المساعد الشخصي الرقمي

مشاهدة النسخة كاملة : رحلتناااا للقصيم ... قصة ....((الجزء الثاني))


الصواعق
22-09-05, 10:01 AM
السلام عليكم

أدري اني طولت عليكم

لكن أعذروني

تعرفون المزاج .. هاليومين مش ولابد .. ولكن خلوها على الله ...


أول شي ... اللي ماحضر أو ما قرأ الجزء الأول ..
هذا رابطه

http://www.ahm1.com/vb/showthread.php?t=48159


والحين ينكمل الجزء الثاني





المهم ...



بعد ماصلينا الفجر .. أنا وباقي الشباب .... كملنا دربنا على منطقة جبال إسمها (( قطن )) .. ويقال أنه فيه قبر لواحد صحابي ... دفن هناك ... نسيت اسمه .. والجبال هناك متنفس سياحي لأهل القصيم .. وهي ديرة حروب (( باتكس )) خخخ امزح

ماعلينااا

يوم جت الساعة 8 الصبح .. ووصلنا قطن .. دقيت على أبوخالد (( الرصاصي )) ووصف لنا الطريق .. وحنا ماشين بالمازدا

والسيارة تقرقع ... من المطبات .. وشوي ناكل مطب قوي .. والقى خنجر جالس بحجري ...

ماعلينا .. .خمس دقايق ونوصل للشباب ... وكان هناك مجتمعين :

(( مستغرب )) و (( الرصاصي )) و (( وحي القلم )) و (( المتحد )) و القهوجي صباب الدلال (( الصبي زعبور ))

ماعلينااا

أول مانزلنا من السيارة .. التفت الشنفرة يمين .. ولقى كورة .. وراح يجري لمها ويجلس يلعب بروحه .. واقول.. وش ذا الحجازي فشلنا .. ماعليه
ونجلس نسلم على الرجال .. ويجي زعبور ورابط الشماغ على خصره .. ويقول : حي الله الضيوف الأجاويد

ويصب القهوة ... المهم .. وشوي يجي ناصح أمين ويقول لي .. أبوعابد .. ياخي هذا الأدمي مهب غريب علي كني شفته بقناة اليمن ... هقوك هو سكرتي علي عبدالله صالح ؟... واقول أنا : والله مهب بعيدة ..

ويقطع كلامنا مستغرب ويقول : ياحي الله ناصح أمين .. كيف الحال .. واخبارك وعلومك ... وينك لك مدة ماتنشاف بالمنتدى؟
ناصح : واللهي يابوياا أنا بخير .. وبصراحة كدا المنتدى ماهو عاجبني ( كتروا القوصمان ) وماصرت أفهم من كلامهم حاجة .. علشان كذى صرت ما ادخل كتير للمنتدى .

المتحد : يالله حيهم خنجر .. حمدلله على السلامة ؟

خنجر : واللهي تمام كيفك انتا والله يسلمك ياخويا ؟
المتحد : بخير يامال الجنة

المتحد : هااااه .. أخبار جو جده ؟.. عساها مربّعة ؟ (( يعني قصده فيه ربيع ))
خنجر : والله يامتحد .. ماهي مربعة مربعة .. هي شوية مستطيلة جده من عند البحر .. (( طبعا دوروني وقتها انا ))

ويجي الشنفرة من لعب الكورة .. وأول مايدخل يبي يسلم على الرجال .. يدعس على التمر برجوله .. وثمن يكب فنجال القهوة ..

المهم .. يجلس الرصاصي مع الشنفرة مع بعض ويسولفون ..

وانا جلست مع المتحد .. .. وخنجر مع مستغرب

وعقب ساعة .. يجي الفطور

نواشف .. وتسبده ... وخبز محمّى على الجمر ... (( الله تذكر أيام الكتشات .. آآآه الله يذكرك بالخير يا سميرة (h) ))


ماعليناا

نفطر ولعلنا بالخير .. ونشرب الشاهي الأخضر

وثمن ركبنا جيب الربع حق مستغرب حنا 6 .. وزعبور خلينا عند العفش الحاله


ونروح نتمشى عند الجبال .. وجالس الرصاصي يقول لنا هذا كذى وهذا كذى .. وجالس يتفلسف علينا وحنا ندربي روسنا ماندري وش السالفة..

المهم وجينا نتسلق جبل ...

ونطلع كلنا فوووق .. الا ونلقى خنجر واصل القمة أول واحد وأبوخالد .. وده يطلع .. لكن الجسم مايساعد
طلع أول مترين ثمن تعب .. ونشب .. ماقدر ينزل

المهم .. وعقب ماطلعنا كلنا والرصاصي جالس مجحود تحت

نزلنا تحت .. وركبنا السيارة ورجعنا للخيمة



يتبع ..........

الصواعق
22-09-05, 10:05 AM
.................................

المهم .. شوي الا ويجينااا ... كاتم الونة .. ومعه تيس يشبه مستغرب

عاد أنا مدري ليه .. حتى وحنّا بالمنتدى أقدر هذا الأدمي واحترمه .. وعرفت الأن وش السبب .. علشان التيس اللي جابه

ماعلينااا .. شوي ويجي المتحد .. ويرفع الثوب ويربطه على خصره .. ويجيب السكاكين ..

ويجي الشنفرة يصارخ ... سيبوها لا تقتلوها .. ويمكسه الرصاصي ويقول له : أسكر لاسطرك على وجهك .. ترى ترى ماخلاني أطلع الا هالتيس .. ويهديه ويروحون بعيد

ونقوم نرفع التيس .. ويقوم المتحد يطعن في التيس مع بطنه ويقول : (( اذهب إلى الجحيم )) .. ومادرى الا وحي القلم يرفسه .. ويقول : الخلا بس

وينزل التيس .. وماقصر وحي القلم .. وذبح التيس ذبح اسلامي ... وسخله لنا وقطعه

ويجي مستغرب ويضبط القدر .. ويقطع الطمام والبصل .. وسوى كشنه الرز

وقمت انا دخلت للخيمة .. أبي اقيّل شوي .. وجلس الشنفرة يلعب كورة مع الرصاصي (( الرصاصي حارس والشنفرة وكاتم يشوتون بلنتي عليه ))

وخنجر ومستغرب ووحي القلم والمتحد يلعبون مونوبولي .. خخخخ وزعبور مخلينه البنك (( تسكيته له علشان مايصيح ))


وانام لي ساعتين ... وثمن قالوا لنا يالله جا الغداا

وقمت غسلت وجهي .. وجلست يم الصحن

ويطلع الأكل خانس ... مابه ملح .. واللحم طعمه حالي (( طلع مستغرب حاط سكر بدل الملح ))

المهم . دام مافيه غيره .. مشي حالك

ونجلس ناكل .. ويقوم كاتم الونة ويقول .. أكرمك الله يامستغرب
وثمن يقوم وحي القلم .. زادكم الله...

وثمن أقوم أنا .. جادك الله يابو ......

وثمن يجي يقوم الشنفرة .. ويقول : شكرا على الزبيحة << ياعيني على على الأدب

طبعا الكل جلس يضحك على هالحجازي (( فشلنا هالولد ))

ويوم شاف خنجر كلهم ضحكوا على الشنفرة .. قال لازم أجيب كلمة حلوة

وقام خنجر وقال : سلام عليكم (( وش دخل السلام بالغدا ؟!! ))

عاد يقول لكم هذا مستغرب جلس يضحك الين غصت اللقمة بكتفه (( لاتقولون كيف تجي عاد مدري ))

المهم ...
خلصنا الغد و وقام زعبور نقز مثل الحمار .. وسوا لنا شاهي أخضر على كيف كيفك ...ومخمخنا عليه (( زعبور بعد القصة أبي أفتح مقهى بجده وابيك تصير القهوجي موافق؟ ))

ماعليناااا

المهم ..شوي الا ويقوم الشنفرة ... ويركض ورى الكورة .. ومن وراه الرصاصي ... ويلحقهم خنجر ومستغرب
المهم وقمنا وقررنا نسوي مبارة بين الحجز .. والقمصان


فريق الحجز : الشنفرة (( الكابتن و وسط )) ..خنجر (( دفاع )) .. الصواعق (( راس حربة )) ...ناصح أمين (( حارس ))
فريق القصمان : الرصاصي (( كابتن وحارس )) ....مستغرب (( راس دجاجة .. اقصد حربه )) ...وحي القلم ( ( دفاع )) .. المتحد (( وسط ))

وطبعا زعبور مخلينه يلقط الكور لا ضاعت (( انا مدري ليه مضطهد زعبور بهذا الموضوع ))

ماعلينا .. ونبدا المبارة .. وبصراحة كلام كثير ماله داعي .. لكن المبارة أنتهت 22 / 45 .. طبعا لصالح فريق الحجاز


المهم .. وجا المغرب .. وقمنا صلينا .. وقام زعبور يضبط القهوة ..






وجلسنا نسولف ..
وصارت سواليف بالليل ..... تصلح أنزلها إن شاءالله .. أخر الليل(( حتى تخشون جو صح ))




...................................


و بخليها بالجزء الثالث والأخير إن شاءالله

ام أيمن
22-09-05, 10:06 AM
ماعلينا من اللي فات
انا احجز اول من يرد عليك

الصواعق
22-09-05, 10:07 AM
ماعلينا من اللي فات
انا احجز اول من يرد عليك

يالله صباح خير

.. الله يستر منك

ام أيمن
22-09-05, 10:20 AM
يالله صباح خير

.. الله يستر منك
تدري انه لو بطلت حركاتك وقريت موضوع تصفية الحسابات اقصد تصفية النية للرمادي
بتكون احسن

ام أيمن
22-09-05, 10:24 AM
المهم ...
خلصنا الغد و وقام زعبور نقز مثل الحمار .. وسوا لنا شاهي أخضر على كيف كيفك ...ومخمخنا عليه (( زعبور بعد القصة أبي أفتح مقهى بجده وابيك تصير القهوجي موافق؟ ))

زعبور مضطهد اينما حل وارتحل
لعنة المشرفة عليه
وغضبي عليه ليوم الدين
ما علينا
قلنا نصفي النية
--------------------
خايفة من الرمادي يقول ما استوعبت الدرس

الصواعق
22-09-05, 11:05 AM
تدري انه لو بطلت حركاتك وقريت موضوع تصفية الحسابات اقصد تصفية النية للرمادي
بتكون احسن


النية صافية لا تخافين

انا انهبلت من اندفاعك
مانزلت الموضوع نص دقيقة وانتي رديتي


وترى الصواعق مايشيل على احد ...وينسى بصرعة

الصواعق
22-09-05, 11:07 AM
المهم ...
خلصنا الغد و وقام زعبور نقز مثل الحمار .. وسوا لنا شاهي أخضر على كيف كيفك ...ومخمخنا عليه (( زعبور بعد القصة أبي أفتح مقهى بجده وابيك تصير القهوجي موافق؟ ))

زعبور مضطهد اينما حل وارتحل
لعنة المشرفة عليه
وغضبي عليه ليوم الدين
ما علينا
قلنا نصفي النية
--------------------
خايفة من الرمادي يقول ما استوعبت الدرس



ياحبي لهالزعبور .. هو جاي متحمس للترفيهي .. لازم شوي نحطمه ونخفف هالحماس ... أخاف من زود الحماس يخترق المنتدى

ام أيمن
22-09-05, 11:16 AM
ياحبي لهالزعبور .. هو جاي متحمس للترفيهي .. لازم شوي نحطمه ونخفف هالحماس ... أخاف من زود الحماس يخترق المنتدى



ههههههههههههههه
حلوة لازمة نحطمه
بس ياريت تخلوني اقوم بهذه المهمة النبيلة
ما علينا

هاه وش رائك
استفدت انا من تصفية النية
ناقص انت تصفي نيتك شوي
وتغربل كلامك

الصواعق
22-09-05, 11:23 AM
ههههههههههههههه
حلوة لازمة نحطمه
بس ياريت تخلوني اقوم بهذه المهمة النبيلة
ما علينا

هاه وش رائك
استفدت انا من تصفية النية
ناقص انت تصفي نيتك شوي
وتغربل كلامك


ياليت ..خلاص انا الباش منهدز الصواعق .. أوكل لك مهمة تحطيم زعبور .. وخلوه يحس بالمشاعر والاحساس ولو مرة وحدة بحياتي ... وصدقيني كل اعضاء قصيمي نت قلوبهم معك .


وماشاءالله عليك .. نيتك مثل الجنية المصري

ام أيمن
22-09-05, 11:30 AM
ياليت ..خلاص انا الباش منهدز الصواعق .. أوكل لك مهمة تحطيم زعبور .. وخلوه يحس بالمشاعر والاحساس ولو مرة وحدة بحياتي ... وصدقيني كل اعضاء قصيمي نت قلوبهم معك .


وماشاءالله عليك .. نيتك مثل الجنية المصري




ابشر خلاص
بتشوفون زعبور مثل ما تتمنونه
وما تنسى انه انا اقوم اي اعوجاج
لانه امرأة قانون
احسن شي اسجنه
لانه السجن اصلاح وتهذيب




خمسة وخميسة على نيتي الصافية

الصواعق
22-09-05, 11:55 AM
ابشر خلاص
بتشوفون زعبور مثل ما تتمنونه
وما تنسى انه انا اقوم اي اعوجاج
لانه امرأة قانون
احسن شي اسجنه
لانه السجن اصلاح وتهذيب




خمسة وخميسة على نيتي الصافية

قلوب اعضاء قصيمي نت معك

دووووووووووووسي وحنا نصفق لك

المُهرة
22-09-05, 01:42 PM
فــكـــم المهم وما علينا في ذلكـ
هههههههههههههههههههههههه
(q94)
صعقتوووووووووووووووووووووووهـ
لعنبو بليسكـ ما خليت للناس ولا كلمة من ( المهم وما علينا )
ههههههههههههههههههههههههه
(ghqv)
تقل ثورن مطلق من رباط
(q74)
بس بيني وبينكـ
القصة عجبتني كثير
علشان زعبوروووهـ المغرورو انكشف وعرفت وش يصير
(q67)
المهم
ماعلينا
(q88)
كيف الحال
بخير الله يسلمكـ

<<< تقهوى سوبيا (qq65)

الصواعق
22-09-05, 02:05 PM
فــكـــم المهم وما علينا في ذلكـ
هههههههههههههههههههههههه
(q94)
صعقتوووووووووووووووووووووووهـ
لعنبو بليسكـ ما خليت للناس ولا كلمة من ( المهم وما علينا )
ههههههههههههههههههههههههه
(ghqv)
تقل ثورن مطلق من رباط
(q74)
بس بيني وبينكـ
القصة عجبتني كثير
علشان زعبوروووهـ المغرورو انكشف وعرفت وش يصير
(q67)
المهم
ماعلينا
(q88)
كيف الحال
بخير الله يسلمكـ

<<< تقهوى سوبيا (qq65)


ههههههههههههه

ترى المهم وماعلينا ... من المحسنات اللغوية ..
لذلك يجب التكثير منها (( بدون كاتشب ))

وترى المهم وماعلينا أخذتها من دكتور كان يدرسني .. طول الشرح المهم ماعلينا

فكان أسلوبه يشحذ النفوس ..

ماعلينااا

المهرة
علقي الموضوع لو سمحتي


ترى أحس إني مضطهد بالمنتدى .. أقل عضو ينطق له مسامير هو أنا .. وإن حطوا مسمار مصدي يجلس يوم واحد وثمن ينكسر


ابي جغمه من السوبيا

زعبور
22-09-05, 03:19 PM
المهم ...
خلصنا الغد و وقام زعبور نقز مثل الحمار .. وسوا لنا شاهي أخضر على كيف كيفك ...ومخمخنا عليه (( زعبور بعد القصة أبي أفتح مقهى بجده وابيك تصير القهوجي موافق؟ ))

ماعليناااا

خخخخخخخخخخخ السواقط
الله يا زمن كماكنا كمكنا

مثل الحمار يا ثور البرسيم

يا اخي مدري اذا شفت لك موضوع تذكرت حوش الغنم

دلوووعه
22-09-05, 03:56 PM
(( اقتباس قد مخ زعبور ))


المهم .. وجا المغرب .. وقمنا صلينا .. وقام زعبور يضبط القهوة ..


ليييه حتى من الصلاة جماعه معكم حارمينه

~~~~~

يعطيك العافيه

ياحظك رجاال تتكلم محدن يحاسبك (( ايقونه تعبط بعيونه ))

زعبور
22-09-05, 04:40 PM
(( اقتباس قد مخ زعبور ))

تبين لتس قنزه من مخي عندي زياده شوي

دلوووعه
22-09-05, 04:52 PM
قنزه

^
^
^
يووه ما اندثرت ذي الكلمه

زعبور
22-09-05, 04:58 PM
^
^
^
يووه ما اندثرت ذي الكلمه

لا ما اندثرت

الصواعق
22-09-05, 05:42 PM
خخخخخخخخخخخ السواقط
الله يا زمن كماكنا كمكنا

مثل الحمار يا ثور البرسيم

يا اخي مدري اذا شفت لك موضوع تذكرت حوش الغنم

ليه السب والألفاظ السوقية اللي تقولها يازعبور

انا الحين قلت توصيف .. أنقزل زي الحمار .. ماقلت ياحمااار ..
وانت تجي تقول ياثور ..

أستقفر الله بس


بعدين ياخوي انت تتذكره حوش الغنم .. لأن هذي أحلى حدودك

شف اكتتاب تقول موضوعك بستان من الزهور الجورية .. ليه ؟
لأنها تعرف الذوق والبربربرستيج

الصواعق
22-09-05, 05:43 PM
(( اقتباس قد مخ زعبور ))


المهم .. وجا المغرب .. وقمنا صلينا .. وقام زعبور يضبط القهوة ..


ليييه حتى من الصلاة جماعه معكم حارمينه

~~~~~

يعطيك العافيه

ياحظك رجاال تتكلم محدن يحاسبك (( ايقونه تعبط بعيونه ))


هي كتبت له الصلاة ؟؟

توي ادري والله



الله يعافيك .. وبعدين اي حظ تتكلمينه ؟..
تدرين فيه أكثر من خمس سطور شالتها المهرة .. الله يشيل شيطانها

بالعكس حرية الرأي مقصورة فقط للبنات

المُهرة
22-09-05, 07:04 PM
ههههههههههههه

ترى المهم وماعلينا ... من المحسنات اللغوية ..
لذلك يجب التكثير منها (( بدون كاتشب ))

اجل يمدحون فول الصويا وعصير الجرجير
جربهن وبتشوف المحسنات اللي على اصوله

(qq142)

وترى المهم وماعلينا أخذتها من دكتور كان يدرسني .. طول الشرح المهم ماعلينا
فكان أسلوبه يشحذ النفوس ..

اجل هي طنزهـ
مقيوله
الطنزهـ تلحق

(q67)

ماعلينااا

المهم

(q88)

المهرة
علقي الموضوع لو سمحتي
ترى أحس إني مضطهد بالمنتدى .. أقل عضو ينطق له مسامير هو أنا .. وإن حطوا مسمار مصدي يجلس يوم واحد وثمن ينكسر

يقول أبوي لا تطقين الا مواضيع الرقيقات
وأنت من جنب الرقه

(q63)

ابي جغمه من السوبيا

قضت
شفطتها كلها

(q71)


(qq133)

الصواعق
22-09-05, 07:28 PM
اجل يمدحون فول الصويا وعصير الجرجير
جربهن وبتشوف المحسنات اللي على اصوله

اقول وش هالمطاريس الله يكرم النعمة ..


اجل هي طنزهـ
مقيوله
الطنزهـ تلحق

لا هذي محسنة بديعة .. انتي وش عرفك بالأدب؟


يقول أبوي لا تطقين الا مواضيع الرقيقات
وأنت من جنب الرقه


وش دعوة المهرة ؟...

اجل الرمادي رقيقة من الرقيقات ؟
ههههههه شكلها بنت الرمادي وانا مدري



قضت
شفطتها كلها

اعوووذ بالله ... تدري وش ذكرتيني؟.. تعرفين البانيو ؟.. هماه في سدادة؟.. يوم يمتلي البانيو من الماء ؟.. وتفتحين السدادة .. تجي دوامة تشيل كل الماء
مدري ليه تذكرته يوم شفطي السوبيا

المُهرة
22-09-05, 11:05 PM
8
8
8
وجـــــــــــــــــــع يا الدووووووب
تشبهني بالبانيووووووووووووووووو
(ekaj)(ekaj)(ekaj) <<< أنا والبابا والماما
بس تصدق
تشبيهكـ بليغ حمدي
(e)(e)(e) <<< ما اعرفهم ذولا
بخير الله يسلمكـ
(a11)

الرمادي
23-09-05, 12:10 AM
لا يالصوامع مهيب هذي القصه

انت سويت فيها شيخ القبيله

الشباب جايين على الكراسيدا وحاطينك بالشنطه

يوم وصلو قال خنجر يالرمادي شيل القصمنجي هذا

طاح في السوبيا مو راضي يطلع من جدة

قام ناصح امين وقال نصيحه اللي مايعرف السوبيا يطحنها

الشنفرة اكثر واحد متعاطف معك حتى ان يناظر خنجر بعين

وقال ترى الصوامغ اكبر زبون ممكن يخرب بيتي اذا جلس بالقصيم

الصواعق
23-09-05, 01:37 AM
8
8
8
وجـــــــــــــــــــع يا الدووووووب
تشبهني بالبانيووووووووووووووووو
(ekaj)(ekaj)(ekaj) <<< أنا والبابا والماما
بس تصدق
تشبيهكـ بليغ حمدي
(e)(e)(e) <<< ما اعرفهم ذولا
بخير الله يسلمكـ
(a11)


المهرة
انا ما اشبهك بالبانيو .. لاااا . أنا أشبه البانيو فيك


بعدين ترى بليغ حمدي تزوج وردة الجزائرية




.............تم التعديل بواسطة الهيئة ....

الصواعق
23-09-05, 01:39 AM
لا يالصوامع مهيب هذي القصه

انت سويت فيها شيخ القبيله

الشباب جايين على الكراسيدا وحاطينك بالشنطه

يوم وصلو قال خنجر يالرمادي شيل القصمنجي هذا

طاح في السوبيا مو راضي يطلع من جدة

قام ناصح امين وقال نصيحه اللي مايعرف السوبيا يطحنها

الشنفرة اكثر واحد متعاطف معك حتى ان يناظر خنجر بعين

وقال ترى الصوامغ اكبر زبون ممكن يخرب بيتي اذا جلس بالقصيم

اقول يا اختنا الرقيقة .. وراه ماتركد.. يقالك تبي تخرب الموضوع انت وجبهك؟


ماعلينااا

سنعك عندي ... وسوف أرسل اليك صواعقي

غلا الروح
23-09-05, 02:09 AM
وينهم عنك روايه تنفع سيناريو مسلسسسسسسسل..بس لل,,,,,,,

الصواعق
23-09-05, 02:14 AM
وينهم عنك روايه تنفع سيناريو مسلسسسسسسسل..بس لل,,,,,,,


الله .. أموت أنا بالمشفر

الرمادي
23-09-05, 03:01 AM
اقول يا اختنا الرقيقة .. وراه ماتركد.. يقالك تبي تخرب الموضوع انت وجبهك؟
ماعلينااا
سنعك عندي ... وسوف أرسل اليك صواعقي

ترى انا محسن الظن >> اسم فنان

واي موضوع اخربه هو خربان من اوله

بس خل عمك خنجر يجي والشنفرة وتكمل

الرمادي
23-09-05, 03:03 AM
وينهم عنك روايه تنفع سيناريو مسلسسسسسسسل..بس لل,,,,,,,

يالله يالصواعق لقيت من يشهد لك انها روايه

بس تصلح رسوم متحركة

الجلكسي
23-09-05, 05:04 AM
.................................

................
.....



وجلسنا نسولف ..
وصارت سواليف بالليل ..... تصلح أنزلها إن شاءالله .. أخر الليل(( حتى تخشون جو صح ))

...................................


و بخليها بالجزء الثالث والأخير إن شاءالله

ياخوي غطيت على غوادالوبي ..
صارت رحله للمكسيك مب للقصيم ..

بس تدري عاد ... زين ماتسوي بهم ذا الضبان ..
فخااار يكسر بعضه ..

>> مستمتعه بالمسلسل ..

دلوووعه
23-09-05, 06:57 AM
(( اقتباس ))

طبعا الكل جلس يضحك على هالحجازي (( فشلنا هالولد ))

ويوم شاف خنجر كلهم ضحكوا على الشنفرة .. قال لازم أجيب كلمة حلوة

وقام خنجر وقال : سلام عليكم (( وش دخل السلام بالغدا ؟!! ))

^
^
^
عجبني البارت هذا


بالله صواعق كثر لنا من طرائفك اضحك الله سنك

الصواعق
23-09-05, 01:20 PM
ترى انا محسن الظن >> اسم فنان

واي موضوع اخربه هو خربان من اوله

بس خل عمك خنجر يجي والشنفرة وتكمل

عمنا خنجر فرحان باليوم الوطني وراح مصر

مدري ليه اشوف كل الناس مسافرة علشان اليوم الوطني.. مع انه وطني لازم تجلس بالوطن .!!

الصواعق
23-09-05, 01:22 PM
ياخوي غطيت على غوادالوبي ..
صارت رحله للمكسيك مب للقصيم ..

بس تدري عاد ... زين ماتسوي بهم ذا الضبان ..
فخااار يكسر بعضه ..

>> مستمتعه بالمسلسل ..

الله يذكرها بالخير قوادا لوبي ....(aqwa)

تصدقين قد شفتها بلبنان وجلست معها (wtg)


المرة الجاية بخلي المسلسل هندي .. يعني بوليسي

الصواعق
23-09-05, 01:23 PM
(( اقتباس ))

طبعا الكل جلس يضحك على هالحجازي (( فشلنا هالولد ))

ويوم شاف خنجر كلهم ضحكوا على الشنفرة .. قال لازم أجيب كلمة حلوة

وقام خنجر وقال : سلام عليكم (( وش دخل السلام بالغدا ؟!! ))

^
^
^
عجبني البارت هذا

بالله صواعق كثر لنا من طرائفك اضحك الله سنك


المهرة شوفي قليلة الحياة
تقول على موضوع بار

افا بس .. طحتي من عيني ياكتاب

دلوووعه
23-09-05, 05:01 PM
^
^
^
داهيه

ولا كلمه من اللي كتبتهم انت فوق تخصني

ام أيمن
23-09-05, 10:53 PM
النية صافية لا تخافين

انا انهبلت من اندفاعك
مانزلت الموضوع نص دقيقة وانتي رديتي


وترى الصواعق مايشيل على احد ...وينسى بصرعة
خخخخخخخخخخخخخخ
صافية لبن يا الصواعق
بس لازم تنسى بسرعة مو بصرعة ههههههههههههههههههه
اشوفك اتعديت من الاخطاء الاملائية

الصواعق
23-09-05, 11:24 PM
^
^
^
داهيه

ولا كلمه من اللي كتبتهم انت فوق تخصني


لا ياشيخة

عاااش مصررف

أنا انتظر بقرتنا الحنون .. تشوف لنا حل معك

بديتي تتمادين .. على الصواعق المسكين



اجل موضوعي بار

الله يسامحك

الصواعق
23-09-05, 11:38 PM
خخخخخخخخخخخخخخ
صافية لبن يا الصواعق
بس لازم تنسى بسرعة مو بصرعة ههههههههههههههههههه
اشوفك اتعديت من الاخطاء الاملائية


امينه فيه واحد يماشي الرمادي ويعين خير؟

كله من الرمادي

دلوووعه
23-09-05, 11:49 PM
.. الصواعق المسكين




^
^
^
ياصاحب الكلمه ترااااك اضفت ميم ياليت تحذفها علشااان يتوضح المعنى (( ايقونه تضحك ليين بانت نواجذها ))

زعبور
23-09-05, 11:57 PM
ليه السب والألفاظ السوقية اللي تقولها يازعبور

انا الحين قلت توصيف .. أنقزل زي الحمار .. ماقلت ياحمااار ..
وانت تجي تقول ياثور ..

أستقفر الله بس


بعدين ياخوي انت تتذكره حوش الغنم .. لأن هذي أحلى حدودك

شف اكتتاب تقول موضوعك بستان من الزهور الجورية .. ليه ؟
لأنها تعرف الذوق والبربربرستيج

استغفر الله استغفر الله
انا اسف اخوي السواقط امسحها بخشة بقرتنا
خلاص خلنا نتفق مثل العرب
ومرحبا بك في القصيم والله لو تبين اصب لك اسيد بس تتدلل

الصواعق
24-09-05, 12:11 AM
^
^
^
ياصاحب الكلمه ترااااك اضفت ميم ياليت تحذفها علشااان يتوضح المعنى (( ايقونه تضحك ليين بانت نواجذها ))


الميم متعقلة فيني اكتتاب لذلك مستحيل اسحب عليها سيفون

حركات اكتتاب .. تعرفين وشو النواجذ .... طيب تعرفين الأقاح؟

الصواعق
24-09-05, 12:20 AM
استغفر الله استغفر الله
انا اسف اخوي السواقط امسحها بخشة بقرتنا
خلاص خلنا نتفق مثل العرب
ومرحبا بك في القصيم والله لو تبين اصب لك اسيد بس تتدلل


ياخوي خلنا نمسحها بخشتك .. ترى تقريبا نفس خشه بقرتكم .. ومير انت اقرب بعد

وبخصوص الأسيد .. أنا أقدر اللي تتقهوى على الأسيد .. خصوصا .. هريدي ... وتيمور

زعبور انت صعيدي؟

زعبور
24-09-05, 12:22 AM
ياخوي خلنا نمسحها بخشتك .. ترى تقريبا نفس خشه بقرتكم .. ومير انت اقرب بعد

وبخصوص الأسيد .. أنا أقدر اللي تتقهوى على الأسيد .. خصوصا .. هريدي ... وتيمور

زعبور انت صعيدي؟


وش دراك الصواعق شكل عندك كاشف
اتغطى بطرف غطوتي

الصواعق
24-09-05, 12:25 AM
وراه تتغطى؟

انت بنت؟

زعبور
24-09-05, 12:26 AM
وراه تتغطى؟

انت بنت؟

لا بس اخاف افتنك

الصواعق
24-09-05, 12:36 AM
ترانا بالليل

ومحد يشوف

زعبور
24-09-05, 12:39 AM
ترانا بالليل

ومحد يشوف

اجل نزل راسك ووتس من تحت الطاوله

دلوووعه
24-09-05, 12:50 AM
.... طيب تعرفين الأقاح؟

^
^
^
وش لووون ما اعرف نفسي


مشكوور صوصو على المدح

اخجلتني (( ايقونه مستحيه جدا جدا جدا))

الجلكسي
24-09-05, 12:51 AM
المرة الجاية بخلي المسلسل هندي .. يعني بوليسي

هندي هندي .. لا اوصيك البطوله لفردين او هيرثيك روشان
واذا مره مره تكلفت ارقون ..
ياخي نبي نتابع بطوله تفتح النفس ...
موب هالضبان اللي انت مستلمنا بهم ..
الا وينهم مالهم حس ...
لايصيرون زعلين عليك الصعقه وانت تدربي راسك !!

الصواعق
24-09-05, 12:51 AM
اجل نزل راسك ووتس من تحت الطاوله



ههههههههههههههههههههههههههههههههههههههههههههههههه

مهبوووووووووول مهبوووووووووووووووووول


ياحبي لك بس

الصواعق
24-09-05, 12:53 AM
هندي هندي .. لا اوصيك البطوله لفردين او هيرثيك روشان
واذا مره مره تكلفت ارقون ..
ياخي نبي نتابع بطوله تفتح النفس ...
موب هالضبان اللي انت مستلمنا بهم ..
الا وينهم مالهم حس ...
لايصيرون زعلين عليك الصعقه وانت تدربي راسك !!



محد يحوووبني انا يالجلكس

الا ماودتس تصيرين البطلة ياجلكسي؟

فيه فكرة بمخي .. اسوي فيكم رواية يالبنات

بس خل الشياطين تنزل علي واكتبها

زعبور
24-09-05, 12:55 AM
ههههههههههههههههههههههههههههههههههههههههههههههههه

مهبوووووووووول مهبوووووووووووووووووول


ياحبي لك بس


قل ما شاء الله واتفل خمس على الشمال ووحده بالتراب

زعبور
24-09-05, 12:57 AM
محد يحوووبني انا يالجلكس

الا ماودتس تصيرين البطلة ياجلكسي؟

فيه فكرة بمخي .. اسوي فيكم رواية يالبنات

بس خل الشياطين تنزل علي واكتبها


حط الجلكسي كومبرس او تجيب كور
وانت الشياطين هي تنزل من راسك شكلهم محتلينه احتلال

الصواعق
24-09-05, 01:01 AM
قل ما شاء الله واتفل خمس على الشمال ووحده بالتراب


اخخخخخخخخخخخخخخختتتتتتتتفووووواا بسم الله عليييك ... في المهرة ولا فيك ان شاءالله

دلوووعه
24-09-05, 01:01 AM
صوصو ليه ما رديت علي


عيب علييك مو هذا عشمي فييك (( ايقونه تعبط بوجهه من الزعل ))

الصواعق
24-09-05, 01:02 AM
حط الجلكسي كومبرس او تجيب كور
وانت الشياطين هي تنزل من راسك شكلهم محتلينه احتلال

شف هم كانوا محتلينه

لكن يوم اسسحبت اسرائيل من غزة .. هم انسحبوا من مخي

الله يستر مايرجعون

وراه ماتقاوم معي؟

الصواعق
24-09-05, 01:04 AM
صوصو ليه ما رديت علي


عيب علييك مو هذا عشمي فييك (( ايقونه تعبط بوجهه من الزعل ))


ياحبي لي ... اول مررة واحد يدلعني (( عساه اوله))

والله سوري مادريت انك راده

بروح ادور ردتس

<< مستانس من الفرحة

الصواعق
24-09-05, 01:06 AM
^
^
^
وش لووون ما اعرف نفسي


مشكوور صوصو على المدح

اخجلتني (( ايقونه مستحيه جدا جدا جدا))


حركات ..وياسلام ... صوصو (( اموت بالدلع .. ان جبت بنت بسميها صوصو .. علشان اتذكرك فيها ))






اقول اكتئاب

وراه توقيعتس كل شوي يغمز لي ... طيب ابيه يرمي لي بلكة ..اووه اقصد وردة .. مليت من كثر ماتغمزين لي

زعبور
24-09-05, 01:06 AM
اخخخخخخخخخخخخخخختتتتتتتتفووووواا بسم الله عليييك ... في المهرة ولا فيك ان شاءالله

آمين

الصواعق
24-09-05, 01:08 AM
8
8
8
8
طالعه من قلب

زعبور
24-09-05, 01:08 AM
شف هم كانوا محتلينه

لكن يوم اسسحبت اسرائيل من غزة .. هم انسحبوا من مخي

الله يستر مايرجعون

وراه ماتقاوم معي؟


هم شكلهم ناشبين في مخك لكن معي عتله تبي نحاول قرب راسك

الجلكسي
24-09-05, 01:09 AM
محد يحوووبني انا يالجلكس

الا ماودتس تصيرين البطلة ياجلكسي؟

فيه فكرة بمخي .. اسوي فيكم رواية يالبنات

بس خل الشياطين تنزل علي واكتبها

اذا السالفه بيدخل به اسم الجلكسي
بينتقل الانتاج لهوليوود ..
وبتضطر تتفاهم مع توم كروز .. وانا ما ودي لك بالخساير ..
خلك على شياطينك .. وشف زعبور شكله غيران
ووده بالبطوله >>> يبي يرقع اخر دور له ..

الصواعق
24-09-05, 01:10 AM
هم شكلهم ناشبين في مخك لكن معي عتله تبي نحاول قرب راسك


لا شف ... رح جب مطرقة وطق مخي عليهم .. وخلهم يطلعون وان ماطلعوا تلك الساعة جب العتلة

الصواعق
24-09-05, 01:11 AM
اذا السالفه بيدخل به اسم الجلكسي
بينتقل الانتاج لهوليوود ..
وبتضطر تتفاهم مع توم كروز .. وانا ما ودي لك بالخساير ..
خلك على شياطينك .. وشف زعبور شكله غيران
ووده بالبطوله >>> يبي يرقع اخر دور له ..

شوفي .. لو تبيني اجيب جون ترافلتا .. ترى عادي اهم شي نشوفك تتصفقين

وبخصوص زعبور .. لو خليته بطل .. اخاف يخرب الفلم وهو توه بادي

زعبور
24-09-05, 01:15 AM
لا شف ... رح جب مطرقة وطق مخي عليهم .. وخلهم يطلعون وان ماطلعوا تلك الساعة جب العتلة

وشو لوه الكلافه خلنا ناخذها من قاصرها وعلى طول بالعتله انقزهم لك مع الاذن

الصواعق
24-09-05, 01:19 AM
وشو لوه الكلافه خلنا ناخذها من قاصرها وعلى طول بالعتله انقزهم لك مع الاذن


مالها داعي .. من اولها .. لازم نكون ذوق.. يمكن يكونون نايمين؟

بعدين اخاف يروحون مخك .. ونبتلش فيك

زعبور
24-09-05, 01:23 AM
مالها داعي .. من اولها .. لازم نكون ذوق.. يمكن يكونون نايمين؟

بعدين اخاف يروحون مخك .. ونبتلش فيك

رايك نطق عليهم بشويش غديهم يفتحون ويطلعون
هم ان جو لمخي عز الله انهم خسرانين

الصواعق
24-09-05, 01:24 AM
رايك نطق عليهم بشويش غديهم يفتحون ويطلعون
هم ان جو لمخي عز الله انهم خسرانين

ليه خسرانين ؟..بالعكس

هم يقدرون الأشخاص أمثالك

عز الله بيقلون مخ راكد مثلك يصلح لهم