فهد بن فهم
21-09-05, 12:32 AM
صبا نجد اشعلت نار القصيد وضج بالمربـاع"="هزيم الشعر وفياض الورق ضاقـت بودانه
وهبّـت من شماله ريح خيـر وجالهــا ذعذاع"="تسوق الغيم بأمر الله من الرذراذ غرقانـه
تلـمّـه تجمعه حتى لعـج برقه وحـن ومــاع"="عطـى ربٍ لـه المنـه كريم وجـل سبحــانــه
بكت عين السحابه وإنتثر دمـعٍ سقى له قاع"="تغـيّـر وجه الأرض وسـيّـل الوادي وشعبانــه
وقال اللي يخيلـه تـو ماغيّـم وهل بســاع"="يا رزق الله زهــى لون البرد بأطراف غدرانه
وحالوا لـه بدو من عام الأول طرشهم ماراع"="عقـب ماجاء الخبـر كلٍ شعـى ذوده وحيـرانه
وانا مثل البشر نفسي لها لاجاء المطر مرتاع"="تحس إنـه تِذكّرهــا زمـانٍ طــال نسيـانــه
تطيـب من الجروح المدميـات وتنوي المطلاع"="تبـي روضٍ تسـاوى نبـت زملـوقــه وبركانـه
ويفرح خافـقٍ من جور وقته والشقا ملتــاع"="مـن الفرحه قعد يكفـخ يطيـر إطيار شيهانه
تولّـم للهجوس اللي تجيه افراد قبل أجماع"="هواجيـسٍ حداهــا الشوق مـن عامين حيرانـه
طرت لـه بنت شيخٍ لاطـرت منهـا شكى جـزّاع"="غلاهــا مرمـسٍ بـه والجفـا والبعد عنوانـه
عنود الريم تلعـا جيد عنقا والعيون وساع"="تراخـى رموشهــا لاسلهمـت كســلا وخجـلانــه
تناشـا من جسدهـا ريح مسـكٍ خالطـه نعناع"="غذا شعـرٍ بدى لون الذهب مـن جملـة ألوانه
سقتنى من غلاهـا كأس فيه من الغرام أنواع"="شربتـه مهتـوي والكبـد ولهــانه وضميـانــه
رغــم كل الغـلا مانيـب لامسـرف ولا طمّــاع"="وهـي بنت الحمولـه ماشكـت فرقاي لـ فلانـه
حفظهـا الله جزاهـا خيـر سري عندها ماضاع"="وأنـا كنـي نسيتـه ليـن هل الغيم ودانــه
وهبّـت من شماله ريح خيـر وجالهــا ذعذاع"="تسوق الغيم بأمر الله من الرذراذ غرقانـه
تلـمّـه تجمعه حتى لعـج برقه وحـن ومــاع"="عطـى ربٍ لـه المنـه كريم وجـل سبحــانــه
بكت عين السحابه وإنتثر دمـعٍ سقى له قاع"="تغـيّـر وجه الأرض وسـيّـل الوادي وشعبانــه
وقال اللي يخيلـه تـو ماغيّـم وهل بســاع"="يا رزق الله زهــى لون البرد بأطراف غدرانه
وحالوا لـه بدو من عام الأول طرشهم ماراع"="عقـب ماجاء الخبـر كلٍ شعـى ذوده وحيـرانه
وانا مثل البشر نفسي لها لاجاء المطر مرتاع"="تحس إنـه تِذكّرهــا زمـانٍ طــال نسيـانــه
تطيـب من الجروح المدميـات وتنوي المطلاع"="تبـي روضٍ تسـاوى نبـت زملـوقــه وبركانـه
ويفرح خافـقٍ من جور وقته والشقا ملتــاع"="مـن الفرحه قعد يكفـخ يطيـر إطيار شيهانه
تولّـم للهجوس اللي تجيه افراد قبل أجماع"="هواجيـسٍ حداهــا الشوق مـن عامين حيرانـه
طرت لـه بنت شيخٍ لاطـرت منهـا شكى جـزّاع"="غلاهــا مرمـسٍ بـه والجفـا والبعد عنوانـه
عنود الريم تلعـا جيد عنقا والعيون وساع"="تراخـى رموشهــا لاسلهمـت كســلا وخجـلانــه
تناشـا من جسدهـا ريح مسـكٍ خالطـه نعناع"="غذا شعـرٍ بدى لون الذهب مـن جملـة ألوانه
سقتنى من غلاهـا كأس فيه من الغرام أنواع"="شربتـه مهتـوي والكبـد ولهــانه وضميـانــه
رغــم كل الغـلا مانيـب لامسـرف ولا طمّــاع"="وهـي بنت الحمولـه ماشكـت فرقاي لـ فلانـه
حفظهـا الله جزاهـا خيـر سري عندها ماضاع"="وأنـا كنـي نسيتـه ليـن هل الغيم ودانــه