اشتقت للي عيونه تجذب انفاسي = وادخل بعالم يهز القلب لحظتها
اللي كلامه جماله حرك احساسي = حتى القصايد يحرك بي قريحتها
جماله اللي سحرني كيف ينقاسي = الا بالاشواق في جوفي حرارتها
لا غاب عني تشوف الحال منحاسي = والروح تفرح على الجيّه سعادتها

طايل
20-07-12, 10:18 PM
هل هو يجوز الشوق في فترة الصوم؟ =والا حرام الشوق لا صرت صايم؟

طايل
04-08-12, 09:11 PM
البارح الروح قام الهم يبرمها = حتى خيالي على الاحباب وداني
اساب حرف ٍ قريته من معالمها = فيه الرسالة ولكن دون تبياني
نظافة القلب تجري في مناسمها = اللي له الحب والاشواق تحداني
ضحكة ورقة نعومة في تكلمها = انشهدني سجين الزين سجاني

طايل
16-08-12, 11:06 PM
مالي أرى الشعر قد جفت منابعه ُ = ياويح قلبي من الأشواق تلتطم ُ
قد كان طائل بالأشعار ِ متقدا ً =واليوم بالشعر لا حس ٍ ولا كلم ُ
يافاتنة قلب من يهواك من زمن ٍ =عن حب غيرك ِ أن القلب به ألم ُ

طايل
27-08-12, 10:50 PM
وينك ترى شوقي ينادي تعالي = ما عاد للاشواق فيني مناعه
هيا تعالي وانثري كل حالي = ابرتشف من لذتك هي طماعه
يا ذا القمر ياللي صعيب ٍ منالي = انا الوحيد اللي لديه استطاعه
ودي اضمك حيل يرتاح بالي = اقطف من العنقود احلى زراعه
انتي درر انتي جواهر لألئ = فيك الدلع فيك التغلي براعه
فيك الرومانسية قصيدة دلالي = والغشمره والضحك فيك بلكاعه
ياصورة الابداع ترسم خيالي = جتك القصيدة في رسنها مطاعه
يامّثله دور العنيدة صفالي = جوك وانا جوي نشرلك شراعه
مركب غرام الشوق جالك وجالي = شلنا عليه امن المحبة متاعه

طايل
30-08-12, 03:17 AM
ياما حلا هذا الصباح وشروقه = ساعة ظهر صبح المشاعر قصايد

طايل
01-09-12, 11:56 AM
ياما حلا الراحة بعد صوت الازعاج
تحس راسك طاب من عقب صجه
كنك على لنش ً تقاذفك بك امواج
امن الهلع تسمع مع الناس لجه
واليا كتب ربي نجاتك والافراج
ودك تسوي يافتى الجود حجه

طايل
01-09-12, 12:01 PM
لو ما حصل بيني وبينك تلفون
يكفي شعورا ً بيننا دوم عايش

طايل
04-09-12, 02:35 AM
جتني بحلم النوم بالليل غافي
ياحلو جيتها على غير ميعاد
حضنتها ضميتها حضن دافي
جعل الحلوم الطيبه دوم تنعاد

طايل
06-09-12, 04:34 AM
الصمت بعض احيان تعبيره اقوى =عما يجول بداخل القلب والراس
الشوق والهاجوس والحب بلوا=تكتم ولا تحكي مشاعرك واحساس
بس الهوى مفضوح راعيه سوى =ابيات والاشعار للشوق نبراس

طايل
07-09-12, 08:42 PM
تومي بي الافكار في كل حزه
والشوق يعصف والمحبه عظيمة
على الذي رمحه بالاضلاع رزه
نفس التغلي بالتجاهل كريمة

طايل
08-09-12, 08:31 PM
ارحبوا ياللي لفيتوا زايرين
عد همالً من القبلة هطل

طايل
09-09-12, 10:17 AM
يا صباح الشوق من داراً لدار
طايراً كالطير مفرود الجناح

طايل
09-09-12, 11:35 AM
سلامة الغالين من كل مكروه
الله يهنيهم منازل سعاده

طايل
10-09-12, 11:52 PM
بهمس مساء الخير بذنك حبيبي
بوشوشك بشويش بنفاس شوقي

طايل
11-09-12, 08:48 AM
صباح الخير وافكاري
يم الحبيبه لها تندار
كل الاحاسيس واشعاري
تعزف لحنها على الاوتار
صباح شوقي ومشواري
ورده وفله وريح ازهار

طايل
11-09-12, 09:11 AM
الصدق ماحبيت غيرك من البيض
يالاوله في عشقتي والاخيره

طايل
16-09-12, 11:05 AM
صباح الخير من مسكك
يفوح الصبح بشروقه
حبيب الروح لو تدرك
فؤاد الحب مع شوقه
انا ولهان لا تترك
فؤادً صرت معشوقه

طايل
16-09-12, 11:46 AM
يغني قاف لعيونك
شاعر تغنا بمحبوبه
كل المشاعر ينادونك
الروح بالشوق مجلوبه

طايل
29-09-12, 01:21 AM
كل كلمة منك عندي غاليه = بالعتاب وبالملام وبالغلا
وكان قلت الحب رحلة خاليه = كل ذكرى فيك قالت لك حلا
احترام ولفظ كلمة عاليه = المحبة سر عن عين الملا

طايل
29-09-12, 01:23 AM
الكاس مملؤه بموية وفارغ = ركز على الماء لا تناظر بغيره
حكمة وقيلت قلبنا فكر نابغ = ناظر فراغ الكاس مافيه خيره
لا يا كبير الفكر والعقل بالغ = لا ترمي الماضي لديك البصيره

طايل
29-09-12, 01:25 AM
اموت واحياء ما تكلمت في ناس = ما ارضى على نفسي بها شخص يحكي
ان كان يوجد نقد لا باس لا باس = لا تثقل العالم من النقد تشكي
معاوية في حكمتة شعرته ساس = لا تندفع وتقول بلكي وبلكي

طايل
29-09-12, 03:32 PM
عمري ولو عشته معاها ثواني = مثل الزهر يبقى على راس قمة
ياحبي الصادق عزفتك اغاني = الحرف لعيونك قصيدة المه
ارسم شعوري بالأمل والأماني = طيفك على صدري يجيني اضمه

طايل
02-10-12, 04:10 AM
الحب في قمة صفاه ومذاقه =ينعش حياة اللي من الشوق ولع
لا جاك خلك بعد طوّل فراقه =بالحب والتحنان قام يتدلع
عطه الفؤاد وزخرفه وسط باقه=ولردت افعال الحبيبه تطلع

طايل
02-10-12, 04:16 AM
الهوى والعصف في قلبي جميع =اشتياق الروح لو خلي معاي
للتي فالقلب حبه ما نبيع =عن جميع البيض هي مركز هواي
لو احط الثلج في قلبي يميع =من لهيب الشوق ياذروة غلاي
قلبي العميان في حبك يطيع=ما أشوف الناس غيرك من عماي

طايل
11-12-12, 12:09 AM
ياسعود لا تقعد عليه تشره =احس مخزون القصايد توقف
احس في كبدي من الوقت مره=والله ثم والله ما ينتوصف
من بعد ما فارقت لله دره =عبدالله اللي بالمقابر تلحف
اويه يابن العم فالكبد حره=حتى الشعر عسراً عليه اولف
غادر وحزني فوق كتفي اجره=من حيرتي كني طفل ما تصرف


طايل

طايل
11-12-12, 12:11 AM
الوقت كم نفسً غصيبه عصفها=الموت في يمناه سيف ً يلوحي
كم نفس شهما بالمقابر حذفها=ما ردته كلمة نعم والمدوحي*
دنياك لو ترمي تصيب بهدفها=تهدم برميتها جميع الصروحي
ملعونة الدنيا ولا احداً عرفها=الا الذي بالدين صدره يفوحي
لا تسعدك لو هي تمد بطرفها=ضحكة وفرحة والسعد والمزوحي
الموت كل الموت في منتصفها=واول بداية قصتك بالجروحي
تنسى سعدها والطرب مع ترفها=لو اقبلت ساعه تراها تشوحي


طايل