المساعد الشخصي الرقمي

مشاهدة النسخة كاملة : { النهاية المأساوية للمافيا الخبوبية }


وحي القلم
29-09-05, 01:43 AM
سلام عليكم ..
ويسعد ربي صباحكم ..
مازال اخوكم وحي القلم يعاني من اللوثة الشعبانية واثر المنكرات التي سمعها وشاهدها في جدة ..
لذلك ما زال الهذر والثرثرة مستمرة واليكم هذه القصة ...
طالباً منكم الدعاء بأن يرفع الله عنه البلاء ...

---------------------------------------------------------

{ النهاية المأساوية للمافيا الخبوبية }

المكان : مزارع الخبوب غرب بريدة في قلب منطقة القصيم ..
الزمان : قبل ثلاثين عاماً من الآن تقريباً ...

احداث القصة :

( 1 )

اجتمع ابو صالح مع ابو عبدالعزيز وابو عبدالرحمن وبقية سكان الخبوب وما جاورها ..
وقد كان هذا الاجتماع على اثر كثرة السرقات التي تعرضت لها مزارعهم ومحصولها وخصوصاً ( الجح : لغير الناطقين بالغية القصمانجية .. والجرو : الشمام لغير الناطقين باللغة الاوردية .. اووووووووووه قصدي القصمنجية )
ابو عبدالعزيز : ابو صالح ويش هالمصيبة اللي ابتلينا فيها ...؟؟
ابوصالح : والله ما ادري بس الله حسيبي على هالحرمية ...
ابو عبدالرحمن : ياجماعة ترى الوضع ما ينسكت عليه لازم نشوف حل ...
ابو صالح : صدقت والله لزوم نشوف حل وباسرع وقت ..
وقرر الجميع وضع خطة للقيام بدوريات مناوبة لحماية المزرارع من هالحنشل ..

( 2 )

نحن الآن نتجول في مدرسة المريدسية المتوسطة ...
المدرسة من الطراز القديم السائد في ذلك العصر ..
وهانحن على مقربة من فصل الثاني متوسط الذي كان يقع في منتصف مبنى المدرسة ..
دعونا الآن ندلف الى داخل الفصل لنلقي اطلالة على الطلاب ونرى احوالهم ...
هذا اول طالب نراه امامنا وهو يدعى : الشنفرة وهو طالب التحق بالمدرسة في بداية هذه السنة وسبب التحاقه بالمدرسة ان والده انتقل للعمل المؤقت في القصيم فاظطر ان يأخذ اهله معه من جدة ..
والشنفرة طالب مجد مجتهد وهو مثل الكثير من الطلاب اللذين يعيشون في المناطق المنفتحة مثل جدة وغيرها ..لهم نظرة مغايرة للحياة والانفتاح عليها ...

لننقل العدسة الى الطالب الذي يجلس خلفه ونتعرف عليه ...
آه ... ياله من طالب متميز وشهير وهل يخفى القمر انه التلميذ الكسول " الرمادي " ..
يمتلك خبرة ثلاث سنوات في الصف الثاني متوسط ..
وهو من الطلاب الهادئين نوع ما وغالباً ما يقضى وقت الدرس باكتابة الخواطر على الماصة ..
لناخذ نموذجاً من خواطر الرمادي التي يحبرها على الطاولة ونلقي عليها نظرة ..
انظروا هنا رسم قلب حب كبير ورسم سهماً يخترق القلب وقد كتب عن رأس السهم saa ثم عبارة ..
( ياروحي ياللي ساكن في بالي ) ...
الحب بلوى ...

لنترك الرمادي وخواطره ونلقي نظرة على الطالب الذي يجلس في الجانب الاخر من الصف لنتعرف اليه ..
انه الطالب المجيد ويلقبونه احياناً بالدافور انه ( الصواعق ) ..
وهذا الصواعق صاعقة في الدروس الا انه يلاحظ عليه في الفترة الاخيرة انه بدأ يقل ابداعه ..
ويشك مدير المدرسة انه قد القطته عين ما صلت على النبي ...

وبجانبه مباشرة يجلس ( ابو شدق ) وهو من الطلاب المعمرين في هذه المدرسة ..
فقد روي انه منذ عدة عقود وهو مازال يخوض بحار العلم في الصف الثاني المتوسط ..(aqwa)
وقد رسب في العام الماضي في جميع الدروس ما عدا الوطنية فاحتج على هذا التشويه المتعمد لتاريخه العريق ..

وهناك في اخر الفصل وفي الزاوية تماماً يجلس كبير الطلاب ومحطم الرقم القياسي في الرسوب في مرحلة المتوسطة على نطاق المملكة والخليج العربي ..
الطالب ( مستغرب ) المكنى بابو المستغاريب .. ...
وهو صاحب الرقم القياسي في موسوعة جنيس للارقام في عدد الرسوب واعادة السنة ...

هذه متوسطة المريدسية وهذا هو الجو المحيط بها ..
والآن بعد هذه الجولة دعونا ننطلق ونقلب في صفحات قصتنا واحداثها ..

7
7
7
7
7

للحديث بقية .. ..

وحي القلم
29-09-05, 02:18 AM
00000

أستاذ طنف
29-09-05, 02:32 AM
.
.
.

ماجاء على بالك ياوحي القلم تجيب طاري اوثال

وحي القلم
29-09-05, 02:41 AM
.
.
.

ماجاء على بالك ياوحي القلم تجيب طاري اوثال


والله والف نعم بأوثال واهل اوثال ....
ايش يقول المثل ( اذا عديت .......؟؟؟؟ ) ...
اهل اوثال اهلي وربعي وتاج راسي ...

تحياتي

أستاذ طنف
29-09-05, 02:43 AM
والله والف نعم بأوثال واهل اوثال ....
ايش يقول المثل ( اذا عديت .......؟؟؟؟ ) ...
اهل اوثال اهلي وربعي وتاج راسي ...

تحياتي

لآنها دولة مستقله

والنعم فيك ياوحي القلم

الرمادي
29-09-05, 03:08 AM
لننقل العدسة الى الطالب الذي يجلس خلفه ونتعرف عليه ...
آه ... ياله من طالب متميز وشهير وهل يخفى القمر انه التلميذ الكسول " الرمادي " ..
يمتلك خبرة ثلاث سنوات في الصف الثاني متوسط ..
وهو من الطلاب الهادئين نوع ما وغالباً ما يقضى وقت الدرس باكتابة الخواطر على الماصة ..
لناخذ نموذجاً من خواطر الرمادي التي يحبرها على الطاولة ونلقي عليها نظرة ..
انظروا هنا رسم قلب حب كبير ورسم سهماً يخترق القلب وقد كتب عن رأس السهم saa ثم عبارة ..
( ياروحي ياللي ساكن في بالي ) ...
الحب بلوى ...

ياروحي يابوعبدالله

الحب بلوى ليتني ماعرفتها رجعتني الى ايام مزعل فرحان > ايقالي اسمع له

والرموز سر لكن بقولك عن رمزين بس

s سبورة يعني بقوم كني اكتب على السبورة

a الباب ثم اقضب الباب

ابوعبدالله تذكرني باراعي الجح

زعبور
29-09-05, 11:03 AM
لنترك الرمادي وخواطره ونلقي نظرة على الطالب الذي يجلس في الجانب الاخر من الصف لنتعرف اليه ..
انه الطالب المجيد ويلقبونه احياناً بالدافور انه ( الصواعق ) ..
وهذا الصواعق صاعقة في الدروس الا انه يلاحظ عليه في الفترة الاخيرة انه بدأ يقل ابداعه ..
ويشك مدير المدرسة انه قد القطته عين ما صلت على النبي ...

غلطان من قال هالكلام
افشل واحد بالمدرسه هو
تصدقون انه كان يغش بطاقيته
وكان يختفي الكلام بعد ساعه
تدرون ليش يختفون القمل الي براسه كانت تمسح الي يكتبه
يشكل بينه وبين القمل ثار
وكان ينام بالاخير ومتلطم
لكن اذا قام من النوم يا وووووه شماغه يربص

ننتظر التكمله وحي

صانع الأمجاد
29-09-05, 11:21 AM
ههههههههههاي
هالحين مافي المدرسة الا ذولي أحسن تقفل ترى مافي فايدة
خلهم يبيعون حبحب ولا سوبيا ولا كليجة صدقني ماراح يفلحوووووون

أقول وحي عسى مو خنجر وتأبط مدرسينهم >>هههههههاي

صانع الأمجاد ... ومدرسة الخبااااااال

صانع الأمجاد
29-09-05, 11:24 AM
غلطان من قال هالكلام
افشل واحد بالمدرسه هو
تصدقون انه كان يغش بطاقيته
وكان يختفي الكلام بعد ساعه
تدرون ليش يختفون القمل الي براسه كانت تمسح الي يكتبه
يشكل بينه وبين القمل ثار
وكان ينام بالاخير ومتلطم
لكن اذا قام من النوم يا وووووه شماغه يربص

ننتظر التكمله وحي

دقة بدقة

أقوووووووول زعبور شكلك عريف الفصل >> دايم أفشل واحد هو العريف

ابو شدق
29-09-05, 12:13 PM
وبجانبه مباشرة يجلس ( ابو شدق ) وهو من الطلاب المعمرين في هذه المدرسة ..
فقد روي انه منذ عدة عقود وهو مازال يخوض بحار العلم في الصف الثاني المتوسط ..(aqwa)
وقد رسب في العام الماضي في جميع الدروس ما عدا الوطنية فاحتج على هذا التشويه المتعمد لتاريخه العريق ..

..

يسلم راسك حبيبي ابوعبدالله

يعني مالقيت تحطن الا بجنب هالدافور

تصدق توي اعرف وراي اخذه صبره هالثانيه

لاني بجنب هالدافور

ابوعبدالله ننتظر البقيه

الهاشمي
29-09-05, 02:23 PM
سجل عنك واحد ينتظر البقيه المأساويه ؟؟


وحي القلم شكلك مدرس الدين


ههههههههههههههههههه

thinking brain
29-09-05, 04:14 PM
ياروحي ياللي ساكن في بالي

صح لسانك

كمل ترانا نتحراك يالخبوبي

مستغرب
29-09-05, 04:15 PM
وهناك في اخر الفصل وفي الزاوية تماماً يجلس كبير الطلاب ومحطم الرقم القياسي في الرسوب في مرحلة المتوسطة على نطاق المملكة والخليج العربي ..
الطالب ( مستغرب ) المكنى بابو المستغاريب .. ...
وهو صاحب الرقم القياسي في موسوعة جنيس للارقام في عدد الرسوب واعادة السنة ...

خخخخخخخخخ
ذكرتني با ايام الدراسه المجيده ابو عبد الله
كم للرسوب اشتاق
والله من باغت فصفص وفصفص طحنته بهاكربعه

وحي القلم
30-09-05, 12:11 AM
( 3 )

انطلق صوت الجرس مجلجلاً معلنا عن انتهاء وقت الحصة الثالثة ..
وخرج التلاميذ من فصولهم ..
وفي ركن من اركان حوش المدرسة جلس مستغرب ومن حوله ابو شدق والشنفرة والرمادي والصواعق ..
ابو شدق يهرش راسه ويتفلت يميناً ويساراً وكأنه يخشى ان يسمعه احد ثم يقول :
ابو المستغاريب عطني زقارة تكفى تراي خرمان ...(q30)
مستغرب وقد اندهش من هذا السؤال وانعقدت حواجبه وقال : ابو شدق لاتكون واحد من عيالي وانا مادريت عنك ..
ابو شدق : هاه وشو وشو .. انت تبي تمنن علينا بحلالانا يا انكل مستغرب ...
مستغرب : اسمع يابو شدق انا امس قايل لكم ان ( كرز ) الدخان اللي عطاناه كومار خان اخر مرة خلص امس ووزعت عليكم اللي بقى فيه من زقاير وكل واحد اخذ نصيبه ..
الرمادي : بس انت اخذت اكثر منا ...:(
الصواعق : الله لنا عقب العسيب صرت يامستغرب تشرب دخان ابو بس وتمنن على الناس ..
الشنفرة : يابويا عندنا في جدة الدخان يبيعونه في كل زقاق .. ايش البلد هادا ... الله يرحم ديك الايام ايام ما كنت اتمشى على البحر مع اصدقائي فتحي وحمادة ونشرب دخان بكل حرية ..
مستغرب وقد انفعل وعلى وجهه الغضب : انا ماني قايل لك ياالشنفرة لا عمري اسمعك تذكر اصدقاءك هذولا عند الرجاجيل .. ابوك فيه احد يصادق انسان اسمه حمادة والثاني فتحي .. انتم وين عايشين في السعودية ولا برى .. صادق الرجاجيل اللي تدل اسمائهم عليهم مثل سعدون وسعيدان وعزيز ..
الشنفرة : ايش ايش تقول .. خليك رجال محترم ولا تتكلم على خوياني واصدقائي احسن لك ...
الرمادي : تعوذوا من ابليس ياجماعة حمادة وفتحي والصواعق كلهم مثل بعض ..(q10)
الصواعق : هاه ويش قصدك .. ؟؟؟
الرمادي : ابداً .. ابداً ما اقصد الا كل خير لايروح ظنك بعيد قصدي ان حمادة والصواعق وابو شدق كلهم زي بعض بس الفرق ان حمادة وفتحي هم حمادة وفتحي .. وابو شدق والصواعق هم ابو شدق والصواعق ...
الصواعق : اشو حسبتك تبغى تسبنا ...
مستغرب : اقول خلوا كثر البربسة والهرج اللي ماله ثمرة .. هاه عساكم جاهزين بعد الظهر علشان نقوم بالعملية وناخذ كرز دخان جديد ونكيف فيه دميجتنا الاسبوع الجاي كله .....
الجميع بصوت واحد : جاهزين ...

القاريء الكريم ..
لاشك ان الامور بدأت تتضح لكم ..
فمستغرب هو زعيم هذه المافيا التي كانت تسرق الحج والجرو ويقومون ببيعه لكومار خان الباكستاني راعي البقالة ويعطيهم بداله كرز دخان ابو بس ..
وفي اخر مرة حاول مستغرب ان يعطيه كومار خان بكت دخان على الحساب حتى يقومون بالعملية ويخصمه من الكرز ولكن كومار خان رفض بشدة و قال : يالله روخ امشي انا مافيه بيع سلف ويمكن انت مافيه جيب فلوس ..
مستغرب : ويش قصدك انا حرامي وماني مسددك احترم نفسك ياكومار خان ..
كومار خان : لا انت ما فيه حرامي انت كويس مية مية .. بس نفر يسرق حج وجرو هو اسم ايش ..
مستغرب : اسمه رجل اعمال .. بزنز مان ..
كومار خان : هاه .. انا فكر هو اسم ثاني ...
مستغرب : لا لايروح ظنك بعيد يالله جيب واحد بكت على الحساب ..
كومار خان : انت يمشي من هنا ولا فيه طريقة ثاني ...
و يهرش راسه مستغرب ويحك خشمه ثم ياخذ للخلف در ومع الباب ...

والآن مستغرب يخطط لهذه العملية وفي قلبه جمرة تتقد من اسلوب كومار خان وطرده له من البقالة ..
ويحدث نفسه قائلاً ( هين اوريك ياكومار خان من اللي يذل الثاني بعدين ) ..

وللحديث بقية ..

زعبور
30-09-05, 12:17 AM
ننتظر البقيه
شوقتنا ابشوف هم يعرفون يسرقون او لا

وحي القلم
30-09-05, 12:26 AM
ياروحي يابوعبدالله

الحب بلوى ليتني ماعرفتها رجعتني الى ايام مزعل فرحان > ايقالي اسمع له

والرموز سر لكن بقولك عن رمزين بس

s سبورة يعني بقوم كني اكتب على السبورة

a الباب ثم اقضب الباب

ابوعبدالله تذكرني باراعي الجح

هههههههههههههههه ..

اجل A يعني اقضب الباب ..

الله يرج ابليسك ..

على فكرة مزعل فرحان تراه (q25)

وحي القلم
30-09-05, 12:30 AM
غلطان من قال هالكلام
افشل واحد بالمدرسه هو
تصدقون انه كان يغش بطاقيته
وكان يختفي الكلام بعد ساعه
تدرون ليش يختفون القمل الي براسه كانت تمسح الي يكتبه
يشكل بينه وبين القمل ثار
وكان ينام بالاخير ومتلطم
لكن اذا قام من النوم يا وووووه شماغه يربص

ننتظر التكمله وحي

:D


ههههههههههههههههه ..

زعبور والله انك خطير على هالعلوم ...

مستر رجه
30-09-05, 01:56 AM
وحي القلم

هذي مدرسه المشاغبين وأظن الصواعق يونس شلبي

ومستغرب عادل امام والرمادي سعيد صالح وابوشدق احمد زكي

والشنفرة اللي يهرب الدخان مع الدريشة

وانت المدير مانب قايل المدرس

الجلكسي
30-09-05, 05:01 AM
مدرسه انتيكه وطلاب ارابيسك ..
بس ياليت لوحه تحذير الموضوع لمن فوق 18 سنه ..
هذولا علومهم تفسد اجيال ..

بانتظار بقية الذكريات

أستاذ طنف
30-09-05, 06:06 AM
اتمشى على البحر مع اصدقائي فتحي وحمادة ونشرب دخان بكل حرية

ياعيني على الحريه

ابو شدق
01-10-05, 01:00 PM
( 3 )

ابو شدق يهرش راسه ويتفلت يميناً ويساراً وكأنه يخشى ان يسمعه احد ثم يقول :
ابو المستغاريب عطني زقارة تكفى تراي خرمان ...(q30)
مستغرب وقد اندهش من هذا السؤال وانعقدت حواجبه وقال : ابو شدق لاتكون واحد من عيالي وانا مادريت عنك ..
ابو شدق : هاه وشو وشو .. انت تبي تمنن علينا بحلالانا يا انكل مستغرب ...
مستغرب : اسمع يابو شدق انا امس قايل لكم ان ( كرز ) الدخان اللي عطاناه كومار خان اخر مرة خلص امس ووزعت عليكم اللي بقى فيه من زقاير وكل واحد اخذ نصيبه ..



شفت مستغربوه سمعونا

انا اقولك عطنا باسكات تدري ان الخرمه

تسوي عجايب ونرفع الصوت الرفيع === اقتلب سلامه

لكن صدز ابوعبدالله وش رايك بمستغربوه

لاقضاء الكرز يعي يعطينا من الي معه

المشكله الي معه طابخينه سوا يعني ندري من وين له

هالكريز

قرفن على سن ورمح

ابوشدق 0000 والبحث عن الكنت

ابو شدق
01-10-05, 01:05 PM
0000000000000000

الشنفرة
02-10-05, 01:33 AM
الطالب النجيب يتحدث ويقول
سبب رسوب مستغرب انه كان يحرج على كنادر الطلاب
عشان يشتري كرز دخان ابو بس
بالاضافةالى كرز كومار

الرمادي
كان يحسب ان الحب طريق للشهرة


وحي القلم انت مبدع لانك خليتني نجيب

الصواعق
02-10-05, 03:31 PM
لنترك الرمادي وخواطره ونلقي نظرة على الطالب الذي يجلس في الجانب الاخر من الصف لنتعرف اليه ..
انه الطالب المجيد ويلقبونه احياناً بالدافور انه ( الصواعق ) ..
وهذا الصواعق صاعقة في الدروس الا انه يلاحظ عليه في الفترة الاخيرة انه بدأ يقل ابداعه ..
ويشك مدير المدرسة انه قد القطته عين ما صلت على النبي ...

لا وانت الصادق من يوم مابديت أماشي اللي فوق وانا مستواي دمرااان

الله يخلف علينااا

الصواعق
02-10-05, 03:36 PM
وحي القلم

هذي مدرسه المشاغبين وأظن الصواعق يونس شلبي

ومستغرب عادل امام والرمادي سعيد صالح وابوشدق احمد زكي

والشنفرة اللي يهرب الدخان مع الدريشة

وانت المدير مانب قايل المدرس

هههههههههههههههههههههههههههههههههههههههههههههههههه ههههههههههههههههههه

الله يرجك انا يونس شلبي .. اجل انواع التعتعه

ومن ناحية المدرس ... ليت وحي هو المدرس (wtg)

ابو شدق
03-10-05, 11:49 AM
هههههههههههههههههههههههههههههههههههههههههههههههههه ههههههههههههههههههه

الله يرجك انا يونس شلبي .. اجل انواع التعتعه

ومن ناحية المدرس ... ليت وحي هو المدرس (wtg)


وانا بعد اتمنى انه هو

علشان ندرسه حنا بدال مايدرسنا

الصواعق
03-10-05, 11:53 AM
وانا بعد اتمنى انه هو

علشان ندرسه حنا بدال مايدرسنا


مع احتراماتي يابوشدق
انت غبي ومافهمت وش اقصد

انت شفت مدرسة المشاغبين اولا؟.. ولا تسمع به؟

ابو شدق
03-10-05, 12:03 PM
مع احتراماتي يابوشدق
انت غبي ومافهمت وش اقصد

انت شفت مدرسة المشاغبين اولا؟.. ولا تسمع به؟


وش رايك انت ؟؟؟؟؟


وبعدين خليت به احترام ؟؟؟؟


اثابك الله

الصواعق
03-10-05, 12:09 PM
وش رايك انت ؟؟؟؟؟


وبعدين خليت به احترام ؟؟؟؟


اثابك الله



هههههههههه

ياحبي لك بس يابوشدق (wtg)

ابو شدق
03-10-05, 12:37 PM
هههههههههه

ياحبي لك بس يابوشدق (wtg)

وانت اكثر