انا انسحر لاوحيت صوت بدويه ...!!

[عبْث]

لاماحصلّي شوف وحيّني الصـوت
صوتك يخفّف مـن عذابـي شويـه
صوتك يكفيّني عن الشرب والقـوت
واعيش بـه عيشـه هنيـه مريـه
يام العيون اللي بها سحـر هـاروت
سلهامهـا لاهـل الهـوى جاذبيـه
وام العذاب اللي عليها ثمـر تـوت
مصيونةٍ عـن مثـل هـاذي وذيـه
كن القمر من نور جبهتـك مبهـوت
لابـان خلـف الغـره المخملـيـه
وكن البرد باصاغر الحجم منحـوت
يحـول دون الجـمـه المنحلـيـه
الظاهر اني منك مخطـر وبامـوت
وبآرد من اسبابك حيـاض المنيـه
اليا اقتربتي سقت نفسي على المـوت
والي ابتعدتـي سـاق نفسـه عليـه
غلاك في قلبي من العـام مكبـوت
واليوم وسمه مثـل وسـم المطيـه
جعل الصبايا من مراكش لبيـروت
يفـدن رجلينـك صبيـه صبـيـه
لايابعد (.....) سنابـس وتـاروت
اللـي مايلقـى هرجهـن قابلـيـه
لاوحيت صوتك قلت ياحي هالصوت
انا انسحر لاوحيت صـوت بدويـه
http://www.alnadawi.com/vb/customavatars/avatar998_1.gif
الشاعر: سعود الدهيمي

[عبْث]

ارجو ان تحوز على اعجابكم اخواني



واعتذر عن غيابي الفترة الماضيه

[مشعل الشايقي]

لاوحيت صوتك قلت ياحي هالصوت
انا انسحر لاوحيت صـوت بدويـه


تسلم تسلم على هذه الرائعه

وكما يقال من طول الغيبات

جاب الغنائم وانت اتيت

بهذه الثمينه

لاهنت ولاهان غاليك

تحياتي

[سـعـد العتيبي]

اليا اقتربتي سقت نفسي على المـوت
والي ابتعدتـي سـاق نفسـه عليـه

صح لسان سعود

والحمد لله على عودتكـ يالراسـي

نقل موفق

والشهر عليك مبارك

اخوكـ

[سكري]

الله عليك يا سعود
قصيدة روعه
قصيدة مليانه حب
قصيدة درة بها من كل الحسن مايكفيها
.
(كن القمر من نور جبهتـك مبهـوت)

المفروض يقول

( كن القمر من نور وجنتك مبهوت )

لان فيها مفردة خشنه تخص الجنس الخشن اكثر من الناعم ، ولكن جمالها وروعة معانيها كسبت الجوله ضد بعض هذه المفرده
( جبهتك) لو قال (وجنتك ) انعم من جبهتك
وهنا

(اليا اقتربتي سقت نفسي على المـوت )

المفروض يقول اسهل

(اليا قربتي سقت نفسي على الموت)

ولكن ابيات روعه
تستاهل الاشادة والتصفيق الحار
تسلم اخوي الراسي على هالنقل
لله درك يا سعود
لله در الراسي

محبك سكري

[النجديه]

غلاك في قلبي من العـام مكبـوت
واليوم وسمه مثـل وسـم المطيـه

الـــلـــه الـــلـــه

صح السان الشاعر

وتسلم يديك اخوي الراسي على هالنقل الرائع

صدق من طول الغيبات جاب الغنايم

[حنين ماضي]

غلاك في قلبي من العـام مكبـوت
واليوم وسمه مثـل وسـم المطيـه

الـــلـــه الـــلـــه

صح السان الشاعر سعود

وتسلم يديكـ اخوي الراسي على هالنقل البديع

[عـتـيبـية وافـتـخر]

اختياااااااار رائــع يا خوي

و الحمدلله على سلامــتـكـ ..

’’ مباركـ عليـكـ الشـهـر ’’

تحياتي و احترامي

:)

[بنت النجوم]

بصراحه قصيده روعه مشكور اخوي على هذا الابداع .