المساعد الشخصي الرقمي

مشاهدة النسخة كاملة : في المسبح لاتغرق ؟؟


الهاشمي
29-09-05, 01:36 PM
في المسبح .. لاتغرق
________________________________________
السلام عليكم

*********************

بالخير ..........




هنا الهاشمي

( الله يخليه لكم ولأهلوه )



يالربع أنا الظاهر إن حماتي داعيه علي

ماأنفع بسبع المذاهب ...

ما بي فود لله ..

ما أعرف أطبخ ..

ولا أعرف أسوي توقيع

ولا لي بالكمبيوترات

ولا أهش ولا أنش ..

( الله يدفع البلا )



العلم يالهاشمي ؟

يابن الحلال .. خله على الله ...



*********************************

قالو الشباب ..

ياالهاشمي .. نبي نروح للبحر .. نبي نسبح

( مساكين اللي ماحولهم بحر )

قلت : مشينا


..............................................

وصلنا للبحر .. الى فيه ماء ( بالله عليك)

أنا ياخويكم ما أعرف أسبح

والعيال .. كلن رمى ثوبه .. وجاك على بطنه وظهره .. تقول سمك

وانا لحالي على جال البحر


قلت ياولد ..

لازم تشارك معهم ..

ونا لك أجي عند الجال .. ونا أبسط ...

كل ماجت موجه .. الى وأنا على التراب

وبسررررعه أدخل قبل لاينتبهون لي العيال

متكي.. على الجال ..وأتربع

اللي يشوفن يحسب إن الماء واصل ليا حلقي

ونا متربع تربع ... ( لو تحصل لي كاسة شاهي )
الشباب .. يتسابقون بالسباحه ..

على البطن والظهر والفراشه

وينجظعوه جظوووعاً ولا يغرقون مسابيع






المهم ... مشينا .. ونا بي حسره مايعلم به ألا العزيز الحكيم

قلت يابو الهويشم

هالكلام مايصير أبد

لازم تتعلم السباحه


*****************************

رجعت للبيت ..

وقلت لبني خيي ...( يعرفون يسبحون )
أبي أحجز لكم مسبح على حسابي

هييييييه هييييه هييييه ( لجة الاطفال .. مبسوطين من الخبر )
وفعلننننن

بيوم الحجز ... رحنا للمسبح

20 متر طول

×

5 متر عرض

وقاسمينه قسمين

قسم غريق ... وقسم للاطفال

وبين القسمين : حبل وفيه مثل الكوره الصغيره



أخوكم ... الهاشمي

نزل ...


يوم نزلت .. الى انا خايف ..

حدا العيال معي يعلمني

يقول : ياخالي : انجظع على ظهرك

قلت :ليه فراش ؟؟؟

أخاف أغرق

قال ياخالي : ماحنا بالمحيط الهندي

قلت : المحيط الهندي والعربي .. والمسبح .. كلهن يغرقن يالبناخي

قال : طيب .. ارخ جسمك ..

قلت : ما أقدر ،،

قال : اقظب الحبل ،، وانبطح ..

ونا لك أتجود بالحبل .. وأنبطح ..

مادريت ألا أنا منسدح على أرضية المسبح

الهواااااااااا

ونا أفووووووووووووووووووووووع

الى الماء بخشمي .. وصار الهوا باالواصطه

سلامات ..

الله لايسلمك



ياخالي : ليه كربت جسمك ؟؟

قلت .. وشدراني

المهم ..

خلوني لحالي .. وانا على رجلي بوسط الحوض


*************************

واحد من البنيخي .. معه طفاحه ( ستره يلبسها الاطفال .. تجعله على سطح الماء )

قلت ... يالبناخيي ..

شلون هالطفاحه ؟؟

قال : ياخالي .. منتازه ..

حطه حدر بطنك .. ودف روحك .. وراح تعووووم ..

قلت : عطني أبي أجرب


حطيت الماخوذه حدري

ونا أكز روحي

منتااااااااااااااز

ألبط بيدي ورجلي

قطعت مسافه مترين






لكن ...

مدري وش اللي حصل .. وهي لك تزل من حدري

غديت سما وما

فلان .. لعنبو دارك لاتخليني

أحس إني في أعماق المحيط الأطلسي

في مثلث برمودا


بين الحيتان وأسماك القرش الأبيض ينفع باليوم الأسود








سمعت صوت يقول :

ياخاااااالي : وقف

يوم حطيت رجلي .. الى الماء واصل لحدر الركبه


الحقيقه إني انحرجت بالحيييييل




قلت يابو هويشموووووه ،،،

ما لك بالطيب نصيب

خلك من السواليف وجااااااي


.
.
.
.
.
.
.
.
.
.
.
.
.
.
.
.
.
.



عاد يالربع ...

اللي يبي يجبر بخاطري

لو يحصل لي توقيع





أشوف هالزقرت ..

كلن ناذخ له بتوقيع

ولا واحد منهم قال أبي أتصدق صدقه على الهاشمي


ليه ؟؟؟؟؟؟؟؟؟؟؟؟؟؟؟



طرا على بويت

يقول :


ياللي تكزون التواقيع للناس .... وشعلمكم محدن ذكرني بتوقيع





وسلامتكم

















الله من الشماته اللي تبي تجيك ياالهاشمي
__________________

المُهرة
29-09-05, 02:09 PM
سمعت صوت يقول :

ياخاااااالي : وقف

يوم حطيت رجلي .. الى الماء واصل لحدر الركبه

الحقيقه إني انحرجت بالحيييييل
__________________
ههههههههههههههههههههههههههه
دلـــــــــــــ(q33)(q33)(q33)ــــــــــــخ
(q74)

أستاذ طنف
29-09-05, 03:29 PM
ياللي تكزون التواقيع للناس .... وشعلمكم محدن ذكرني بتوقيع

شرط أساسي تتعلم السباحة ويكزون لك توقيع

وفضيحه يالهاشمي ماتعرف تسبح وش يقلون عنك بناخيك

thinking brain
29-09-05, 04:17 PM
هههههههههههههههههههه

هذا شعر ولا نكتة................ مدري

صح صح ........ الجواب جحة

الهاشمي
29-09-05, 04:17 PM
ههههههههههههههههههههههههههه
دلـــــــــــــــــــــــــخ


..................



المهره ...

شوفي ياحبيبتي

الموت مايرحم

والبحر على مايقولون غدار

والله بغيت الحق الشيبان

بس فكني الله

.......

د ل خ 666


سيارة بشير غنيم اخضير ههههههههههههههههههه



لاعدمنات اختي المهوووووووووووووووووره

مستغرب
29-09-05, 04:18 PM
ههههههههههههههههههههههه

تعال عندنا في برتستنا بالمريدسيه نربط فيك جالونين شل من الجوانب ونعلمك السباحه

اخوك يفت بالسباحه بعد عشر محاولات غرق

الهاشمي
29-09-05, 04:27 PM
شرط أساسي تتعلم السباحة ويكزون لك توقيع

وفضيحه يالهاشمي ماتعرف تسبح وش يقلون عنك بناخيك


.....


استاذي / طنف

شكراً على مرورك

اسمع بأقولك :

تراني كلمت وحي القلم يدخلني دوره نيوهورايزن للسباحه على نفقته الخاصه

اخبرك هامور ياوحي القلم ههههههههههههههههه

والله ياالبناخي

العمر له دور فعال والماء كان بارد ( اسألك بالله )


ياحبيبي ياطنف ابيك تكلم الربع يدبرون لي توقيع


تكفى اناطالب هالخشم انااخبرك واصل بالمنتداء

ابيك تكلملي المهره


لاهنت يازيبان ..

الهاشمي
29-09-05, 04:32 PM
هههههههههههههههههههه

هذا شعر ولا نكتة................ مدري

صح صح ........ الجواب جحة


...............



لالغز من النوع البرمائي ههههههههههههههههه


شكرياء على الطله الحلوه

..................

الهاشمي
29-09-05, 04:40 PM
ههههههههههههههههههههههه

تعال عندنا في برتستنا بالمريدسيه نربط فيك جالونين شل من الجوانب ونعلمك السباحه

اخوك يفت بالسباحه بعد عشر محاولات غرق


......

اهلاء وسهلاء بمستغرب ....


شكلي ابطلع سمسميه

عاشت ايام السمسميه


بس شكل البركه مليانه كوسه وبامياء


بس ابشرك صرت اسبح الحين في البانيوم


ههههههههههههههههههههه



لاهنت اخوي مستغرب ....

تأبط حرفاً
29-09-05, 04:54 PM
ههههههههههههههههههههههه

تعال عندنا في برتستنا بالمريدسيه نربط فيك جالونين شل من الجوانب ونعلمك السباحه

اخوك يفت بالسباحه بعد عشر محاولات غرق

هلا والله مستغرب أبو عسبان

تصدق ذكرتن بقولة الغرق للأوذحة أكيد مانسيتوه

طيب أنا ودي أجي لبرستكم بدون ميعاد ممكن ولا نو


أكيد تبي تقول يالهاشمي القرشي إني داخل عرض

قل اللي تبي

الهاشمي
29-09-05, 05:27 PM
أكيد تبي تقول يالهاشمي القرشي إني داخل عرض

قل اللي تبي


...........



وينك يارجل عسى ماشر مختفي لايكون بس مسوي خاز باز

شكلك رايح لدبي تجيب عمال اتراااااااك


هههههههههههههههههههههه


حياك ربي يالغالي


الى على فكره ماتعرف احد يعرف احد


شكراً على الطله


............